Fréttablaðið - 30.10.2008, Qupperneq 36

30. OKTÓBER 2008 FIMMTUDAGUR10 ● fréttablaðið ● veljum íslenskt
„Íslendingar hafa verið duglegir
við að breyta bílum, hækka þá upp
og auka getu þeirra í torfærum.
Við í Stuðlabergi höfum reynt að
verða við óskum þjónustuverk-
stæðanna sem mixa hljóðkerfin
undir þessa breyttu bíla,“ segir
Gunnlaugur Steingrímsson vél-
virki.
Hann er annar eigenda málm-
iðnaðarfyrirtækisins Stuðlabergs
sem er á Hofsósi. Auk þess að
framleiða hjólbörur og girðing-
arefni hefur Stuðlaberg sérhæft
sig í hljóðkútum og pústkerfum.
Spurður hvort sérmíðað sé undir
hvern bíl, svarar hann hógvær:
„Já, það er nú verið að eltast við
það, enda erfitt að fjöldafram-
leiða svona kerfi vegna þess
hversu misjafnt er hvernig
bílunum er breytt. Púst-
þjónusta BJB við
Flatahraun í Hafn-
arfirði er okkar
aðalsöluað-
ili og þar
er allt-
af eitthvað til á lager. Hins vegar
höfum við ekki fylgt markaðn-
um eftir, því erfitt hefur verið að
keppa við verð erlendis frá. Nú
fer það náttúrulega á hinn veginn.
Það liggur alveg ljóst fyrir.“
Gunnlaugur segir Stuðlaberg
smíða hljóðkútana úr járni. En
hvaða eiginleika þarf góður kútur
að hafa? „Ja, hann þarf náttúru-
lega að veita krafti bílsins sem
minnst viðnám en dempa hljóð-
ið samt. Nema hjá þeim sem eru
að leita eftir sérstökum hljóð-
um.“ Þetta síðasta bendir til
að sumir vilji láta heyrast
hressilega í bílum sínum
og Gunnlaugur mælir ekki á
móti því. „Það er allt til,“
segir hann með hægð og
bætir við: „Ákveðinn
hópur, ekki síst ungra
ökumanna, hefur hug á
að búa til hávaða en koma
samt bílnum gegnum skoðun.
Ökutækið þarf að standast viss-
ar kröfur og þarna er stundum
mjótt bil og vandratað.“ - gun
Dýrmætustu auðlindir íslensku
þjóðarinnar eru óbeislað hug-
myndaflug og frjór hugur. Sú
hugmynd liggur til grundvallar
kynningunni og sýningunni
Nýjar leiðir í atvinnusköpun á
umbrotatímum
Ungt fólk í Listaháskóla Íslands
og Háskólanum í Reykjavík veit
þetta. En það hefur tekið höndum
saman um að finna þessum auð-
lindum farveg á milli ólíkra sviða
og listgreina og finna nýjar leið-
ir til atvinnusköpunar á umbrota-
tímum.
„Við erum að smíða grundvöll
fyrir fólk til að setja hugmyndir
sínar á netið svo hægt sé að vinna
úr þeim betur hér heima, en hann
vantar akkúrat núna vegna efna-
hagsástands þjóðarinnar,“ segir
Ragnar Már Nikulásson, nemandi
í grafískri hönnun í Listaháskóla
Íslands. Hann er einn þátttakenda
í samstarfsverkefni háskólanna
tveggja við að leysa sköpunarkraft
úr læðingi og tryggja að góðar hug-
myndir geti orðið að veruleika.
„Tilgangurinn er að opna aðgang
að hugmyndum og auka með því
möguleika á að fólk vinni saman að
útfærslu hugmyndanna með fram-
leiðslu í huga. Mikill áhugi er á
framhaldsvinnu við hugmyndirn-
ar eftir að samstarfsverkefninu
lýkur, og óskandi að það verði að
veruleika,“ segir Ragnar Már, um
afrakstur samvinnu nemenda LHÍ
og HR, sem kynntur verður í Þjóð-
leikhúskjallaranum föstudaginn
31. október frá klukkan 13 til 17.
Að kynningu lokinni gefst gestum
kostur á að skoða verkefnin betur,
skála fyrir Íslandi og fagna fram-
tíðinni, sem er björt þegar horft
er til virkjanamöguleika íslensks
hugarafls. Klukkan 18 tilkynn-
ir dómnefnd hvaða hópur hlýtur
verðlaun Klaks, nýsköpunarmið-
stöðvar atvinnulífsins, fyrir besta
verkefnið, en alls tóku tólf mis-
munandi hópar, skipaðir nemend-
um úr báðum háskólunum, þátt í
hugmyndavinnunni.
- þlg
Björt framtíð
Rock Chock with Almonds: Súkkulaðigítar með möndlum eftir
On ehf. sem sérhæfir sig í „pop up-lausnum“ og hefur hannað
ýmsar vörur fyrir Goko Yoko til að fanga athygli viðskipavina á
óvenjulegan og nýstárlegan máta.
Grow Me – sjálfvökvandi, lífrænn kryddjurtapottur. Hægt er að
velja um mismunandi tegundir af fræjum og þarf einungis að
bæta vatni á til að hefja ræktun. Fyrirtækið er nefnt eftir fyrstu
vörunni, Grow Me, en það veitir vernduðum vinnustöðum um
allan heim nýjar hugmyndir til framleiðslu.
USB-lykill í formi lítillar kassettu eftir
On ehf. Hugmyndin byggir á mixteipum
sem gefin voru á milli vina á tímum kass-
ettunnar. Unnið í samstarfi við Goko
Yoko og þá farið inn á heimasíðu þeirra,
valin tónlist og lagalisti inn á USB-lykil-
inn sem gefinn er vini í formi hálsmens
sem geymir „mixteip“ nútímans.
Nútíma-
legar
tölvutöskur
eftir Örvi
Creative,
sem er
skapandi
fyrirtæki
sem leitar
nýrra og
ferskra leiða
í hönnun úr
endurvinn-
anlegu
plasti.
Möguleikar
á formi,
litum og
áferð eru
nánast tak-
markalausir,
og unnt
að vinna
úrlausnir
úr hvaða
hugmynd
sem er og
fyrir hvern
sem er.
„Við í Stuðlabergi höfum reynt að verða við óskum þjónustuverkstæðanna sem mixa
hljóðkerfin undir breytta bíla,“ segir vélvirkinn Gunnlaugur, sem hér er staddur í
Pústþjónustu BJB í Hafnarfirði. FRÉTTABLAÐIÐ/GVA
Stendur á gömlum merg
Fiskbúðingur
Fitusnauður, próteinríkur
og fljótlegur að matreiða
www.ora.is
Ástríða í matargerð
www.isam.is