Morgunblaðið - 06.04.2006, Blaðsíða 24

24 FIMMTUDAGUR 6. APRÍL 2006 MORGUNBLAÐIÐ
DAGLEGT LÍF Í APRÍL
Ætli það láti ekkinærri lagi að verð-lag á matvöru séum það bil tvöfalt
hærra í Danmörku en í Þýska-
landi. Á móti kemur að laun og
skattar eru mun hærri í Dan-
mörku en í Þýskalandi,“ segir
Mara Zanghirella, starfsmaður
þýska ferðamálaráðsins. Mara
vinnur m.a. við það að kynna
Þýskaland fyrir Íslendingum sem
og öðrum Norðurlandabúum og
eru hennar bækistöðvar í Kaup-
mannahöfn.
Mara, sem er tæplega þrítug að
aldri, er af ítölskum ættum, en for-
eldrar hennar fluttu frá Ítalíu til
þýsku borgarinnar Wolfsburg árið
1960 eftir að þýsku Volkswagen-
verksmiðjurnar þar í bæ auglýstu
eftir vinnuafli.
Málamiðlun í
matarinnkaupunum
„Þótt sjálf sé ég fædd og uppalin
í Þýskalandi á ég mína fjölskyldu í
ítalska bænum Bergamo, sem er
nálægt Mílanó. Ég er því að heita
má miklu meira fyrir ítalska mat-
argerð en þýska. Mitt uppáhald er
mikið grænmeti og pastaréttir.
Kærastinn minn Thomas, sem er
danskur að ætt og uppruna, er
hins vegar meira fyrir kjötið og
kartöflurnar og vill bara smá sýn-
ishorn af grænmeti á diskinn sinn.
Það þarf því dálitla málamiðlun í
matarinnkaupin þegar við hjúin
förum og kaupum inn.“
Mara flutti til Danmerkur fyrir
tveimur og hálfu ári og segist hafa
verið að elta kærastann til Kaup-
mannahafnar. „Mér líkar orðið
vistin vel í Danmörku og þar er allt
vinnuumhverfi afslappaðra en í
Þýskalandi,“ segir Mara, sem
starfaði áður sem fasteignasali í
Þýskalandi.
„Mér finnst ekki dýrt að versla
nauðsynjar í Þýskalandi,“ segir
Mara þegar við vindum okkur inn í
Kaiser’s matvörubúðina í Berl-
ínarborg. „Lífrænt ræktaðar
vörur eru orðnar mjög áberandi í
þýskum matvöruverslunum nú til
dags enda eru vinsældir þeirra sí-
fellt að aukast þótt þær séu í dýr-
ari kantinum,“ segir Mara þegar
við göngum fram hjá rekka með
lífrænum vörum af ýmsu tagi.
Engar pakkasósur
Hún tekur á rás fram hjá öllum
pakkasósunum og segir slíka
óhollustu ekki eiga upp á pall-
borðið hjá sér. „Þjóðverjar eru
hins vegar mikið sósufólk, en ég
kýs að búa til mínar eigin sósur frá
grunni,“ segir Mara og stefnir í átt
að ferskum sveppum, sem hún ætl-
ar að nota í sósu út á þýskan snits-
el. 400 grömm af hvítum sveppum
kosta 172 kr., sama magn af brún-
um sveppum kosta 150 kr. Kílóið
af svínasnitsel kostar frá 688 til
860 kr. og við hliðina má sjá vænan
hamborgarhrygg á 382 kr. kg. 2,5
kíló af kartöflum kosta 155 kr. Kíló
af lauk og tómötum er á 172 kr. og
blómkálshöfuðið sömuleiðis.
Hægt er að fá hálft annað kg af
appelsínum og kg af vatnsmelónu
á 172 kr.
Spergill á vorin
Athygli vekur að í grænmetis-
deildina eru nýkomnir hvítir og
grænir ferskir sperglar því nú fer í
hönd uppskerutímabil spergilsins.
