Morgunblaðið - 09.02.2006, Blaðsíða 49
MORGUNBLAÐIÐ FIMMTUDAGUR 9. FEBRÚAR 2006 49
DAGBÓK
LEIFSGATA - MIÐBORGIN
Jarðhæð á vinsælum stað í mið-
borginni. Íbúðin skiptist í tvö svefn-
herbergi, tvær stofur, eldhús, bað
og geymslu. Húsið stendur við ró-
lega götu. Nýlega hefur verið endur-
nýjað, í heild eða hluta, í íbúðinni
gluggar og gler, raflagnir, gólfefni
fyrir fáum árum, ofnalagnir og ofna-
kranar. Íbúðin er í upprunalegum
stíl. V. 16,9 m. 5565
Sverrir Kristinsson lögg. fasteignasali
Sterk skilaboð til
eiturlyfjamafíunnar á Íslandi
Þið eruð glæpamenn!
AUGLÝSING
Svavar Sigurðsson 699 3357
Heimasíður: http://www.metaphor.dk/guillotine/Pages/Guillot.html
Sjónarhóll er ráðgjafarmiðstöð fyrir for-eldra barna með sérþarfir. Meðal verk-efna Sjónarhóls er að stuðla að aukinniþekkingu í samfélaginu á aðstæðum og
þörfum barna með sérþarfir og þess vegna stend-
ur Sjónarhóll fyrir málþingi á föstudag, 10. febr-
úar, þar sem fjallað er um virðingu og samvinnu í
þjónustu við fjölskyldur þessara barna.
„Það sem er sérstakt við þetta málþing er að
við leggjum áherslu á að rödd foreldra sem hafa
reynslu af þjónustu í kerfinu fái notið sín,“ segir
Þorgerður Ragnarsdóttir, framkvæmdastjóri
Sjónarhóls. „Umfjöllunin er þó ekki einhliða,
heldur blöndum við saman þeim sem nota þjón-
ustuna og öðrum sem við vitum að veita þjónustu
sem reynst hefur vel. Sérstaklega beinum við
sjónum að samtengingu þeirra úrræða sem í boði
eru. Þjónustan getur verið veitt af ríki, sveitar-
félögum eða félagasamtökum, en þessi ólíku kerfi
tala ekki endilega saman,“ segir Þorgerður.
„Þeir sem veita þjónustu eru þó í auknum mæli
farnir að leggja meiri áherslu á að samræma
markmið og samræma þjónustu svo að hún nýtist
best þeim sem verið er að þjónusta og byggja
þannig brýr á milli þjónustustofnana.“
Ráðgjafarmiðstöðin Sjónarhóll er sameiginlegt
verkefni fjögurra félaga: Landssamtakanna
Þroskahjálpar, Umhyggju, ADHD-samtakanna
og Styrktarfélags lamaðra og fatlaðra. „Við vilj-
um sýna þessa breidd í dagskránni og fáum
þannig til málþingsins fulltrúa sem gefa hug-
mynd um hvað þörfin fyrir þjónustu getur verið
mismunandi. Oft vill gerast að þjónustan er skil-
greind eftir nöfnum á vandanum án þess að litið
sé til mismunandi þarfa einstaklinganna.“
Þorgerður segir áhuga á málþinginu hafa verið
framar björtustu vonum en flytja þurfti dag-
skrána í stærra húsnæði enda hafa þegar 360
manns boðað þátttöku. Að auki verður, vegna
fjölda óska, fundinum sjónvarpað beint á netinu,
gegnum heimasíðu Sjónarhóls.
Sjónarhóll hefur starfað í rúmt ár, og tók form-
lega til starfa haustið 2004: „Sjónarhóll er ekki
regnhlífarsamtök, heldur ráðgjafarmiðstöð fyrir
þá hópa sem stofnfélögin fjögur standa fyrir.
Kerfið er flókið og fólk lendir í ýmsu í glímunni
við það: fær ekki alla þá þjónustu sem það á rétt
á, eða þarf þjónustu sem er betur sniðin að þörf-
um þess. Sjónarhóll styður foreldra í að finna út
úr kerfinu og fá þjónustu sem nýtist best þeirra
þörfum,“ segir Þorgerður.
