Morgunblaðið - 01.12.2006, Blaðsíða 47
MORGUNBLAÐIÐ FÖSTUDAGUR 1. DESEMBER 2006 47
það þarf líka að halda því við og þar
var Gunni einnig fremstur í flokki.
Gunni var náttúruunnandi og eyddi
stórum hluta af hverju sumri við
veiðiskap, fór margar ferðir, hann
naut þess að vera í góðum félagsskap
við fallega á eða vatn og renna fyrir
lax eða silung.
Veiðifélagið, hver skyldi hafa verið
aðalmaðurinn þar? Jú það var auðvit-
að Gunni Sig. Gunni sá um að kalla
menn saman í nóvember ár hvert til
að fara yfir síðasta tímabil og taka
ákvarðanir fyrir næsta veiðitímabil.
Fyrir þá sem ekki vita þá er það
heilmikið mál að fara 8 saman í tvær 2
og 3 daga veiðiferðir eins og okkar
hópur gerði sl. sumar. Það þarf að
huga að mörgu, veiðileyfum, gistingu,
bílum, skipulagningu, ýmsum búnaði
og ekki síst mat og drykkjarvörum og
í þessu var Gunni sérfræðingur.
Stórveislur á hverju kvöldi þar sem
íslenska lambakjötið var í uppáhaldi.
Þó að Gunni drykki ekki áfengi sá
hann um að þeir sem vildu fengju sitt
rauðvín, bjór eða annað sem menn
vildu sötra með matnum, sjálfur
drakk Gunni bara gamla góða Kókið.
Gunni hafði unnið hjá Vífilfell í 35 ár
og þekkti þar alla innviði betur en
flestir aðrir og er hans sárt saknað en
mestur er þó söknuður fjölskyldunn-
ar, en Gunna var mjög annt um hags-
muni síns fólks.
Við félagarnir sem nú kveðjum
okkar góða vin Gunna Sig. þökkum
samfylgdina, sendum börnum hans,
fyrrverandi eiginkonu og öðrum ætt-
ingjum og vinum okkar innilegustu
samúðarkveðjur.
Blómin falla, fölskva slær
á flestan ljóma. –
Aldrei hverfur
angan sumra blóma.
Þannig varstu vinur, mér
sem vorið bjarta.
Það sem gafstu
geymist mér í hjarta.
Ilma sprotar, anga lauf,
sem aldrei falla.
Drottinn launi
elskuna þína alla.
(Sigurbjörn Einarsson)
Hvíl í friði kæri vinur.
Andrés Hannesson,
Friðjón Guðmundsson,
Garðar Halldórsson,
Jón Guðmundsson,
Sigurður Bogason,
Sverrir Þorsteinsson,
Sæmundur Sverrisson.
Þau voru váleg tíðindin sem bárust
okkur, að starfsfélagi okkar Gunni
Sig. væri látinn langt fyrir aldur fram.
Í kjölfarið létum við hugann reika og
rifjast upp minningar um góðan
starfsfélaga. Það er sammerkt með
okkur öllum að Gunni var með þeim
fyrstu til að bjóða okkur velkomin
þegar við hófum störf hér hjá Vífil-
felli. Þetta var til marks um þann
mann sem Gunni hafði að geyma,
hann hafði einstakt lag á að koma með
björtu hliðarnar á erfiðum tímum í
hinu daglega amstri og er það eig-
inleiki sem við öll getum tekið okkur
til fyrirmyndar. Gunni átti það til að
rölta með nammiskál um allt fyrir-
tækið og hér í gæðaeftirlitinu erum
við oftast í sælgætisbindindi en yfir-
leitt stóðumst við ekki freistingarnar
hans Gunna. Það eru þessir litlu hlutir
sem Gunni átti svo auðvelt með, hlýja,
væntumþykja og löngunin til að
gleðja aðra sem við hin gleymum í öllu
stressinu, en það eru þessir hlutir
sem yfirleitt standa upp úr. Það er
mikill missir sem Vífilfell hefur orðið
fyrir með fráfalli Gunna en við þjöpp-
um okkur saman á þessum erfiðu tím-
um og látum hans gleði, hlýju og
væntumþykju verða okkur að leiðar-
ljósi. Við sendum fjölskyldu og vinum
Gunnars okkar dýpstu samúðar-
kveðju á þessum erfiðu tímum. Við
kveðjum Gunna með þessum orðum:
Við getum grátið yfir dauða hans, eða við
getum glaðst yfir lífi hans.
