Morgunblaðið - 21.01.2006, Síða 22

22 LAUGARDAGUR 21. JANÚAR 2006 MORGUNBLAÐIÐ
ERLENT
Alþjóðleg, samkirkjuleg bænavika 2006:
„Hvar sem tveir eða þrír eru saman komnir í
mínu nafni, þar er ég mitt á meðal þeirra“Matt.18:20
Alþjóðleg, samkirkjuleg bænavika verður haldin dagana 22.-29. janúar
2006. Bænavikan er haldin árlega um þetta leyti og er þá beðið fyrir ein-
ingu kristins fólks um heim allan.
Haldnar verða bænastundir og samkomur víða á höfuðborgarsvæðinu og
á Akureyri, þar sem trúfélög sameinast um helgihald.
Allir eru velkomnir á samverustundir bænavikunnar.
Dagskrá bænavikunnar:
Sunnudagur 22. janúar:
Kl. 11:00 Útvarpsmessa í Árbæjarkirkju með þátttöku allra trúfélaganna.
Kl. 20:00 Samkoma hjá Íslensku Kristskirkjunni, Fossaleyni 14, Reykjavík.
Mánudagur 23. janúar:
Kl. 12:00 Bænastund í Friðrikskapellu, Reykjavík.
Kl. 20:00 Aftansöngur í St. Jósefskirkju, Jófríðarstöðum, Hafnarfirði.
Kl. 20:00 Bænastund í Hvítasunnukirkjunni, Skarðshlíð 20, Akureyri.
Þriðjudagur 24. janúar:
Kl. 12:00 Bænastund í Veginum, Smiðjuvegi 5, Kópavogi.
Kl. 20:00 Bænastund í umsjá Aðventista í Sunnuhlíð í félagsheimili
KFUM og KFUK, Akureyri.
Miðvikudagur 25. janúar:
Kl. 12:00 Bænastund í Fíladelfíu, Hátúni 2, Reykjavík.
Kl. 20:00 Samkoma í Kristskirkju, Landakoti, Reykjavík.
Kl. 12:00 Bænastund á Hjálpræðishernum, Hvannavöllum 10, Akureyri.
Fimmtudagur 26. janúar:
Kl. 12:00 Bænastund í Hallgrímskirkju, Reykjavík.
Kl. 20:00 Samkoma á Hjálpræðishernum, Kirkjustræti 2, Reykjavík.
Kl. 12:00 Kyrrðar- og fyrirbænastund í Akureyrarkirkju, Eyrarlandsvegi.
Föstudagur 27. janúar
Kl. 12:00 Bænastund í Veginum, Smiðjuvegi 5, Kópavogi.
Kl. 20:00 Samkoma í Aðventkirkjunni, Ingólfsstræti .
Kl. 20:00 Aftansöngur í Kaþólsku kirkjunni, Péturskirkju,
Hrafnagilsstræti 2, Akureyri.
Laugardagur 28. janúar
Kl. 20:00 Lokasamkoma í Veginum, Smiðjuvegi 5, Kópavogi.
Sunnudagur 29. janúar
Bænaviku lýkur í guðsþjónustum safnaðanna.
Samstarfsnefnd kristinna trúfélaga
Kirkja Aðventista, Fríkirkjan Vegurinn, Hvítasunnukirkjan, Hjálpræðis-
herinn, Íslenska Kristskirkjan, Kaþólska kirkjan, Óháði söfnuðurinn
og Þjóðkirkjan.
RANNSÓKNIN á umfangsmiklum
fölsunum norska læknisins Jon Sud-
bøs er að fara af stað en stefnt er að
því, að henni verði lokið 1. apríl næst-
komandi. Margt bendir nú til, að
svikin snúist ekki aðeins um rann-
sóknaniðurstöður í grein Sudbøs í
breska læknatímaritinu The Lancet í
október sl., heldur einnig í fyrri
greinum hans í öðrum vísindatímarit-
um.
Ljóst er nú, að Sudbø bjó til nöfn
upp undir 1.000 manns eða sjúklinga,
sem komu við sögu í rannsókninni,
sem hann greindi frá í The Lancet.
Vekur það sérstaka athygli hve
margir þeirra eiga einn og sama af-
mælisdaginn. Þá er líka komið á dag-
inn, að tvær norskar eftirlitsstofnanir
með rannsóknum, sem Sudbø hefur
jafnan vísað til í vísindagreinum sín-
um, hafa ekki fengið rannsóknanið-
urstöður hans til umsagnar og því
ekki lagt blessun sína yfir þær.
Styrkir þetta grunsemdir um, að
Sudbø hafi stundað svikastarfsemina
lengi.
Upp um Sudbø komst þegar norsk-
ur vísindamaður hugðist nota ýmis-
legt, sem fram kemur í Lancet-grein-
inni, við þær faraldsfræðilegu
rannsóknir, sem hann vinnur að.
