Morgunblaðið - 28.05.2006, Blaðsíða 61

MORGUNBLAÐIÐ SUNNUDAGUR 28. MAÍ 2006 61
N
ýjasta mynd leikstjór-
ans Pauls Weitz ber
nafnið American
Dreamz en hann er
jafnframt framleið-
andi og handritshöfundur hennar.
Myndin er gamanádeila og er banda-
rískt þjóðfélag í forgrunni og þá
helst veruleikaþátturinn American
Dreamz. Fyrirmyndin er greinilega
Idol-söngþættirnir sem hafa notið
vinsælda víða um heim. Hugh Grant
leikur Martin Tweed, myndarlegan
stjórnanda þáttarins, og minnir hann
bæði á kynninn Ryan Seacrest og
dómarann Simon Cowell.
Weitz og Grant þekkjast en sá
fyrrnefndi leikstýrði myndinni
About a Boy en þar var Grant í aðal-
hlutverki. Af öðrum afrekum Weitz
má nefna In Good Company og Am-
erican Pie.
Þátturinn er rauði þráðurinn í sög-
unni. American Dreamz er einn vin-
sælasti þátturinn í bandarísku sjón-
varpi en Tweed er orðinn leiður á
honum. Hann vill gera eitthvað nýtt
þetta misserið með nýstárlegum
keppendum. Hann ákveður að fá
múslima og gyðing í keppnina og
tekst það. Einna mest er fylgst með
Omer (Sam Golzari), misheppnuðum
hryðjuverkamanni, sem hefur meiri
áhuga á sönglögum í Broadway-stíl
en heilögu stríði. Svo má ekki gleyma
hinni miskunnarlausu Sally Kendoo
(Mandy Moore), sem gerir allt fyrir
frægðina. Til viðbótar er forseti
landsins, Joe Staton (Dennis Quaid),
ekki alveg með á nótunum, les ekki
blöðin og er sem strengjabrúða í
höndum skrifstofustjóra Hvíta húss-
ins (Willem Dafoe). Til viðbótar æxl-
ast málin svo að forsetinn verður
gestadómari í úrslitaþætti American
Dreamz eftir að vinsældir forsetans
dala.
Vissulega er gengið langt í húm-
ornum í myndinni en hún er bráð-
fyndin og virðist leikstjórinn sjálfur
ekki taka sig of alvarlega. Weitz
kemur vel fyrir í síma og léttist í
lundu eftir því sem á líður.
– Er þetta rétti tíminn til að gera
svona mynd?
„Þetta er rétti tíminn fyrir mig, ég
veit ekki hvort þetta er rétti tíminn
fyrir neinn annan.“
Ávanabindandi efni
– Er tími veruleikaþátta á enda
eða eiga enn fleiri þættir eftir að
bætast í hópinn?
„Það eru áreiðanlega fleiri þættir
á leiðinni því þetta er vinsælt efni.
Þeir geta verið mjög ávanabindandi
og eru að sumu leyti betra sjónvarps-
efni en það hefðbundna.“
– Það lítur líka út fyrir að þú hafir
töluvert horft á American Idol?
„Þegar ég skrifaði handritið hafði
ég ekki séð þættina, bara heyrt um
þá. Svo fór ég að horfa áður en ég
gerði myndina og varð alveg háður
þeim.“
– Myndirðu einhvern tímann leik-
stýra veruleikaþáttum eða taka á
einhvern hátt þátt í þeim?
„Nei, ég held það væri leiðinlegt.
Ég hef nóg af fólki í raunverulegu lífi
mínu.“
– Myndin tekur á grundvallar-
hugmynd í bandarísku þjóðlífi, amer-
íska draumnum um frægð og ríki-
dæmi. Hvað finnst þér um þennan
draum?
„Ég held að hann eigi sér bæði
góðar og slæmar hliðar. Það skrýtna
er að táknmynd hins jákvæða í
myndinni er syngjandi hryðjuverka-
maður sem á sér draum um að verða
stjarna. Ameríski draumurinn sýnir
sig á marga vegu. Við erum aldrei
ánægð með það sem við höfum. Einu
sinni vildi fólk stærra hús og fleiri
bíla. Núna vilja allir verða stjörnur.
