Morgunblaðið - 01.12.2006, Blaðsíða 16
16 FÖSTUDAGUR 1. DESEMBER 2006 MORGUNBLAÐIÐ
FRÉTTIR
Þorgerður og samferðamenn henn-
ar afhentu skólagögn frá Íslandi, m.a.
skólabækur og skriffæri.
„Afríka er einstök, einhver talaði
um Afríkuveikina, ég held ég sé orðin
illa haldin af henni, eða vel haldin, því
Afríka hefur svo mikið aðdráttarafl
þrátt fyrir allar þessar raunir og sorg
sem maður upplifir og þá grimmd
sem er í þessum samfélögum. Þarna
var náttúrlega ein grimmasta borg-
arastyrjöld sem háð hefur verið í Afr-
íku.“
Þorgerður segist hafa upplifað
mikla gleði líka, því í hverju þorpi sem
hún heimsótti tók á móti henni fólk
með dönsum og söng. „Ég fékk líka
að upplifa menninguna, söngvana og
lífsviðhorfin. Það var gott að upplifa
það að þarna eru mjög sterkar konur
og lagði ríka áherslu á það við for-
eldra að senda börnin sín í skóla, ekki
síst stelpurnar.
Ráðherrann fór víða um landið á
ferðalagi sínu, heimsótti bæði borgir
og sveitaþorp en þar er ástandið sér-
staklega slæmt. „En með því að færa
skólana inn í þessi litlu þorp breytist
samfélagið, það gerist hægt en það
gerist.“
Eftir Sunnu Ósk Logadóttur
sunna@mbl.is
„ÞAÐ var mikil upplifun að sjá
hversu mikil áhrif skólar hafa á þessi
samfélög,“ segir Þorgerður Katrín
Gunnarsdóttir menntamálaráðherra
sem fór á vegum UNICEF til Afríku-
ríkisins Síerra Leóne í september sl.
og kynnti sér verkefni sem UNICEF
stendur að þar í landi fyrir tilstuðlan
fjár sem safnast hefur á Íslandi.
Verkefnin felast m.a. í uppbyggingu
skóla, menntun kennara og byggingu
brunna í þorpum á landsbyggðinni.
„Skólarnir veita börnunum ný tæki-
færi í lífinu, ekki síst stelpunum. Þær
eru oft gefnar mönnum kornungar og
byrja að eignast börn tólf, þrettán ára
gamlar. Þær hafa ekki fengið að nálg-
ast skólana neitt að ráði. Þetta mun
stuðla að því að það eru meiri líkur á
því að þær giftist seinna á lífsleiðinni
og ráði meira um sína framtíð.“
Ráðist á stúlkur á leið í skóla
Skólarnir sem UNICEF byggir
hafa m.a. stuðlað að því að börn þurfa
ekki að ganga langar vegalengdir til
að afla sér menntunar, en oft er það
þannig að næsti skóli er í margra kíló-
metra fjarlægð frá heimilum
barnanna. „Það er sérstaklega erfitt
fyrir stelpurnar því oft er ráðist á þær
á leiðinni í skólann og þeim misþyrmt.
Þær hafa ekki verið hultar. Nú er ver-
ið að færa skólana nær þeim og bæta
aðgengið.“
Þorgerður heimsótti heimili fólks
sem til að mynda eru orðnar kenn-
arar. Það er auðvitað þetta sem ég
vonast til að sjá í framtíðinni, að
krakkarnir eigi sér von. Vonin er í
gegnum menntakerfið.“
Þorgerður segir augljóst að þeir
fjármunir sem settir eru í verkefnin í
Síerra Leóne skili sér með raunhæf-
um hætti. Uppbyggingin hafi skilað
miklu á skömmum tíma. „Krakkarnir
eru komnir í nýju skólana og verið er
að byggja brunnana. Ég fann fyrir
miklu þakklæti og fólkið bað okkur og
UNICEF um að halda uppbygging-
unni áfram.“
Hún segist fegin því að fjármagnið
fari ekki í gegnum neina milliliði.
„Það er mikilvægt fyrir okkur Íslend-
inga að vita. Þetta eru fjarlægar slóð-
ir en krónan hérna heima skilar sér
þarna fyrir sunnan. Beint í gras-
rótina.“
Skólar veita ný tækifæri í lífinu
Árangur Þorgerður Katrín Gunnarsdóttir menntamálaráðherra í hópi barna í sveitaþorpi í Síerre Leóne en þar
byggir UNICEF skóla og brunna með góðum árangri og stendur fyrir menntun hundrað kennara.
Í HNOTSKURN
» Dagur rauða nefsins er í dagog hvetur Barnahjálp Sam-
einuðu þjóðanna, UNICEF, alla
landsmenn til að gera góðverk
og gefa með bros á vör.