„Allir veitingastaðir bjóða á vorin
upp á mikinn spergil, sem soðinn
er í vatni með smá sykri og smá
salti. Spergillinn er borinn fram
með soðnum kartöflum, skinku og
hollandaissósu og þetta borða
Þjóðverjar í ómældu magni á
hverju vori.“
Það er komið að lokum versl-
unarferðarinnar þegar Mara er
búin að versla annars vegar fyrir
þýska snitselmáltíð og hins vegar
fyrir ítalska pastamáltíð. Aðeins er
eftir að velja gott rauðvín með
matnum og Mara er ekki í nokkr-
um vandræðum með það. Hún vel-
ur sér flösku af ítalska rauðvíninu
Chianti Classico og segir það fara
sérstaklega vel með ítölskum mat.
 HVAÐ ER Í MATINN? | Hráefni í þýskt svínasnitsel og ítalskan pastarétt í Berlín
Ekki dýrt að kaupa
í matinn í Þýskalandi
Lífrænt ræktaðar vörur eru vinsælar meðal Þjóðverja.
Morgunblaðið/Jóhanna Ingvarsdóttir
Hin ítalskættaða Mara Zanghirella, sem er fædd og uppalin í Þýska-
landi en er nú búsett í Danmörku, verslar hér í matinn í Berlín.
Miklu ódýrara er að
kaupa í matinn í Þýska-
landi en í Danmörku.
Jóhanna Ingvarsdóttir
kíkti í Kaiser’s í Berlín
með Íslandsvininum
Möru Zanghirella, sem
hefur reynslu af mat-
arinnkaupum í báðum
löndum.
join@mbl.is
Þýskt svínasnitsel
(fyrir fjóra)
4 sneiðar svínasnitsel, steiktar á pönnu í
olíu eða smjörlíki
100 g beikon, smátt skorið
200 g laukur, smátt skorinn
400 g sveppir, smátt skornir
2 msk. tómatþykkni
250 ml rjómi
kjötseyði úr einum sósuteningi
og 250 ml af vatni
tímían
pipar
salt
majoram
steinselja
1 kg kartöflur, soðnar í vatni með smá salti
1 blómkálshöfuð
Snitsel-sneiðarnar steiktar í gegn á
pönnu í olíu eða smjörlíki. Setjið sneið-
arnar til hliðar. Beikon og laukur steikt
saman á pönnu og tómatþykkni bætt út á.
Látið malla í tvær mínútur. Sveppunum
bætt út í og látið malla í þrjár til fjórar
mínútur. Á meðan er 250 ml af kjötseyði
útbúið og því hellt út á pönnuna ásamt
rjómanum. Kryddað eftir smekk með
salti, pipar, majoram og tímían.
Látið malla um stund. Sósan er borin
fram með snitselinu og ferskri steinselju
stráð yfir. Soðnar kartöflur og blómkál
borið fram sem meðlæti.
Pasta a la mamma
(fyrir fjóra)
500 g pasta, t.d. tagliatelli eða spaghetti
salt, pipar, chili, óreganó eða tímían
1 stór laukur, smátt skorinn
1–2 hvítlauksrif, pressuð eða smátt skorin
2 eggaldin, skorin í bita
2 kúrbítar, skornir í bita
750 g tómatar
2 msk. tómatþykkni
extra-virgin-ólífuolía
Ef notaðir eru ferskir tómatar er byrj-
að á því að láta þá í sjóðandi vatn svo hægt
sé að taka hýðið af. Tómatar, laukur, hvít-
laukur, kúrbítur og eggaldin skorið niður.
Tómatar og hvítlaukur léttsteikt í potti
við miðlungshita í 1–2 msk. af ólífuolíu.
Tómatþykkni bætt út í og látið malla í
tvær mínútur. Kúrbítur og eggaldin látið
út í. Hrært vel í og um 100 ml af vatni
bætt smám saman við. Kryddað með salti,
pipar, óreganó og tímían. Lokið sett á
pottinn og látið malla í 15–20 mín. Pastað
soðið á meðan og því síðan blandað saman
við pottréttinn.
Hráefni í þýskan svínasnitsel.