Það skrýtna við veruleikasjónvarp er
hvað fólk á auðvelt með að láta töku-
vélar fylgja sér um allt. Fólk er nátt-
úrulegir leikarar.“
Nýgræðingar og
gamlar kempur
– Á þetta eftir að breyta leikurum
og leiklistinni?
„Áhugaverð spyrning, það gæti vel
gerst. Mér finnst frábært að horfa á
myndir þar sem leikararnir eru
óreyndir. Í þessari mynd vinna ný-
græðingar, sem við fundum úti á
götu, samhliða stjörnum eins og
Hugh Grant. Mér finnst gaman að
þessari blöndu.“
Nýgræðingarnir sem hann talar
um eru Sam Golzari og Tony Yalda
en sá síðarnefndi leikur Iqbal Riza,
sem tilheyrir mjög skrautlegri fjöl-
skyldu sem lífgar verulega upp á
myndina. Riza-fjölskyldan lifir í vel-
lystingum í Orange-sýslu í Kaliforníu
og veitir skyldmenninu Omer húsa-
skjól með ófyrirséðum afleiðingum.
„Hvað Sam varðar þá er þetta ekki
aðeins fyrsta myndin hans heldur
var þetta líka fyrsta áheyrnarprófið
sem hann fór í. Hann var algjör byrj-
andi. Tony hafði heldur ekki gert
þetta áður. Í prufunni var hann alveg
„fabjúlos“. Ég ætlaði biðja hann um
að skrúfa taktana aðeins niður en svo
áttaði ég mig á því að hann var nú
þegar að tóna þetta niður. Hann er í
raun mjög líkur persónunni í mynd-
inni.“
– Marga í myndinni þyrstir í
frægð. Hvernig skilgreinir maður
dægurstjörnu og hvernig hefur þessi
skilgreining breyst síðustu ár?
„Ég veit ekki hvort sama skil-
greiningin á við á Íslandi og í Banda-
ríkjunum en ég tel að mörkin milli
venjulegrar manneskju og frægs ein-
staklings verði sífellt óskýrari. Í
gamla daga fjölluðu tímaritin um
rómantíkina í kringum það að vera
stjarna. Núna snýst allt um að
stjörnurnar séu háðar eiturlyfjum
eða náist drukknar undir stýri. Það
virðist sem við viljum skipta um hlut-
verk við fræga fólkið. Við viljum að
fræga fólkið verði eins og drukkinn
frændi okkar.“
– Myndin er heilmikil ádeila á
bandarískt samfélag þó hún sé mjög
gamansöm. Móðgaðirðu Bandaríkja-
menn? Er myndinni jafnvel betur
tekið í Evrópu?
„Mér finnst myndinni betur tekið í
Evrópu, Bandaríkjamenn virðast
hafa móðgast enda gerist margt
geggjað í myndinni. Fólk tók mynd-
inni vel í New York og Los Angeles
en ég veit ekki alveg með afganginn
af landinu. Þetta er gamanmynd sem
er mjög gagnrýnin á Bandaríkin.
Mér fannst áhugavert að nálgast
þetta viðfangsefni með ýktum húm-
or. Það hentaði mér. En það eru
kannski ekki allir sáttir við að þetta
er mynd sem gerir grín að hryðju-
verkamönnum.“
Byggði persónuna á Grant
– Persóna Hugh Grant í myndinni
er eins og blanda af Ryan Seacrest
og Simon Cowell.
„Já það er satt. Það fyndna er að í
raun var ég að byggja persónuna
meira á því að vera ýkt útgáfa af
Hugh sjálfum. Hann er með mjög
geggjaðan húmor og ég vissi að þetta
efni myndi höfða til hans. Hann er
með sérstaklega brenglaðan húmor,
sem er í raun mjög barnalegur.
Hann hefur líka mjög sterka skoðun
á því að það sé enginn munur á há-
og lágmenningu.“
– Hvað finnst þér um slíkar menn-
ingarskilgreiningar?