» UNICEF stendur fyrir deg-inum ásamt fjölda skemmti-
krafta, sem koma fram í beinni
útsendingu á Stöð 2 í kvöld.
Markmiðið með útsendingunni
er að safna heimsforeldrum sem
styðja bágstödd börn um allan
heim.
Eftir Sunnu Ósk Logadóttur
sunna@mbl.is
NÝJA fréttastofan, NFS, er öll. Síð-
astliðinn þriðjudag tók fréttastofa
Stöðvar 2 við hlutverki hennar. Rétt
rúmt ár er síðan útsendingar NFS
hófust, en fyrst í stað var sjónvarpað
frá henni margs konar fréttatengdu
efni frá morgni til kvölds. Tíu mán-
uðum síðar, eða í lok september sl.,
var útsendingum stöðvarinnar hætt,
og vinsælustu þættir hennar, fréttir,
morgunsjónvarp, fréttaskýringa-
þættir og spjallþættir, fluttir á Stöð
2. Áfram voru fréttir þó sendar út
undir merkjum NFS. Þar til nú í vik-
unni er fréttastofa Stöðvar 2 tók til
starfa á nýjan leik.
„Nú erum við endanlega búin að
kveðja þennan kafla í okkar sögu,“
segir Sigmundur Ernir Rúnarsson,
fréttastjóri Stöðvar 2, um endalok
NFS. „Þetta er í rauninni fyrst og
fremst nafnabreyting en í tengslum
við hana höfum við breytt um leik-
mynd og útlit. Einnig hafa verið
gerðar ýmsar áherslubreytingar í
framsetningu. En eftir sem áður er
þetta sextíu manna vinnustaður sem
sinnir fréttaþjónustu í útvarpi, sjón-
varpi og á vefnum og heldur utan um
Ísland í bítið, Kompás og væntan-
lega fleiri þætti sem munu tengjast
okkur í framtíðinni.“
Eðlileg tilraun
En er litið svo á að stofnun NFS
hafi verið mistök?
„Að mínu viti var hún metnaðar-
full og eðlileg tilraun til þess að prófa
fréttarás af þessu tagi. Þetta er vita-
skuld draumur fréttastjóra að geta
þjónustað jafnharðan og hlutirnir
gerast. En úthaldið var ekki meira.“
Sigmundur Ernir segir að beinar
útsendingar verði að miklu leyti á
Netinu, í gegnum visi.is, en þegar
stærri atburðir gerast verður þeim
jafnframt sjónvarpað á Stöð 2. „Við
höfum á þessu ári sem NFS var við
lýði lært gríðarlega mikið og fengið
mikla æfingu í beinum útsendingum
og munum búa að henni og hlúa að
henni.“
Spurður um hvort fréttastöð á
borð við NFS eigi von í framtíðinni á
Íslandi segir Sigmundur: „Ég held
að við séum að gera það rétta núna,
að þróa þessa hugmynd í gegnum
vefinn. Ég held að það sé rétta leiðin.
Fréttavefir eru að þróast mjög í þá
átt að tengjast sjónvarpsfréttum.
Tölvur eru að verða að sjónvarpi. Ég
tel að fréttarásir verði meira og
minna aðgengilegar í tölvunum okk-
ar þegar fram líða stundir. Og við
veðjum á það.“
„Fréttaþyrst þjóð“
Daginn áður en NFS fór í loftið,
18. nóvember á síðasta ári, sagði Sig-
mundur Ernir, sem með stofnun
stöðvarinnar varð fréttastjóri NFS:
„Íslendingar eru mjög fréttaþyrst
þjóð og þrá það að fá fréttir beint í
æð. Við ætlum að svara því kalli, all-
an daginn.“ Jafnframt sagði hann:
„Það er margt að gerast í íslensku
samfélagi og ég er ekki í nokkrum
vafa um að það verður auðvelt að
fylla þessa þætti og þessa frétta-
tíma,“ en fréttum var sjónvarpað á
hálftíma fresti bróðurpartinn úr deg-
inum í upphafi.
Í maí á þessu ári leiddi áhorfs-
könnun IMG Gallup m.a. í ljós að
Fréttavaktin fyrir hádegi á NFS
mældist með 1,2% áhorf og Hrafna-
þing, umræðuþáttur Ingva Hrafns,
með 1,2%. Var þá ekki tekið með í
reikninginn áhorf á visi.is, þar sem
nálgast mátti þætti stöðvarinnar.
