Morgunblaðið - 09.02.2006, Blaðsíða 47
MORGUNBLAÐIÐ FIMMTUDAGUR 9. FEBRÚAR 2006 47
FRÉTTIR
MÓTATÖRNIN hófst um síð-
ustu helgi og riðu Húnvetningar
á vaðið með töltkeppni í Reið-
höllinni Arnargerði á Blönduósi
3. febrúar sl. Meistarakeppni
Húnvetninga nefnist mótið og er
það fyrsta af fjórum. Mótin tvö
sem haldin voru á laugardaginn,
4. febrúar, eru einnig stigamót.
Hestamannafélagið Geysir í
Rangárvallasýslu hélt fyrsta
vetrarmótið í Hestheimum í
Ásahreppi og Akkurat-leikar
Andvara í Garðabæ voru haldn-
ir á Kjóavöllum.
Góð þátttaka var á þessum
mótum og ágæt stemning enda
svífur landsmótsandinn yfir
vötnum.
Morgunblaðið/Þuríður M. Björnsdóttir
Hjónasigur á vetrarmóti Geysis í Hestheimum. Sigurður Sigurðarson var efstur í opnum flokki á Tindi frá Enni og
Sigríður Arndís Þórðardóttir í 1. sæti í áhugamannaflokki á Gandi frá Auðsholtshjáleigu.
Úrslit í opnum flokki á Akkurat-leikum Andvara. Í 1. sæti lengst til hægri er
Bylgja Gauksdóttir og Skuld frá Garðabæ, 2. Erla Guðný Gylfadóttir og Baldur
frá Holtsmúla, 3. Jón Ó. Guðmundsson og Hvati frá Saltvík, 4. Milena Van den
Heerik og Steind frá Efribrún og 5. Viggó Sigursteinsson og Talíant frá Forsæti.
Hefst þá
leikurinn
SKESSUHORN ehf. hef-
ur selt hestamiðilinn
847.is og er kaupandinn
Pókus ehf. sem hefur
framleitt sjónvarps- og
útvarpsþætti fyrir
hestamenn á liðnum
misserum. Júlíus
Brjánsson, leikari og
hestamaður, er nýr rit-
stjóri og umsjón-
armaður vefjarins.
Breytingar á umfjöll-
un og efnistökum 847.is
eru væntanlegar. Haft
er eftir Júlíusi á vef
Eiðfaxa að hann ætli að
halda uppi gleði í hesta-
mennskunni því það
gleymist stundum að
hestamennskan sé ein-
mitt gleðigjafi.
Júlíus nýr ritstjóri 847.is
AÐ loknum drjúgum vinnudegi er notalegt að lygna aftur augum og láta
sig dreyma um heimahagann sinn – svo að snoppan nemur við jörð.
Klárarnir virðist hafa farið meira en fetið á leið sinni uppi í Hreppum um
Laxárgljúfrin fyrr um daginn en njóta nú hvíldar við Helgaskála.
Í áfangastað
Ljósmynd/Þorvaldur Sæmundsen
EFTIR vel sóttar kynningar á ís-
lenskri náttúru, tækni og vísindum á
nokkrum helstu sviðum náttúrunytja
og fræða á Expo 1998 í Lissabon,
Expo 2000 í Hannover og svo í París
2004 er röðin nú komin að London.
Föstudaginn 20. janúar var sýning á
þessum nótum opnuð í hinu virta
Science Museum þar í borg undir
heitinu Pure Iceland. Hún stendur til
loka aprílmánaðar og vafalítið munu
gestir skipta hundruðum þúsunda
þegar upp verður staðið.
Sendiráð Íslands í London og ráð-
gjafar- og verkfræðifyrirtækið Línu-
hönnun, sem kom að sýningunum í
Hannover og París, unnu að því með
Science Museum að koma skyldri
sýningu til höfuðborgar Bretlands og
hófst undirbúningur fyrir tveimur ár-
um.
Stór hópur stuðningsaðila, Avion
Group, Actavis, Bakkavör, Baugur
Group, Hitaveita Suðurnesja, Ice-
landair, Kaupthing Bank, Lands-
bankinn, Landsnet, Landsvirkjun,
Novator, Orkuveitan, Rarik og Sím-
inn, tók vel í að styrkja sýninguna. Sá
sendiráðið í London um að afla stuðn-
ingsins og um samskiptin við fyr-
irtækin, auk þess að ganga frá samn-
ingum við Science Museum.
Grunnhugmynd frá
Árna Páli Jóhannssyni
Leikhópurinn Vesturport var feng-
inn til að skipuleggja þátt leikara í
sýningunni. Til varð snarpur hópur
íslenskra og breskra leikara, undir
stjórn Vesturportsmanna, sem aðlag-
aði tilbúna texta skemmtilegri, leik-
rænni tjáningu. Þeir fengu mjög
frjálsar hendur með framsetninguna
og sviðsettu fína sýningu fyrir boðs-
gesti og blaðamenn og halda síðan at-
hygli gesta við fróðleiksmiðlun dag
eftir dag með sérstökum hætti.
