Morgunblaðið - 28.05.2006, Blaðsíða 6

6 SUNNUDAGUR 28. MAÍ 2006 MORGUNBLAÐIÐ
FRÉTTIR
Landmannalaugar – Hrafntinnusker – Hvanngil
Emstrur – Þórsmörk – Skógar
Laugavegurinn er
vinsælasta gönguleið
landsins með fjölbreyttri
náttúru í umhverfi jökla,
fjalla, sanda og skóga.
Verð kr. 32.000/35.000. Innifalið: Gisting, trúss, fararstjórn og grillveisla.
Bókað er í ferðina á skrifstofu Ferðafélags Íslands í síma 568 2533, fi@fi.is
Jónsmessuferð FÍ
um Laugaveginn með Guðmundi Hallvarðssyni 23.–27. júní.
Trússferð – allur farangur fluttur, sameiginlegur matur.
Gist í skálum Ferðafélagsins á leiðinni.
Lagadeild
Allar upplýsingar í síma 525 4386 og á www.hi.is.
Umsóknarfrestur er til 6. júní.
Laganám í Háskóla Íslands:
Metnaður, gæði og árangur.
LÖG sem leyfa sjóntækjafræð-
ingum að mæla sjón í við-
skiptavinum sínum tóku gildi fyrir
tveimur árum og síðan þá hefur
þjónustan smám saman treyst sig
í sessi. Íslendingar taka nú í
fyrsta skipti við formennsku í
samtökum norrænna sjóntækja-
fræðinga.
Það er Axel Örn Ársælsson sem
tekur við formannsstarfinu af Sví-
anum Paul Folkeson sem kom
hingað til lands á formannafund
NOR (Nordiskt Optiker Råd),
samtaka norrænna sjóntækjafræð-
inga, en það eru regnhlífarsamtök
sem stofnuð voru 1947.
„Íslendingar eru nú í fyrsta
skipti orðnir gjaldgengir á þann
hátt að geta tekið við for-
mennsku,“ segir Axel Örn. „Árið
2004 fengum við réttindi til að
sjónmæla og þar með gátum við
orðið fullgildir aðilar. Við viljum
vekja athygli almennings á að
þjónusta sem fólk getur nýtt sér
hjá sjóntækjafræðingum hefur
verið að aukast í gegnum tíðina
með aukinni þekkingu og færni.“
Axel segist að í menntuninni fel-
ist nú að bæta við sig þekkingu í
margbreytilegri anatómíu augans.
„Menntunin snýst áfram um að
vera optiker, geta útfært sjóntæki,
mátað linsur í fólk og þess háttar.
En menn eru farnir að geta í
auknum mæli greint krankleika
sem síðan augnlæknar eru svo til
þess fallnir að meðhöndla. Öðrum
geta sjóntækjafræðingarnir sinnt.
Við stefnum ótrauð að því að
mennta íslenska sjóntækjafræð-
inga betur og komast til jafns við
það sem gerist hjá hinum Norð-
urlandaþjóðunum og þá sér-
staklega Noregi þar sem mest
þróun hefur orðið í störfum sjón-
tækjafræðinga.“
NOR hefur starfað ötullega frá
árinu 1947, að sögn Pauls. „Í
fyrsta skipti nú er okkur falið að
gegna formennsku og við munum
ryðja brautina áfram fyrir sjón-
tækjafræðinga í Skandinavíu,“
segir Axel.
„Markmið okkar er að bæta og
samræma starfsumhverfi sjón-
tækjafræðinga á Norðurlöndum,“
bætir Paul við. „Samvinnan skiptir
miklu máli. Við bjóðum til dæmis
upp á símenntunarnet milli Norð-
urlandanna og ég býst við að ís-
lenskir kollegar geti komið inn í
það. Við sjáum engin landamæri,
bara tækifæri.“
Axel bendir á að nú þegar séu
tveir með meistaragráðu í sjón-
tækjafræðum starfandi á Íslandi.
„Við stefnum í fremstu röð og
Ísland hefur tekið stór skref í þá
átt. Þróunin í faginu er frá hand-
verki í heilsugæslu. Eftir laga-
breytinguna 2004 hefur tekist
mjög vel til en við þurfum að
ganga lengra til að tryggja al-
menningi bestu þjónustu hjá sjón-
tækjafræðingum.“ Áfram starfa
langflestir sjóntækjafræðingar í
sjóntækjaverslunum hérlendis en
Axel bendir á að hjá öðrum Norð-
urlandaþjóðum sinni þeir fjöl-
breyttari heilsugæslustörfum.
Þá undirstrika þeir mikilvægi
þess að almenningur kynnist bet-
ur þessari auknu þjónustu sjón-
tækjafræðinga. Á Íslandi starfi nú
um fjörutíu, þar af tveir með
meistaragráðu, sem veiti aðgengi-
lega þjónustu við sjónmælingar.
