Morgunblaðið - 09.02.2006, Blaðsíða 24

Daglegtlíf
febrúar
Þetta veitir mér líka gleði oghamingju,“ segir AlbertoBorges Moreno um starfsitt sem íþrótta- og heilsu-
þjálfari á dvalar- og hjúkrunarheim-
ilinu Grund en þar er talað um hann
sem happafeng fyrir heimilið. „Mér
finnst gaman að vinna með gamla
fólkinu, þau eru svo þakklát og
skemmtileg og þetta eru miklir vinir
mínir. Sonur minn Juan Alberto, er
aðstoðarmaður minn í þessu starfi
og hann er mjög duglegur, sér-
staklega þegar við erum með fólkið í
tækjasalnum. Hann er tónlistar-
maður, svo við feðgarnir syngjum
stundum fyrir fólkið okkar hérna,“
segir Alberto og skartar sínu hlýja
brosi. Af honum fer einstaklega gott
orðspor, vegna þess af hve mikilli
virðingu hann nálgast og umgengst
sína skjólstæðinga. En hann er líka
mjög metnaðarfullur í starfi og hon-
um tekst til dæmis á undraverðan
hátt að virkja einstaklinga til að
taka þátt í hreyfingu, sem engum
öðrum hefur tekist að ná fram úr,
eins og sumir orða það.
Að hlúa að sálinni skiptir miklu
Alberto er fæddur og uppalinn á
Kúbu og hámenntaður í sínu fagi.
Hann er með mastersgráðu í
íþróttaþjálfun og hefur komið víða
við í starfinu, var meðal annars
þjálfari hjá landsliði frjálsíþrótta-
manna á Kúbu. Hann hefur líka
unnið mikið með fatlaða og heilabil-
aða. „Ég kom hingað til lands fyrir
sjö árum á vegum Frjálsíþrótta-
sambands Íslands og þjálfaði ís-
lenska unglinga og líkaði mjög vel.
Síðan fór ég að vinna með eldri
borgara á endurhæfingardeild á
Landakoti og það var mjög gefandi
starf og þar eignaðist ég marga
góða vini. Mér finnst frábært að sjá
árangur hjá skjólstæðingum mínum
og þá er ég ekki aðeins að tala um
líkamlegan árangur, andlega hliðin
skiptir ekki síður máli og ég legg
mikla áherslu á það. Æfingarnar
þurfa að veita ánægju og gleði og
fullorðið fólk hefur sama rétt og
unglingar til að skemmta sér. Þess
vegna vil ég hafa fjölbreytnina sem
mesta. Hér á Grund er ég bæði með
alhliða leikfimitíma, vatnsleikfimi og
boccia. Ég vinn mikið með tónlist og
takt í æfingunum, spila stundum
gömul íslensk lög eða eitthvað frá
heimalandinu Kúbu.“
Kaffisopi heima í gönguferðum
Á sumrin leiðbeinir Alberto líka
heimilisfólkinu á Grund með að spila
mínígolf úti í garði, en hann leggur
mikla áherslu á útivist ef hægt er
koma henni við. „Fyrir þá sem hafa
heilsu til, eru gönguferðir utandyra
mjög góð hreyfing og þar að auki
mjög hressandi fyrir sálina,“ segir
Alberto sem fer stundum með fólkið
sitt, eins og hann kallar heim-
ilisfólkið á Grund, í göngutúra í ná-
grenninu og býður því þá gjarnan
heim til sín í kaffi.“ Alberto tekur
fram að hann eigi gott samstarf við
starfsfólkið á endurhæfingardeild-
inni á Grund og að þar sé mjög góð-
ur vinnuandi og gott samfélag.
„Þetta er allt svo gaman og það er
öllu þessu gamla fólki sem ég hef
unnið með að þakka hvað ég hef náð
góðum tökum á íslenskunni. Þau
gefa sér alltaf tíma til að spjalla. Í
starfi mínu hér legg ég áherslu á að
hlusta og tala og það skiptir máli að
mynda persónulegt samband við
þetta fólk sem ég er að vinna með.
Ég vil vera félagi þeirra, ekki bara
þjálfari.“
 HEILSA | Alberto Borges Moreno þjálfar heimilisfólkið á Grund
Þau eru miklir vinir mínir
Eftir Kristínu Heiðu Kristinsdóttur
khk@mbl.is
Morgunblaðið/Ásdís
Alberto og sonur hans Juan Alberto leika boccia með heimilisfólki á dvalar- og hjúkrunarheimilinu Grund.
„MIG langaði í flotta og vík-
ingalega skó við víkingabúning-
inn minn,“ svarar Hörður Jóns-
son þegar hann er inntur eftir
því hvers vegna hann hafi farið á
námskeið hjá Heimilisiðnaðar-
félaginu þegar hann var tólf ára
til að sauma sér sauðskinnsskó.
