Morgunblaðið - 08.03.2006, Blaðsíða 6

6 MIÐVIKUDAGUR 8. MARS 2006 MORGUNBLAÐIÐ
FRÉTTIR
ÁKÆRA vegna sjóslyss sem varð á
Viðeyjarsundi aðfaranótt 10. sept-
ember 2005 var þingfest í Héraðs-
dómi Reykjavíkur í gær. Jónas Garð-
arsson, eigandi skemmtibátsins sem
steytti á skeri þessa nótt, er sakaður
um stórfellda vanrækslu á skip-
stjórnarstarfi í ákærunni.
„Ég hafna ákærunni,“ sagði Jón-
as, sem er formaður Sjómannafélags
Reykjavíkur, fyrir dómi í gær, og
lýsti verjandi hans, Kristján Stefáns-
son hrl., því yfir að Jónas héldi fram
sakleysi sínu. Ættingjar tveggja far-
þega sem létust í slysinu hafa gert
bótakröfur í málinu og hafnaði lög-
maður Jónasar, fyrir hönd umbjóð-
anda síns, bæði grundvelli og fjár-
hæðum bótakröfunnar. Jónas vildi
ekki tjá sig um málið við fjölmiðla
þegar eftir því var leitað í gær.
Í ákærunni kemur fram að Jónas
hafi verið skipstjóri á ferð skemmti-
bátsins Hörpu um Sundin með fjóra
farþega þetta kvöld, undir áhrifum
áfengis. Hann er sakaður um að hafa
ekki haft gát á siglingarleiðinni með
þeim afleiðingum að báturinn steytti
á skeri á allt að 17 sjómílna hraða.
Einn farþeganna um borð, Friðrik
Ásgeir Hermannsson, lést af völdum
áverka sem hann hlaut við strandið,
og eiginkona Jónasar, Guðjóna
Harpa Halldórsdóttir, hlaut veru-
lega áverka.
Leitaði ekki aðstoðar
Jónas er einnig ákærður fyrir að
hafa ekki gert ráðstafanir til að
bjarga farþegum eftir að stórlega
laskaður báturinn losnaði af skerinu,
20 mínútum eftir strandið, og hafa
hvorki leitað aðstoðar björgunarliða
né siglt bátnum skemmstu leið til
hafnar, heldur tekið stefnu austur
Viðeyjarsund, þar sem bátnum
hvolfdi skömmu síðar.
Eftir að bátnum hvolfdi drukknaði
farþeginn Matthildur Harðardóttir,
en Guðjóna Harpa, Jónas og 11 ára
gamall sonur þeirra björguðust af
kili bátsins um klukkustund eftir að
hann losnaði af skerinu.
Í ákæru kemur fram að hátterni
Jónasar þyki varða við bæði almenn
hegningarlög, þar sem fram kemur
að ef mannsbani eða tjón á líkama
eða heilbrigði hljótist af gáleysi ann-
ars manns varði það sektum eða
fangelsi í allt að sex ár. Jónas er
einnig ákærður fyrir brot á siglinga-
lögum, fyrir að hafa með yfirsjónum
eða vanrækslu orðið valdur að
skipstrandi, sem varðar sektum eða
fangelsi allt að fjórum árum, og að
hafa neytt áfengis og þar með orðið
ófær um að gegna starfi sínu sem
skipstjóri, sem varðar sektum og allt
að tveggja ára fangelsi.
Ættingjar krefjast 30
milljóna króna í bætur
Ættingjar hinna látnu, foreldrar
Matthildar og synir, ásamt móður og
syni Friðriks, gera bótakröfu á
hendur Jónasi, og losa kröfurnar 30
milljónir króna, segir Jóhannes Rún-
ar Jóhannsson hrl., lögmaður ætt-
ingjanna. Segir hann byggt á því að
Jónasar hafi sýnt af sér stórkostlegt
gáleysi, eða jafnvel ásetning, um-
rædda nótt. Krafist er bóta fyrir
missi framfæranda, krafist greiðslu
útfararkostnaðar og greiðslu á öðru
fjártjóni.
Milliþinghald í málinu verður
haldið hinn 10. apríl, en þá gefst verj-
anda Jónasar, Kristjáni Stefánssyni
hrl., og sækjanda í málinu, Sigríði J.