Við getum lokað augunum og beðið bæn um
að fá að sjá hann aftur, eða við getum opnað
augun og séð allt sem hann skildi eftir.
(Höf. ók.)
Þínir vinir úr gæðaeftirlitinu.
Guðni, Guðrún,
Steina og Þórólfur.
✝ Elín Frímanns-dóttir fæddist í
Hafnarfirði 5. apríl
1924. Hún andaðist
á Sjúkrahúsi Akra-
ness 23. nóvember
síðastliðinn. For-
eldrar hennar voru
Frímann Þórðarson
verkamaður í
Hafnarfirði og Guð-
rún Ólafsdóttir hús-
móðir. Systkini
Elínar eru: Gróa,
Ólafur, Einar, Guð-
jón, Þorsteinn og
Svana. Þrír bræður eru látnir,
Ólafur, Einar og Þorsteinn.
Eiginmaður Elínar var Kristján
Kristjánsson skipstjóri, f. í Hafn-
arfirði 22. júlí 1927, d. 26. febrúar
1997. Foreldrar hans voru Krist-
ján Davíðsson og Laufey Einars-
dóttir. Elín og Kristján giftu sig
2. október 1951, kvæntur Sigrúnu
Eddu Árnadóttur. Þau eiga þrjár
dætur: a) Árný, gift Bjarna Har-
aldssyni. Þau eiga tvö börn; b)
Elín Björk, sambýlismaður Kári
Steinn Reynisson. Þau eiga tvo
syni; c) Dagrún. 3) Kristján,
prentsmiður, f. 17. október 1960,
kvæntur Ingibjörgu Guðbrands-
dóttur. Þau eiga tvo syni, Davíð
Óla og Arnar Má.
Elín lauk gagnfræðaprófi frá
Flensborgarskóla í Hafnarfirði
1944. Samhliða húsmóðurstarfinu
vann hún við margvísleg störf,
m.a. verslun, en lengst af hjá
Pósti og síma á Akranesi.
Elín var einn af stofnendum
Rebekkustúkunnar nr. 5, Ásgerð-
ar á Akranesi. Hún var í stjórn
Hjartaverndar. Einnig starfaði
hún lengi í kvennadeild Slysa-
varnafélagsins, Kirkjukór Akra-
ness og kór eldri borgara á Akra-
nesi.
Útför Elínar verður gerð frá
Akraneskirkju í dag og hefst at-
höfnin klukkan 14.
1. nóvember 1947.
Þau bjuggu fyrst á
Siglufirði, síðan á
Akureyri, Patreks-
firði og Akranesi frá
1955 til æviloka.
Börn þeirra eru: 1)
Guðrún Sigríður,
sjúkraliði, f. 14. des-
ember 1948, gift
Friðjóni Edvards-
syni: Þau eiga þrjú
börn: a) Edvard,
fyrrv. sambýliskona
Valdís Sigurðar-
dóttir. Þau skildu.
Börn þeirra eru tvö. Edvard er
nú í sambúð með Fönn Eyþórs-
dóttur. Hún á þrjú börn; b) Krist-
ján, kvæntur Elínborgu Sigur-
jónsdóttur. Þau eiga tvö börn.
Hún á eina dóttur fyrir; c) Elín,
gift Reyni S. Ólafssyni. Þau eiga
tvö börn. 2) Davíð, húsasmiður, f.
Ella mín. Þegar að leiðarlokum er
komið og maður sest niður með sjálf-
um sér og lætur hugann reika þá er
margs að minnast.
Það eru góð fjörutíu ár síðan ég
tengdist þér og fjölskyldu þinni.
Fyrir mér opnaðist nýr heimur, ég
kynntist allt í einu konu sem var eig-
inkona skipstjóra sem mikið var að
heiman og þessi kona þurfti að sjá
um alla hluti heimilisins og ala upp
börnin sín. Mikið dáðist ég að því
hvað þér fórst það verk vel úr hendi,
þú varst hin dæmigerða sjómanns-
kona, sterk og ákveðin.
Þú og Stjáni byggðuð ykkur sum-
arbústað í Skorradal sem gaf ykkur
mikla gleði, þið voruð þar allar þær
stundir sem þið gátuð. Ég man hvað
við Guðrún og krakkarnir sóttum
mikið í að koma til ykkar upp í dal og
alltaf vorum við velkomin. Mikið var
þetta skemmtilegt tímabil í lífi okkar
allra, þarna voruð þið, þú og Stjáni, á
heimavelli, kóngur og drottning.
