Morgunblaðið - 01.12.2006, Blaðsíða 56
56 FÖSTUDAGUR 1. DESEMBER 2006 MORGUNBLAÐIÐ
menning
Eftir Birtu Björnsdóttur
birta@mbl.is
ÞAÐ gengur á með rokktónleikum, útgáfu-
tónleikum og sinfóníutónleikum tileinkuðum
einum Bítlanna nú um helgina.
Sinfóníuhljómsveit Íslands flytur, ásamt
rokksveit undir stjórn Jóns Ólafssonar, tónlist
Johns Lennons í Háskólabíói í kvöld, laug-
ardag og sunnudag. Meðal þeirra sem stíga á
svið og syngja tónlist Lennons eru Björn Jör-
undur, Hildur Vala, KK, Páll Rósinkrans,
Jens Ólafsson úr Brain Police, Haukur Heiðar
Hauksson úr Diktu og Eivör Pálsdóttir.
Í gær voru enn til miðar á báða tónleika
laugardagsins og tónleikana á sunnudag.
Auk útgáfutónleika Todmobile, sem fjallað
er um hér á opnunni fyrir framan, heldur trú-
badúrinn Halli Reynis bæði afmælis- og út-
gáfutónleika á Café Rosenberg. Halli er fer-
tugur í dag og fagnar einnig útkomu sjöundu
plötu sinnar, Fjögurra manna far, með tón-
leikunum, sem útvarpað verður beint á Rás 2.
Rokkað verður í Frostaskjóli í kvöld á ár-
legum Frostrokkstónleikum sem nú eru
haldnir í fimmta sinn. Meðal þeirra sem fram
koma eru Retro Stefson, Ultramega Teknó-
bandið Stefán, Purple Dam og fleiri.
Þá eru enn ótaldir seinni stórtónleikar
Magna, Toby, Dilönu og Storm ásamt hús-
bandinu úr sjónvarpsþáttunum Rock Star: Su-
pernova sem fram fara í kvöld.
Tónlistarunnendur ættu einnig að gleðjast
yfir uppákomum laugardagsins. Hljóðfæra-
húsið á Laugavegi 176 heldur sérstakan
„trommu- og bassadag“ í versluninni milli
klukkan 14 og 16 á morgun, laugardag.
Fjöldi listamanna stígur á svið, meðal ann-
ars þeir Jóhann Hjörleifsson úr Sálinni hans
Jóns míns og Benedikt Brynleifsson og Birgir
Kárason úr Ísafold. Auk þeirra leika sveit-
irnar Steintryggur og In the Swing of the
Night.
Verslunin Liborius hefur boðið gestum og
gangandi upp á tónleika. Í þetta sinn er það
Pétur Ben sem treður upp í versluninni klukk-
an 17. Pétur gaf út sína fyrstu sólóplötu í sum-
ar sem nefnist Wine For My Weakness og
hann samdi jafnframt tónlistina í kvikmyndina
Börn og fékk fyrir það tilnefningu til Eddu-
verðlaunanna á dögunum.
Tónleikarnir eru fyrir alla og enginn er að-
gangseyririnn.
Ghostdigital heldur tónleika í Stúd-
entakjallaranum klukkan 23. Hljómsveitirnar
Stillusteypa og Fm Belfast hita upp og miða-
verð er 500 krónur.
Bubbi Morthens og SÁÁ bjóða á tónleika í
nýju húsi samtakanna, Efstaleiti 7, á laug-
ardaginn klukkan 21. Tónleikarnir eru öllum
opnir og er aðgangur ókeypis en takmarkaður
sætafjöldi er í boði.
Lennon, Rock Star og Pétur Ben
Fjölbreytt framboð tónleika í Reykjavík um helgina tónlistaraðdáendum til yndis og ánægju
Rokkarar Ultramega Teknóbandið Stefán
spilar á Frostrokki í Frostaskjóli í kvöld.
Í Laugardalshöllinni Dilana stígur á stokk í
kvöld ásamt Magna, Storm og Toby.
Eftir Bergþóru Jónsdóttur
begga@mbl.is
ÞAÐ er auðséð á tónleikalista blaðs-
ins að mikil tónleikavertíð er í nánd.
Strax næstu vikuna eru um tuttugu
tónleikar bókaðir, hefðbundnir tón-
leikar, en þessi helgi markar einnig
upphaf aðventu- og jólatónleika-
halds.
Kasa-hópurinn og Reykjavíkur-
borg bjóða öllum til ókeypis tónleika
í dag kl. 17 í Ráðhúsinu, en í anda
árstíðarinnar lýkur þeim með því að
leikið verður lag eftir Mozart, úr
Töfraflautunni, lag sem við þekkjum
sem jólasálminn Í dag er glatt í döpr-
um hjörtum.
Í Salnum hefur skapast sú hefð að
flytja íslenska tónlist á fullveldisdag-
inn og engin undantekning verður á
því í ár. Í kvöld verður tónlist Árna
Björnssonar á dagskrá, einsöngslög,
kórlög og rómönsur fyrir fiðlu og pí-
anó. Flytjendur eru Sigrún Eðvalds-
dóttir, Gunnar Guðbjörnsson, Jónas
Ingimundarson og Kammerkór
Hafnarfjarðar sem Helgi Bragason
stjórnar.