Friðjónsdóttur, saksóknara, færi á
að leggja fram frekari gögn í málinu.
Ennfremur verður þá tilkynnt um
meðdómendur í málinu, en við þing-
festingu í gær sagði Jónas Jóhanns-
son, héraðsdómari, að dómur verði
fjölskipaður í málinu. Aðalmeðferð
er svo fyrirhuguð hinn 5. maí nk.
Sakaður um stór-
fellda vanrækslu á
skipstjórnarstarfi
Skipstjóri bátsins hafnar ákæru og
bótakröfu ættingja hinna látnu
Eftir Brján Jónasson
brjann@mbl.is
ÁKVEÐIÐ hefur verið að flytja
Iceprotein ehf., þróunar-, fram-
leiðslu- og markaðsfyrirtæki í eigu
Rannsóknarstofnunar fiskiðnaðar-
ins, Rf, til Sauðárkróks og má búast
við að þar verði til fimm til tíu ný
störf á næstu misserum. Skrifað var
undir viljayfirlýsingu um flutning
og uppbyggingu slíkrar verksmiðju
í húsnæði sjávarútvegsfyrirtækisins
FISK Seafood sem stendur að
verkefninu ásamt Rf og Hólaskóla.
Þá var í gær skrifað undir samning
um að koma á fót Þróunarsetri
Hólaskóla og var Verið formlega
opnað, en það er aðstaða Hólaskóla
við höfnina á Sauðárkróki og er það
til húsa hjá FISK Seafood.
Iceprotein þróar og framleiðir
blautprótein fyrir fiskiðnað og
þurrkað prótein fyrir heilsu- og
fæðubótaiðnaðinn. „Húsnæðið á
Akranesi var ófullnægjandi og þeg-
ar HB Grandi dró sig út úr sam-
starfinu var nauðsynlegt að flytja
starfsemina og var afráðið að hún
kæmi hingað enda afar góð reynsla
af samstarfi við FISK Seafood,“
sagði Einar K. Guðfinnsson sjáv-
arútvegsráðherra í ávarpi sínu við
athöfn er skrifað var undir samn-
inginn. Einn starfsmaður er hjá fyr-
irtækinu til að byrja með en einnig
koma nemendur Hólaskóla og
starfsmenn FISK Seafood við sögu.
Aðlögunartíminn er eitt ár og að
honum loknum er gert ráð fyrir að
5 til 10 starfsmenn muni vinna hjá
fyrirtækinu. Iðnaðarráðuneytið og
sjávarútvegsráðuneytið leggja sam-
tals til 9,6 milljónir króna til verk-
efnisins og skrifuðu Valgerður
Sverrisdóttir, iðnaðar- og við-
skiptaráðherra, og Einar K. Guð-
finnsson, sjávarútvegsráðherra,
undir samning um fjármögnunina
við athöfnina í Verinu.
Þróunarsetrinu er komið á með
samstarfssamningi Rannsókn-
arstofnunar fiskiðnaðarins, Háskól-
ans á Akureyri, Háskóla Íslands,
FISK Seafood og Hólaskóla. Þróun-
arsetrið myndar eins konar ramma
um það markmið að bjóða þekking-
arstofnunum og fyrirtækjum að
nýta aðstöðuna þar og leggja grunn
að þróun þekkingariðnaðar á Sauð-
árkróki. Valgerður Sverrisdóttir
sagði í ávarpi sínu að þetta væri lið-
ur í byggðastefnu í verki. Með því
að auka menntun og atvinnutæki-
færi á landsbyggðinni væri stuðlað
að nýsköpun á landsbyggðinni.
Styrkir heimabyggð
Einar K. Guðfinnsson gerði fram-
lag FISK Seafood að umtalsefni í
ávarpi sínu og sagði Þróunarsetrið
ekki það sem það væri í dag án
þátttöku fyrirtækisins. „Fyrir utan
að styrkja heimabyggð þá sjá for-
svarsmenn fyrirtækisins tækifæri
til að gera það að áhugaverðari
starfsvettvangi en ella fyrir vel
menntað fólk,“ sagði ráðherra og
undir það tók Valgerður Sverr-
isdóttir og sagði ánægjulegt hversu
heimamenn hefðu tekið myndarlega
á málum.