Grunnhugmynd sýningarinnar,
bæði í París og London, er Árna Páls
Jóhannssonar hönnuðar. Áhersla er
lögð á einfaldleika og fegurð, kyrrð að
hluta en hljóðþunga að hluta, á gagn-
virka miðlun með leikurum sem miðla
fróðleik og loks á upplýsingar, bæði á
ritmáli og myndum. Útfærsla þessa
alls í meginatriðum var snemma lögð
fyrir safnið sem frumtillaga Árna
Páls og Línuhönnunar og var sam-
þykkt af yfirmönnum þess. Þeim
þótti „stílbrotið“, sé miðað við flestar
sýningar safnsins, mjög ferskt og
áhugavert. Auk þess er það nýlunda
að nota leikara við miðlun af þessu
tagi. Góð samvinna hefur síðan verið
með sendiráði Íslands, safninu og
Línuhönnun, ásamt Árna Páli, um
endanlegu útfærsluna.
Sýningarrýmin eru þrjú í stað
tveggja áður. Gengið er fyrst fram
hjá bullandi leirhver og inn í stærsta
salinn. Þar eru gríðarstórar lifandi
myndir á hvítum veggjum, m.a. af
jökulkrýndri hafsýn til lands og synd-
andi hvölum, ásamt upplýsingum um
hafrannsóknir og íslenska jökla en á
gólfi eru rekaviðarbolir til að sitja á.
Algjör kyrrð ríkir þar inni. Því næst
er gengið í leikararýmið. Á gólfi er
mjúkur, grænklæddur svampur, eins
og mosateppi, í svörtu lofti blika
stjörnur og norðurljós flökta en á
vegg andspænis inngangi geisar
hraungos (kvikmynd úr Kröflu) með
þungum nið og drunum, á bak við
tvær stórar hraunkeilur. Þarna inni
segja nokkrir leikarar gestum frá
vatnsorku, jarðhita, vetnisverkefni,
hafsvæði Íslands, eldvirkni, landreki
og erfðafræðirannsóknum. Þeir
bregða upp lifandi myndum úr föld-
um myndvörpum sem eiga við mál-
efnin og hægt er að spyrja þá. Loks
ganga gestir til þriðja rýmisins og
þar út af sýningunni. Í rýminu eru
margmiðlunartölvur til frekari fróð-
leiksöflunar um Ísland og sýning-
arefnin. Á hvítum veggjum eru hlutar
úr Hávamálum í enskri þýðingu.
Fjölmargir lögðu hönd á plóg
Á vegum Gagarín, sem er sérhæft í
gerð margmiðlunarefnis og tölvu-
gerðra mynda, sá Hringur Haf-
steinsson um veggmyndir og marg-
miðlunarefni. Þar koma við sögu
myndskeið, ljósmyndir og samsetn-
ingarvinna t.d. Vilhjálms Knudsens,
Lífsmyndar og Guðmundar Ingólfs-
sonar. Ari Trausti Guðmundsson
samdi mest af textum í margmiðl-
unarefni, auk fróðleiks um jökla og
efni handa leikurum en Jóhann Sig-
urjónsson sá um hugvekjur er varða
hafið. Landgræðslan aðstoðaði við
gerð myndasýningar um landkosti og
náttúru en Exton, undir stjórn Krist-
jáns Magnússonar, sá um uppsetn-
ingu tölvubúnaðar, hljóðkerfa og lýs-
ingar. Vel á annan tug manna, þ.e.
íslenskir iðnaðarmenn undir stjórn
Halldórs Viðars Halldórssonar, ýms-
ir starfsmenn Línuhönnunar og
breskir starfsmenn, komu að upp-
setningu alls sem til þurfti, m.a. að
setja upp yfir 10 tonn af gifsplötum
og leggja gólfefni, smíða hraunkeilur,
falska veggi o.s.frv. Ríkharður Krist-
jánsson og Sigríður Sigurðardóttir
leiddu undirbúning, skipulagningu og
uppsetningu sýningarinnar af hálfu
verkefnisstjórnunarsviðs Línuhönn-
unar og réðu Margéti Sigurðardóttur
sem tengilið í London.
Opnunin í boði sendiherrahjónanna
Sverris Hauks Gunnlaugssonar og
Guðnýjar Aðalsteinsdóttur, var vel
heppnuð. Geir Haarde utanrík-
isráðherra og Inga Jóna Þórðardóttir
ráðherrafrú voru í forsæti, ásamt
heiðursgestinum Magnúsi Magn-
ússyni, sjónvarps- og fræðimanninum
góðkunna. Auk ræðuhalda einkenndi
tónlist opnunina.
Sýningin Pure Iceland í London stendur út apríl
Íslensk náttúra, tækni
og vísindi eru umfjöll-
unarefni á sýningu í
Vísindasafninu í Lond-
on um þessar mundir.
Ari Trausti Guð-
mundsson jarðeðl-
isfræðingur sem kom
þar við sögu fyrir hönd
Línuhönnunar segir
hér frá undirbún-
ingnum. Ljósmynd/Kristján Magnússon
Meira á mbl.is/ítarefni
HESTAR