„Ég þoli ekki tilgerð. Oft reynir
fólk sem skrifar um menningu að
hólfa hana niður. Ástæðan fyrir því
að það gerir það er að það vill upp-
hefja sjálft sig. Þetta skil ég ekki.“
– Hugh Grant og Mandy Moore
eru góð saman í myndinni.
„Ég er ánægður með frammistöðu
hennar og er mjög stoltur af henni.
Hún er virkilega indæl en er líka með
kaldhæðna hlið sem leyfir henni að
blómstra í hlutverki þar sem hún
leikur mjög andstyggilegan ein-
stakling.“
– Persóna hennar, Sally Kendoo,
losaði sig við kærastann um leið og
hún komst inn í þáttinn.
„Það fyndna við það er að þetta
gerðist í raun og veru hjá stelpunni
sem vann American Idol á síðasta
ári. Það var algjör tilviljun. Ég vissi
þetta ekki þegar ég samdi hand-
ritið.“
– Er einhver ein ákveðin lexía sem
þú vilt að fólk fari heim með eftir að
hafa séð myndina?
„Ég vil að fólk fari úr bíóinu eftir
að hafa hlegið að hlutum sem það
taldi að það myndi aldrei hlæja að.
Að þeim finnist þetta hafa hreinsað
hugann. Og svo vona ég líka að
Bandaríkjamenn hafi það í sér að
vera þó ekki nema smá sjálfs-
gagnrýnir. Bara að það væri raun-
in …“
Syngjandi hryðjuverka-
menn og seiðandi frægð
Þorsta fólks eftir skyndilegri frægð og frama er svalað ekki síst með veru-
leikaþáttum í sjónvarpi. Inga Rún Sigurðardóttir ræddi við Paul Weitz,
leikstjóra gamanádeilunnar American Dreamz, sem frumsýnd var hér-
lendis fyrir helgi og fæst m.a. við þetta viðfangsefni.
ingarun@mbl.is
Omer (Sam Golzari) æfir sporin í sérhönnuðum skemmtanakjallara Riza-
fjölskyldunnar í stóra einbýlishúsinu í Orange-sýslu í Kaliforníu.
Tveir vinir: Leikarinn Hugh Grant og leikstjórinn Paul Weitz við tökur.
Weitz segist hafa byggt persónu Grants á honum sjálfum.
’Mörkin milli venju-legrar manneskju og
frægs einstaklings
verða sífellt óskýrari. Í
gamla daga fjölluðu
tímaritin um rómantík-
ina í kringum það að
vera stjarna. Núna
snýst allt um að
stjörnurnar séu háðar
eiturlyfjum eða náist
drukknar undir stýri.
Það virðist sem við vilj-
um skipta um hlutverk
við fræga fólkið.‘
Martin Tweed (Hugh Grant) er ánægður með frammistöðu Sally Kendoo
(Mandy Moore) í þættinum American Dreamz. Hún syngur kannski eins og
engill en hagar sér langt í frá sem einn slíkur.
Skógarhlíð 18 • 105 Reykjavík • sími 591 9000
Akureyri • sími 461 1099 • Hafnarfirði • sími 510 9500
www.terranova.is- SPENNANDI VALKOSTUR
í júní
frá kr. 34.990
Sértilboð - Glæsileg gisting
Terra Nova býður frábært tilboð á einn vinsælasta áfangastað Costa
Dorada strandarinnar sunnan Barcelona, Salou. Þú velur á milli þriggja
og fjögurra stjörnu hótela. Góð hótel, vel staðsett og með góðri
aðstöðu. Einstakt tækifæri á fríi á frábærum stað á ótrúlegu verði.
Kr. 39.990
5 nætur **** gisting.
Netverð á mann. Flug, skattar og gisting í tvíbýli
með morgunverði á Hotel California Palace ****
í 5 nætur, 8. og 15. júní.
Kr. 34.990
5 nætur *** gisting.
Netverð á mann. Flug, skattar og gisting í tvíbýli
með morgunverði á Hotel California Garden ***
í 5 nætur, 8. og 15. júní.