Morgunblaðið - 01.12.2006, Blaðsíða 11

MORGUNBLAÐIÐ FÖSTUDAGUR 1. DESEMBER 2006 11
FRÉTTIR
KOMIN
Í VERSLANIR
Hugljúf og hátíðleg jólatónl ist sem lýkur upp
töfraheimi aðventu og jóla með Björgu Þórhal lsdóttur
og einvalal ið i hl jóðfæraleikara og kóra.
Frumflutt eru ný ís lensk jólal jóð eft ir ýmsa höfunda,
þar á meðal l jóð eft ir Sigurbjörn Einarsson biskup.
Miðasala á www.midi . is og við innganginn. Miðapanntanir í Næs Connection s 544 5959
útgáfuTÓNLEIKAR
Langholtskirkju 2. desember kl.17
Akureyrarkirkju 3. desember kl. 17
Með Drengjakór Reykjavíkur,
Lögreglukór Reykjavíkur & kammersveit
Með Kór Akureyrarkirkju & kammersveit
K A M M E R S V E I T
Guðni Franzson klarínetta Tatu Kantomaa harmonika
Elísabet Waage harpa Arna Kristín Einarsdóttir þverflauta
Kjartan Guðnason marimba & slagverk Pawel Panasiuk selló
Kjartan Valdemarsson orgel Kári Þormar orgel
Eyþór Ingi Jónsson orgelHÆDAS M ÁRA 4
S Í M I 5 4 4 5959
J Ó L A V Ö R U R N A R K O M N A R
Fjárhagsáætlun Kópavogs
2007
Dagskrá:
Gunnar Ingi Birgisson bæjarstjóri kynnir
fjárhagsáætlun Kópavogsbæjar
fyrir árið 2007.
Opið hús verður í dag, laugardaginn
2. desember, milli kl. 10 og 12 í Hlíðasmára 19
Allir velkomnir
Sjálfstæðisfélag Kópavogs
„ÉG SKIL ekki þetta upphlaup, því
það er ekkert leyndarmál að við
styrkjum þennan fund, enda kemur
það skýrt fram í fundarboðinu,“ segir
Ólafur Adolfsson, lyfjafræðingur hjá
Eli Lilly, sem sendi út boð um jóla-
fund Geðlæknafélags Íslands til fé-
lagsmanna.
Eins og greint var frá í blaðinu í
gær var fundarboðið sent út með
haus Geðlæknafélagsins annars veg-
ar og lyfjafyrirtækisins Eli Lilly hins
vegar. Þegar leitað var viðbragða
Kristófers Þorleifssonar, formanns
félagsins, við þessu í fyrradag kann-
aðist hann ekki við málið og sagði
ekkert til í því að fundarboð á jóla-
fund félagsins hefði verið sent út af
hálfu lyfjafyrirtækisins. Ekki náðist í
Kristófer í gær þegar eftir því var
leitað.
Krafa um fræðslu á fundinum
„Það var leitað til okkar og við
spurð hvort við værum tilbúin að
styrkja fræðslufund Geðlækna-
félagsins í desember og ég sam-
þykkti að styrkja þann fund,“ segir
Ólafur og vísar þar til boðaðs jóla-
fundar nk. laugardag. Aðspurður
segir Ólafur fyrirtækinu berast fjöldi
beiðna um styrki, frá bæði fag-
félögum, starfsmönnum heilbrigð-
isgeirans og sjúklingasamtökum, svo
fáein dæmi séu nefnd. Segir hann
fyrirtækið hafa sett sér það viðmið að
ef viðkomandi fræðslufundur sé ekki
á vegum fyrirtækisins hafi það
hvorki áhrif á hvaða fræðsluefni tek-
ið sé fyrir né hvernig það sé flutt, en
að meginreglan sé sú að fulltrúi fyr-
irtækisins sitji alla fræðslufundi sem
fyrirtækið styrki og sé því í lófa lagið
að gera athugasemdir ef fundur er
ekki í samræmi við styrkumsókn.
„Við gerum auðvitað kröfu um það
að það verði fræðsla á þessum fundi
og það er fullyrt við okkur að það
verði fræðsla þarna,“ segir Ólafur og
tekur fram að hann muni sjálfur
verða viðstaddur boðaðan jólafund.
„Þannig að ef það kemur í ljós að það
sem fyrirtækið er að styrkja er ekki
það sem beðið var um styrk fyrir þá
mun ég að sjálfsögðu gera at-
hugasemd við það og taka málið upp
við stjórn Geðlæknafélagsins, enda
er markmið okkar ekki að styrkja
einhverja skemmtidagskrá,“ segir
Ólafur.
