Morgunblaðið - 01.12.2006, Blaðsíða 4

4 FÖSTUDAGUR 1. DESEMBER 2006 MORGUNBLAÐIÐ
FRÉTTIR
MJÖG góð stemning var á stórtónleikum í
Laugardalshöll í gærkvöldi þar sem Magni
Ásgeirsson kom fram ásamt þeim Toby, Josh,
Dilönu og Storm úr Rock Star Supernova-þátt-
unum. Einnig spiluðu hljómsveitirnar Á móti sól
og húshljómsveitin úr sjónvarpsþáttunum. Að
sögn Atla Bollasonar, tónlistargagnrýnanda
Morgunblaðsins sem var á tónleikunum, stóð
Magni sig áberandi best söngvaranna. „Hann
náði salnum best og valdi skemmtilegustu lögin.
Áhorfendur voru mikið til í yngri kantinum,
mest unglingar, en líka hellingur af börnum í
fylgd með fullorðnum.“
Uppselt var á tónleikana í gærkvöldi og verða
tónleikarnir endurteknir í kvöld.
Morgunblaðið/Ómar
Rokkað feitt í Laugardalshöllinni
HÆSTIRÉTTUR hefur staðfest
dóm Héraðsdóms Reykjavíkur yfir
rétt tæplega fertugum karlmanni
fyrir tvær líkamsárásir og sætir
hann fangelsi í 12 mánuði. Honum
var auk þess gert að greiða áfrýjun-
arkostnað málsins, um 340 þúsund
krónur.
Ákærða er gefið að sök að hafa í
september árið 2004 slegið karlmann
hnefahöggi í andlitið með þeim afleið-
ingum að höfuð hans skall í jörðina.
Hlaut maðurinn blæðingu bak við
vinstri hljóðhimnu og inn í höfuð-
kúpu og blæðingu og bjúg í eyrna-
lappahluta heila. Þegar vinur fórn-
arlambsins ætlaði að hringja á
lögreglu elti ákærði hann og sló
hnefahöggi í andlitið með þeim afleið-
ingum að nefbrot hlaust af.
Greiðslukortafærsla
og þrjú vitni að árásinni
Ákærði hefur neitað sök og sagðist
fyrir dómi hafa verið á heimili sínu
þegar árásirnar voru gerðar laust
fyrir klukkan fimm um morguninn.
Hins vegar lá fyrir í málinu að ákærði
notaði greiðslukort sitt nálægt árás-
arstaðnum tveimur og hálfum
klukkutíma fyrr, auk þess sem þrjú
vitni, sem voru á staðnum, staðfestu
það að ákærði væri árásarmaðurinn.
Maðurinn hefur áður hlotið dóma,
þar á meðal þrívegis vegna líkams-
árása, þ.e. árið 1991 og 1995. Árið
1996 var hann svo dæmdur í tveggja
mánaða fangelsi í Danmörku.
Málið dæmdu hæstaréttardómar-
arnir Ólafur Börkur Þorvaldsson,
Hjördís Hákonardóttir og Haraldur
Henrysson, fv. hæstarétttardómari.
Ragnheiður Harðardóttir vararíkis-
sóknari flutti málið af hálfu ákæru-
valdsins og Ragnar Aðalsteinsson
hrl. varði manninn.
Árs fang-
elsi fyrir
líkamsárás
Neitaði sök og sagð-
ist hafa verið heima
FLUGUMFERÐARSTJÓRAR
sóttu einungis um 29 af 87 stöðum
flugumferðarstjóra sem í boði voru
hjá Flugstoðum ohf. Umsóknar-
frestur rann út í gær. Alls voru 226
störf í boði hjá Flugstoðum ohf. og
sóttu 160 manns um störfin, að sögn
Hjördísar Guðmundsdóttur, upplýs-
ingafulltrúa Flugmálastjórnar. Af
þeim 66 sem völdu að sækja ekki um
störf sem þeim buðust voru 58 flug-
umferðarstjórar. Einhverjir af þeim
flugumferðarstjórum sem sóttu um
gegna stjórnunarstöðum.
Hjördís segir ljóst að ef ekki náist
að manna stöður flugumferðarstjóra
fyrir áramót, þegar breytingin verð-
ur, verði ekki hægt að halda uppi
sömu flugumferðarþjónustu og nú.
Sem kunnugt er voru öllum starfs-
mönnum Flugmálastjórnar Íslands,
sem gegndu störfum sem færast yfir
til Flugstoða ohf., boðin störf hjá
nýja fyrirtækinu. Breytingin tekur
gildi 31. desember næstkomandi og
þá verða störfin lögð niður hjá Flug-
málastjórn.
Tryggja sambærileg réttindi
Flugstoðir ohf. sendu frá sér upp-
lýsingabréf til starfsmanna Flug-
málastjórnar og einnig yfirlýsingu í
fyrradag. Í yfirlýsingunni, sem er
um viðurkenningu á réttarstöðu
starfsmanna, segir m.a. að félagið
hafi ákveðið að til viðbótar réttindum
í núgildandi kjarasamningum starfs-
manna muni félagið, í gildistíð kjara-
samninganna, veita starfsmönnum
sambærilegan biðlaunarétt og opin-
berir starfsmenn njóta komi til nið-
urlagningar starfa hjá Flugstoðum
ohf. á tímabilinu. Einnig mun félagið
hafa til hliðsjónar ákvæði um rétt-
indi opinberra starfsmanna varðandi
uppsagnir og ekki beita uppsagnar-
rétti nema að undangenginni skrif-
legri áminningu og að fengnum at-
hugasemdum starfsmannsins.