Anders Ekbom, prófessor við Kar-
ólínsku stofnunina í Stokkhólmi, sem
stjórnar rannsókninni á Sudbø, segir,
að mikilvægt sé að komast að því
hvað hafi vakað fyrir honum með
fölsununum en augu manna hafa
einnig beinst að eiginkonu Sudbøs,
Wönju Kildal, en hún hefur verið
meðhöfundur manns síns að mörgum
greinum og samstarfsmaður hans á
geislalækningadeild ríkissjúkrahúss-
ins í Ósló.
Áfall fyrir norrænu ríkin
Ekbom segir í viðtali við norska
fjölmiðla, að Sudbø-málið sé grafal-
varlegt. Norrænir vísindamenn séu í
miklum metum um allan heim og því
séu svikin ekki bara áfall fyrir Noreg,
heldur öll norrænu ríkin.
Sudbø hefur fengið marga styrki
frá norskum rannsóknasjóðum,
sjúkrahúsum og öðrum stofnunum
síðustu fimm árin, líklega hátt í 50
millj. ísl. kr., og nú er verið að kanna
hvort unnt sé að heimta þetta fé aftur
að einhverju leyti. Allt þetta fé hverf-
ur þó í skuggann fyrir styrknum, sem
Sudbø fékk frá bandarísku krabba-
meinsstofnuninni, en hann var um
640 millj. ísl. kr. Ekki er enn ljóst
hvað hún hyggst fyrir í þessu efni.
Vaxandi grunur um
langa svikasögu
Jon Sudbø falsaði nöfn sjúklinga og
laug til um blessun eftirlitsstofnana
Eftir Svein Sigurðsson
svs@mbl.is
VAXANDI líkur voru í gær taldar á
að Anibal Cavaco Silva nái ekki til-
skildum meirihluta atkvæða í forseta-
kosningunum, sem fram fara í Portú-
gal á sunnudag. Cavaco Silva, sem er
fyrrum forsætisráðherra landsins en
fer nú fram sem óháður, hefur haft
yfirburði í skoðanakönnunum. Þykir
nær fullvíst að hann verði kjörinn for-
seti þótt önnur umferð kunni að reyn-
ast nauðsynleg.
Raunar mældist fylgið við Cavaco
Silva 52,7% í könnun, sem birt var á
fimmtudag. Það hafði hins vegar
minnkað nokkuð þar eð 61% að-
spurðra kvaðst ætla að styðja hann
þegar kosningabaráttan hófst form-
lega 8. þessa mánaðar.
Sósíalistinn Jorge Sampaio hefur
verið forseti Portúgals síðustu tíu ár-
in. Stjórnarskrá landsins mælir fyrir
um að sami maður megi aðeins gegna
embættinu tvö fimm ára kjörtímabil.
Hanibal Cavaco Silva er jafnaðar-
maður en helsti keppinautur hans er
sósíalistinn Manuel Alegre, sem fram
fer einnig sem óháður. Hann er þing-
maður og þekkt skáld. Fylgi við
Alegre mældist á fimmtudag 19,2%.
„Síðustu vísbendingar hafa valdið
óróa í herbúðum forsætisráðherrans
fyrrverandi. Svo virðist sem nokkur
bananahýði hafi verið lögð á sigur-
brautina glæstu,“ sagði í forustugrein
dagblaðsins Correio da Manha á mið-
vikudag.
Sex menn eru í framboði í forseta-
kosningunum. Samkvæmt stjórnar-
skrá landsins þarf forseti að hafa
meirihluta greiddra atkvæði að baki
sér. Fáist slík niðurstaða ekki er boð-
að til annarrar umferðar þar sem kos-
ið er á milli tveggja þeirra efstu.
Komi til hennar ganga Portúgalar að
nýju að kjörborðinu 12. febrúar.
Forseti Portúgals hefur lítil form-
leg völd en getur þó leyst upp þing,
boðað til þingkosninga og skipað for-
sætisráðherra á grundvelli kosninga-
úrslita.
Hanibal Cavaco Silva er 66 ára
gamall. Í forsætisráðherratíð hans, á
árunum 1985 til 1995, ríkti umtals-
verður og stöðugur hagvöxtur í
Portúgal. Nú hefur heldur syrt í álinn
í efnahagsmálum þjóðarinnar og
minnir frambjóðandinn óspart á það.
Hann hefur undanfarna daga ákaft
hvatt Portúgala til að nýta sér kosn-
ingaréttinn. Segir hann góða þátt-
töku og ótvíræðan sigur sinn fallinn
til að tryggja pólitískan stöðugleika.
Cavaco Silva fer sem fyrr sagði
fram sem óháður frambjóðandi þótt
hann hafi forðum farið fyrir Jafnaðar-
mannaflokknum. Flokkurinn, sem
telst hægri flokkur í portúgölskum
stjórnmálum, hefur lýst yfir stuðn-
ingi við hann og það sama hefur hinn
hægri sinnaði Þjóðarflokkur gert.
Á vinstri vængnum slást fimm
frambjóðendur um hylli kjósenda.
