Morgunblaðið - 12.11.2006, Page 33

MORGUNBLAÐIÐ SUNNUDAGUR 12. NÓVEMBER 2006 33
Hlutafjárútboð Tryggingamiðstöðvarinnar hf., kt. 660269-2079, Aðalstræti 6, 101 Reykjavík.
FJÁRHÆÐ ÚTBOÐS
Á hluthafafundi Tryggingamiðstöðvarinnar hf. þann 26. september sl. var samþykkt að veita stjórn félagsins heimild til að hækka
hlutafé í félaginu um allt að 186.479.234 hluti. Stjórn félagsins hefur ákveðið að hækka hlutafé um 157.894.737 hluti sem nemur
16,9% aukningu hlutafjár. Heildarhlutir eftir aukninguna verða 1.090.290.905. Hlutirnir eru í sama flokki og þegar útgefnir hlutir.
Hver hlutur er ein króna að nafnverði.
Fyrirtækjaráðgjöf Glitnis banka hf. hefur umsjón með útboðinu og hefur sölutryggt sölu allra hluta. Hluthöfum er boðið að kaupa nýja
hluti í hlutfalli við hlutafjáreign sína. Verð í útboðinu verður 38 krónur á hlut.
TILGANGUR ÚTBOÐS
Tilgangur útboðsins er að styrkja eiginfjárstöðu Tryggingamiðstöðvarinnar hf. vegna kaupa á hlutum í NEMI Forsikring ASA.
FORGANGSRÉTTARÚTBOÐ – FYRIRKOMULAG OG SKILMÁLAR
157.894.737 hlutir eru boðnir hluthöfum Tryggingamiðstöðvarinnar hf. í réttu hlutfalli við hlutafjáreign eins og hún var skráð í
hlutaskrá félagsins í lok viðskiptadags þann 1. nóvember 2006.
Forgangsréttarútboðið stendur frá 10. nóvember kl. 10.00 til 13. nóvember kl. 19.00.
Áskriftum hluthafa ber að skila með rafrænum hætti á sérstöku áskriftarformi á vef Glitnis, www.glitnir.is. Kennitala og lykilorð sem
send voru til hluthafa 2. nóvember eru nauðsynleg til að geta skráð áskrift. Rafræn staðfesting er skilyrði fyrir gildri áskrift. Þeir hluthafar
sem ekki hafa aðgang að Internetinu geta hringt í Þjónustuver Glitnis í síma 440 4000 milli kl. 09.00 og 19.00 virka daga eða farið
í næsta útibú Glitnis til að skrá áskrift sína. Nauðsynlegt er að hafa bréf þetta meðferðis til að skráning geti farið fram með réttum
hætti. Þeir sem hringja inn til að skrá áskrift sína fá senda staðfestingu á áskrift með tölvupósti eða pósti ef hluthafi hefur ekki
netfang. Ekki verður tekið við áskriftum með öðrum hætti en hér hefur verið lýst.
Hluthafar geta framselt forgangsrétt sinn í útboðinu að nokkru eða öllu leyti. Réttur til umframáskriftar er ekki framseljanlegur.
Hluthöfum er heimilt að skrá sig fyrir fleiri eða færri hlutum en þeir eiga hlutfallslegan rétt til. Nýti einhverjir hluthafar ekki rétt sinn
að fullu, skiptast þeir hlutir sem eftir standa á milli hluthafa sem hafa skráð sig fyrir hærri fjárhæð í hlutfalli við hlutafjáreign
samkvæmt hlutaskrá í lok dags þann 1. nóvember 2006.
ALMENNT ÚTBOÐ – FYRIRKOMULAG OG SKILMÁLAR
Seljist ekki allir hlutir í forgangsréttarútboðinu munu þeir hlutir sem eftir standa verða boðnir í almennu útboði að loknu áskriftartímabili.
Lágmarksáskrift í almenna útboðinu er 5.000.000 kr. að markaðsvirði. Umsjónaraðili fyrir hönd útgefanda hefur heimild til að velja eða
hafna áskriftum að eigin vild. Glitnir áskilur sér rétt til að hætta við almenna útboðið ef 95% eða meira af nýjum hlutum verða seldir í
forgangsréttarútboðinu.
Almenna útboðið stendur frá 14. nóvember kl. 10.00 til 15. nóvember kl. 19.00.
Áskriftum ber að skila með rafrænum hætti á sérstöku áskriftarformi á vef Glitnis, www.glitnir.is. Rafræn staðfesting er skilyrði fyrir
gildri áskrift.
NIÐURSTAÐA ÚTBOÐS
Niðurstaða sölu í almenna útboðinu verður tilkynnt Kauphöll Íslands þegar sölu lýkur. Þátttakendur geta, frá og með 17. nóvember,
nálgast upplýsingar um úthlutun í útboðinu með sama hætti og skráning fór fram.
