Morgunblaðið - 01.12.2006, Page 20
20 FÖSTUDAGUR 1. DESEMBER 2006 MORGUNBLAÐIÐ
ERLENT
„ÓGNARSPENNANDI“„ÁRÆÐIN OG GRÍPANDI“ DJÖRF OG EINLÆG
Bókmenntaverðlau
Danska ríkisútvarpsi
Dönsku
bóksalaverðlaunin 2
Undantekningin er mögnuð saga um
hin mörgu andlit ástarinnar og
illskunnar. Hún er margföld metsölubók
í Danmörku og víða um heim, rómuð
jafnt af lesendum sem gagnrýnendum.
„Undantekningin er afbragðs saga ...
ógnarspennandi ... höfundurinn
sýnir ótrúlega innsýn í mannlegt eðli.“
Páll Baldvin Baldvinsson, Frbl.
„Framúrskarandi skáldsaga . . .
Stórkostleg blanda af spennusögu með
útsmoginni og flókinni atburðarás.“
Michael Eigtved, B.T.
„Sagan er býsna vel spunnin
... höfundi tekst að byggja
upp mikla spennu milli
aðalpersónanna ... Feimnismál
er lipurlega skrifuð skáldsaga
og mannlýsingar hennar eru
með ágætum.“
Skafti Þ. Halldórsson, Mbl.
Líf Tómasar umturnast þegar
hann kynnist hinni hálfjapönsku
Saiko sem starfar sem sokkabux-
namódel og kynnir hann fyrir
vískídrykkju og verkum Haruki
Murakamis. En Saiko á sér
hræðilegt leyndarmál ...
„Áræðin og grípandi
skáldsaga eftir kjarkaðan
höfund.“
Kári Gunnlaugsson, kistan.is
Eftir Boga Þór Arason
bogi@mbl.is
GEORGE W. Bush Bandaríkjafor-
seti ræddi í gær við Nouri al-Maliki,
forsætisráðherra Íraks, og fullviss-
aði hann um að bandarísku hersveit-
irnar færu ekki frá Írak „fyrr en
verkefni þeirra er lokið“. Hann sagði
að herliðið yrði áfram í Írak eins
lengi og stjórn Maliki vildi. Bush fór
einnig lofsamlegum orðum um
íraska forsætisráðherrann og sagði
hann „rétta manninn fyrir Írak“.
Maliki sagði á fundi hans og Bush í
Amman í Jórdaníu að skipting Íraks
í þrennt myndi aðeins auka á vand-
ann og leiða til enn meiri blóðsúthell-
inga.
Bush lagði áherslu á að hraða
þyrfti þjálfun íraskra öryggissveita
til að þær gætu komið á friði og hald-
ið uppi lögum og reglu í landinu.
Í sameiginlegri yfirlýsingu leið-
toganna eftir fundinn sagði að þeir
hefðu rætt hvernig Bandaríkjamenn
gætu auðveldað íröskum yfirvöldum
„að einangra ofstækismenn frekar
og sækja alla ofbeldis- og hryðju-
verkamenn til saka samkvæmt
íröskum lögum“.
Leysi upp Mahdi-herinn
Fundur Bush og Maliki átti að
vera í fyrradag en honum var frestað
eftir að The New York Times birti
leynilega skýrslu þjóðaröryggisráð-
gjafa Bush þar sem hann lét í ljós
efasemdir um að Maliki væri fær um
að binda enda á átökin í Írak, einkum
árásir vopnaðra hópa úr röðum sjíta.
Bush lauk þó lofsorði á Maliki á
blaðamannafundi þeirra í Amman í
gær, sagði hann rétta manninn til að
koma á friði í Írak.
Fréttastofan AP hafði eftir hátt
settum aðstoðarmanni Malikis að
Bush hefði lagt fast að forsætis-
ráðherranum að leysa upp Mahdi-
herinn svonefnda, vopnaðar sveitir
stuðningsmanna sjía-klerksins
Muqtada al-Sadr. Heimildarmaður-
inn sagði að Maliki hefði engu lofað í
því sambandi. „Þetta er ekki stórt
vandamál og við finnum lausn á því,“
hafði heimildarmaðurinn eftir Mal-
iki.