Frá handverki til
heilsugæslu
Sjóntækjafræð-
ingar sinna nú
sjónmælingum
og stefna á aukin
verkefni
Eftir Önnu Pálu Sverrisdóttur
aps@mbl.is
Morgunblaðið/Kristinn
Axel Örn Ársælsson tekur við forláta meni og kistli til marks um stöðu
hans sem nýr formaður samtaka norrænna sjóntækjafræðinga. Paul
Folkeson, fráfarandi formaður, afhendir honum kjörgripina.
„ÞETTA er mjög gefandi, frá-
bær félagsskapur og maður er
alltaf að læra,“ segir Ron D.
Burton, fulltrúi forseta Rotary-
hreyfingarinnar, sem staddur er
hér á landi í tilefni af umdæm-
isþingi hreyfingarinnar á Ís-
landi, sem haldið er á Seltjarn-
arnesi um helgina.
Hreyfingin hefur það að
markmiði að efla skilning, góð-
vild og frið á milli þjóða í heim-
inum. Lögð er áhersla á að
sinna mannúðar- og menningar-
starfi, ekki síst í þróunarlönd-
unum þar sem lögð hefur verið
áhersla á umbætur í heilbrigðis-
og menntamálum. Síðustu ár
hefur höfuðáhersla verið lögð á
baráttuna við að uppræta löm-
unarveiki eða mænusótt og fleiri
sjúkdóma með bólusetningu.
Hreyfingin hefur unnið að verk-
efninu í yfir 20 ár og á þeim
tíma safnað alls 600 milljónum
dollara til verkefnisins.
Vildu ekki bandarískt
bóluefni í Nígeríu
„Þegar við byrjuðum komu
upp eitt þúsund ný lömunarveiki
tilfelli á dag í heiminum en nú
eru þau færri en þúsund á ári,“
segir Burton og bætir við að
það sem af sé þessu ári séu til-
fellin 315. Segir hann að tekist
hafi að uppræta lömunarveiki í
öllum löndum nema fjórum:
Afganistan, Pakistan, Indlandi
og Nígeríu.
„Stríð hafa stundum gert okk-
ur erfitt fyrir og fyrir nokkrum
árum urðu veruleg vandræði í
Nígeríu vegna tortryggni
stjórnvalda og múslimaklerka í
garð Bandaríkjanna og ekki var
vilji til að nota bóluefni þaðan.
Það var leyst með því að fá
bóluefni frá öðru múslimaríki,
Tyrklandi,“ útskýrir hann.
Hann segir að áfram verði
sjónum beint að lömunarveiki í
þessum fjórum löndum en að
mikið hafi verið spurt hvað taki
við og verði næsta stóra verk-
efni hreyfingarinnar. „Því miður
er af nógu að taka, takmarkaður
aðgangur að vatni, alnæmisfar-
aldurinn, malaría og ólæsi eru
allt mál sem hafa verið nefnd.
Það er mikill þrýstingur á okkur
úr ýmsum áttum þar sem óskað
er eftir því að við einbeitum
okkur að ákveðnum verkefn-
um.“
Rotary-hreyfingin var stofnuð
árið 1905 og félagar í henni eru
1,2 milljónir. Á Íslandi eru þeir
um tólf hundruð eða fleiri en í
nokkru öðru landi miðað við
höfðatölu. Til að verða félagi
þarf manni að verða boðið í
hreyfinguna.
Morgunblaðið/RAX
Börje Thorström, umdæmisstjóri í Finnlandi, Ron D. Burton, fulltrúi
forseta Rotary, og Örn S. Arnaldsson, umdæmisstjóri á Íslandi.
Umdæmisþing Rotary-hreyfingarinn-
ar haldið um helgina á Seltjarnarnesi
Höfuðáherslan
á baráttuna
gegn mænusótt
Eftir Bryndísi Sveinsdóttur
bryndis@mbl.is
ERILSAMT var hjá slökkviliði höf-
uðborgarsvæðisins aðfaranótt laug-
ardags. Dælubílar voru þrisvar kall-
aðir út. Skömmu eftir klukkan 1 var
tilkynnt um glóð sem logaði í sorp-
geymslu að Grensásvegi 16. Reykur
hafði borist inn í húsið og þurfti að
reykræsta það, en talið er að
skemmdir séu óverulegar.
Þá fékk slökkviliðið tilkynningu
um að kveikt hefði verið í sorpi við
bensíndælu á bensínstöð Olís í Álf-
heimum. Þegar slökkvilið kom á
staðinn var nánast búið að slökkva
eldinn. Einnig var dælubíll kallaður
út vegna umferðarslyss á Höfða-
bakka, en það reyndist minniháttar.
Ennfremur sinnti liðið um 20
sjúkraflutningum aðfaranótt laugar-
dagsins.
Erilsamt
hjá
slökkviliði