Málþing Sjónarhóls er sem fyrr segir haldið
10. febrúar, og verður að Gullhömrum, Þjóðhild-
arstíg 2 í Grafarholti. Dagskráin hefst kl. 9 og
varir hálfan daginn og er þátttaka endurgjalds-
laus. Nánari upplýsingar má finna á www.sjonar-
holl.net
Heilbrigðismál | Málþingið „Hver ræður för?“ um þróun úrræða fyrir börn með sérþarfir
Úrræði fyrir börn með sérþarfir
Þorgerður Ragnars-
dóttir fæddist í Reykja-
vík árið 1958. Hún lauk
stúdentsprófi frá MS
1978 og BS-prófi í
hjúkrunarfræði frá Há-
skóla Íslands 1982.
Þorgerður er MA í fjöl-
miðlafræði frá Madi-
son-háskóla, Wisconsin
1992 og er að ljúka
MPA-námi við HÍ. Þor-
gerður starfaði sem hjúkrunarfræðingur í
Danmörku og á Íslandi 1982 til 1993, var rit-
stjóri Tímarits hjúkrunarfræðinga 1994–1999,
framkvæmdastjóri Áfengis- og vímuvarna-
ráðs 1999 til 2003 og hefur starfað við
Sjónarhól frá stofnun 2004.
Þorgerður er gift Gísla Heimissyni fram-
kvæmdastjóra og eiga þau þrjú börn.
Rétti liturinn.
Norður
♠ÁD
♥ÁG2
♦D97642
♣G2
Suður
♠KG5
♥KD4
♦K5
♣D10643
Suður spilar þrjú grönd og fær út lít-
inn spaða. AV hafa ekkert sagt.
Hvort á að leita fanga í tígli eða
laufi?
Sagnhafi á sex hálitaslagi og þarf
þrjá í viðbót. Laufið verður helst að
liggja 3-3, en líkur á því eru ekki nema
tæplega 36%. Tígullinn er betri kostur.
Litinn má fría í tveimur höggum ef
hann kemur 3-2, sem gerist í um það
bil 68% tilvika.
Þá er það afgreitt – tígull skal það
vera, en hvernig á að spila litnum?
Norður
♠ÁD
♥ÁG2
♦D97642
♣G2
Vestur Austur
♠10843 ♠9762
♥9763 ♥1085
♦8 ♦ÁG103
♣K975 ♣Á8
Suður
♠KG5
♥KD4
♦K5
♣D10643
Íferðin skiptir litlu máli í 3-2 legunni,
en það má ráða við nokkrar stöður þar
sem liturinn brotnar 4-1. Til dæmis ef
ásinn er blankur. Svo það er góð hug-
mynd að spila litlu úr borði og dúkka ef
austur fylgir smátt. En hitt er heldur
betra að fara af stað með níu blinds og
láta hana svífa yfir ef austur fylgir með
þristinum. Þannig má gleypa áttuna
blanka líka.
BRIDS
Guðmundur Páll Arnarson | dagbok@mbl.is
1. d4 d5 2. Rf3 Rf6 3. c4 c6 4. Rc3 e6 5.
Bg5 dxc4 6. e4 b5 7. e5 h6 8. Bh4
g5 9. exf6 gxh4 10. Re5 Dxf6 11.
g3 Rd7 12. De2 c5 13. Rc6 Bb7
14. Rd5 Bxc6 15. Rxf6+ Rxf6 16.
d5 Rxd5 17. Bg2 Bg7 18. a4 0–0
19. axb5 Bxb5 20. 0–0 a6 21. Dh5
hxg3 22. fxg3 Had8 23. Hf2 Re3
24. Bf3 Rf5 25. g4 Rd4 26. Be4 f5
27. gxf5 exf5 28. Bg2 Hde8 29.
Kh1 Kh8 30. Hg1 He5 31. Bb7
Be8 32. Dh4 Hf7 33. Ba8 f4 34.
Hfg2 Rf5 35. Dxf4 Re3
Staðan kom upp í B-flokki
Corus-skákhátíðarinnar sem
lauk fyrir skömmu í Wijk aan
Zee í Hollandi. Georgíski stór-
meistarinn Baadur Jobava
(2.614) hafði hvítt gegn búlg-
arska stórmeistaranum Ivan
Cheparinov (2.625). 36. Hxg7!
og svartur gafst upp þar sem hann
verður mát eftir 36. … Hxf4 37. Hg8+
Kh7 38. H1g7# sem og eftir 36. …
Hxg7 37. Df8+ Kh7 38. Hxg7#.
SKÁK
Helgi Áss Grétarsson | dagbok@mbl.is
Hvítur á leik.
