Morgunblaðið - 01.12.2006, Page 26
|föstudagur|1. 12. 2006| mbl.is
daglegtlíf
Kolbrún Karlsdóttir hefur verið
að sulta allt sitt líf og hefur
hvorki meira né minna en 50
ára reynslu af sultugerð. » 28
matur
Árum saman var Pouilly Fuissé
þekktasta hvíta Búrgundar-
vínið á Íslandi og eitt vinsæl-
asta hvítvínið á landinu. » 31
vín
Grænland og Kólumbía eru eft-
irminnileg lönd, segir Brynja
Benediktsdóttir sem farið hefur
víða með leiksýningu sína. » 30
ferðalög
Mér finnst gaman að und-irbúa jólin á aðvent-unni og ég er þegar bú-in að gera mína ensku
jólaköku sem ég er búin að vökva
reglulega með brandíi og býð svo
vinum og ættingjum að smakka sem
koma í heimsókn til mín fram að jól-
um. Í frítímanum finnst mér gott að
slaka á við lestur góðra bóka og þá
kýs ég helst vandaðar glæpasögur.
Svo er líka gott að slaka á með því
að sauma út og núna er ég að sauma
út jólaskraut til að hengja á jólatréð
mitt,“ segir Helga Maureen Gylfa-
dóttir, safnvörður í Árbæjarsafni,
en það er nóg að gera hjá henni um
þessar mundir í vinnunni.
„Við erum að setja upp jólaskraut
í hverju húsi hér á Árbæjarsafninu
og undirbúa okkar árlegu jólasýn-
ingu sem verður núna á sunnudag-
inn og líka næsta sunnudag á eftir.
Þessi jólasýning er orðin fastur lið-
ur í jólahaldi borgarbúa og hefur
vaxið heilmikið á þeim sautján árum
sem hún hefur verið haldin og hing-
að kemur sama fólkið ár eftir ár
sem lítur á það sem hluta af aðvent-
unni að koma hingað og upplifa jólin
eins og þau voru í gamla daga. Gest-
irnir eru líka svo ánægðir að fá að
taka þátt, en bæði börn og full-
orðnir fá að föndra, búa til músa-
stiga, hjartapoka og ýmislegt fleira.
Allir fá líka að smakka á heitu
hangikjöti sem sýður í potti á hlóð-
um í Hábæ og gömlu jólasveinarnir
verða líka á þvælingi hér að
hrekkjalómast. Svo hafa krakkarnir
sérstaklega gaman af því að fá far
með hestvagninum.“
Morgunblaðið/RAX
Jólaundirbúningur Helga Maureen Gylfadóttir, safnvörður í Árbæjar-
safni, býður vinum og ættingjum upp á enska jólaköku á aðventunni.
Babúskur á jólatréð
Morgunblaðið/Sverrir
Glatt á hjalla Árleg jólasýning í Árbæjarsafninu hefst næsta sunnudag.
Helga hefur ýmsa jólasiði í heiðri
aðra en ensku jólakökuna, hún
skreytir hátt og lágt og meðal ann-
ars með skrauti frá öðrum löndum.
„Ég hef lengi haft það fyrir sið að
kaupa mér jólaskraut í þeim útlönd-
um sem ég fer til, þannig að ég get
rakið ferðalög mín vítt og breitt um
heiminn á jólatrénu mínu. Ég hef
farið víða um Evrópu og líka til
Mexíkó og á þessu ári fór ég til
Sankti Pétursborgar í Rússlandi,
þannig að ég keypti mér rússneskar
babúskur á jólatréð,“ segir Helga
og bætir við að það sé farið að horfa
til vandræða hvað hún á mikið
skraut á jólatréð og kannski verði
hún að fara að fá sér tveggja metra
hátt tré til að koma öllu skrautinu
fyrir. „Ætli ég gefi ekki Árbæj-
arsafninu eitthvað af þessu skrauti
þegar fram líða stundir, en fólk hef-
ur gert heilmikið af því að gefa safn-
inu gamalt jólaskraut, ýmist heima-
tilbúið eða keypt, þannig að við
eigum orðið gott safn af jólaskrauti
frá ýmsum tímum. Til dæmis amer-
ískt jólaskraut sem hingað hefur
borist með skipasiglingum í seinni
heimsstyrjöldinni,“ segir Helga sem
hefur nóg að gera um helgina enda
meðlimur í kór Neskirkju sem verð-
ur með jólatónleika á sunnudaginn.
Jóladiski: Nat King Cole er alltaf mjög traustur og falleg jólalögin hans.
Bakaríi fyrir helgarkaffið: Björnsbakarí á Hringbraut.
Slökun í jólastressinu: Árbæjarsafnið, þar sem stemningin er rólegri en
í verslunarmiðstöðvum.
Borg til að heimsækja: York í Englandi.
Helga Maureen mælir með
NÚ er kominn á markað sérstakur nuddgalli fyrir
ungbörn. Á gallann eru merktar grunnstrokur í
ungbarnanuddi sem eiga að hvetja foreldra til
þess að nudda börnin sín. Merkingarnar eiga að
minna á strokurnar, þær eru ekki hugsaðar þann-
ig að nauðsynlegt sé að fylgja línunum til hins ýtr-
asta. Gallanum fylgir leiðbeiningabæklingur.
Þægilegra er fyrir foreldra að hafa leiðbeining-
arnar fyrir framan sig til að þurfa ekki sífellt að
líta af barninu á bók eða blað.
Sumum börnum finnst óþægilegt að láta nudda
sig og færast undan því. Það getur verið vegna
þess að þeim finnst óþægilegt að vera nakin og
bætir þá nuddgallinn úr því. Þetta á sérstaklega
við um eldri börn. Mikilvægt er að börnunum sé
hlýtt þegar þau eru nudduð og þar af leiðandi er
nuddgallinn góð lausn, því hann heldur hita á
barninu á meðan það er nuddað.
Lokaverkefni ungra vísindamanna
Upphaf nuddgallans má rekja til lokaverkefnis
þriggja stúlkna í uppeldisfræði í Menntaskólanum
á Akureyri. Þær ákváðu svo að nota það sem
framlag sitt í keppnina Ungir vísindamenn, sigr-
uðu í henni og unnu rétt til þátttöku í Evr-
ópukeppni Ungra vísindamanna sem fór fram í
Moskvu 2005.
Frekari upplýsingar má fá á www.cuddlemec-
lothes.com. Gallinn verður seldur í versluninni
Adams í Smáralind, versluninni Spez á Akureyri,
auk þess sem hægt verður að panta hann á vefn-
um og fá sendan í póstkröfu.
Nuddaðu barnið
Myndrænt Á gallann eru merktar
grunnstrokur í ungbarnanuddi.