Gengu úr stjórninni
Þrjátíu stuðningsmenn Sadr á
þingi Íraks ákváðu að hætta að
styðja stjórn Malikis og sex ráð-
herrar úr röðum þeirra gengu úr
stjórninni til að mótmæla fundi for-
sætisráðherrans með Bush.
Nokkrir þingmannanna sögðu í
gær að þeir hygðust fá aðra þing-
flokka til að fara að dæmi þeirra og
krefjast þess að Bandaríkjastjórn
kallaði hersveitir sínar í Írak heim.
„Rétti maður-
inn fyrir Írak“
Reuters
Í skugga blóðsúthellinga Nouri al-Maliki, forsætisráðherra Íraks, og
George W. Bush Bandaríkjaforseti eftir blaðamannafund í Amman í gær.
Í HNOTSKURN
» Embættismenn Samein-uðu þjóðanna áætla að
3.709 Írakar hafi beðið bana í
árásum í Írak í október. Er
það mesta mannfall í einum
mánuði í stríðinu í Írak.
» Bagdad-búar sögðust ígær ekki búast við því að
fundurinn í Amman yrði til
þess að lát yrði á blóðsúthell-
ingunum. „Þetta eru innantóm
orð,“ sagði einn þeirra. „Bush
og Bandaríkjamenn hafa ekki
gert neitt fyrir okkur.“
London. AFP. | Margir hafa orðið til
að tjá Gordon Brown, fjármálaráð-
herra Bretlands, samúð sína en nú
er ljóst, að James Fraser, fjögurra
mánaða gamall sonur hans, er
haldinn slímseigjusjúkdómi (cystic
fibrosis). Um er að ræða erfðasjúk-
dóm, sem einkum leggst á lungu og
meltingarfæri.
Þetta er annað áfallið á fáum ár-
um fyrir þau hjón, Brown og
Söruh, en 2002 misstu þau barn,
fyrirbura, sem lést 10 dögum eftir
að hann kom í heiminn.
Unnt er halda slímseigjusjúk-
dómi í skefjum með lyfjagjöf og
annarri meðferð en til jafnaðar lifa
þeir, sem hann hafa, ekki lengur en
fram á þrítugsaldur. Talsmaður
þeirra hjóna sagði, að þeim hefði
verið sagt, að líklega myndi sjúk-
dómurinn láta til sín taka mjög
fljótlega og hefði það síðan verið
staðfest með rannsóknum. Á þess-
ari stundu er hann þó einkenna-
laus.
Þau Brown og Sarah hafa átt
þrjú börn; John, sem er þriggja
ára, Fraser og Jennifer Jane, sem
þau misstu.
David Cameron, leiðtogi Íhalds-
flokksins, varð einna fyrstur til að
tjá Brown og konu hans samúð sína
en Ivan, sonur þeirra Camerons og
Samönthu, er haldinn flogaveiki og
krampalömun í senn. Sagði hann,
að þeim hjónum yrði mikið hugsað
til Brown og Söruh en Cameron
hefur áður lýst áfallinu og hryggð-
inni, sem sótti hann fyrst eftir að
ljóst var hvernig komið var fyrir
syni hans.
Með alvarlegan
erfðasjúkdóm
Reuters
Sæl með soninn Brown og Sarah
með James Fraser á leið heim af
fæðingardeildinni í júlí sl.
TVEIR læknastúdentar í Álaborg í
Danmörku hafa gert merka upp-
götvun. Unnt er að hlusta fólk og
komast þannig að því hvort blóðtappi
er yfirvofandi. Þannig verður hægt
að bjarga lífi margra og spara um
leið stórar fjárhæðir í heilbrigðis-
kerfinu.
Aðferðin er ákaflega einföld. Fólk
er hlustað og heyrist eitthvert hvísk-
ur í æðum er hætta á ferðum.
„Þetta er einfalt og ódýrt og á færi
allra lækna. Með þessu er hægt að
komast hjá rándýrum rannsóknum
en útkoman er yfirleitt sú, að 40%
þeirra, sem ganga í gegnum slíkar
rannsóknir, eru alls ekki sjúk,“ segir
Samuel Schmidt, annar læknastúd-
entanna, að því er fram kom í Berl-
ingske Tidende.
Mikill áhugi
Ýmsir læknar og sérfræðingar í
Danmörku hafa sýnt uppgötvun
læknastúdentanna mikinn áhuga, til
dæmis Jan Skyt Madsen, yfirlæknir
á amtssjúkrahúsinu í Gentofte.
