Morgunblaðið - 08.03.2006, Blaðsíða 19

MORGUNBLAÐIÐ MIÐVIKUDAGUR 8. MARS 2006 19
MINNSTAÐUR
AKUREYRI
STEFNT er að því að 30 til 40 ný störf verði
til á næstu þremur til fjórum árum í sam-
skiptaveri sem byggt verður upp að Gler-
árgötu 36 á Akureyri. Hildingur ehf., dótt-
urfélag KEA, hefur keypt eignarhlut í
félaginu Miðlun, er næststærsti hluthafi
þess nú og undirrituðu forsvarsmenn félag-
anna í gær samkomulag um uppbyggingu á
fullkomnu samskiptaveri. Í samskiptaverinu
verður m.a. sinnt verkefnum í símsvörun og
úthringingum fyrir fyrirtæki og stofnanir
um land allt. Við sama tækifæri var und-
irrituð viljayfirlýsing um samstarf milli
Miðlunar og Eimskips varðandi álagsþjón-
ustu fyrir Eimskip, þ.e. að svörunarstöð
Miðlunar á Akureyri muni taka yfirfall af
skiptiborði Eimskips og svæðisskrifstofum
félagsins.
Gert er ráð fyrir að starfsemin hefjist í
maí eða júní eða þegar framkvæmdum við
endurbætur á húsnæðinu við Glerárgötu,
sem er í eigu KEA, verður lokið. Í fyrstu
verða settar upp 12 starfsstöðvar í sam-
skiptaverinu að sögn Bjarna Hafþórs Helga-
sonar, framkvæmdastjóra Hildings, „en við
væntum þess svo að á næstu þremur árum
verði kominn þarna allt að 40 manna vinnu-
staður. Við gerum okkur vonir um að þarna
geti orðið verulega öflug starfsstöð og erum
opin fyrir því að útvíkka starfsemina, sjáum
margvísleg tækifæri á þessu sviði,“ sagði
Bjarni Hafþór.
Margir kostir við að byggja
þjónustuna upp fyrir norðan
Árni Zophoníasson, stjórnarformaður
Miðlunar, sagði Akureyri kjörinn stað til að
byggja upp starfsemi af þessu tagi. „Við höf-
um veitt þjónustu af þessu tagi á höfuðborg-
arsvæðinu á síðastliðnum tveimur áratugum
og finnum fyrir miklum vexti. Það er þensla
á vinnumarkaði syðra, erfitt að fá fólk til
starfa, en við sjáum marga kosti við að
byggja þessa þjónustu upp á Akureyri, m.a.
stöðugan vinnumarkað og þá er menntunar-
stig hátt,“ sagði Árni, en hann benti einnig á
að engar tæknilegar hindranir stæðu í vegi
fyrir því að símaþjónusta fyrirtækja á höf-
uðborgarsvæðinu væri veitt á landsbyggð-
inni. Hjá Miðlun starfa nú 15 manns, en ekki
er fyrirhugað að fækka starfsfólki í Reykja-
vík samhliða því að nýtt samskiptaver verð-
ur opnað á Akureyri. Miðlun hefur auk þess
að annast símsvörun rekið þjónustuver Gulu
línunnar og starfrækt söluver, sem sér um
sölu á vöru og þjónustu ýmiss konar fyrir
viðskiptavini fyrirtækisins.
Fram kom við undirritun samkomulagsins
að fyrirtæki, stór sem smá, séu í vaxandi
mæli að úthýsa þeirri þjónustu sem snýr að
símsvörun sem og að nýta sér álagsþjónustu
og að með opnun samskiptaversins nyrðra
geti til að mynda opinberar stofnanir flutt
hluta af sinni starfsemi þangað.
Taka við álagsþjónustu
fyrir Eimskip
Hanna Katrín Friðriksson, framkvæmda-
stjóri stjórnunarsviðs Eimskips, sagði síms-
vörun og þjónustu sem henni tengist mik-
ilvægan þátt í starfsemi fyrirtækisins, „þetta
er einn liður í okkar starfsemi sem við viljum
hafa í fullkomnu lagi,“ sagði hún.
Þá verður einnig í framhaldinu skoðað
sem hluti af uppbyggingu öryggismála hjá
Eimskip að setja upp varaþjónustuborð í
starfsstöð Miðlunar sem yrði til taks í neyð-
artilfellum, t.d. ef vandamál kæmu upp í
þjónustuborði fyrirtækisins, símstöð eða við-
skiptaþjónustu.
Björn Jónsson, framkvæmdastjóri Miðl-
unar, sagði að fyrstu starfsmennirnir yrðu
ráðnir fljótlega og þeir þjálfaðir, enda væri
lögð mikil áhersla á að þessum störfum,
símsvöruninni, væri sinnt á faglegan hátt. Þá
væri einnig mikið lagt upp úr góðum tækja-
búnaði. Áætlað er að kostnaður við að koma
samskiptaverinu á laggirnar nemi um 10
milljónum króna.
Samskiptaver á vegum Miðlunar byggt upp á næstu þremur árum
Allt að 40 ný störf verða til
Morgunblaðið/Skapti Hallgrímsson
Samskiptaver. Stefnt er að því að allt að 40
ný störf verði til í samskiptveri sem Miðlun
mun setja upp á Akureyri, en Hildingur
dótturfélag KEA á nú næst stærsta hlutinn í
fyrirtækinu. Samkomulag þessa efnis var
undirritað í gær, en á myndinni eru frá
vinstri, Árni Zophaníasson, stjórnarfor-
maður Miðlunar, Bjarni Hafþór Helgason,
framkvæmdastjóri Hildings, Hanna Katrín
Friðriksson, framkvæmdastjóri stjórn-
unarsviðs Eimskips, og Björn Jónsson,
framkvæmdastjóri Miðlunar.
Eftir Margréti Þóru Þórsdóttur
maggath@mbl.is
Opinn skógur | Sveitarstjórn Hörgárbyggðar
hefur tekið jákvætt í erindi frá Skógræktarfélagi
Eyfirðinga þess efnis að hún heimili fyrir sitt
leyti að skógurinn ofan við Laugaland verði
gerður að opnum skógi. Það þýðir að hann verði
opnaður meira fyrir almenning og þar verði
lagðir stígar og settir upp bekkir og bílastæði og
skógurinn þannig gerður að eftirsóttu útivist-
arsvæði.
  