Í upplýsingabréfinu er m.a. fjallað
um lífeyrisréttindi starfsmanna. Fé-
lagsmenn í BSRB og BHM njóta
áfram sömu réttinda og þeir hafa
gert sem opinberir starfsmenn. Vafi
hefur leikið á framtíð lífeyrisréttinda
26 flugumferðarstjóra sem eru í
A-deild Lífeyrissjóðs starfsmanna
ríkisins (LSR) eftir lok febrúar 2008.
Flugstoðir ohf. munu leitast við að
tryggja réttarstöðu þessara starfs-
manna í samráði við yfirvöld og að
úrlausn liggi fyrir sem allra fyrst.
Ella munu Flugstoðir ohf. gera ráð-
stafanir til að tryggja að umræddir
starfsmenn eigi kost á lífeyristrygg-
ingu að þessu tímabili loknu sem
samræmist núverandi kjörum
starfsmanna í A-deild LSR.
58 flugumferðarstjórar
sóttu ekki um störf
Flugstoðir ohf. munu leitast við að tryggja flugumferðar-
stjórum sambærileg lífeyrisréttindi og þeir njóta nú
FRESTUR til að sækja um embætti
forstöðumanns Listasafns Íslands
rann út sl. mánudag, og bárust
menntamálaráðuneytinu átta um-
sóknir um stöðuna.
Þeir sem sóttu um stöðuna eru:
Aðalsteinn Ingólfsson listfræðingur,
Birna Kristjánsdóttir forstöðumað-
ur, Einar Hákonarson myndlistar-
maður, Guðbjörg Kristjánsdóttir
forstöðumaður, dr. Halldór Björn
Runólfsson listfræðingur, Hanna
Guðrún Styrmisdóttir myndlistar-
maður, Ólöf Kristín Sigurðardóttir
deildarstjóri, og Rakel Pétursdóttir
deildarstjóri.
Menntamálaráðherra mun skipa í
stöðuna til fimm ára frá 1. mars nk.,
að fenginni umsögn safnaráðs.
Átta vilja
embætti for-
stöðumanns
♦♦♦
ÓVÍST er hvort Alþingi nær að fara í
jólafrí hinn 8. desember nk., eins og
miðað er við í starfsáætlun þingsins.
Sólveig Pétursdóttir, forseti Alþing-
is, segir að það verði að koma í ljós
hvort áætlun standist; það fari eftir
því hvað þingmönnum liggi mikið á
hjarta, segir hún.
Um tuttugu þingmál bíða þess að
komast í aðra umræðu. Þeirra á
meðal er frumvarp menntamálaráð-
herra um Ríkisútvarpið ohf. Að sögn
Sólveigar leggur stjórnarmeirihlut-
inn áherslu á að það frumvarp verði
afgreitt fyrir jól. „Þetta er þriðja ár-
ið, þar sem fjallað er um þetta mál,
og það er kominn tími til að í því fáist
lýðræðisleg niðurstaða,“ segir hún.
Stjórnarandstæðingar hafa gefið til
kynna að ítarleg umræða muni fara
fram um frumvarpið.
Óvissa um
þinglok
LÖGREGLAN í Keflavík mældi
svarta BMW-bifreið á 201 km
hraða á Reykjanesbraut rétt fyrir
klukkan þrjú aðfaranótt fimmtu-
dags. Bifreiðin var á ferð við enda
tvöföldunar brautarinnar vestan
megin og ekið í vesturátt – há-
markshraði þar er 90 km hraði á
klukkustund.
Lögreglumenn gáfu ökumanni
merki um að stansa en hann sinnti
ekki stöðvunarmerkjum og hélt
áfram ferð sinni á ofsahraða. Hófst
þá eftirför lögreglumanna sem
endaði með því að þeir misstu sjón-
ar á bifreiðinni. Þeir náðu hins veg-
ar skrásetningarnúmeri bílsins og
handtóku eiganda hennar í gær-
morgun. Hann var yfirheyrður í
gærdag en samkvæmt upplýsing-
um frá lögreglu neitaði hann að
hafa ekið bifreiðinni í umrætt
skipti. Lögregla varðist frekari
frétta og sagði málið í rannsókn.
Mikill hraði við
framkvæmdasvæði
Lögreglan í Hafnarfirði stöðvaði
fjóra ökumenn fyrir of hraðan
akstur á Reykjanesbraut á milli kl.
23 og miðnættis á miðvikudags-
kvöld, á vegarkafla þar sem fram-
kvæmdir standa yfir – skammt frá
nýrri verslun IKEA.
Sá sem hraðast ók var mældur á
117 km hraða en leyfilegur há-
markshraði á umræddum vegar-
kafla er 50 km hraði. Banaslys varð
á þessum slóðum 11. nóvember sl.
þegar bifreið var ekið á vegstein
við framkvæmdasvæðið en unnið
er að tvöföldun Reykjanesbrautar-
innar. Rannsókn málsins beinist
m.a. að meintum hraðakstri öku-
manns.
Neitar að hafa ekið bílnum