Morgunblaðið - 01.12.2006, Side 22

22 FÖSTUDAGUR 1. DESEMBER 2006 MORGUNBLAÐIÐ
MENNING
TVÆR sýningar verða opn-
aðar almenningi í Þjóðminja-
safni Íslands næstkomandi
laugardag. Annars vegar er
um að ræða sýninguna Á mót-
um tveggja tíma, þjóðlífs-
myndir frá árunum 1946 til
1960 teknar af Guðna Þórð-
arsyni, Guðna í Sunnu. Þess
má geta að ævisaga Guðna er
nýútkomin.
Hin sýningin nefnist Hátíð í bæ en þar má líta
myndir eftir tvíburabræðurna Ingimund og
Kristján Magnússon. Myndirnar fanga anda
jólanna á sjöunda áratugnum. Höfundur sýning-
arinnar er Ágústa Kristófersdóttir.
Ljósmyndasýningar
Jólasýning og
þjóðlífsmyndir
Hátíð í bæ.
BRYNJÓLFSMESSA Gunn-
ars Þórðarsonar er komin út á
geisladiski, en verkið samdi
Gunnar við texta Brynjólfs
Sveinssonar biskups (1605–
1675) er gegndi mikilvægu
hlutverki í sögu Íslands sem
leiðtogi kirkjunnar.
Hann var álitinn mikill
fræðimaður, heimspekingur og
frumkvöðull á sviði mennta og
hafði m.a. forgöngu um að
safna handritum til að láta skrifa þau upp. Flutn-
ingurinn er í höndum Sigrúnar Hjálmtýsdóttur,
Jóhanns Friðgeirs Valdimarssonar, blandaðs kórs
og unglingakórs undir stjórn Hákons Leifssonar.
Tónlist
Brynjólfsmessa
Gunnars komin út
Gunnar
Þórðarson
FRÁ OG með mánudeginum til
laugardagsins 3. febrúar 2007
verða Kjarvalsstaðir lokaðir
vegna viðgerða og endurbóta.
Á sunnudaginn lýkur því þrem-
ur sýningum sem þar standa
yfir.
Í vestursal sýnir hin unga
listakona Þórdís Aðalsteins-
dóttir verk sín undir yfirskrift-
inni „Því heyrist hvíslað“. Í
austursal eru til sýnis verk eft-
ir Kjarval og aðra frumherja íslenkrar málara-
listar og í norðursal er sýning sem er sérstaklega
hugsuð til að kynna börnum ólíka nálgun mynd-
listarmanna að viðfangsefnum sínum.
Myndlist
Kjarvalsstöðum
lokað tímabundið
Þórdís
Aðalsteinsdóttir
MATTHIAS Müller-Wiefering, yf-
irmaður Goethe-stofnunarinnar í
Kaupmannahöfn, er þessa dagana
staddur hér á landi í því skyni að
leggja drög að starfsemi Goethe-
stofnunarinnar hérlendis á næsta
ári. Goethe-stofnunin hefur sem
kunnugt er rekið skrifstofu hér-
lendis síðustu misseri, með einum
starfsmanni, þ.e. Stephanie
Hontcha sem er menningarfulltrúi
á Íslandi fyrir Goethe-stofnunina.
Nýverið fór Hontcha í orlof og
þegar Müller-Wiefering var spurð-
ur hvort búið væri að ráða starfs-
mann í afleysingar sagðist hann
ekki geta tjáð sig um það á þessu
stigi, en tók fram að málið væri í
vinnslu. Þegar hann var inntur
eftir því hvort skrifstofan yrði
rekin áfram hérlendis eða hvort til
stæði að flytja hana til Kaup-
mannahafnar sagðist hann hvorki
geta né vilja tjá sig um það að svo
stöddu.
Í samtali við Morgunblaðið
sagðist Müller-Wiefering hafa átt
fundi með forsvarsmönnum nokk-
urra lista- og menningarstofnana
hérlendis þann stutta tíma sem
hann ætti hér viðdvöl. Aðspurður
sagði hann of snemmt að upplýsa í
hverju viðburðir næsta árs fælust,
en tók fram að starfsemin yrði
með svipuðu sniði og á árinu sem
er að líða. Sagðist hann gera ráð
fyrir að starfsemin yrði kynnt með
formlegum hætti í janúar nk.
Samkvæmt heimildum Morg-
unblaðsins átti Matthias Müller-
Wiefering í fyrradag fund með
ráðgjafarnefnd sem skipuð er hin-
um ýmsu fulltrúum úr lista- og
menningarlífinu sem hafa einhvers
konar tengsl við Þýskaland, t.d.
vegna menntunar sinnar. Á fund-
inum var varpað fram ýmsum hug-
myndum um menningarviðburði
sem Goethe-stofnunin gæti staðið
fyrir eða komið að hér á landi.
Samkvæmt heimildum blaðamanns
kemur nefndin næst saman í maí.
Fundað um áframhaldandi starf-
semi Goethe-stofnunar hérlendis
Morgunblaðið/Eyþór
Starfsemi Goethe-stofnunin bauð til athafnar í Borgarleikhúsinu vegna heimsmeistaramótsins í knattspyrnu sem haldið var í Þýskalandi í sumar.
BÓKAFORLAGIÐ Veröld hefur
selt kvikmyndaréttinn á Þriðja
tákninu eftir Yrsu Sigurðardóttur
til þýska kvikmyndaframleiðand-
ans Ziegler Film.
Meðal kvik-
mynda sem
Ziegler Film hef-
ur áður framleitt
er Unkenrufe
eftir skáldsögu
þýska nób-
elsskáldsins Gün-
ters Grass.
