Réttur - 01.01.1983, Page 13

fimbulstarð“ í augum kúgaðra Evrópu-
búa. Frelsisstyttan í New York var þá
tákn frelsisins, er biði fátæka flóttafólksins
frá Evrópu. Þá drottnaði enn ekki auð-
hringavaldið í því mikla landi.
Nú hefur auðmannastétt brotist þar til
valda, drottnað í næstum heila öld og að
lokum umhverft sjálfri ímynd frelsisgyðj-
unnar í hugsanlegan banamann alls mann-
kyns.
Bandaríkin eru nú orðin það Mammons-
ríki, sem Matthías Jochumsson spáði og
varaði við. Og sú þjóð, sem fyrir 200 árum
var brautryðjandi í frelsisbaráttu undir-
okaðra nýlendna, er nú að svo miklu leyti
blinduð af áróðri þess auðvalds, er stýrir
henni, að líkast er sem auðtröll hafi á
hana álög lagt, að eigi skuli hún vita hvað
hún gerir eða láti gera með sig.
Þess vegna ana Bandaríkin blindandi
út í það helstríð, er getur tortímt niann-
kyninu.
Sovétþjóðirnar þekkja stríð af eigin
raun: 20 milljónir karlmanna, kvenna og
barna féllu í síðasta stríði og þriðjungur
efnahagskerfisins eyðilagður. — Þess
vegna vilja þær frið, hver einasta fjöl-
skylda fékk að vita hvað stríð var: missa
sína nánustu auk allra annarra kvala.
Þjóðir Evrópu vita líka hvað stríð er.
Þess vegna eiga íbúar Evrópu að taka
höndum saman um að knýja fram frið,
eyðileggingu allra kjarnorkuvopna og
samstarf þjóðanna í friði. Það verður að
hindra æðisgengið gróðavald Bandaríkj-
anna, hálftryllt orðið af drápstækjamætti
sínum í að eyðileggja mannkynið og
jörðina.
Og það einmitt er glæsilegasta framtíð
gæti beðið alls mannkyns, ef nýjustu
möguleikar tækninnar eru hagnýttir af
bróðurhug og viti.
Stríðshættan vex
Sigur ó-„kristilegu“ afturhaldsflokkanna í þingkosningunum í Yestur-Þýskalandi 6.
mars er alvarleg viðvörun til alls mannkyns. Að baki þeim standa þeir auðhringar þýsku
er studdu Hitler til valda forðum. Sterkustu valdamenn þeirra eru ofstækisfullir hernaðar-
sinnar. Þeir afneita Hitler og nasismanum í orði, en vilja vinna að því að framkvæma
stefnu hans að útrýma sósíalismanum — í verki. Þeir setja nú upp Pershing 2 eldflaugarn-
ar, sem eru í reynd stríðsyfirlýsing gegn Sovétríkjunum.
Reagan hefur nú fengið þá hálf-fasistísku bandamenn, er hann óskaði sér. Ofstækis-
fyllstu stríðsæsingamenn Bandaríkjanna og Vestur-Þýskalands munu nú magna hvor
annan á víxl eins og þegar heyrist á frekjunni í ræðum Reagans, er þreyta þar kapp við
heimskuna.
Á mannkynið enn að fá að blæða fyrir?
13