Fréttablaðið - 09.02.2008, Side 65
LAUGARDAGUR 9. febrúar 2008 33
Ruglingur við hlutabréfamarkað-
inn
Á árunum 2003 og 2004 áttu
stjórnendur SPRON í samskipt-
um við Fjármálaeftirlitið (FME)
um hvernig best væri að haga
lagalegu umhverfi í kringum
markað með stofnfjárbréf sem
þá var sífellt að verða líflegri.
Stjórn SPRON og stjórnendur
félagsins vildu láta sambærileg
lög og reglur gilda um stofnfjár-
markaðinn og gilda um bréf í
félögum sem eru skráð á mark-
að. Það þýðir meðal annars að
viðskipti stjórnarmanna og
stjórnenda væru opinber.
Í bréfaskriftum milli FME og
SPRON frá árunum 2003 og 2004,
sem Fréttablaðið hefur skoðað
en ekki fengið afhent eða afrit
af, kemur fram að FME taldi
hugsanlegt að ruglingur gæti
skapast við markað með skráð
bréf ef markaður með óskráð
stofnfjárbréf tæki alfarið mið af
lagalegu umhverfi skráðra bréfa.
Sama viðhorfi var lýst í svari
stjórnar SPRON við spurningum
Fréttablaðsins er tengdust við-
skiptum með stofnfjárbréf. Eink-
um taldi FME það geta valdið
vandræðum ef hefðbundnar inn-
herjareglur á markaði með skráð
bréf giltu um stofnfjármarkað-
inn.
Forsvarsmenn SPRON svara
því til í yfirlýsingu að FME hafi
ekki heimilað jafn gagnsæjan
markað með stofnfjárbréf og
skráð bréf og á þeim forsendum
voru viðskipti stjórnarmanna,
eða starfsmanna félagsins, ekki
opinber.
Breyttar aðstæður
Í fyrra, þegar ákvarðanir voru
teknar um að stefna að skráningu
félagsins á markað, var stofn-
fjármarkaðurinn mjög líflegur.
Stofnfjáreigendur voru um 1.350
eftir stjórnarfundinn 17. júlí og
hafði fjölgað nokkuð ört. Bréfin
gengu kaupum og sölum á háu
verði, genginu 24 til 30, langt yfir
því sem Capacent hafði verðmet-
ið fyrirtækið á. Fjárfestar keyptu
stofnfjárbréf dýru verði. Margir
hverjir í þeirri von að þau myndu
hækka við skráningu.
Frá því SPRON var skráð á
markað hefur gengi bréfa verið
nánast í frjálsu falli vegna erf-
iðra aðstæðna á mörkuðum. Loka-
gengi fyrsta dags í kauphöllinni
var 18,7 en það er nú um fimm.
Ljóst er á þessari lækkun að virði
bréfa hundruða smærri fjárfesta
hefur minnkað gríðarlega, margra
hverja um tugi og hundruð millj-
óna.
FME tjáir sig ekki
Jónas Fr. Jónasson, forstjóri FME,
hefur ekki viljað tjá sig um sölu
stjórnarmanna SPRON á stofn-
fjárbréfunum. Almennum spurn-
ingum um málið hefur verið svar-
að en ekki sértækt um málið sem
slíkt.
FME hefur staðfest að hafa
„varað við því“ að innherjareglur
væru látnar gilda um stofnfjár-
markaðina. Ítrekað er þó í tölvu-
bréfi til Fréttablaðsins að stjórn-
armenn hafi getað upplýst um sölu
á stofnfjárbréfunum. „Það er [...]
þó ekkert því til fyrirstöðu að aðil-
ar (kaupendur og seljendur stofn-
fjárbréfa) birti að eigin frum-
kvæði upplýsingar um viðskipti
sín með stofnfjárbréf, ef þeir telja
ástæðu til.“
Einnig er sérstaklega tekið fram
í tölvubréfinu að innherjareglur
verðbréfaviðskiptalaga taki gildi
þegar ósk um skráningu á markað
er komin fram. „Þess skal sérstak-
lega getið að samkvæmt 119. grein
verðbréfaviðskiptalaga taka inn-
herjareglur verðbréfaviðskipta-
laga gildi þegar óskað hefur verið
eftir að fjármálagerningar verði
teknir til viðskipta á skipulegum
verðbréfamarkaði. Reglurnar
geta því tekið gildi nokkru áður en
viðskipti hefjast.“
OMX-kauphöllin neitaði að upp-
lýsa um hvenær ósk um skráningu
hefði borist þar sem innanhúsregl-
ur heimiluðu það ekki.
Stjórnendur og stjórn SPRON
þvertaka fyrir að lög eða reglur
hafi verið brotnar þegar stjórn-
armenn seldu stofnfjárbréf sín,
þvert á móti hafi verið farið eftir
reglum og tilmælum FME í einu
og öllu.
Eigendur Eignarhlutur
Menningar- og líknarmálasjóðurinn ses 14,7700
Arion safnreikningur 6,8173
Tuscon Partners Corporation 6,8074
Kaupþing banki hf. 4,3933
Vátryggingafélag Íslands hf. 4,2593
Föroya Sparikassi 3,4481
14 ehf. 3,1112
Sparisjóður Reykjavíkur/nágr hf. 2,7186
Sundagarðar hf. 2,5651
Birkir Baldvinsson hf. 1,9669
BYR sparisjóður 1,2621
Dexter Fjárfestingar ehf. 1,2501
Fari ehf. 1,2358
Víkur ehf. 1,2105
Guðmundur Örn Hauksson 1,1207
Arol ehf. 1,1050
Lífeyrissjóður verslunarmanna 1,0095
Mínerva ehf. 0,8217
GLB Hedge 0,7994
Norræna Fjárfestingarfélag ehf. 0,7193
VIÐ UPPHAF
SKRÁNINGAR
Í KAUPHÖLL
ÍSLANDS
Þórður
Friðjónsson
Guðmundur
Hauksson
hringja bjöllu
kauphallar-
innar þegar
SPRON
var skráð á
markað
TUTTUGU STÆRSTU HLUTHAFARNIR