Morgunblaðið - 05.04.2006, Qupperneq 6
6 MIÐVIKUDAGUR 5. APRÍL 2006 MORGUNBLAÐIÐ
FRÉTTIR
„ÞESSI tími á Írlandi er mjög
áhugaverður og gagnlegur,“ segir
Sólveig Pétursdóttir, forseti Alþing-
is, í samtali við Morgunblaðið en hún
er stödd í opinberri heimsókn á Ír-
landi með sendinefnd þingmanna, í
boði forseta neðri deildar írska
þingsins.
Síðdegis í gær fóru þingforseti og
sendinefndin á fund Mary McAleese,
forseta Írlands, þar sem fjölmörg
mál bar á góma. Sólveig segir ljóst
strax af fyrstu kynnum af Mary
McAleese hvers vegna hún var kjör-
in forseti. Hún sé mjög snjöll kona
með mikla persónutöfra og góða
nærveru. „Við ræddum söguleg
tengsl landanna og var hún mjög vel
að sér á því sviði. Við ræddum jafn-
framt mikið um stöðu kvenna á Ís-
landi og Írlandi og bárum saman
bækur okkar,“ segir Sólveig.
„Konur eru ekki mjög virkar í
landsmálapólitík á Írlandi. Einungis
rúm 13% þingmanna eru konur. Þær
eru aftur á móti mjög virkar í at-
vinnulífinu, næstum því eins virkar
og á Íslandi, en á Írlandi vinna um
80% kvenna utan heimilisins. Konur
eru jafnframt komnar í meirihluta í
háskólanámi eins og á Íslandi.
Forsetinn dáðist að því hversu vel
er komið til móts við barnafólk á Ís-
landi hvað dagheimili varðar, en hún
sagði að enn væri mikið verk óunnið
á því sviði á Írlandi.
Skoðuðu sögustaði
í Carrickmacross
Við sögðum henni jafnframt frá
fæðingarorlofslögunum á Íslandi og
fannst henni þau mjög áhugaverð.
Hún taldi þó að írskir karlmenn
þyrftu að verða betur undir það bún-
ir að takast á við slíkar nýjungar en
henni fannst þetta mjög gott fram-
tak,“ segir Sólveig.
„Ég hvatti hana til að koma til Ís-
lands og kynna sér þessi mál og lýsti
hún miklum áhuga á því,“ segir hún.
Að sögn Sólveigar bauð forseti
neðri deildar írska þingsins íslensku
þingmönnunum í upphafi heim-
sóknarinnar í kjördæmi sitt „Vorum
við þar í litlum bæ sem heitir
Carrickmacross. Þar hittum við bæj-
arstjóra og skoðuðum sögustaði, en
jafnframt hittum við flesta þingmenn
kjördæmisins,“ segir hún. „Þetta er
landbúnaðarhérað með merka sögu
og menningu,“ segir hún.
Þingmönnunum var m.a. sagt frá
hungursneyðinni miklu skömmu fyr-
ir miðja 19. öld og var þeim sýnt
vinnuhæli í Carrickmacross þar sem
fátæku fólki sem átti ekki í nein hús
að venda var komið fyrir á þeim tím-
um. „Þá voru mörg munaðarlaus
börn send ein og umkomulaus til
Ástralíu þar sem þau þurftu að
takast á við líf sem oft á tíðum var
mjög erfitt. Þó nokkur fjöldi ungra
stúlkna var sendur frá vinnuhælinu í
Carrickmacross til Ástralíu og hefur
verið unnið að því síðustu ár að finna
afkomendur þeirra,“ segir Sólveig.
Írar eru góðir sögumenn
„Nú er búið að endurreisa
bygginguna og hafa þar aðsetur ým-
is frjáls félagasamtök og bæjarverk-
efni, sem miða að því að veita fólki
þjálfun og þekkingu til að fara út á
atvinnumarkaðinn. Byggingin hefur
þannig hefur fengið jákvætt hlutverk
í dag.“
„Við heimsóttum jafnframt safn
sem er tileinkað frægasta skáldi
kjördæmisins, Patrick Kavanagh.
Hann sótti innblástur sinn til heima-
héraðsins og orti oft um hversdags-
lega hluti sem lifnuðu við í ljóðum
hans. Gamall maður úr sveitinni kom
og fór með nokkur ljóð fyrir okkur.
Var það einstök upplifun. Írar eru
oft góðir sögumenn og þessi maður
hafði mikla hæfileika. Maður gjör-
samlega gleymdi stund og stað með-
an á flutningi hans stóð,“ segir Sól-
veig.
Forseti Alþingis og sendinefnd þingmanna áttu fund með forseta Írlands
Lýsti áhuga á að heimsækja
Ísland og kynna sér jafnréttismál
Eftir Ómar Friðriksson
omfr@mbl.is
Ljósmynd/Patrick Bolger
Þingmennirnir hittu forseta Írlands að máli í gær. F.v. Rannveig Guðmundsdóttir alþingismaður, Mary McAleese,
forseti Írlands, Sólveig Pétursdóttir, forseti Alþingis, og Þórunn Sveinbjarnardóttir alþingismaður.