Ella mín, það var mér mikil gæfa
að hafa fengið að kynnast ykkur
heiðurshjónum og hafa fengið að
njóta samvista við ykkur.
Ég vil að lokum þakka þér fyrir
allt það sem þú hefur gefið mér.
Elsku Ella, Guð veri með þér.
Þinn tengdasonur
Friðjón.
Elsku amma. Ég er þakklát fyrir
allar þær góðu stundir sem við áttum
saman. Ég á eftir að sakna þín mikið
en ég veit að þér líður vel þar sem þú
ert nú í fanginu á afa.
Ég á svo margar góðar minningar
um þig, amma mín, og ein af þeim er
frá því að ég var lítil og þú kallaðir
mig nöfnu. Ekki fannst mér það nú
flott nafn og tilkynnti þér það að ég
héti Ella en ekki nafna og ég ber það
nafn með stolti og hlýju.
Háholtið er mér svo minnisstætt
því það var alltaf gott og gaman að
koma þangað til þín og afa. Þar var
ýmislegt brallað en best af öllu var
ástin og hlýjan sem þar var.
Ég man hvað þú varst stolt af því
að fá að vera módel hjá mér þegar ég
kláraði námið mitt, þú brunaðir af
Skaganum í brjáluðu veðri og fannst
það bara í góðu lagi þar sem þér
fannst svo mikilvægt að ég menntaði
mig.
Hvíl í friði, elsku amma mín, og
takk fyrir allt.
Þín
Elín Friðjónsdóttir.
Elsku amma Ella. Takk fyrir þær
stundir sem við fengum að hafa með
þér, við vitum að þú ert komin til afa
og þér líður vel.
Guð veri með þér.
Andri Sævar og Guðrún Sara.
Í dag kveðjum við okkar kæru
frænku Elínu Frímannsdóttur, en
eiginmaður hennar Kristján Krist-
jánsson lést fyrir nokkrum árum. Í
okkar huga voru þau hjónin eitt,
„Ella og Stjáni á Akranesi“.
Mikil eftirvænting ríkti þegar við
systkinin fórum í heimsókn til þeirra
hjóna upp á Skaga eða þegar þau
komu til okkar í Fjörðinn. Eftir lát
föður okkur voru Ella og Stjáni móð-
ur okkar mikil hjálp. Sem dæmi um
umhyggju þeirra tóku þau að sér að
gefa okkur fermingarúr, eins og
tíðkaðist að foreldrar gæfu börnum
sínum á þessum tíma, en fjárhagur
fjölskyldunnar á Austurgötunni
leyfði ekki slíkar fjárfestingar.
Ella fylgdist vel með hvernig
mömmu og okkur systkinunum farn-
aðist. Hún var gleðigjafi og að gleðja
aðra veitti henni mikla gleði. Hún
vann mikið í höndunum. Hún hann-
aði og málaði ýmsa hluti sem hún
gjarnan gaf og eigum við margt fal-
legra hluta sem minna okkur á örlæti
hennar.
Við kveðjum kæra frænku með
söknuði. Ella var sátt við að kveðja
þennan heim og hitta Stjána sinn
handan þessa heims.
Við sendum frændsystkinum okk-
ar og fjölskyldum þeirra einlægar
samúðarkveðjur.
Systkinin á Austurgötunni.
Mér brá þegar ég vissi að Ella
væri dáin, en hafði þó vitað að hún
var búin að vera lengi veik.
Við vorum saman í stjórn Hjarta-
heilla, félags hjartasjúklinga á Vest-
urlandi, í áraraðir eða þar til heilsa
Ellu sagði stopp. Við keyrðum vítt og
breitt á fundi og mér þótti vænt um
að hafa hana með mér á þeim ferða-
lögum. Ófáar samræðurnar áttum við
stöllurnar á þessum ferðum og var
engan aldursmun að greina á okkur
þó að áratugir skildu okkur að. Hún
var hlý og gefandi og hafði mikinn
skilning á mannlegu eðli og breysk-
leika. Á þessum ferðum okkar sýnd-
um við hvor annarri mikinn trúnað og
traust. Ég sakna Ellu og stundanna
okkar saman, en veit að hún er komin
á betri stað. Fjölskyldunni allri sendi
ég mínar innilegustu samúðarkveðj-
ur.
