Morgunblaðið - 06.04.2006, Blaðsíða 17

MORGUNBLAÐIÐ FIMMTUDAGUR 6. APRÍL 2006 17
ERLENT
ÚTSALA
verslun
London. AFP, AP. | Bandaríska leyni-
þjónustan CIA hefur notað einka-
rekin flugfélög og leppfyrirtæki til
að flytja fanga með leynd á milli
landa í trássi við alþjóðlega samn-
inga, að því er fram kemur í nýrri
skýrslu mannréttindasamtakanna
Amnesty International.
Samtökin segja að í skýrslunni
sé afhjúpuð „leynileg starfsemi,
sem felst í því að fólk hefur verið
handtekið eða numið á brott, flutt
og haldið í leynilegum fangelsum
eða afhent löndum þar sem fang-
arnir hafa sætt pyntingum og ann-
ars konar illri meðferð“.
Ein vélanna lenti á Íslandi
Amnesty sagðist hafa fengið
gögn um nær 1.000 flugferðir véla
sem virtust í eigu leppfyrirtækja
CIA og flestar þeirra hefðu farið
um lofthelgi Evrópuríkja. Sam-
tökin hefðu einnig upplýsingar um
600 ferðir véla sem CIA hefði
notað að minnsta kosti tímabundið.
Ein þeirra véla sem getið er í
skýrslunni, Gulfstream-þota með
kallnúmerið N227SV, hefur lent á
Keflavíkurflugvelli, samkvæmt til-
kynningu frá Íslandsdeild Amn-
esty International í gær.
Í skýrslu samtakanna segir að
ein flugvélanna hafi oftar en
hundrað sinnum millilent í banda-
rísku herstöðinni við Guantanamo-
flóa á Kúbu þar sem meintum
hryðjuverkamönnum hefur verið
haldið í fangelsi.
Í skýrslunni kemur meðal ann-
ars fram að flugvélar leppfyrir-
tækja CIA hafa að minnsta kosti
25 sinnum millilent á Spáni frá
árinu 2002. Í einni þeirra hafi verið
egypskur múslímaklerkur, sem
rænt hafi verið á götu í Mílanó, og
fluttur í bandaríska herstöð í
Þýskalandi og þaðan til Egypta-
lands þar sem hann hafi verið
pyntaður.
Fangaflugið
gagnrýnt í nýrri
skýrslu Amnesty Í NÝRRI ævisögu um Lauru Bush, eiginkonu GeorgeW. Bush Bandaríkjaforseta, sem er unnin í samráði við
forsetafrúna, er því haldið fram að hún hafi meiri áhrif
á störf eiginmanns síns en áður hefur verið talið. Bók-
in, sem ber heitið „Laura Bush: An Intimate Portrait of
the First Lady“, er skrifuð af Ronald Kessler, fyrrver-
andi blaðamanni hjá dagblaðinu Washington Post.
Kessler reynir að sýna fram á það í bók sinni að
Laura Bush hafi haft mun meiri áhrif á bak við tjöldin
en áður hefur verið talið og jafnvel átt þátt í stefnu-
mörkun og stöðuveitingum Hvíta hússins.
Þannig vitnar Kessler í Condoleezzu Rice, utanrík-
isráðherra Bandaríkjanna, um að það hafi verið að
frumkvæði Lauru og „hennar hugmynd að fletta ofan
af því hvernig talibanar komu fram við konur“.
Kessler leggur einnig áherslu á að Laura hafi haft
áhrif á skipanir í embætti í stjórn Bush og vitnar í orð
Andrews Cards, sem nýlega sagði af sér embætti skrif-
stofustjóra Hvíta hússins, um að „í einstaka tilvikum sé
hún á móti útnefningum“.
Þá er því haldið fram í bókinni að forsetafrúin geti
haft taumhald á valdamesta manni heims með því ein-
faldlega að „hvessa á hann augunum“, láti hann óvið-
eigandi orð falla eða gæti þess ekki að sýna viðmæl-
endum sínum viðeigandi kurteisi.
Búist við að ævisagan verði metsölubók
Kessler tekur dæmi af því þegar Bush sagðist ætla að
hafa uppá hryðjuverkaleiðtoganum Osama bin Laden
„lífs eða liðnum“, sem Lauru þótti óviðeigandi. „Hún
vildi ekki sjá mig verða of herskáan eða að ég sýndi of
blóðþyrst viðbrögð,“ er haft eftir forsetanum í ævisög-
unni.
Fastlega er búist við að ævisagan verði að met-
sölubók, en Laura er á meðal vinsælustu forsetafrúa í
sögu Bandaríkjanna. Alls nýtur Laura stuðnings um 85
prósent Bandaríkjamanna og þykir því afla eiginmanni
sínum mikilvægs stuðnings, en hann hefur sjaldan eða
aldrei notið jafn lítils stuðnings bandarísks almennings.
Veitir forsetanum því ekki af hinu jákvæða umtali sem
bókin um eiginkonu hans kann að skapa á meðal fjöl-
margra aðdáenda hennar.
Ekki allir gagnrýnendur jafn hrifnir
Ekki eru þó allir jafn hrifnir af bók Kesslers og hafði
einn gagnrýnandinn á orði að Laura hlyti að „brosa yf-
ir mynd af henni sem sýni hana sem nær gallalausa
konu“. Annar gagnrýnandi var harðorðari og sagði að
náið samstarf Kesslers við starfsmenn Hvíta hússins
þýddi að ævisagan væri lítið meira en hagstæð rit-
skoðun á lífi og störfum Lauru.
Forsetafrúin áhrifamikil
á bak við tjöldin
AP
Laura Bush, forsetafrú Bandaríkjanna, heldur ræðu á
fjáröflunarsamkomu fyrr í vikunni.
Sjanghæ. AFP. | 24 ára Kínverji
reyndi að selja sál sína á vinsælasta
uppboðsvef Kína og hafði fengið 58
tilboð þegar stjórnendur vefjarins
tóku auglýsinguna af netinu.
Kínverjinn setti auglýsinguna á
vefinn í vikunni sem leið og vildi fá
sem samsvarar 90 krónum fyrir sál-
ina. Þegar auglýsingunni var eytt
nam hæsta tilboðið um 6.000 krón-
um.
„Við tókum auglýsinguna af net-
inu vegna þess að við teljum að að-
eins Guð geti ráðið yfir sálum,“ sagði
fjölmiðlafulltrúi uppboðsvefjarins
Taobao. „Það á bara ekki að selja sál-
ir vegna þess að við getum hvorki
séð né snert þær.“
Bauð upp sál sína á netinu