Morgunblaðið - 01.12.2006, Blaðsíða 59
MORGUNBLAÐIÐ FÖSTUDAGUR 1. DESEMBER 2006 59
menning
HLÁTURINN LENGIR LÍFIÐ!
MAG
NAÐU
R
KVEÐ
SKAP
UR!
ÓBOR
GANL
EGAR
SÖGU
R!
BEST
A LYF
Í HEI
MI!
! " # $ % " # & ! " '
() * (+) , ,&," -../
MYNDLIST
i8
Stig - Katrín Sigurðardóttir
Til 23. desember. Opið mið. til fös. frá kl.
11–17 og laugard. 13–17.
BYGGINGARLIST hefur verið
hluti af myndverkum í aldanna rás
og ekki síst á endurreisnartímanum
en með tilkomu fjarvíddar í málverk-
inu hófu málarar í auknum mæli að
sýna persónur í afmörkuðu rými.
Rými sumra skúlptúra Katrínar Sig-
urðardóttur getur minnt á fimm-
tándu aldar málverk eftir t.d. Filippo
Lippi eða Fra Angelico en vísar einn-
ig til listar 20. aldarinnar. Katrín hef-
ur á undanförnum árum skapað sér
sérstöðu innan íslensks myndlist-
arheims með vinnu sinni með líkön,
bæði af náttúru og byggingum, auk
stórra innsetninga sem leika sér með
rýmið og þátt áhorfandans.
Í alþjóðlegu samhengi koma ýmsir
listamenn upp í hugann sem einnig
hafa gengið í smiðju byggingarlist-
arinnar í verkum sínum, þó jafnan
með nokkuð öðrum hætti. Húsa-
módel Katrínar minna á verk eftir ír-
anskfædda myndlistarmanninn Siah
Armajani með titilinn Orðabók bygg-
ingar, Dictionary of a building. Um
árabil gerði Armajani lítil líkön af að-
skildum byggingareiningum, t.a.m.
stiga, horni, vegg eða álíka. Yfir
þessum líkönum er draumkenndur
nostalgískur blær en almennt er Ar-
majani þó mun pólitískari í hugsun
en Katrín Sigurðar. Ilya Kabakov og
kona hans hafa einnig unnið fjölmörg
verk sem umbreyta rými, líka verk í
módelstærð og eftirminnileg er sýn-
ing þeirra á Kjarvalsstöðum fyrr á
þessu ári þar sem ljós og skuggar
léku stórt hlutverk. Kabakov er þó
fyrst og fremst frásagnarlistamaður,
það er Katrín Sigurðardóttir ekki
nema að hluta til, þó er undirliggj-
andi frásögn í verkunum á sýningu
hennar í i8 núna. Fjölmörg og mis-
munandi rými listamannsins Dan
Graham tilheyra einnig þessum 20.
aldar leik með arkitektúr, áhorfand-
ann og rýmið og skúlptúrar Rachel
Whiteread vinna sömuleiðis með
íbúðarrými og stærðarhlutföll en
skemmst er að minnast leiks hennar
með hlutföll í Túrbínusal Tate-
safnsins á síðasta ári.
Þannig má tengja list Katrínar
Sigurðardóttur í fjölmargar áttir en
list hennar er persónuleg, íslensk og
alþjóðleg í senn. Katrín sýnir þrjú
verk í i8, áhorfandinn gengur í gegn-
um það fyrsta á leið sinni inn í gall-
eríið, líkt og í gegnum landakort.
Fyrir innan svífa lítil módel, lýst upp
innan frá ásamt stökum skúlptúr
nokkru stærri, einnig lýstum upp að
innan, og snýr listakonan þannig við
hefðbundinni skoðun listaverka, hér
beina kastarar ekki ljósi sínu að því
sem skoðað er heldur varpar lista-
verkið mjúkri birtu á áhorfandann.
Stærra verkið líkist byggingarein-
ingu, e.t.v. hluta af loftræstikerfi en
er um leið eins og líkan af íverurými,
hér nær Katrín einkar vel að skapa
þann framandleika sem verkin bjóða
upp á, áhorfandinn er jafnt inni í
verkinu og stendur utan þess.
Draumkennd óraunveruleikatilfinn-
ing svífur yfir vötnum og minnir á
súrrealisma og töfraraunsæi. And-
rúmsloftið í herbergjum bóka
George Pérec eða birtan í íbúðinni
við Krókódílastræti eftir George
Schulz koma upp í hugann. Ljósið
sem skúlptúrarnir varpa frá sér um-
breytir síðan gólfi og veggjum i8 í
svífandi, mjúk form. Rökkrið í rým-
inu á ennfremur vel við í skammdeg-
inu og kallar fram tilfinningu fyrir
hlýju, umlykjandi myrkri. Það kem-
ur innan frá, söng Björk Guðmunds-
dóttir ólétt hérna einu sinni, lista-
kona með innsæið á tæru og hið sama
er óhætt að segja um Katrínu.
Það kemur innan frá
Ragna Sigurðardóttir
Stig „Dreymin óraunveruleikatilfinning svífur yfir vötnum og minnir á
súrrealisma og töfraraunsæi.“
Á MORGUN
verður fer fram
athöfn til heiðurs
Kjartani Árna-
syni rithöfundi
sem lést nýverið.
Útgáfufélag
Kjartans, Örlag-
ið, var stofnað
árið 1986 utan
um Dagbók Laz-
arusar, brot úr glötuðu handriti,
sem er fyrsta bók hans. Strax í
þessari fyrstu bók birtast höfund-
areinkenni Kjartans, kímni vafin í
alvöruklæði eða alvara klædd í
grínbúning.
Önnur bók Kjartans kom út árið
1987. Það var smásagnasafnið
Frostmark þar sem m.a. er lagt út
af Njálssögu, þjóðsögum og dæmi-
sögum. Þriðja bók Kjartans er
skáldsagan Draumur þinn rætist
tvisvar, en hún kom út árið 1989 og
síðan í annarri útgáfu sem hljóð-
bók.
Aðrar bækur Kjartans eru álfa-
sagan Kata mannabarn og stelpa
sem ekki sést, sem komin er út á
hljóðbók hjá Hljóðbókaklúbbnum,
Laun heimsins sem geymir örleik-
rit og þá kom út núna í haust bókin
Allt sem var gleymt er munað á ný
og er hún úrval verka Kjartans.
Auk þessara bóka á Kjartan efni
í tímaritum og blöðum, bæði ljóð,
greinar og gagnrýni. Hann var í
ritnefnd Ljóðaárbókar 1988 og 1989
og stóð að undirbúningi og útgáfu
beggja bóka Ritlistarhóps Kópa-
vogs, Glugga og Ljósmáls. Reyndar
er Kjartan einn helsti hugsuðurinn
og hugmyndafræðingurinn að baki
Ritlistarhóps Kópavogs.
Athöfnin fer fram í Gerðarsafni
og hefst kl. 14. Veitingar verða í
boði Kópavogsbæjar og eru allir
velkomnir.
Heiðraður
Kjartan Árnason