GREIÐSLA
Áskrift í útboðinu er skuldbindandi. Gjalddagi greiðsluseðla vegna hlutafjárkaupa er þriðjudagurinn 28. nóvember 2006. Berist
greiðsla ekki tímanlega má innheimta skuldina á þann veg sem lög heimila. Í stað þess að grípa til innheimtuaðgerða hefur bankinn
einhliða heimild til að fella ógreiddar áskriftir niður og ráðstafa þeim til þriðja aðila.
AFHENDING HLUTA
Eigi síðar en 30. nóvember verða hlutirnir gefnir út rafrænt hjá Verðbréfaskráningu Íslands og afhentir til hluthafa.
SKJÖL VARÐANDI SKRÁNINGUNA
Lýsing var gefin út 10. nóvember á ensku og hana má nálgast í fréttakerfi
Kauphallar Íslands, news.icex.is, og á heimasíðu Glitnis, www.glitnir.is.
Einnig er hægt að óska eftir útprentuðu eintaki hjá umsjónaraðila.
Glitnir banki hf. – Fyrirtækjaráðgjöf, Kirkjusandi, 155 Reykjavík, tmutbod2006@glitnir.is.
TRYGGINGAMIÐSTÖÐIN HF.
HLUTAFJÁRÚTBOÐ 10.–15. NÓVEMBER 2006
Fjárhæð útboðs: 6.000.000.000 kr.
uppbygging Þjóðverja né hvert þeir
stefndu með henni. Heimkominn til
Englands aftur lá hann ekki á skoð-
unum sínum; að uppgang nazista yrði
að stöðva, því þeir stefndu beint í
aðra heimsstyrjöld. Hann átti marga
skoðanabræður í viðskiptaheiminum;
menn sem lásu atburðarásina betur
en margir þeir, sem með völdin fóru.
Í þinginu var Winston Churchill
hrópandinn í eyðimörkinni, en hann
lét ekkert tækifæri ónotað til þess að
freista þess að vekja Breta af Þjóð-
verjasvefni sínum. Skýrslur, sem
Stephenson setti saman um iðnaðar-
og efnahagsþróunina í Þýzkalandi,
rötuðu til hans. Brezka leyniþjón-
ustan var lasin um þessar mundir og
margir starfsmenn hennar í raun
beggja blands. Sumir deildu áhyggj-
um manna af Þýzkalandsþróuninni,
en aðrir, þ. á m. ýmsir þeir sem ferð-
inni réðu, héldu áfram að stinga
ráðamenn þjóðarinnar svefnþorni.
Bill Macdonald segir í bók sinni
margt benda til þess að Stephenson
hafi seint á fjórða áratugnum tekið
þátt í ráðagerð um að ráða Hitler af
dögum. Hún datt uppfyrir, þegar
brezki utanríkisráðherrann, Halifax
lávarður, kvað upp úr um það, að
launmorð ættu ekki að leysa brezka
diplómatíu af hólmi. Öðru sinni beitti
Stephenson sér fyrir ráðgerð um að
stöðva flutninga á sænsku járngrýti
til Þýzkalands. Churchill, sem þá var
orðinn flotamálaráðherra, tók ráða-
gerðinni fagnandi en hann lagði
ítrekað til í ríkisstjórninni að tund-
urdufl yrðu sett í norska landhelgi til
að koma í veg fyrir siglingar þýzkra
flutningaskipa. Ýmsir innan brezku
leyniþjónustunnar studdu þessa
ráðagerð, en hún spurðist út og sam-
starfsmenn Stephenson í Svíþjóð
urðu órólegir. Sænski konungurinn
hafði samband við þann brezka og
bað hann í Guðs bænum að stöðva
þessa ráðagerð, þar sem hann ótt-
aðist þýzka innrás í Svíþjóð, og þegar
brezka utanríkisráðuneytið fékk veð-
ur af ráðagerðinni, lagðist það gegn
henni af ótta við að Rússar, sem háðu
Vetrarstríðið við Finna, réðust inn í
Svíþjóð líka. Stephenson var ekki
með hýrri há, þegar hann sneri aftur
til Englands frá Svíþjóð. Brezka rík-
isstjórnin samþykkti síðar áætlun
Churchill um tundurdufl í norsku
landhelgina.
Þessi umsvif Stephenson juku á at-
hygli Winston Churchill og þar kom
að þeir hittust. Það var meðeigandi
Stephenson í Alpha Cement sem
leiddi þá saman snemma árs 1938.
Stephenson sagði síðar, að þeir
Churchill hefðu strax smollið saman,
verið á nákvæmlega sömu bylgju-
lengd og þannig hefði það verið alla
þeirra samferð, þótt ýmsir ut-
anaðkomandi hefðu reynt að skera á
böndin milli þeirra.
