Morgunblaðið - 01.12.2006, Blaðsíða 31

Árum saman var Pouilly Fuissé þekktastahvíta Búrgundarvínið á Íslandi og raunareitt vinsælasta hvítvínið sem fáanlegt varhér á landi. Pouilly Fuissé er vínrækt-
arsvæði í grennd við borgina Macon í suðurhluta
Búrgundar og líkt og annars staðar í því magnaða
héraði er það Chardonnay-þrúgan sem er allsráð-
andi við framleiðslu hvíts víns.
Þekktasti framleiðandi svæðisins er Chateau de
Fuissé sem undir stjórn Jean-Jacques Vincents
býður upp á Pouilly Fuissé-vín sem er í svipuðum
verðklassa og hvítvín af nyrðri svæðum Búrgundar
og keppir á góðum degi við það í gæðum. Chateau
Fuissé á langa sögu, víngerðarhúsið var stofnað ár-
ið 1604 og ekrur þess þekja eina 30 hektara, að-
allega í Pouilly Fuissé en einnig í nágrannasvæðinu
Saint Veran. Vincent-fjölskyldan hefur haldið um
taumana í fimm kynslóðir og tók Jean-Jacques við
stjórninni árið 1966.
Chateau Fuissé Pouilly-Fuissé 2002 er mildur,
klassískur Chardonnay. Ávöxturinn mjúkur og sítr-
uslegur og vínið svolítið hnetukennt. 2.640 krónur.
17/20
Chateau Fuissé Vieilles Vignes 2004 er verulega
magnað vín, vieilles vignes þýðir að þrúgurnar
koma af gömlum vínvið, í þessu tilviki að minnsta
kosti 30 ára gömlum. Eftir því sem vínviðurinn
eldist gefa runnarnir af sér færri þrúgur en
ræturnar sem komnar eru langt ofan í jarðveg-
inn tryggja að safi hverrar þrúgu verður
bragðmeiri. Eikað og þykkt en þó fínlegt og
fágað, smjör, ferskjur og sítrus í nefi – límóna
og greip – með léttri vanillu og reyk. Allir ilm-
og bragðþættir fullkomlega samofnir í eina
langa og heilsteypta heild. 3.440 krónur. 19/20
Chateau Fuissé „Les Brules“ 2004 er eitt af
þremur einnar ekru afbrigðum Fuissé.
Rjómakennt með sætum ferskjum og peruá-
vexti í bland við brennistein (eldspýtustokk).
Langt og þétt. 2.990 krónur. 18/20
Chateau Fuissé „Les Combettes“ 2004 er
grösugt með vanillu ásamt sætum og feitum
sítrusávexti í bland við sviðna eik. 2.990 krón-
ur. 18/20
Reynið þessar víntegundir t.d. með humri
eða öðrum skelfiski, pönnusteiktri rauðsprettu
eða mildum ostum.
Chateau
de Fuissé
Eftir Steingrím Sigurgeirsson
sts@mbl.is
vín
MORGUNBLAÐIÐ FÖSTUDAGUR 1. DESEMBER 2006 31
Sérfræðingar
í saltfiski
Þjónustum verslanir, veitingahús o.fl.
Fyrir verslanir:
Til suðu:
saltfiskbitar blandaðir
gellur
gollaraþunnildi
Til steikingar:
saltfiskbitar blandaðir
saltfiskkurl
saltfiskhnakkar tvær stærðir (lomos)
gellur
Fyrir veitingahús – hótel – mötuneyti:
saltfiskhnakkar tvær stærðir (lomos)
saltfiskbitar blandaðir til suðu og steikingar
saltfiskkurl
Fyrir utan saltfiskinn þjónustum við sitthvað fleira, svo sem:
ýsuhnakka
rækjur
þorskhnakka
steinbítskinnar og bita
Sími: 466 1016
ektafiskur@emax.is