Réttur - 01.11.1964, Side 59

R É T T U R
251
hafa og treyst á forustu Bandaríkjaauðvaldsins fyrir „lýðræðisöfl-
um“ í heiminum, til meðvitundar um hve fráleitt og hættulegt slíkt er.
En fyrir alla þá, sem hingað til hafa blandað saman auðræði og
lýðræði, þá kemur nú enn einu sinni í ljós, hve andvígt lýðræði
er auðvaldi í eðli sínu. Og nú getur framhald lífsins á jörðinni
oltið á því að menn geri sér þetta ljóst í auðvaldslöndunum, rísi upp
gegn því auðhringavaldi, sem ógnar tilveru mannkynsins, en geri
lýðræðið að því valdi, sem ræður, — að raunverulegu valdi fólks-
ins í stjórnmálum og efnahagsmálum, í þjóðlífinu öllu.
Þegar þetta fer í prentun er kosningunum lokið. Johnson var
kosinn með 42 milljónum atkvæða eða tæpum 62% greiddra at-
kvæða. Er það einn mesti sigur Demokrataflokksins. Republikana-
flokkurinn beið herfilegan ósigur miðað við fyrra fylgi þess flokks,
en alvarlegt er þó að eftir að hann gerist hálffasistiskur umskipt-
ingur, skuli hann þó ná 26 milljónum atkvæða eða 38% greiddra
atkvæða. Er það þrátt fyrir allt ískyggilegt. Er nú að sjá hvort
Goldwaterisminn getur misst völdin í flokknum, eða hvort hálf-
fasistiskt nýríkt auðvald á að ráða honum áfram.
Mjög alvarlegt er, að Wall Street-auðvaldið, sem ætíð hefur áður
stutt Republikana, fór að miklu leyti yfir á Demokrataflokkinn nú
og nær því meiri tökum á honum en fyrr og getur það sérstaklega
leitt til ennþá afturhaldssamari stefnu í utanríkismálum.