80 ÁRA afmæli. Í dag, 9. febrúar,verður áttræð Ingibjörg Ólafs-
dóttir frá Burstafelli, nú til heimilis að
Kirkjusandi 3, Reykjavík. Hún er að
heiman á afmælisdaginn.
Árnaðheilla
dagbók@mbl.is
Illa búið að láglaunafólki
ÉG las grein Sigrúnar Á. Reynis-
dóttur í Velvakanda 2. febrúar sl.
þar sem hún segir frá einstæðri
móður sem átti hvorki mat né fyrir
lyfjum handa barni sínu.
Manni ofbýður algerlega hvernig
búið er að láglaunafólki í þessu landi.
Ég veit um fólk sem vinnur 10–12
tíma á sólarhring og hef gert það
líka sjálfur, en maður ber lítið úr
býtum því mest af því fer í skatta.
Því er ekki hægt að segja þessu fólki
að vinna meira til að losna úr fátækt-
argildrum. Fólk sem vinnur svona
mikið hefur lítinn tíma til þess að
vera með fjölskyldum sínum og auk
þess heldur enginn það út til lengdar
að vera í slíkum þrældómi.
Það virðist vera pólitískur vilji til
að viðhalda þessari fátækt hér á Ís-
landi meðan allt er gert til þess að
hygla hálaunafólki enda hefur komið
í ljós núna að það er það fólk sem
mesta skattalækkun fær.
Sigrún hefur staðið sig mjög vel í
að vekja athygli á kjörum þeirra sem
minna mega sín og er verðugur tals-
maður fátæka fólksins. Þessi harð-
duglega baráttukona á heiður skil-
inn að mínu mati og ég vil sjá hana á
Alþingi og ég er ekki einn um þá
skoðun.
Halli.
Þakkir til íþróttadeildar RÚV
ÉG vil færa íþróttadeild Ríkisút-
varpsins innilegar þakkir fyrir að
færa þjóðinni á hverjum morgni
fréttir af gengi ca 20 körfuknatt-
leiksliða í Bandaríkjunum. Gagn að
það klikkar ekki.
Svo var sérstaklega fróðlegt ný-
lega að fá að vita stöðu botnliðanna í
handknattleik Norðmanna. Þarna
eru fréttamenn sem standa sína
pligt!
Dyggur útvarpshlustandi.
Kýs Dag og Nótt
ÉG kýs Dag og Nótt og Nótt og
Dag. Þau eru sko alvörufólk.
Alvöru maður.
Álskjalataska týndist
ÁLSKJALATASKA týndist í 101
Reykjavík. Skilvís finnandi hafi sam-
band við Elínu í síma 661 8830 eða
komi töskunni í óskilamunadeild lög-
reglunnar, sími 444 1400. Fundar-
laun.
Velvakandi
Svarað í síma 5691100 frá 10–12
og 13–15 | velvakandi@mbl.is
Morgunblaðið/Þorkell
CRUISE Iceland-samtökin halda fund um framtíð og þróun ferðalaga með
skemmtiferðaskipum. Fundurinn verður á morgun, föstudaginn 10. febr-
úar kl. 13, á Grand hóteli.
Gestur fundarins og aðalræðumaður verður Christopher Hayman, rit-
stjóri og útgefandi tímaritsins Seatrade í Englandi. Hann mun fjalla um
þróun þessa ferðamáta í Evrópu og spá í framtíðina þar.
Að loknu erindi Christophers Hayman kynnir Anna Karlsdóttir, lektor
við Háskóla Íslands, niðurstöður könnunar sem gerð var fyrir Cruise Ice-
land á meðal farþega skemmtiferðaskipa sem komu til Íslands síðastliðið
sumar.
Morgunblaðið/Ómar
Ræða ferðir með skemmtiferðaskipum
ELAINE sem býr í Bandaríkjunum
óskar eftir íslenskum pennavinum.
Mrs. Elaine Brechmann,
513 Cooper Dr.
Warminster, PA 18974
U.S.A.
JO MOIS óskar eftir að komast í sam-
band við íslenska safnara. Hann safnar
m.a. myntum, frímerkjum, símakort-
um, fótboltakortum.
Jo Mois,
D-1660
LT-07006 Vilnius-10,
Lithuania-Lietuva.
JAMES óskar eftir íslenskum penna-
vinum. Hann hefur mikinn áhuga á Ís-
landi.
James Justus,
804 SE Chickasaw #18,
Bartlesville, OK 74003,
U.S.A.
PENNAVINIR