Landsmót | Íþrótta- og tómstundaráð hefur til-
nefnt Björn Snæbjörnsson og Sigrúnu Stef-
ánsdóttur sem fulltrúa sína í vinnuhóp vegna
framkvæmda Akureyrarbæjar fyrir Landsmót
UMFÍ 2009. Ráðið hefur óskað eftir því við tækni-
og umhverfissvið Akureyrarbæjar, Íþrótta-
bandalag Akureyrar og Ungmennafélag Íslands
að tilnefna fulltrúa sinn í vinnuhópinn.
  
Menningararfleifð | Dr. Jim A. McDonald
mannfræðingur flytur fyrirlesturinn Menningar-
arfleifð, hnattvæðing og rannsóknarsamstarf í
stofu L201 á Sólborg í dag, miðvikudag kl. 12.
  
Iðnaðarlóð | Gámaþjónusta Norðurlands hefur
sótt um iðnaðarlóð í Hörgárbyggð undir starfsemi
sína. Lóðin þarf að vera u.þ.b. 3–5 hektarar að
stærð og þarf að rúma höfuðstöðvar Gámaþjón-
ustu Norðurlands ehf., með skrifstofu, um-
hleðslustöð, geymsluaðstöðu og fleira sem tengist
starfsemi fyrirtækisins.
Sveitarstjóra var falið að óska eftir fresti til að
skoða málið og jafnframt að Gámaþjónustan legði
fram frumteikningu hvernig þeir sjá fyrir sér slíka
framkvæmd.
  
Fyrirlestur | Gunnar Hersveinn heimspekingur
flytur fyrirlestur sem nefnist Arfmyndir kynjanna
í auglýsingum í dag, miðvikudag, kl. 16.30 í stofu
K201 á Sólborg.
  
HÖFUÐBORGARSVÆÐIÐ
Markaðsaðferðir | Félag kvenna í atvinnu-
rekstri efnir til hádegisverðarfundar á Friðriki V
föstudaginn 10. mars kl. 12.00.
Jón Ásgeir Hreinsson frá hönnunarfyrirtæk-
inu Studiobility (www.bility.is) fjallar um óhefð-
bundnar og hefðbundnar markaðsaðferðir.
Fundurinn er öllum opinn en allarkonur í at-
vinnurekstri eru sérstaklega hvattar til að mæta.
Meðal markmiða með reglulegum fundum af
þessu tagi er að ná til fleiri athafnakvenna á
Norðurlandi, fjölga félagskonum og efla starf-
semina á svæðinu um leið og stuðlað er að upp-
byggingu tengslanets norðlenskra kvenna í at-
vinnurekstri.
Framlengd | Sýning Brynhildar Kristinsdóttur í
Bókasafni Háskólans á Akureyri hefur verið fram-
lengd til 15. mars næstkomandi. Verkin eru flest
unnin á síðastliðnu ári og fjalla um samskipti og
tilfinningar á litríkan hátt. Bókasafnið er opið frá
kl. 8 til 18 alla virka daga og frá kl. 12 til 15 á laug-
ardögum.
  