„Hugmyndin virðist vera bráð-
snjöll og aðferðin einföld og mjög
ódýr,“ segir Madsen.
Schmidt segir, að verið sé að fín-
pússa aðferðina og vinna að ýmsum
tæknilegum atriðum henni tengdum.
Hlustað á
yfirvofandi
blóðtappa
NEFND demókrata og repúblikana
sem falið var að endurskoða stefnu
Bandaríkjastjórnar í Íraksmál-
unum hyggst birta tillögur sínar á
miðvikudaginn kemur.
The New York Times segir að
nefndin hyggist meðal annars
leggja til að bandaríska herliðið í
Írak verði kallað heim í áföngum án
þess að hún tiltaki ákveðin tíma-
mörk.
CNN-sjónvarpið kvaðst hafa
heimildir fyrir því að lagt yrði til að
heimkvaðningin hæfist „tiltölulega
snemma á næsta ári“.
Hermt er að nefndin vilji einnig
að grannríki Íraks, þeirra á meðal
Íran og Sýrland, hefji viðræður um
aðgerðir til að binda enda á blóðs-
úthellingarnar.
Tillögurnar krefjast verulegrar
stefnubreytingar af hálfu Banda-
ríkjastjórnar. Ekkert hefur bent til
þess að George W. Bush Banda-
ríkjaforseti ljái máls á því að hefja
brottflutning bandaríska herliðsins
frá Írak. Stjórn hans hefur og verið
treg til að hefja samstarf við stjórn-
völd í Íran og Sýrlandi sem hún
segir hafa ýtt undir ofbeldið í Írak.
Herliðið fari
í áföngum
HÁTTSETTUR embættismaður í
bandaríska utanríkisráðuneytinu
segir, að Tony Blair, forsætisráð-
herra Bretlands, hafi engin áhrif
haft á stefnu eða ákvarðanir ríkis-
stjórnar George W. Bush Banda-
ríkjaforseta í málefnum Íraks. Þar
hafi verið um algera einstefnu að
ræða enda sé „breska brúin“ milli
Evrópu og Bandaríkjanna að hverfa.
Kom þetta fram hjá Kendall
Myers, háttsettum ráðgjafa í utan-
ríkisráðuneytinu, á ráðstefnu í
Washington síðastliðinn þriðjudag
og sem svar við spurningu frá blaða-
manni breska dagblaðsins The Tim-
es.
„Þetta var allt fullfrágengið frá
byrjun, einhliða samband, sem ekki
fól í sér tillitssemi eða umbun af
nokkru tagi,“ sagði Myers og bætti
við, að tillögur bresku stjórnarinnar
hefðu ekki verið „virtar viðlits, því
miður“.
Myers, sem er sérfræðingur í
breskum málefnum, hafði ekkert fal-
legt að segja um framgöngu sinnar
eigin ríkisstjórnar í Írak og hann
spáði því að það nána samband, sem
þó hefði verið með þeim Blair og
Bush, yrði ekki endurtekið.
„Það, sem ég held og óttast, er að
Bretland muni
fjarlægjast
Bandaríkin og
nálgast Evrópu
enn meir. Í þeim
skilningi er
Lundúnabrúin að
hrynja,“ sagði
Myers.
Þessi óvana-
lega hreinskilnu
ummæli eru höfð
til marks um þá
óánægju, sem lengi hefur kraumað
undir í bandaríska utanríkisráðu-
neytinu með Íraksstríðið. Þá kunna
þau líka að endurspegla þá veiku
stöðu sem Bush er nú í.
Sir Menzies Campbell, leiðtogi
frjálslyndra demókrata, sagði um-
mæli Myers sýna þá fyrirlitningu,
sem „þrælslund“ Blairs hefði verið
sýnd í Washington og hvatti til að hið
sérstaka samband Breta við Banda-
ríkjamenn yrði endurskoðað.
Ummæli Myers hafa vakið nokk-
urt uppnám í bandaríska stjórnkerf-
inu og í fyrrakvöld sagði Terry Dav-
idson, talsmaður utanríkisráðu-
neytisins, að Myers hefði ekki verið
að túlka skoðanir ráðuneytisins eða
ríkisstjórnarinnar.
„Breska brú-
in“ að hrynja?
Tony Blair, for-
sætisráðherra
Bretlands.