Morgunblaðið - 12.11.2006, Síða 10

10 SUNNUDAGUR 12. NÓVEMBER 2006 MORGUNBLAÐIÐ
H
ver iðrast
þess á dán-
arbeðinum að
hafa ekki
varið meiri
tíma í
vinnunni?
Sjálfsagt fáir.
Fleiri iðrast þess eflaust að hafa
ekki varið meiri tíma með börnum
sínum og öðrum ástvinum. Auðvitað
skiptir vinnan máli en er samt ekki
þegar öllu er á botninn hvolft hin
djúpa hamingja fólgin í samskiptum
við okkar nánustu? Margt bendir til
þess að þessi samskipti séu ekki
nægilega mikil í hinu kröfuharða,
hraða og árangursmiðaða samfélagi
samtímans. Getur verið að við séum
að horfa á börnin okkar breytast í
fullorðið fólk án þess að hafa hug-
mynd um hver þau eru – án þess að
þekkja væntingar þeirra og þrár?
Erum við að missa af lestinni sem
aldrei kemur aftur?
Halldór Grönvold, aðstoð-
arframkvæmdastjóri Alþýðu-
sambands Íslands (ASÍ), segir fólk
geta verið sammála um að mörg
börn á Íslandi njóti ekki þess til-
finningalega atlætis sem við vildum
og í ýmsum tilvikum ekki heldur
þeirra efnalegu skilyrða sem öllum
ætti að vera tryggð.
„Þegar maður fer að velta fyrir
sér hvernig bregðast eigi við þess-
um vanda er ekki til neitt einfalt
svar,“ segir Halldór, „en í grunninn
er það fyrst og fremst tvennt sem
þarf að skoða. Annars vegar þær
aðstæður sem foreldrar geta skapað
sér og sínum börnum og hins vegar
með hvaða hætti samfélagið styður
við barnafjölskyldur.“
Halldór beinir sjónum fyrst að
fjölskyldunni. „Það er auðvitað
margþvæld tugga en alveg jafn
mikilvæg fyrir því að vinnutíminn
skiptir gífurlega miklu máli. Við Ís-
lendingar áttum til skamms tíma ill-
ræmt Evrópumet í löngum vinnu-
tíma. Með nýjum aðildarríkjum
Evrópusambandsins og Evrópska
efnahagssvæðisins hefur þessi
mynd breyst aðeins en það eru
vanþróaðri ríki sem við höfum ekki
og viljum ekki bera okkur saman
við. Ef við lítum til þeirra ríkja sem
við höfum helst borið okkur saman
við komast Bretar næst okkur með
langan vinnutíma en eru eigi að síð-
ur býsna langt fyrir neðan.“
Vinnutíminn ekki að styttast
Halldór segir það áhyggjuefni að
vinnutíminn hér á landi virðist ekki
vera að styttast sem neinu nemur.
„Ef maður skoðar þróunina síðustu
tíu árin er heildarvinnutími karla að
vísu heldur að styttast en á móti
kemur að heildarvinnutími kvenna
er að lengjast. Þetta eru ákveðin
vonbrigði. Meðalvinnutími karla á
viku er yfir fimmtíu stundir og með-
alvinnutími kvenna yfir fjörutíu
stundir. Það segir sig sjálft að
svona langur vinnutími takmarkar
möguleika fólks til að sinna sínum
börnum.“
Halldór segir að margt bendi til
að skipulag vinnunnar sé líka fjand-
samlegra fólki nú en áður. „Það
byggir að töluverðu leyti á því að
stöðug krafa um hagræðingu, aukna
Morgunblaðið/Kristinn
Morgunblaðið birti fyrir skemmstu greinaflokk undir yfirskriftinni „Er Ísland barnvænt samfélag?“ Helsta
niðurstaða hans var að efnahagslegar aðstæður til að ala upp börn hér á landi séu á heildina litið ákjósan-
legar en þegar kemur að tilfinningalegu atlæti gætum við gert betur. Tilfinningaleg vanræksla barna sé jafn-
vel að færast í aukana. En hvað er til ráða? Morgunblaðið leitar í þessari grein og fleiri greinum á næstunni
svara við því hvernig við getum gert betur við börnin okkar og horfir þá sér í lagi til hinna hugrænu gilda.
Eru foreldrar
að missa af lestinni?
Texti | Orri Páll Ormarsson
orri@mbl.is
Foreldrar og börn