JÓN Gerald Sull-
enberger, sem
sætir ákæru af
hálfu setts sak-
sóknara í Baugs-
málinu, fékk í
gær Brynjar
Níelsson hæsta-
réttarlögmann
sem verjanda
sinn við réttar-
haldið sem framundan er.
Brynjar segist á þessu stigi lítið
geta sagt um stöðu Jóns Geralds
sem sakbornings í málinu eða um
ákæruna á hendur honum þar sem
sér hafi ekki gefist tóm til að fara
yfir gögn málsins. „Mér skilst að það
bíði mín 19 möppur,“ segir Brynjar.
Lýsir sig saklausan
Settur saksóknari hefur gefið út
ákærur á hendur Jóni Ásgeiri Jó-
hannessyni, Tryggva Jónssyni og
Jóni Gerald Sullenberger en að sögn
Brynjars er ákæran sem snýr að
Jóni Gerald eingöngu í einum lið af
19 ákæruliðum málsins.
Brynjar segir að Jón Gerald lýsi
sig saklausan af ákærunni. „Ég mun
verja hann á grundvelli þess,“ segir
hann og kveðst nú munu fara yfir
málið, meta stöðuna og taka ákvörð-
un um hvernig skuli haga vörninni.
Brynjar Níelsson verður
verjandi Jóns Sullenbergers
Brynjar Níelsson
Blönduós | Fyrstu grágæsirnar á
þessu vori sáust koma fljúgandi úr
suðri og lenda á Blöndu rétt um
klukkan níu í gærmorgun. Gæs-
irnar eru um það bil hálfum mánuði
seinna á ferðinni í ár en undan-
gengin ár. Um hádegið mátti sjá
fimm gæsir á Blöndu.
Líklega verða þær fyrir nokkru
áfalli næstu tvo daga að minnsta
kosti því spáð er norðvestan leið-
indaveðri með vindi, kulda og snjó-
komu á norðvestanverðu landinu.
Þessar fyrstu gæsir ársins virtust
við góða heilsu og var ekki að sjá á
þeim nein flensueinkenni.
Fyrstu grágæsirnar
komnar á Blöndu
Morgunblaðið/Jón Sigurðsson
TILLÖGU um árlega Barnahátíð í
Reykjavík, sem borgarfulltrúar
Sjálfstæðisflokks lögðu fyrir borgar-
stjórn Reykjavíkur, var í gær vísað
til íþrótta- og tómstundaráðs og
menningar- og ferðaráðs til frekari
umfjöllunar. Gísli Marteinn Bald-
ursson, borgarfulltrúi D-lista,
kveðst hissa á málsmeðferð meiri-
hlutans og segist hefði viljað sjá
samstöðu um slíka hátíð. „Ég hefði
viljað að borgarstjórn sameinaðist
um jákvætt mál af þessum toga
svona í aðdraganda kosninga,“ sagði
Gísli Marteinn m.a.
Leggja sjálfstæðismenn til að
Barnahátíð í Reykjavík verði menn-
ingar- og listahátíð fyrir börn í borg-
inni. Fyrsta hátíðin verði haldin
sumarið 2007. Áhersla verði lögð á
þátttöku og listsköpun barna auk
þess sem þar komi fram íslenskir og
erlendir skemmtikraftar sem sér-
hæfi sig í að höfða til barna. Fjöldi
atburða verði um alla borg og lögð
sérstök áhersla á umhverfi barna og
útlit borgarinnar frá sjónarhóli
þeirra um leið og ljósi yrði varpað á
kosti Reykjavíkur sem barnaborgar.
Samráð við Listahátíð
Leggja sjálfstæðismenn til að há-
tíðin verði haldin í samstarfi við
skóla, leikskóla, íþróttafélög, menn-
ingarstofnanir, frjáls félagasamtök
og aðra sem vinna með börnum og
sinna þjónustu fyrir börn. Þá skuli
sérstakt samráð haft við Listahátíð í
Reykjavík um tímasetningu og
framkvæmd hátíðarinnar og sér-
þekking starfsfólks Listahátíðar
nýtt eins og frekast er kostur. Þá
skyldi menningar- og ferðamálaráð
skipa starfshóp til að hefja frumund-
irbúning í samstarfi við menntaráð
og listrænan stjórnanda Listahátíð-
ar. Sá hópur skyldi skila fyrstu
drögum til ráðsins í maí 2006.
Gísli Marteinn Baldursson segir
árlega barnahátíð í Reykjavík eiga
að virkja börnin í borginni til þátt-
töku í borgarlífinu. „Henni er ætlað
að örva sköpunargleði þeirra og
jafnfram bjóða þeim uppá skemmt-
un sem þau gleyma aldrei, læra af og
vekur þau til umhugsunar,“ segir
Gísli Marteinn.
Barnahátíð
vísað
í nefnd