Þriðja táknið
er væntanlegt á
25 tungumálum í
yfir eitt hundrað löndum. Önnur
glæpasaga Yrsu, Sér grefur gröf,
er nýkomin á markað en nú þegar
hefur útgáfurétturinn á henni verið
seldur til fjölda landa austan hafs
og vestan. Þá hafa erlendir fram-
leiðendur nú þegar sett sig í sam-
band við Veröld og óskað eftir við-
ræðum um kaup á kvikmyndarétti
á nýju bókinni. Í tilkynningu frá
Veröld segir að hópur framleið-
enda frá nokkrum löndum hafi sett
sig í samband við forlagið og viljað
fá að kvikmynda Þriðja táknið eftir
Yrsu Sigurðardóttur. Viðræður
hafi staðið við þessa aðila und-
anfarið ár en að vandlega athuguðu
máli hafi forráðamenn Veraldar
hins vegar ákveðið að veðja á þýska
framleiðandann Ziegler.
Þriðja tákn-
ið myndað í
Þýskalandi
Yrsa
Sigurðardóttir
FORSVARSMENN Gnesin-
tónlistarháskólans í Moskvu hafa
lýst því yfir að íslensk tónverk verði
hér eftir á verkefnaskrá stúdenta
háskólans. Þetta kemur fram í Stikl-
um, vefriti utanríkisráðuneytisins
um menningar- og landkynning-
armál.
Fyrir tæpri viku voru haldnir tón-
leikar í Moskvu þar sem eingöngu
voru leikin verk eftir íslensk tón-
skáld. Sendiráð Íslands í Moskvu og
Gnesin-tónlistarháskólinn stóðu
sameiginlega að þeim.
Á efnisskrá voru verkin „Tveir
hetjusöngvar“ eftir Pál Ísólfsson,
„Sónata fyrir fiðlu og píanó“ og
„Ristur“ eftir Jón Nordal, „Viki-
vaki“ eftir Sveinbjörn Sveinbjörns-
son, „Ný rímnadanslög“ eftir Jón
Leifs, „Fjórar abstraktsjónir“ eftir
Magnús Blöndal Jóhannsson,
„Hræra“ eftir Þorkel Sigurbjörns-
son, „Tveir rómansar fyrir fiðlu og
píanó“ eftir Árna Björnsson og
„Sónata fyrir trompet og píanó“ eftir
Karl Ó. Runólfsson.
Mikill heiður fyrir
íslenska tónlist
Í móttöku Benedikts Ásgeirs-
sonar, sendiherra Íslands í Moskvu,
eftir tónleikana 24. nóvember síðast-
liðinn var því lýst yfir af hálfu for-
varsmanna Gnesin-tónlistarháskól-
ans að íslensk tónverk yrðu hér eftir
á verkefnaskrá stúdenta háskólans.
„Þetta er óneitanleg mikill heiður
fyrir íslenska tónlist og góð kynning
fyrir íslenska tónlist í Rússlandi en
Gnesin-tónlistarháskóli er stærsti
tónlistarháskóli Rússlands og með
virtari tónlistarháskólum Evrópu. Í
framhaldinu er ráðgert enn víðtæk-
ara samstarf sendiráðsins og tónlist-
arháskólans,“ að því er segir í Stikl-
um.
Tónlist | Nýir landvinningar íslenskrar tónlistar
Íslensk verk á verkefna-
skrá rússnesks háskóla
Jón Nordal Páll Ísólfsson
LISTI yfir þær bækur
sem seljast best í
Bandaríkjunum um
þessar mundir birtist
í gær í Wall Street
Journal.
Efst á listanum yfir
skáldsögur er spennu-
sagan Cross eftir
James Patterson.
Þetta er tólfta bókin
um rannsóknarlög-
reglumanninn Alex
Cross eftir Patterson
sem ætti að vera orð-
inn vanur því að tróna
efst á metsölulistum enda notið
mikilla vinsælda frá upphafi.
Í öðru sæti er bókin For One
More Day eftir Mitch Albom og í
því þriðja er Dear John eftir
Nicholas Spar.
Efst á listanum yfir
aðrar bækur en
skáldsögur situr
heilsuritið You: On A
Diet: The Owner’s
Manual for Waist
Management eftir
sérfræðingana
Mehmet Oz og Mich-
ael Roizen. Í þessari
bók svipta þeir hul-
unni af því hvernig
auðveldlega má losna
við mittisspikið.
John Grisham er í
öðru sæti með bókina The Inn-
ocent Man: Murder and Injustice
in a Small Town og The Audacity
of Hope eftir Barack Obama er í
því þriðja.
Spenna og spik á
toppnum í USA
James Patterson efstur á
bandarískum bóksölulistum
MORGUNBLAÐINU hefur borist
eftirfarandi árétting frá Félagsvís-
indastofnun Háskóla Íslands:
„Félagsvísindastofnun Háskóla
Íslands tekur saman lista yfir sölu-
hæstu bækurnar fram að jólum og er
listinn birtur vikulega í Morgun-
blaðinu. Bók Óttars Martin Norð-
fjörð Hannes: Nóttin er blá, mamma,
sem gefin er út af Nýhil, hefur tvær
vikur í röð verið á lista yfir sölu-
hæstu bækur í flokki ævisagna og
endurminninga. Fjallað er um bók-
ina í Bókatíðindum og hún hefur
ISBN-númer. Vakin skal athygli á
því að bók þessi er óhefðbundin að
því leyti að hún er einungis tvær
blaðsíður og því langt frá því að vera
sambærileg að umfangi við aðrar
ævisögur á listanum yfir söluhæstu
bækur.“
Bóksölulist-
inn – árétting
♦♦♦