Morgunblaðið - 18.10.2006, Blaðsíða 16

16 MIÐVIKUDAGUR 18. OKTÓBER 2006 MORGUNBLAÐIÐ
ERLENT
Peking. AFP. | Kínverskur fræðimað-
ur, sem hafði tekið þátt í útgáfu
margra bóka þar sem fjallað var um
stjórn landsins með gagnrýnum
hætti, hefur verið hnepptur í varð-
hald eftir að fulltrúar stjórnarinnar
ruddust inn á heimili hans og tóku
tölvu, handrit, erlendar bækur og
ýmis gögn traustataki.
„Ding Dong var fluttur frá heimili
okkar þegar klukkuna vantaði kort-
er í sex um morguninn, þeir sökuðu
hann um að vera grunaðan um glæpi
en sögðu ekki hvað hann hefði gert af
sér,“ sagði Xing Xiaoqun, eiginkona
Dings.
Að hennar sögn tóku 15 lögreglu-
menn og starfsmenn öryggissveita
stjórnvalda þátt í aðgerðinni sem var
gerð aðeins nokkrum dögum áður en
Ding hugðist gefa út ritgerðasafn
eftir He Jiadong, frjálslyndan
menntamann af eldri kynslóð komm-
únista, sem lést á mánudag.
Jafnframt skýrði Xing frá því að
hún hefði heyrt að prentiðnaðarmað-
urinn sem falið hefði verið að prenta
bókina hefði verið handtekinn, þótt
ætlunin hefði aðeins verið sú að
dreifa bókinni á meðal vina, sem
voru sagðir tilheyra eldri kynslóð
kommúnistaflokksins.
Þá bætti vinur Dings, sem ekki
vildi láta nafns síns getið, við að í
mörgum bóka hans hefði verið lögð
fram gagnrýni á skort á lýðræði í
landinu.
Allar bækur þurfa að öðlast sam-
þykki kínverskra yfirvalda áður en
þær koma út og hafa einkaútgáfur
því verið þeim mikill þyrnir í augum.
Brottrekstur Li Erliangs, rit-
stjóra eins helsta dagblaðs kommún-
istaflokksins, hefur vakið spurningar
um frelsi fjölmiðla í Kína. Erliang
var talinn ábyrgur fyrir birtingu rit-
gerðar þar sem lögð var fram gagn-
rýni á þjóðernissinnaða söguskoðun
á aðgerðum útlendinga í landinu á
ofanverðri nítjándu öld.
Handtóku gagnrýnanda
kínverskra stjórnvalda
Í HNOTSKURN
»Eftirlit með fjölmiðlum íKína hefur verið hert í
embættistíð Hu Jintao for-
seta.
»Stjórnin samþykkti nýlegastrangar kvaðir á starf-
semi erlendra miðla í landinu.
»Hún liggur einnig undirámæli fyrir nýtt mynd-
band sem sýnir morð her-
manna á óvopnuðum Tíbeta.
»Vonir eru bundnar við aðnetsjónvarp muni öðlast
miklar vinsældir í Kína.
»Stjórnin gefur fyrirmælitil ríkismiðla um hvernig
taka eigi á einstökum málum.
Washington. AP. | Þrjú hundruð
milljónasti Bandaríkjamaðurinn
kom í heiminn í gær ef marka má
gang „mannfjöldaklukku“ banda-
rísku hagstofunnar, sem hækkar
íbúafjöldann um einn á sjö sek-
úndna fresti. Lítið var þó um há-
tíðarhöld vestanhafs enda telja
sérfræðingar að þessum áfanga
hafi í raun verið náð fyrir nokkr-
um mánuðum.
„Ég held ekki að nokkur trúi því
að þetta verði nákvæmlega stundin
sem mannfjöldinn nær 300 millj-
ónum,“ sagði Howard Hogan,
starfsmaður hagstofunnar, áður en
klukkan „sló“ þrjú hundruð millj-
ónir, fjórtán mínútum fyrir hádegi
að íslenskum tíma í gær.
Þrjátíu og níu ár eru nú liðin frá
því að þáverandi forseti Bandaríkj-
anna, Lyndon B. Johnson, efndi til
blaðamannafundar þar sem rætt
var um fortíð og framtíð landsins í
tilefni þess að íbúafjöldinn hafði
náð 200 milljónum. Í dag fjölgar
íbúum landsins um 2,8 milljónir á
ári, eða um minna en eitt prósent,
og má rekja 40 prósent þeirrar
aukningar til innflytjenda.
Bandaríkja-
menn 300
milljónir
AÐ MINNSTA kosti einn lést og á annað hundrað slösuðust þegar neð-
anjarðarlest skall á kyrrstæðri lest á Piazza Vittorio Emanuele II stöðinni
á annatíma í miðborg Rómar í gærmorgun. Óvíst er um tildrög slyssins en
talið er að stjórnandi lestarinnar sem var á ferð hafi ekið yfir á rauðu ljósi.