MENNINGARSAMTÖK Norðlend-
inga, Menor, efna til ljóðasamkeppni í
samstarfi við Tímarit Máls og menn-
ingar. Þema keppninnar að þessu
sinni er þulur og rapp. Þátttaka er
heimil fólk á öllum aldri og af öllu
landinu, en skilafrestur er til 1. maí
næstkomandi. Þriggja manna dóm-
nefnd velur þrjú bestu ljóðin sem
hljóta vegleg bókaverðlaun.
Menningarsamtök Norðlendinga
stóðu í fyrsta skipti fyrir keppni á
sviði ritaðs máls veturinn 1986 til ’87,
þá í samvinnu við RÚVAK um ljóð og
smásögur til flutnings í svæðisútvarp-
inu. Ljóða- og smásagnasamkeppni í
samstarfi við Dag var svo árið 1989.
Síðan hefur slík keppni verið árviss
viðburður í samvinnu við Dag, DV,
Heima er best og nú síðast Tímarit
Máls og menningar. Úrval ljóða og
sagna var gefið út á bók á 20 ára af-
mæli Menor árið 2002. Þá stóðu sam-
tökin fyrir samkeppni um ritun ein-
þáttunga í samstarfi við Leikfélag
Akureyrar og voru verðlaunaþættir
settir á svið árið 2003.
Ljóðum í keppnina nú á að skila
undir dulnefni til Menor, pósthólf 384,
602 Akureyri og skal nafn höfundar,
heimilisfang og símanúmer fylgja með
í lokuðu umslagi, sem merkja á dul-
nefni höfundar.
Þemað er þul-
ur og rapp
Ljóðasamkeppni Menor
Morgunblaðið/Jim Smart
Hálka Það getur orðið ansi vandasamt að fóta sig í hálkunni.
Verkferlar í söltun endur-
skoðaðir eftir hálkuóhöpp
ÞÓNOKKUÐ var um árekstra í
Reykjavíkurborg á mánudags-
kvöldið, en þá mátti flesta rekja til
hálkumyndunar þegar leið á kvöldið.
Lögreglan í Reykjavík hafði samband
við framkvæmdasvið Reykjavíkur-
borgar og óskaði eftir saltbílum, en
þá fengust þau svör að saltbílar færu
ekki af stað fyrr en kl. fjögur um nótt-
ina. Til stendur að endurskoða verk-
ferla vegna söltunar telji lögregla
ástandið kalla á hana.
Sighvati Arnarsyni, skrifstofu-
stjóra gatna- og eignaumsýslu á
framkvæmdasviði, þykir leitt að þessi
staða skuli hafa komið upp, en í kjöl-
farið verði farið í endurskoðun á
verkferlum vegna söltunar gatna.
„Vaktirnar hjá saltbílunum eru við
venjulegar aðstæður frá fjögur á
morgnana til kl. 23 á kvöldin, en þeg-
ar vont er veður eru þær allan sólar-
hringinn,“ segir Sighvatur. „Á mánu-
dagskvöldið voru vaktirnar að salta í
efri byggðum borgarinnar, en áður
en vaktin endaði fór vaktstjórinn ferð
um neðri byggðirnar og taldi ekki
þörf á söltun þar. Ef hefði verið óveð-
ur og slæm færð hefði án nokkurs efa
verið farið í að salta þessar götur, en
umferðin var lítil á þessum tíma og
menn sáu fyrir að ný vakt myndi
byrja eftir fjóra tíma.“
Eftir að vaktstjórinn fór sína ferð
um neðri byggðirnar kólnaði hins
vegar snögglega og gerði mikla
hálku. Segir Sighvatur ljóst að að-
stæður geti breyst mjög snögglega í
borginni. „Þar sem lögreglan hringdi
í okkur ætlum við að skoða hvort til-
efni sé til að endurskoða verklag okk-
ar í þeim tilfellum þegar lögreglan
telur ástandið kalla á söltun.“
ingar muni nýta sér þessa þjónustu.
Blindrafélagið stefnir á ferðaþjón-
ustusamninga við fleiri sveitarfélög
þannig að enn fleiri fái aukna stoð-
þjónustu.
Hafnarfjörður | Samningur um
ferðaþjónustu blindra í Hafnarfirði
var undirritaður á dögunum.
Blindrafélagið og Hafnarfjarðarbær
gerðu með sér samning og geta því
lögblindir Hafnfirðingar fengið allt
að 40 ferðir á mánuði með leigubíl-
um á milli staða á höfuðborgar-
svæðinu og greiða sem samsvarar
fargjaldi í strætó. Hefur viðlíka
þjónusta verið til staðar í Reykjavík
fyrir lögblinda frá 1997 og reynst
vel en rúmlega 200 einstaklingar
nýta hana.
Samninginn undirrituðu Lúðvík
Geirsson, bæjarstjóri Hafnarfjarð-
ar, og Halldór Sævar Guðbergsson,
formaður Blindrafélagsins, á svo-
kölluðu Opnu húsi í húsnæði
Blindrafélagsins við Hamrahlíð.
Samningurinn felur í sér að Hafn-
arfjarðarbær greiðir fasta upphæð
á mánuði til Blindrafélagsins sem
mun sjá um framkvæmdarhliðina.
Framkvæmdastjóri Blindrafélags-
ins, Ólafur Haraldsson, telur að
þessar 40 ferðir muni að mestu nýt-
ast í ferðalög að og frá vinnu. Hann
telur að um 30 lögblindir Hafnfirð-
Blindir í Hafnarfirði
fá aukna þjónustu
Morgunblaðið/RAX
Samningi fagnað Halldór Sævar
Guðbergsson, formaður Blindra-
félagsins, fór með stutt erindi í til-
efni undirritunar samningsins.