„Ég var eini karlkyns þátttak-
andinn og langyngstur og mér
var ekki hleypt inn á námskeiðið
nema mamma kæmi með mér til
að aðstoða mig. En mér fannst
ekkert mál að sauma þessa skó,
þó svo að ég þyrfti að gera það í
höndunum, ég er vanur að
sauma, en ég nenni ekki að læra
að prjóna og þess vegna prjónaði
mamma leppana inn í skóna fyrir
mig en ég valdi samt munstrið,“
segir Hörður sem varð fyrir viss-
um vonbrigðum með efnið í skón-
um sem er lambsleður og þar af
leiðandi svo mjúkt að þeir nýtast
eiginlega bara sem inniskór. „Ég
hefði viljað hafa hart og sterkt
nautsskinn á gangfletinum svo ég
gæti verið í þeim úti þegar ég er
að djöflast í víkingafötunum mín-
um, skylmast við vini mína og
þess háttar.“
Víkingar og goðheimar heilla
„Ég veit að í gamla daga var
miðjan af sauðskinninu, sem ligg-
ur við hrygginn, notuð í svona
skó fyrir karlmenn, því þar er
það þykkast. Að vera í þessum
skóm er svolítið eins og að
ganga á sokkum
og þess vegna
slitnuðu sauð-
skinnsskór fljótt
í gamla daga og
ef fólk þurfti að
ganga langt þá
sleit það nokkr-
um pörum af
skóm á leiðinni,“
segir Hörður, sem
er mikill áhuga-
maður um víkinga-
tímabilið, sem og
goðafræði, fatnað
og hluti sem tengj-
ast víkingum. Hann
er handverksmaður
góður og hefur búið til ýmsa
smáhluti úr leðri eftir fyr-
irmyndum frá víkingatímanum og
einnig býr hann til sverð og
skildi úr tré. „Ég fór á tálg-
unarnámskeið og mér finnst mjög
gaman að skera út í tré, ég gerði
til dæmis rosalega flottan kistil
handa mömmu og ég saumaði
líka handa henni svuntu í afmæl-
isgjöf.“
 ÁHUGAMÁL | Handverksmaðurinn Hörður Jónsson saumaði sér sauðskinnsskó
Ég hefði viljað hafa
nautsleður í þeim
Eftir Kristínu Heiðu Kristinsdóttur
khk@mbl.is
Morgunblaðið/Ásdís
Hörður Jónsson fór á námskeið hjá Heimilisiðnaðarfélaginu þegar hann var
tólf ára til að sauma sér sauðskinnsskó og var eini karlkyns þátttakandinn.
NÝ rannsókn gefur til kynna
að fitusnautt mataræði hafi
ekkert að segja sem forvörn
gegn sjúkdómum eins og
krabbameini eða hjartasjúk-
dómum. Í Dagens Nyheter er
greint frá niðurstöðum banda-
rískrar rannsóknar sem birtast
í JAMA vísindatímaritinu.
Rannsóknin er hluti af stórri
rannsókn á heilsu kvenna á
aldrinum 50–79 ára og tóku 50
þúsund konur þátt í henni.
Rannsóknin stóð í átta ár og
um 20 þúsund kvennanna var
sagt að borða fitusnautt fæði
og borða mikið af ávöxtum og
grænmeti en hinar 30 þúsund
fengu engar leiðbeiningar um
mataræði. Í ljós kom að þær
sem borðuðu fitusnautt fæði
fengu um 24% orkunnar úr fitu
en hinar sem borðuðu eins og
venjulega fengu 35% af ork-
unni úr fitu.
Enginn munur var á hætt-
unni á að fá hjartasjúkdóma
eða krabbamein hjá hópunum.
Í rannsókninni var aðeins fitu-
magnið skoðað en ekki sam-
setning fitunnar. Sænskir vís-
indamenn sem rætt er við,
leggja áherslu á að fituneysla
hafi vissulega áhrif á heilsuna
en öllu máli skipti hvers konar
fitu neytt er. Einnig telja sumir
að átta ár sé of skammur tími
til að álykta um hvort matar-
æði hafi t.d. áhrif á myndun
krabbameins.
Ein- og fjölómettaðar fitu-
sýrur eru taldar hafa forvarn-
argildi og eru mun hollari en
transfitusýrur og mettuð fita.
Holla fitan er m.a. í ólífuolíu,
hnetum, avocado, fiski og maís
en óholla fitan í smjörlíki,
frönskum kartöflum, kexi,
skyndimat, osti, ís, nautakjöti
og súkkulaði.
Fitusnautt
mataræði
veitti ekki
vörn gegn
krabbameini
 HEILSA