Reuters
Harmleikur í Rómarborg
ANDERS Borg, fjármálaráðherra
Svíþjóðar, viðurkenndi í gær, að hann
hefði borgað heimilishjálpinni sinni
undir borðið en
ekki þykir líklegt,
að ráðherradómur
hans sé í hættu
þess vegna. Upp-
lýsingarnar eru
hins vegar enn eitt
áfallið fyrir Fre-
drik Reinfeldt for-
sætisráðherra.
Borg nefndi
þetta að fyrra bragði í gær þegar hann
svaraði spurningum fréttamanna en
taldi sig ekki hafa greitt konunni, sem
þreif hjá honum, meira en 10.000
sænskar krónur. Sagði hann, að þess
vegna hefði honum ekki borið skylda til
að greiða launatengd gjöld en vissu-
lega hefði hann átt að gefa greiðslurnar
upp.
„Ég harma það, að mér skyldu verða
á þessi alvarlegu mistök en ég vona, að
ég fái að halda áfram við það verk, sem
ég er byrjaður á. Það er þó ekki mitt að
meta það,“ sagði Borg. Konan, sem
þreif hjá honum, upplýsti í gær, að hún
hefði fengið meira en 10.000 kr. sænsk-
ar í laun eða nokkuð á tólfta þúsundið.
Samkvæmt því hefði Borg ekki aðeins
átt að gera skattayfirvöldum grein fyr-
ir launagreiðslunum, heldur greiða líka
af þeim launatengd gjöld.
Mikil þrýstingur
á Billström
Tobias Billström, sem fer með mál-
efni útlendinga í ríkisstjórninni, kom
aftur til starfa í gær eftir nokkurra
daga veikindi. Eru uppi kröfur um, að
hann verði látinn fara en hann eins og
þeir tveir ráðherrarnir, sem hafa sagt
af sér, Maria Borelius og Cecilia Stegö
Chilo, hefur ekki greitt afnotagjald af
ríkisútvarpi og -sjónvarpi. Sagt er, að
hann hafi aldrei gert það, hvorki fyrr
né síðar, og hann þótti sýna hroka er
hann sagði ástæðuna þá, að hann hefði
verið andvígur rekstri ríkisútvarpsins.
Billström sagði í gær, að hann ætlaði
ekki að segja af sér en jafnaðarmenn
leggja mikla áherslu á, að hann verði að
fara. Innan Hægriflokksins, flokks
Billströms, virðast líka margir vera á
þeirri skoðun.
„Það gengur ekki, að menn greiði
ekki lögboðna skatta og gjöld af hug-
sjónaástæðum,“ segir Henrik West-
man, kunnur hægriflokksmaður, í við-
tali við Svenska Dagbladet og Henrik
S. Järrel, einn þingmanna Hægri-
flokksins, tekur undir það.
Hótað dauða
Magnus Ljungkvist, einn af blaða-
fulltrúum jafnaðarmanna og bloggari,
sem segja má, að hafi fellt Mariu Bore-
lius, segir, að sér hafi borist alls konar
hótanir að undanförnu. Það var hann,
sem upplýsti um tekjur Borelius-
hjónanna á síðasta áratug en þær voru
mjög miklar. Borelius hafði hins skýrt
svörtu greiðslurnar til barnfóstrunnar
með peningaleysi. Ljungkvist segir, að
hann hafi fengið mikið af haturspósti
og beinlínis verið hótað dauða.
Enn einn ráðherrann
borgaði undir borðið
Eftir Svein Sigurðsson
svs@mbl.is Raunir sænsku
stjórnarinnar
ekki búnar í bráð
Anders Borg
París. AP. | Kofi Annan, fram-
kvæmdastjóri Sameinuðu þjóðanna,
telur að átök geti blossað upp í Vest-
ur-Sahara í Norður-Afríku á ný um
leið og friðargæslu lýkur og hyggst
leita eftir því að dvöl friðargæsluliðs
þar verði framlengd, að því er fram
kemur í skýrslu öryggisráðsins.
Þannig telur Annan dvöl frið-
argæsluliðsins „ómissandi fyrir við-
hald vopnahlésins“ en eftirlit þess
rennur út þann 31. október nk.
Mikil spenna hefur verið á milli
Marokkómanna og sjálfstæðishreyf-
ingar Vestur-Sahara, Polisario, sem
notið hefur stuðnings stjórnvalda í
Alsír. Árið 1991 komu Sameinuðu
þjóðirnar á vopnahléi eftir áralöng
átök og sendu friðargæslulið sem er
þekkt af franskri skammstöfun
sinni, MINURSO.
Hefur friðargæsluliðinu tekist að
hafa eftirlit með því að vopnahléið
sé virt en mistekist að ná því mark-
miði sínu að koma á þjóðaratkvæða-
greiðslu í V-Sahara.
Marókkomenn hafa alfarið hafnað
sjálfstæði en lagt fram tillögur um
sjálfstjórn Polisario, sem neitar við-
ræðum nema sjálfstæði sé í boði.
Varar við
átökum í
V-Sahara