Morgunblaðið - 30.05.2006, Blaðsíða 13

MORGUNBLAÐIÐ ÞRIÐJUDAGUR 30. MAÍ 2006 13
ÚR VERINU
SIGURÐUR VE hefur landað norsk-
íslenzkri síld tvívegis nú á nokkrum
dögum, fyrstur íslenzkra skipa. Hann
landaði tæpum 1.400 tonnum í
Krossanesi á laugardag og síðan um
1.500 tonnum, eða fullfermi, á sama
stað í gærkvöldi. Suðurey VE hefur
einnig landað síld svo og kolmunna-
skipin Börkur NK og Vilhelm Þor-
steinsson EA.
Skipstjóri á Sigurði er Kristbjörn
Árnason og segir hann að síldina hafi
þeir fengið utarlega í íslenzku lögsög-
unni, um 40 mílur vestur úr Síldar-
smugunni á stað sem er í austur frá
Langanesi.
„Það var ekki mikil síld þarna, en
þó nóg til að kasta á. Í fyrri veiðiferð-
inni tókum við 11 köst, en aðeins þrjú í
þeirri seinni, 400, 500 og 600 tonn í
hverju. Nú byrjuðum við á því að
keyra í austur gegnum köldu tunguna
og síðan var ætlunin að fara til norð-
urs eða suðurs meðfram henni, en
þegar við komum í hlýja sjóinn lent-
um við beint á þessum torfum,“ segir
Kristbjörn.
Hann segir að hann hafi oft séð
miklu meira af síld á þessum tíma.
Þetta sé falleg síld, nokkuð stór, en
hann viti ekki um fituinnihaldið. Hann
segir að rannsóknaskipið Árni Frið-
riksson hafi fundið nokkra bletti hér
og þar.
„Þetta gekk mjög vel hjá okkur
núna í seinni veiðiferðinni. Við vorum
ekki nema átta tíma á miðunum, en
það skiptir öllu máli að vera fljótur að
dæla síldinni úr nótinni, því hún byrj-
ar að drepast eftir klukkutíma. Þá
sekkur hún og verður eins og grjót í
nótinni. Við erum með mjög öfluga
dælu og vorum til dæmis ekki nema
45 mínútur að dæla síðasta kastinu,
um 600 tonnum, um borð. Við tókum
einu sinni 1.250 tonna kast og vorum
ekki nema tvo og hálfan tíma í allt að
kasta á síldina, snurpa og dæla um
borð,“ segir Kristbjörn.
Kristbjörn fór fyrst á síld 1963 og
hefur verið skipstjóri síðan. Hann
segir að hann hafi ekki trú á því að
síldin gangið mikið inn í lögsöguna
núna. Kalda tungan sé sérlega köld
og nái langt suður eftir svo það sé lík-
legra að síldin gangi norður með
henni en að hún fari til suðurs og síð-
an undir tunguna og inn í íslenzku
lögsöguna.
„Maður ætti að vera hættur þessu
fyrir löngu, en það er erfitt. Þetta er
eins og að fara í lax. Það er alltaf jafn-
gaman,“ segir Kristbjörn.
Kolmunnaskip með síld
Börkur landaði 100 tonnum af
norsk-íslenzku síldinni í Neskaupstað
um helgina og í gær var Vilhelm Þor-
steinsson að landa 300 tonnum þar.
Skipin hafa verið á kolmunnaveiðum
norður af Færeyjum og fengu þau
síldina á þeim slóðum. Gunnþór
Ingvason, útgerðarstjóri hjá Síldar-
vinnslunni, segir að skip hennar,
Börkur og Beitir, séu á kolmunna-
veiðum, en muni snúa sér að síldinni
eftir sjómannadag, þegar hún verði
orðin feitari. Gera má ráð fyrir að það
sama eigi við vinnsluskipin. Þau bíði
fram yfir sjómannadag.
Sigurður VE með
fyrstu síldina



  
  
  



  
   
!"# $



 Eftir Hjört Gíslason
hjgi@mbl.is
Morgunblaðið/Sigurgeir
Síldveiðar Kristbjörn Árnason hef-
ur lengi verið á síld. Hann á ekki
von á mikilli göngu inn í íslenzku
lögsöguna á þessari vertíð.
KB LÍFEYRIR
... flú átt fla› inni!
fiegar flú flarft ekki lengur a› mæta til vinnu eftir langa
starfsævi viltu njóta lífsins. Bú›u flig undir spennandi
starfslok me› flví a› ávaxta skyldu- og vi›bótarlífeyris-
sparna›inn flinn hjá KB banka í KB Lífeyri.
Yfir 70 flúsund einstaklingar eru me› lífeyrissparna›
sinn í KB Lífeyri og fleir sem eru einnig í vi›skiptum vi›
KB banka njóta enn betri kjara í bankafljónustu.
Kynntu flér KB lífeyri í næsta útibúi e›a í síma 444 7000.
KB Lífeyrir samanstendur af Frjálsa lífeyrissjó›num,
Vista og Lífeyrisauka.
Sverrir Kristinsson, löggiltur fasteignasali
TIL LEIGU Í SUÐURHLÍÐUNUM Í RVÍK
Um er að ræða raðhús á tveimur hæðum ásamt bílskúr.
Húsið skiptist í 4 svefnherbergi, eldhús, stofu, borðstofu,
tvö baðherbergi o.fl.
Nánari upplýsingar gefur Kjartan@eignamidlun.is
og á skrifstofu.
Opið hús í dag á milli kl. 17-18