Þegar útsendingum NFS var hætt
í september sl., og þættir hennar
færðir á Stöð 2, sagði Ari Edwald,
forstjóri 365 miðla, mælingar hafa
sýnt að fleiri nýttu sér fréttamiðlun á
annan hátt en af sjónvarpsskjánum
yfir daginn, s.s. í gegnum Netið. Á
þeim tímapunkti hafði 20 starfs-
mönnum NFS verið sagt upp störf-
um, þar á meðal Róberti Marshall,
forstöðumanni stöðvarinnar.
Aðeins fáum vikum síðar var NFS
endanlega kippt úr sambandi.
NFS öll eftir eitt ár
og tíu daga í loftinu
Morgunblaðið/Árni Sæberg
Úti er ævintýri Fréttastofa NFS er öll og fréttastofa Stöðvar 2 er tekin aft-
ur til starfa. Fréttastjórinn segir NFS hafa verið metnaðarfulla tilraun.
BORGARFULLTRÚAR Vinstri
grænna, Árni Þór Sigurðsson og
Svandís Svavarsdóttir, sendu í gær
kæru til félagsmálaráðherra. Þar er
þess krafist að samþykkt borgar-
stjórnar Reykjavíkur á sölu á hlut
borgarinnar í Landsvirkjun verði
felld úr gildi því að nauðsynlegar
lagaheimildir hafi skort. Kæran var
kynnt á fundi borgarráðs í gær.
Borgarfulltrúarnir benda á að
andvirði eignarhluta borgarinnar sé
að stórum hluta greitt með skulda-
bréfum til handa Lífeyrissjóði
starfsmanna Reykjavíkurborgar, að
fjárhæð 23,9 milljarðar króna.
Skuldabréfin séu gefin út til 28 ára,
beri breytilega vexti auk verðtrygg-
ingar og séu óskráð. Samkvæmt 36.
grein laga um skyldutryggingar líf-
eyrisréttinda og starfsemi lífeyris-
sjóða sé lífeyrissjóðnum óheimilt að
eiga þessi óskráðu skuldabréf „þar
sem eingöngu er heimilt að fjárfesta
fyrir 10% af hreinni eign sjóðsins í
bréfum af því tagi sem hér um ræðir.
Samkvæmt umsögn Lífeyrissjóðsins
munu þessi bréf hins vegar mynda
67% af hreinni eign sjóðsins,“ segir
m.a. í kærubréfinu.
Þá eru raktar umræður í borgar-
stjórn um málið þar sem Árni Þór
Sigurðsson óskaði m.a. eftir svari
borgarstjóra um hvort tryggilega
hefði verið gengið frá því að laga-
heimildir væru til handa lífeyris-
sjóðnum til að taka við þessum
skuldabréfum.
Reglugerð breytt
Svar Vilhjálms Þ. Vilhjálmssonar
borgarstjóra er einnig rakið í kæru-
bréfinu en hann sagði m.a. að reglu-
gerð yrði breytt til að það gengi eftir
sem ríkið hefði skrifað undir. Einnig
að um þetta hefði verið gert heið-
ursmannasamkomulag.
Borgarfulltrúar VG telja að í orð-
um borgarstjóra felist staðfesting á
því að skort hafi nauðsynlegar rétt-
arheimildir til þess að lífeyrissjóður-
inn gæti tekið við umræddum
skuldabréfum við undirritun samn-
ings. Frestunartillagan var felld.
Kæra sölu hlutar
í Landsvirkjun
Svandís
Svavarsdóttir
Árni Þór
Sigurðsson
LÖGREGLAN í Kópavogi handtók
tvo karlmenn um tvítugt á miðviku-
dagskvöld eftir að fíkniefni í sölu-
umbúðum fundust í fórum þeirra.
Mennirnir voru með nokkur grömm
á sér en við húsleit lögreglu á heimili
annars þeirra í Kópavogi fannst hátt
í tvö hundruð grömm af fíkniefnum.
Samkvæmt upplýsingum frá lög-
reglu var mestur hluti efnanna hass
en einnig fannst hvítt efni sem talið
er vera amfetamín. Gera þarf hins
vegar frekari rannsóknir á efninu
því til staðfestingar. Einnig var lagt
hald á lausafé sem talið er vera
ágóði af fíkniefnasölu, en ekki feng-
ust upplýsingar um upphæðina.
Báðir voru mennirnir handteknir
og færðir til yfirheyrslu aðfaranótt
fimmtudags og í gærmorgun. Við yf-
irheyrslu viðurkenndi annar þeirra
að eiga efnin og hafa ætlað þau til
sölu. Var mönnunum sleppt að lokn-
um yfirheyrslum en að sögn lög-
reglu verður málið rannsakað frek-
ar.
Með hátt í tvö hundruð
grömm af fíkniefnum