Verið er í um 1.500 fermetra hús-
næði á tveimur hæðum við höfnina
á Sauðárkróki. Í ávarpi sínu við
vígsluna sagði Skúli Skúlason, rekt-
or Hólaskóla, að Jón Eðvald Frið-
riksson, framkvæmdastjóri FISK
Seafood, hefði fyrir nokkrum árum
rætt þann möguleika við sig að fyr-
irtækið legði skólanum til húsnæði
til kennslu og rannsókna. Sagði
Skúli að gömlu fiskiðjunni hefði
verið breytt á þennan veg og væri
aðstaðan í hæsta gæðaflokki.
„Frystiklefi er orðinn að rann-
sóknastofu, ísklefi að fyrirlestrasal
og vinnslusalur að tilraunarými,“
sagði Skúli og lauk miklu lofsorði á
framlag FISK Seafood sem staðið
hefði straum af kostnaði við breyt-
ingar og legði skólanum það til
leigulaust. „Þetta er auðvitað ein-
stakt framlag og innsiglar þá miklu
og góðu samstöðu og samstarf sem
fyrirtækið og skólinn hafa þroskað,“
sagði Skúli ennfremur. Hann sagði
skólann einnig hafa fengið mynd-
arlegt framlag frá iðnaðarráðuneyt-
inu og Framleiðnisjóður landbún-
aðarins hefði einnig lagt fram skerf
auk þess sem Skagafjarðarveitur
hefðu tekið að sér það flókna verk-
efni að leggja sjóveitu um húsið.
Eðlilegt framlag atvinnulífsins
Jón Eðvald Friðriksson, fram-
kvæmdastjóri FISK Seafood, sagði
í samtali við Morgunblað að fyr-
irtækið, sem væri eins konar hér-
aðsfyrirtæki og að stærstum hluta í
eigu Kaupfélags Skagfirðinga, teldi
það eðlilegt að stuðla að mennt-
unar- og atvinnutækifærum fyrir
ungt fólk í heimabyggð sinni. Hann
sagði það langtíma framtíðarsýn
fyrirtækisins að leggja sitt af mörk-
um til að stuðla að rannsóknum og
þróun í matvælaiðnaði og sagði fyr-
irtækið hafa lagt tugi milljóna
króna í endurnýjun húsnæðisins
sem Þróunarsetrið og Verið nýttu
og Hólaskóli fengi það leigulaust
um óákveðinn tíma. Sagði hann að
það mætti meta til um 9 milljóna
króna framlags á ári.
Í ávarpi sínu við athöfnina minnt-
ist Jón Eðvald á auðlindagjaldið
sem hann kvaðst andvígur. Sagði
hann FISK Seafood greiða 40 til 80
milljónir króna eftir árferði og lýsti
því sjónarmiði sínu að eðlilegt væri
að fyrirtækin legðu slíkt gjald í þró-
unar- og rannsóknarstörf í sjávar-
útvegi, þá yrðu þau talin til þróun-
ar- og matvælafyrirtækja. Það gæti
átt mikilvægan þátt í að breyta
ásýnd sjávarútvegsins.
Í Verinu er aðsetur fiskeldis- og
fiskalíffræðideildar Hólaskóla og
hefur hún getað aukið starf sitt með
gjörbreyttri aðstöðu. „Hér eru nú í
gangi fjölmörg verkefni og í kerum
og sölum hér á neðri hæðinni synda
þorskar, lúður og bleikjur og ýmsir
framandi fiskar,“ sagði rektorinn
einnig og þakkaði öllum sem komið
hefðu að máli á einn eða annan hátt.
Rannsókna- og kennsluaðstaðan Verið formlega opnuð
Gert ráð fyrir 5–10 störf-
um í próteinverksmiðju
Morgunblaðið/jt
Guðni Ágústsson landbúnaðarráðherra opnaði Verið formlega í gær, en
með honum eru þeir Skúli Skúlason, rektor Hólaskóla, og Helgi Thor-
arensen, deildarstjóri sjávarútvegsdeildar Hólaskóla.
Ráðherrarnir Valgerður Sverrisdóttir og Einar Kr. Guðfinnsson skrifuðu í
gær undir samning um að flytja Iceprotein ehf. til Sauðárkróks.
Eftir Jóhannes Tómasson
joto@mbl.is