Réttur - 01.10.1976, Blaðsíða 48

verið farin og liggur fyrir einhversstaðar
leyniskýrsla um þá miklu för. Þar mun koma
fram að Austurlandsvirkjun yrði 1600—
1700 megavattavirkjun, eða 8 sinnum stærri
en Búrfellsvirkjun.
4. áfanginn er svo súrálsverksmiðja á
Reykjanes. Hafa þegar farið fram umfangs-
miklar umhverfisrannsóknir vegna þessarar
verksmiðju. Stærð hennar yrði 300 eða 600
þúsund tonn að ársframleiðslu.
Þegar Þjóðviljinn hafði birt frásögn af
þessari áætlun viðurkenndi Gunnar Thorodd-
sen að þessi áætlun lægi fyrir og að hún
hefði verið rædd að undanförnu og yrði til
umræðu. Réttur mun fjalla nánar um áætlun
þessa í næsta hefti.
VORU GERÐIR LEYNISAMNINGAR
VIÐ BRETA?
í 2. hefti Réttar þessa árgangs var sagt
frá gangi landhelgismálsins fyrri hluta ársins
1976 (Innlend víðsjá). Eftir að samningarnir
voru gerðir við breta héldu þeir að sjálfsögðu
áfram veiðum út samningstímann eða til
loka nóvembermánaðar. Fóru bresku togar-
arnir út fyrir landhelgina um mánaðamótin
nóvember/desember og voru allir horfnir á
braut 1. desember. Þannig varð 1. desember
sögulegur dagur, en spurningin er enn:
Hvað verður?
Iskyggilegar horfur eru í þeim efnum.
Samningamaður Efnahagsbandalagsins hefur
komið hingað til lands og þreifað á mögu-
leikum fyrir áframhaldandi veiði breta. Sagði
samningamaðurinn að bretarnir fengju lík-
lega að koma hingað aftur eftir jól. Tals-
menn ríkisstjórnarinnar hafa ekki fengist til
þess að neita því að til standi að semja um
veiðar breta í landhelginni. Ræða þeirra
gengur út á það að ekki sé unnt að neita
viðræðum og síðan segja þeir að íslendingar
hafi hagsmuni af því að taka þátt í viðræð-
um um fiskvernd. Bent hefur verið á þar á
móti að fiskvernd sé mál íslendinga einna
eftir að útlendingar verða farnir út úr land-
helginni. Þá segja talsmenn stjórnarflokk-
anna að hagur geti verið að því fyrir okkur
að gera samninga við ríki Efnahagsbanda-
lagsins um gagnkvæm veiðiréttindi. Það
sem þeir eiga þar við er síldin í Norðursjó
og veiði við Grænland. Nú horfa þau mál
svo, að síldin í Norðursjó er ofveidd og ís-
lendingum ekki sæmandi að taka þátt í því
að útrýma henni. Um Grænland er það að
segja að þorskstofninn þar er þegar ofveiddur
og ákaflega illa farinn. Það er fráleitt að
íslendingar, sem í rauninni eiga sömu hags-
muna að gæta taki að sér samkvæmt samn-
ingum við Efnahagsbandalagið að drepa síð-
urstu þorskana við Grænlandsstrendur.
Þá hefur því verið mótmælt miskunnar-
laust af hálfu sósíalista að ríkisstjórn Islands
taki þátt í viðræðum við EBE um ráðstöfun
auðlinda Grænlands. Grænlendingar höfn-
uðu einhuga — yfir 90% atkvæða — að-
ild að Efnahagsbandalagi Evrópu. Nú standa
yfir viðræður milli landsráðs Grænlendinga
og dönsku stjórnarinnar um útfærslu heima-
stjórnar handa grænlendingum. í þeim við-
ræðum er tekist á um það hvort grænlend-
ingar fái sjálfir að ráðstafa auðlindum sínum
eða ekki. Það væri blátt áfram stórfellt
hneyksli ef íslendingar tækju þátt í því að
lítilsvirða sjálfstæðisbaráttu grænlendinga
með því að semja um afnotarétt grænlenskra
auðlinda við Efnahagsbandalagið. Vilji ís-
lendingar ræða við grænlendinga um aðgang
að fiskimiðum þeirra síðarnefndu verður að
koma til gagnkvæmissamningur og hann er
ekki unnt að gera fyrr en grænlenska lands-
ráðið hefur verið stofnað með fullt umboð til
þess að ráðstafa grænlenskum auðlindum.
248