Sósíalistaflokkurinn, sem fór með
stóran sigur af hólmi í þingkosning-
unum í febrúarmánuði í fyrra, styður
Mario Soares, sem tvívegis hefur ver-
ið kjörinn forseti landsins. Soares var
enda einn af stofnendum flokksins á
sinni tíð. Þeir þrír frambjóðendur,
sem ótaldir eru, tilheyra jaðarflokk-
um og eru ekki taldir eiga möguleika
á góðum árangri í kosningunum á
sunnudag.
Fullvíst þykir að vinstri menn sam-
einist að baki einum frambjóðanda
komi til annarrar umferðar.
Ef marka má skoðanakannanir
mun Cavaco Silva sigra í síðari um-
ferðinni hvort sem hann mætir
Alegre eða Soares.
Brugðist við áhugaleysi
með matarboðum
Stjórnmálafræðingar segja að mik-
ið fylgi við óháða frambjóðendur sé til
marks um hnignun flokkakerfisins í
Portúgal. Traust almennings í garð
stjórnmálaflokka fari sýnilega
minnkandi. Þessa hafa raunar sést
merki í kosningabaráttunni. Kosn-
ingastjórar segja erfitt að laða kjós-
endur á fundi til að hlýða á málflutn-
ing stjórnmálamanna. Við þessu
áhugaleysi hafa menn reynt að
bregðast með ýmsum hætti. Einna
árangursríkast hefur reynst að bjóða
kjósendum „út að borða“. Cavaco
Silva skipulagði t.a.m. 24 hádegis- og
kvöldverði fyrir kjósendur í kosn-
ingabaráttunni. „Fínir“ stuðnings-
menn og „mikilvægir“ hafa fengið
boð um að snæða með frambjóðand-
anum á góðum veitingastöðum en al-
þýðu manna hefur verið boðinn
skyndimatur á pappadiskum. Áætlað
er að alls hafi 130.000 manns snætt
með frambjóðendunum öllum í kosn-
ingabaráttunni.
Cavaco Silva á
sigur vísan í
Portúgal
Áhugaleysi og tortryggni í garð
stjórnmálaflokka hefur einkennt bar-
áttu fyrir forsetakosningar á morgun
Eftir Ásgeir Sverrisson
asv@mbl.is
’Svo virðist sem nokkur bananahýði
hafi verið lögð á sigur-
brautina glæstu.‘
AP
Anibal Cavaco Silva ávarpar stuðn-
ingsmenn sína í Viseu á fimmtudag.
París. AP. | Óábyrg ummæli, jafnvel
hættuleg. Þennan dóm fengu yf-
irlýsingar Jacques Chirac Frakk-
landsforseta hjá ýmsum álitsgjöfum
í Evrópu í gær en Chirac sagði á
fimmtudag að „hryðjuverkaríki“
sem réðust gegn Frakklandi, ættu
yfir höfði sér gagnárás þar sem
kjarnorkuvopnum yrði beitt.
Ráðgjafar forsetans bentu á að
Chirac hefði ekki nefnt neitt eitt
ríki í þessu samhengi en leiðarahöf-
undar dagblaða víða í Evrópu gáfu
sér þó að forsetinn hefði Íran í
huga, hugsanlega Norður-Kóreu.
Þykir mörgum tímasetning ræð-
unnar óheppileg en Frakkar, Bret-
ar og Þjóðverjar hafa verið að
reyna að fá stjórnvöld í Íran til að
heita því að þau muni ekki hefja
framleiðslu á kjarnavopnum.
„Jacques Chirac er fábjáni,“
sagði blaðið De Morgen í Belgíu.
„Hann lifir í heimi þar sem Frakk-
land er ekki lengur heimsveldi, en
hann hagar sér samt ennþá eins og
veldi Napóleons sé enn til staðar.“
Og El Pais á Spáni sagði ræðu Chir-
acs „róttæka og hættulega“.
Ummæli Chiracs
gagnrýnd
ÞAÐ kom Lundúnabúum algerlega í opna
skjöldu þegar hvalur, líklega stökkull af
höfrungaætt, sást skyndilega á ferð um
Thames-á þar sem hún rennur um miðborg
Lundúna. Ekki hefur áður sést til hvals á
þessum slóðum en þessi hvalategund lifir
aðallega á djúpsjávarsvæði og óttuðust
menn að stökkullinn ætti eftir að lenda í
vandræðum. Hvalurinn vakti hins vegar
sem skilja má mikla athygli vegfarenda og
brutust m.a. út fagnaðarlæti þegar hann
sást blása skammt frá þinghúsinu í West-
minster. Talsverður viðbúnaður var af
hálfu yfirvalda en hugsanlegt var talið að
hjálpa þyrfti hvalnum ef hann lenti á grynn-
ingum.
Á myndinni sést Edwin nokkur Timwell
reyna að vísa hvalnum burt frá bakka
Thames-ár við Battersea-brúna en hætta
var talin á að hann gæti strandað þar. AP
Villtur í miðborg Lundúna