Listahátíð Vesturbæjar, kallaði
Steingrímur Þórhallsson eitt sinn
hátíð sína, Tónað inn í aðventu, sem
nú er haldin í þriðja sinn. Steingrím-
ur er organisti í Neskirkju þar sem
hátíðin stendur nú sem hæst. Tvenn-
ir tónleikar verða á dagskrá um
helgina. Í kvöld verður þar hópurinn
sem kallar sig Rinascente, með þeim
Hallveigu Rúnarsdóttur, Hrólfi Sæ-
mundssyni og Steingrími sem tekst
á hendur ferð um Feneyjar 16. og 17.
aldar með borgartónskáldum þess
tíma, Gabrieli og Frescobaldi.
Báðir voru þeir kappar mikilshátt-
ar menn um sína daga og höfuðskáld
á mörkum endurreisnar og bar-
rokktímans.
Listamennirnir í Rinascente hafa
komið sér upp þeim fagmannlegu
vinnubrögðum að nota alltaf afrit af
frumgerðum verkanna sem þau
flytja, og segja að með því sé tónlist
tónskáldanna túlkuð á ómengaðan
hátt og milliliðalaust, en það hefur
verið iðkað í nótnaútgáfu að ritstýra
verkum meistaranna og laga að tíð-
aranda og flutningsmáta hverju
sinni. Rinascente hefur frá stofnun,
árið 2003, einbeitt sér að flutningi
barrokk- og endurreisnartónlistar.
Annað sérstakt við þessa tónleika
er að þeir verða haldnir í safnaðar-
heimili Neskirkju, en þar er hljóm-
burður sagður ákaflega góður.
Á sunnudaginn kl. 17, fyrsta
sunnudag í aðventu lýkur hátíðinni í
Neskirkju, en þá flytur Kór Nes-
kirkju ásamt hljómsveit og ein-
söngvurum Litlu orgelmessuna eftir
Haydn og Kantötu BWV 45 Es ist
dir gesagt eftir Bach, undir stjórn
Steingríms.
Safnaðarheimili Neskirkju er ekki
eina nýja tónleikavígið sem ómar af
list um helgina, því í húsi SÁÁ í
Efstaleiti verður Lúðrasveitin Svan-
ur með árlega jólatónleika í nýjum
samkomusal. Forvitnilegt verður að
heyra hvernig þessir nýju tónleika-
staðir reynast á hljóð.
Svanurinn er vel við aldur, búinn
að spila fyrir þjóðina í ríflega 75 ár.
Jón Leifsson baritonsöngvari er hins
vegar að feta sín fyrstu skref sem
einsöngvari, þótt hann sé búinn að
syngja lengi með Kór Íslensku óp-
erunnar og fleirum. Debúttónleikar
Jóns verða í Salnum á sunnudag kl.
17, og það eru engin smáverk sem
hann ætlar að trompa út þar. Fyrir
hlé syngur Jón Songs of Travel, eftir
Ralph Vaughan-Williams, en eftir
hlé syngur hann margar af flottustu
bariton- og bassaaríum tónbók-
menntanna, þar á meðal Sönginn til
kvöldstjörnunnar úr Tannhäuser
eftir Wagner. Jón var einn þeirra
heppnu sem boðið var að syngja með
Dame Kiri te Kanawa þegar hún
kom hingað til tónleikahalds, en Jón
sótti námskeið hennar hér – og hefur
reyndar sótt námskeið hjá fleiri af-
burðasöngvurum fyrir utan hið hefð-
bundna söngnám.
Enn eru ótaldir áhugaverðir tón-
leikar á laugardag, í tónleikaröð
kennara Tónlistarskóla Kópavogs.
Þar verður sellóið í sviðsljósinu, er
Sigurður Bjarki Gunnarsson selló-
leikari og Nína Margrét Grímsdóttir
píanóleikari flytja tónlist frá síðustu
öld. Verkin þrjú sem þau leika, eru
líka sérstaklega elskuleg, Sónata
fyrir selló og píanó eftir Debussy,
Myndir á þili eftir Jón Nordal og
Sónata fyrir selló og píanó eftir Di-
mitri Sjostakovits. Myndir á þili hef-
ur frá því það var samið fyrir Gunnar
Kvaran og Gísla Magnússon til flutn-
ings á Listahátíð árið 1992, orðið eitt
af ástsælustu verkum hans, en nafn
verksins og hvers þáttar þess sækir
hann til íslenskra bókmennta.
Tónleikarnir verða í Salnum og
hefjast kl. 13.
Kvöldstjarn-
an, Feneyjar
og Rómönsur
Frumraun Jón Leifsson syngur Ferðasöngva eftir Vaughan-Williams og
víðfrægar baritonaríur á tónleikum sínum í Salnum á sunnudag kl. 17.