Randolph Churchill hefur rifjað
upp samtal þeirra feðga að morgni
18. maí 1940. Faðir hans forsætisráð-
herrann var að raka sig og bað son
sinn að kíkja í blöðin á meðan. Svo
sagðist hann hafa fundið ráð til þess
ekki einasta að forða Bretum frá
ósigri gegn nazistum heldur tryggja
sigur yfir þeim. Og ráðið var: „Ég
dreg Bandaríkin inn í styrjöldina.“
En þótt þetta hljómaði einfalt var
síður en svo einfalt að koma hlut-
unum í kring. Bandaríkjamenn voru
flestir á einangrunarbuxunum og
vildu alls ekki láta styrjöld í Evrópu
koma sér við. En eins og Bretar áttu
sinn Churchill í Downingstræti 10,
áttu Bandaríkjamenn sinn Roosevelt
í Hvíta húsinu. Heimssýn hans náði
út fyrir mæri Bandaríkjanna og hann
deildi áhyggjum manna af yfirgangi
nazista. Reyndar hafði Roosevelt
sent Churchill bréf tíu dögum eftir
innrás Þjóðverja í Pólland 1. sept-
ember 1939, en þá var Churchill orð-
inn flotamálaráðherra og síðar þegar
illa horfði fyrir Bretum, varð ham-
ingju þeirra það að vopni að Winston
Churchill varð forsætisráðherra.
Bretar töldu nú nauðsynlegt að
efla leyniþjónustu sína vestanhafs til
þess að fylgjast með óvininum þar og
ein leið til þess var að koma á ein-
hvers konar samvinnu við banda-
rísku ríkisrannsóknalögregluna FBI.
William Stephenson var valinn til
fararinnar og hans fyrsta verk í New
York að vorlagi 1940 var að hafa
samband við gamlan vin sinn, box-
arann Gene Tunney, en þeir höfðu
kynnzt, þegar Stephenson keppti
1918 fyrir flugherinn á hnefa-
leikamóti hermanna. Stephenson
vissi, að Tunney þekkti J. Edgar
Hoover, yfirmann FBI, persónulega
og bað hann að koma á fundi þeirra
án þess að nokkur annar vissi og
allra sízt mátti sendiherra Breta fá
veður af fundinum. Þeir Hoover og
Stephenson hittust í apríl 1940 og
Hoover undirstrikaði að bandaríska
utanríkisráðuneytið liti svo á, að
hvers konar samstarf milli FBI og
brezku leyniþjónustunnar væri brot
á hlutleysisstefnu Bandaríkjanna og
hann myndi ekki ganga til þess án
beinnar skipunar sjálfs forsetans.
Hoover lagði líka áherzlu á að ef til
samstarfs kæmi, vildi hann að þeir
Stephenson héldu utan um það og þá
án vitneskju annarra bandarískra
stofnana, sérstaklega bandaríska ut-
anríkisráðuneytisins! Stephenson
féllst á hvort tveggja og gekk strax í
það að útvega samþykki forsetans.
Til þess að hafa milligöngu þar um
valdi hann annan bandarískan vin
sinn, lögfræðinginn Ernest Cueno,
sem síðar var útnefndur sendiherra
með fullt umboð og hafði beinan að-
gang að báðum; Rooesvelt og Churc-
hill. Cueno kom til baka með þau
skilaboð forsetans að hann vildi sjá
sem nánasta samvinnu milli FBI og
brezku leyniþjónustunnar. Cueno
sagði síðar að Stephenson hefði notið
óskoraðs trausts beggja; Roosevelt
og Churchill.
Þegar vilji forsetans lá fyrir, var
ekkert hik á Hoover. Hann lýsti sig
strax reiðubúinn til samstarfs, sem
átti eftir að vera bæði algjört og ein-
lægt.
Yfirmaður brezka
vegabréfaeftirlitsins
Þegar leyfi forsetans var í höfn,
sneri Stephenson aftur til Englands.
Hann hafði ekki fengið á hreint, hver
yrði nákvæmlega hans starfi í stríð-
inu, en nú var frá því gengið að hann
myndi samræma og stjórna öryggis-
og leyniþjónustu Breta í vesturheimi.
Þetta bar upp á ákveðinn vilja brezka
forsætisráðherrans til þess að Bret-
um yrði útvegaður aðgangur að búr-
um Bandaríkjamanna og að banda-
rískur almenningur yrði unninn á
band Breta í stríðinu gegn nazistum.
Churchill hafði látið þau orð falla, að
Stjórinn Winston
Churchill forsætis-
ráðherra.
Samvinnufús
J. Edgar Hoover,
yfirmaður FBI.
Forsetinn Franklin
D. Roosevelt fagn-
aði Stephenson.
Vinurinn William
J. Donovan,
hershöfðingi.