Spurður hvort til greina komi að
afturkalla styrki til fræðslufunda
komi í ljós að ekki hafi verið um
fræðslu að ræða segist Ólafur ekki
getað svarað því. Spurður hvort ein-
hvern tímann hafi komið upp sú
staða að fagfélag hafi sótt um styrk
til að halda fræðslufund, sem hafi síð-
an að mati fulltrúa Eli Lilly ekki upp-
fyllt hugmyndir þeirra um hvað felist
í fræðslufundi svarar Ólafur að sér sé
ekki kunnugt um það.
Samkvæmt upplýsingum frá Ólafi
er Eli Lilly aðili að Frumtökum, sem
er samtök framleiðenda frumlyfja á
Íslandi, en eins og greint var frá í
blaðinu í gær gerðu fulltrúar Frum-
taka og Læknafélags Íslands nýverið
með sér samkomulag um að virða
sameiginlega yfirlýsingu fasta-
nefndar evrópskra lækna (CPME)
og Samtaka lyfjaiðnaðarins í Evrópu
(EFPIA). Í samkomulaginu kemur
m.a. fram að til að sjálfstæði og trú-
verðugleiki beggja samningsaðila sé
tryggður þurfi algert gegnsæi og því
verði að gera opinber öll tengsl sem
leiða til eða gætu talist leiða til hags-
munaárekstra. „Það er þannig, af því
að það er auðvelt að gagnrýna sam-
skipti lyfjafyrirtækja og heilbrigð-
isstétta, þá verða hlutirnir að vera
gagnsæir og uppi á borðinu. Þess
vegna höfum við þessar reglur,“ seg-
ir Ólafur.
Telur samráðsvettvang vanta
Í samtali við Sigurbjörn Sveins-
son, formann Læknafélags Íslands,
segir hann stjórn félagsins afar
áhugasama um að báðir aðilar virði
fyrrnefnt samkomulag. „Það er mín
skoðun að í þetta samkomulag vanti
formlegan samráðsvettvang lækna
og lyfjadreifingarinnar þar sem hægt
væri að fara yfir framkvæmd ein-
stakra atburða og sérstaklega það
sem þykir fara úrskeiðis,“ segir Sig-
urbjörn og tekur fram að hann sjái
fyrir sér að slíkur samráðsvett-
vangur veitti siðferðilegt aðhald en
væri ekki einhvers konar „stóri-
bróðir“. Segist hann myndi vilja að
læknafélög og lyfjafyrirtæki þyrftu
að tilkynna samráðsnefndinni allar
sameiginlegar uppákomur eða fundi
sem styrkt eru og að allir læknar,
sem boðið væri á slíka fund, yrðu
upplýstir um að tilkynnt hefði verið
um fundinn og hann haldinn í sam-
ræmi við samstarfsreglurnar.
„Það er ekki þar með sagt að
sækja þyrfti um leyfi fyrir fundum. Í
þessu fælist hins vegar drengskap-
arloforð um að farið væri að regl-
unum.“ Spurður hvort hann teldi
æskilegt að hægt væri að sekta þá
sem færu ekki eftir samkomulaginu,
líkt og t.d. er gert víða á hinum Norð-
urlöndunum, svarar Sigurbjörn því
til að hann hafi ekki mikinn áhuga á
þeirri leið. „Ég tel að við eigum að
fara leið leiðbeinandi reglna og álits
jafningja,“ segir Sigurbjörn.
Styrkja ekki skemmtidagskrár
Jólafundur Geðlæknafélagsins Fundarboð um jólafund Geðlæknafélags
Íslands er merkt með haus félagsins og merki lyfjafyrirtækisins Eli Lilly.
MORGUNBLAÐINU hefur borist eftirfarandi yfirlýsing frá stjórn Geð-
læknafélags Íslands:
„Vegna umræðu fjölmiðla um jólafund Geðlæknafélags Íslands telur
stjórn félagsins rétt að fram komi að jólafundurinn er eins og margir aðrir
fræðslufundir lækna styrktur af lyfjafyrirtæki að hluta. Geðlæknafélag Ís-
lands fer að sjálfsögðu eftir siðareglum um samskipti lækna og lyfjafyr-
irtækja.
Stjórn Geðlæknafélags Íslands.“
Yfirlýsing