Sigrún Ríkharðsdóttir.
Ella mín. Nú hefur þú kvatt þenn-
an heim og er þín sárt saknað. Við
vorum góðar vinkonur og gerðum
margt saman. Eiginmenn okkar voru
miklir vinir en þegar þeir féllu báðir
frá með stuttu millibili, þá urðum við
nánari vinkonur og reyndum að
auðga líf okkar eftir mætti.
Við fórum mikið saman í ferðalög
og gistum gjarnan eina nótt einhvers
staðar uppi í sveit. Þú varst alltaf svo
ákveðin og vissir alltaf hvað best var
að gera.
Þú varst traustur og góður vinur.
Við störfuðum saman í Oddfellow-
reglunni og áttum þar margar ómet-
anlegar stundir sem gott er að ylja
sér við og veit ég að stúkan okkar,
Ásgerður, er þér þakklát fyrir það
mikla starf sem þú lagðir henni til,
ekki síst þegar stúkan var stofnuð.
Þú varst einn af frumkvöðlunum og
vannst þar ómetanlegt starf.
Ella mín. Nú ert þú horfin héðan
og komin á betri stað, þar sem Krist-
ján þinn hefur tekið á móti þér og
fagnað.
Innilegar samúðarkveðjur til fjöl-
skyldunnar.
Hvíl í friði, elsku vinkona.
Ingibjörg Ólafsdóttir.
Elín Frímannsdóttir
✝
Ástkær eiginkona mín, móðir, tengdamóðir, amma
og langamma,
GUÐRÚN ELSA KRISTJÁNSDÓTTIR,
Húnabraut 20,
Blönduósi,
lést á lungnadeild Landspítalans í Fossvogi laugar-
daginn 25. nóvember.
Útför hennar fer fram frá Blönduóskirkju laugar-
daginn 2. desember kl. 14.00.
Hallbjörn Reynir Kristjánsson,
Kristján Þór Hallbjörnsson, Hanna Þórunn Skúladóttir,
Margrét Hallbjörnsdóttir, Kristján Kristófersson,
Magnús Bergmann Hallbjörnsson, Vigdís Thordersen,
Hallbjörn Reynir Hallbjörnsson, Birna Bjarnarson,
barnabörn og barnabarnabörn.
✝
Ástkær sonur okkar, bróðir, mágur og frændi,
ÖRN STEINAR ÁSBJARNARSON,
Þorgrímsstöðum,
verður jarðsunginn frá Tjarnarkirkju, Vatnsnesi,
laugardaginn 2. desember kl. 14:00.
Kristín Guðjónsdóttir,
Ásbjörn Guðmundsson,
Þorbjörg Ásbjarnardóttir, J. Óskar Sigurbjörnsson,
Margrét Ásbjarnardóttir, Þorvaldur Kristjánsson,
Ásbjörn, Alexander og Þorvaldur Örn.
✝
Ástkær sonur okkar, bróðir og mágur,
ELÍAS TRYGGVI NORDGULEN,
Laugarnesvegi 92,
Reykjavík,
verður jarðsunginn frá Grafarvogskirkju í Reykjavík
í dag, föstudaginn 1. desember kl. 13.00.
Sigríður S. Einarsdóttir, Lúðvík Sigurður Nordgulen,
Einar Nordgulen, Eva Samúelsson,
Lúðvík Þ. Nordgulen, Margrét H. Helgadóttir,
Ólafur Nordgulen, Íris Hall.
✝
Ástkær mágkona og frænka okkar,
HELGA G. ÁSMUNDSDÓTTIR,
lést á hjúkrunarheimilinu Skógarbæ miðvikudaginn
29. nóvember sl.
Hanna Helgadóttir
og systkinabörn.
✝
Ástkær eiginmaður minn, faðir, tengdafaðir og afi,
MICHAL DRZYMKOWSKI,
Nesbú,
Vatnsleysuströnd,
andaðist á Landspítala Fossvogi mánudaginn
27. nóvember.
Minningarathöfn verður haldin í Fossvogskapellu
mánudaginn 4. desember kl. 15.00.
Jarðsett verður í Póllandi.
Fyrir hönd aðstandenda,
Jadwiga Drzymkowska,
Mariusz Drzymkowski, Harpa Rós Drzymkowska,
Monika Olender, Robert Kulis,
Marcin Drzymkowski, Emilia Mieczkowska
og barnabörn.