Réttur - 01.01.1983, Blaðsíða 24
1933-1943
Frá Ríkisþingsbruna til Stalingrad
30. janúar 1933 gerðu auðmenn og júnkarar Þýskalands Hitler að kanslara.
Nóttina 27. febrúar sama ár Iétu nasistarnir kveikja í Ríkisþinghúsinu: Táknið
um að hin blóðuga herferð gegn kommúnismanum væri hafin. — Morgunblaðið
fagnaði. — En í þingkosningunum 5. mars 1933 fékk samt hinn bannaði og ofsótti
Kommúnistaflokkur Þýskalands yfir 5 milljónir atkvæða. Sósíaldemókrata flokk-
urinn var bannaður á eftir og verkalýðsfélög Þýskalands rænd og mýld.
Blóðferill nasismans hófst. Pað átti að
útrýma kommúnismanum. Fangabúðirn-
ar risu hver af annarri, sífellt svívirðilegri
og fangaverðirnir grimmari: allt frá
Dachau til Auswitz.
En það átti ekki bara að kæfa sósíal-
ismann í blóði í Þýskalandi: landi Marx
og Engels, Bebeis og Wilhelm Lieb-
knechts, Karls og Rosu. Öll Evrópa skildi
verða Hitlers — „und morgen die ganze
Welt“ — sungu nasistarnir: Við ráðum á
morgun öllum heiminum — 1000 ára ríki
drottnunar „herraþjóðarinnar“ skyldi
rísa.
Hitler treysti á aðstoð franska og enska
auðvaldsins — og hún brást ekki. Þessar
auðmannastéttir ætluðu honum að leggja
Sovétríkin að velli — og hentu hverjum
„bitanum" af öðrum í gin hins gráðuga
úlfs: Spánn var svikinn í helgreipar fas-
ismans. Austurríki fékk hann að gleypa
þegjandi. Tékkóslóvakía var svikin í
Múnchen: Morgunblaðið lofaði Cham-
berlain hástöfum fyrir sem frelsara“
mannkynsins og friðarins; Þjóðviljinn
brennimerkti hann sem „Júdas“ lýðræð-
isins.
Hitler sá að sér var allt óhætt.
Sovétstjórnin var 1938 reiðubúin að
fara í stríð við Þýskaland með Tékkó-
slóvakíu — en forsetinn Benesch þorði
ekki. Sovétstjórnin sá að enginn vilji var
hjá Chamberlain og Deladier að gera
bandalag gegn Hitler. Hún gerði því
griðasamning við ræningjann, til að tefja
tímann.
Pólland, Danmörk, Noregur voru
næstu fórnarlömbin, síðan Balkanskag-
inn. England og Frakkland lýstu stríði, en
barist var aðeins til málamynda af þeirra
hálfu. Svo sneri Hitler sér að þeim: 10.
maí 1940 hófst innrásin í Vestur-Evrópu.
í júní sveik franska auðmannastjórnin
Frakkland í hendur Hitlers. Og síðar í
24