Fréttablaðið - 09.02.2008, Síða 19

LAUGARDAGUR 9. febrúar 2008
UMRÆÐAN
Verkalýðsbarátta
Athugasemd við skrif Jónínu Michaelsdóttur í Fréttablað-
inu 5. febrúar 2008: Samhjálpin
og baráttan fyrir bættum hag
alþýðunnar, verkalýðshreyfingin
og velferðarkerfið, allt er þetta
vissulega sprottið úr hugmynda-
smiðju sósíalista 19. aldar, sem
Marx og Engels færðu í fræðileg-
an búning. Þessu neita ekki þeir
sem eitthvað
vita um pólitík
og þjóðfélags-
mál, en það
gera hins
vegar margir
sem taka
afstöðu með
hægri sinnuð-
um stjórnmála-
flokkum vegna
þess að annað
er að þeirra
mati ekkert
annað en
„fjandans kommúnismi“.
Hinir íslensku „kratar“, eða
alþýðuflokksmenn, eiga vissu-
lega heiðurinn af því að hafa
komið á velferðarlöggjöfum eins
og almannatryggingum í stað
fátækralaganna og atvinnuleys-
istryggingum, en þessi tvennu
lög eru tvær helstu stoðir vel-
ferðarsamfélags nútímans. Marg-
ir hægrimenn börðust gegn þessu
á sinni tíð, einkum og sér í lagi
atvinnuleysistryggingunum, sem
þeir sögðu að gerðu fólk að aum-
ingjum og vesalingum, vendu það
á að taka við peningum fyrir að
gera ekki neitt. Og margir fram-
sóknarmenn töldu að velferðar-
kerfið myndi stuðla að hruni
sveitanna sem áttu að þeirra mati
að vera þungamiðja þjóðfélags-
ins eins og verið hafði frá önd-
verðu. Samt sem áður studdu
þeir Alþýðutryggingafrumvarp
Alþýðuflokksins, sem varð að
lögum 1936, einfaldlega vegna
þess að Alþýðuflokkurinn studdi
Framsóknarflokkinn í þeirri rík-
isstjórn sem þá sat og var nefnd
„stjórn hinna vinnandi stétta“.
Það var gjald framsóknarmanna
til „kratanna“ fyrir stuðninginn.
Margir sjálfstæðismenn hafa
reynt að eigna sér heiðurinn af
velferðarkerfi nútímans en það
eru hrein öfugmæli. Ef fólk nenn-
ir að kynna sér þetta er til að
mynda margt fróðlegt í Alþingis-
tíðindum í gegnum tíðina. Einnig
má stytta sér leið og lesa ýmsar
bækur, innlendar og útlendar; ein
er mér ofarlega í huga: Öryggis-
sjóður verkalýðsins – baráttan
fyrir atvinnuleysistryggingum á
Íslandi, sem kom út á síðasta ári.
Um sjálfsmynd hægrimanna
ætla ég engin orð að hafa.
Höfundur er blaðamaður og
rithöfundur.
Samhjálpin
ÞORGRÍMUR
GESTSSON
Akranesi - Akureyri - Ísafirði - Reyðarfirði - Reykjanesbæ - Selfossi.
Frumsýning á Volkswagen Tiguan teygir sig allan hringinn kringum landið um helgina.
Opið laugardag kl. 10–16 og sunnudag kl. 12–16.
Komdu til umboðsmanna HEKLU um land allt og skoðaðu sportjeppann sem breytir öllu.
Tiguan. Hann breytir líka öllu um land allt.
HEKLA Laugavegi 172-174 · sími 590 5000 · www.hekla.is · hekla@hekla.is
Umboðsmenn HEKLU um land allt: Akureyri · Akranesi · Ísafirði · Reyðarfirði · Reykjanesbæ · Selfossi
Das Auto.