Morgunblaðið - 15.12.2006, Blaðsíða 19
MORGUNBLAÐIÐ FÖSTUDAGUR 15. DESEMBER 2006 19
Eftir Sigríði Víðis Jónsdóttur í Bretlandi
sigridurv@mbl.is
„RÆNDAR, drepnar og fleygt í
burtu,“ blasti við mér þegar ég sett-
ist niður til að borða hádegismat í
skólanum mínum í Norwich í Eng-
landi. Fimm stúlkur horfðu á mig af
forsíðu dagblaðsins sem lá á borð-
inu. Þær höfðu allar verið myrtar. „5
lík á 10 dögum“ sagði í öðru blaði.
„Náðu mér ef þú getur!“
Raðmorðin í Ipswich voru meira
en lítið dularfull og allt svæðið stóð á
öndinni. Þriðja vændiskonan hafði
fundist myrt á sunnudag og tvær
aðrar á þriðjudag. Hvað var eig-
inlega í gangi?
Þú illa upplýsti útlendingur
Eftir hádegismatinn heyrði ég
bekkjarsystur mína fullyrða að hún
hafi komið á bíl í skólann og ætlaði
sko ekki að ganga heim. „Nei, það
getur verið hættulegt,“ sagði önnur.
Ég horfði á þær sljóum augum: „Við
skulum nú ekki alveg missa okkur,
við erum í Norwich, þetta er að ger-
ast í Ipswich.“
Þær horfðu þreytulega á mig.
„Gerirðu þér grein fyrir því að Ips-
wich er aðeins klukkustund í burtu?“
Síðan bentu þær mér á að búið væri
að gefa út viðvörun bæði til kvenna í
kringum Ipswich og til kvenna í
Norfolk-sýslu. Konum var ráðið frá
því að ferðast einar um og sagt að
ganga alls ekki um illa upplýstar
götur. Þær voru af svæðinu, ekki ég,
og ég ákvað að sleppa því að benda
þeim á að ofbeldið beindist að vænd-
iskonum.
Á netinu sá ég að sérfræðingur
sagðist halda að morðinginn myndi
reyna að drepa fleiri konur og ekki
endilega þær sem stunduðu vændi.
Þegar hann gæti ekki lengur nálgast
vændiskonur myndi hann sjá hvaða
konu sem væri á ferli seint um kvöld
sem vændiskonu og sem mögulegt
fórnarlamb. Ég ranghvolfdi í mér
augunum. Eilífur hræðsluáróður.
Ha, er vændi hérna?
Það húmaði að kveldi og ég pakk-
aði saman dótinu mínu. Myrkur var
skollið á. Ég var kona, ég var í Nor-
folk, fjöldamorðingi gekk laus í
næstu sýslu og ég var um það bil á
leiðinni ein heim. Allt í einu fór um
mig.
„Umm, er ég að fara að láta ein-
hverjar móðursýkislegar fréttir af
morðingja sem drepur vændiskonur
í næstu borg hafa áhrif á mig
hérna?“ tautaði ég andartaki síðar.
Síðan kyngdi ég stoltinu, hringdi í
kærastann og bað hann að ganga að
strætóskýlinu og bíða eftir mér þar.
Um kvöldið benti BBC réttilega á
að óhugnaðurinn hefði að minnsta
kosti beint sjónum fólks að þeim
veruleika sem vændiskonur búa við:
Barsmíðum, hótunum, nauðgunum –
og drápum. Í ljósi þess að við höfð-
um einmitt í skólanum rætt um
hversu útbreidd kynbundið ofbeldi
væri, gat mér ekki annað en fundist
þetta allt sérlega athyglisvert. Sjálf
varð ég sömuleiðis að viðurkenna að
hryllingurinn opnaði augu mín fyrir
því að á þessu svæði væri vænlegur
markaður fyrir vændi.
Eastern Daily Press fullyrti að
þótt vændiskonur utan Ipswich yrðu
æ hræddari um að fjöldamorðinginn
neyddist til að færa sig annað til að
drepa, hefði þetta ekki enn haft áhrif
á vændismarkaðinn í Norwich. „It is
business as usual in Norwich. (Allt
gengur sinn vanagang í Norwich.)“
Ég vissi ekki hvort mér ætti að finn-
ast það gott eða vont, hvort ég ætti
að hlæja eða gráta. Var vændis-
hverfi í Norwich, þessari einstaklega
rólegu borg með sínar kirkjur og
sinn kastala, miðstétt og harla lítið
næturlíf?
Morðingjar sem aldrei fundust
Og viti menn. Þetta var ekki í
fyrsta sinn sem stúlkur voru myrtar
á svæðinu. 16 ára vændiskona var
kyrkt í útjaðri Norwich fyrir fjórtán
árum og morðinginn fannst aldrei.
Önnur var kyrkt fyrir fjórum árum
eftir að hafa horfið úr umræddu
„rauðu hverfi“ í Norwich og þrjár
aðrar stúlkur höfðu horfið eða verið
drepnar. Var möguleiki á að eitthvað
af þessu tengdist?
Í fréttaskýringaþætti sá ég að ein-
hver velti fyrir sér hvort morðin á
sínum tíma hefðu verið rannsökuð
ítarlegar ef ekki hefði verið um
vændiskonur að ræða. Lögreglan
veit enn ekki hver er að verki og
spennan magnast einungis. Hvar í
ósköpunum felur morðinginn sig
eiginlega?
Reuters
Ógn Lögreglumaður fylgist með við lögreglustöð sem sett var upp í rauða hverfinu í Ipswich eftir að ljóst varð að
raðmorðingi gengi laus í austurhluta Englands. Lögreglan hefur beðið vændiskonur að fara að öllu með gát.
Hvar felur þú þig,
raðmorðingi?
Í HNOTSKURN
»Breska lögreglan leitar aðdularfullum manni sem ek-
ur um á bláum BMW-bíl og er
talinn geta veitt mikilvægar
upplýsingar um morðin í Ips-
wich.
»Konur í Ipswich og Nor-folk-sýslu hafa verið var-
aðar við að vera einar á gangi
á illa upplýstum götum. Stað-
fest hefur verið að fjórar
vændiskonur hafa verið
myrtar.
fiegar íslensku ostarnir eru bornir fram, einir sér,
á ostabakka e›a til a› kóróna matarger›ina
– flá er hátí›!
Engin jól án fleirra!
Dala-Yrja
Sígildur veisluostur
sem fer vel
á ostabakka.
Höf›ingi
Brag›mildur hvítmygluostur
sem hefur slegi› í gegn.
Jóla-Brie
Á ostabakkann og me›
kexi og ávöxtum.
Jóla-Yrja
Brag›mild og gó›
eins og hún kemur fyrir
e›a í matarger›.
Camembert
Einn og sér,
á ostabakkann
og í matarger›.
Blár kastali
Me› ferskum ávöxtum
e›a einn og sér.
Stóri-Dímon
Ómissandi flegar vanda
á til veislunnar.
Gullostur
Brag›mikill
hvítmygluostur,
glæsilegur
á veislubor›i›.
Jólaostakaka
með skógarberjafyllingu
Kætir bragðlaukana
svo um munar.
Jólaosturinn 2006
Ákveðinn karakter
– ljúffeng spariútgáfa af brauðosti!
Grá›aostur
Tilvalinn til matarger›ar.
Gó›ur einn og sér.
Rjómaostur
Á kexi›, brau›i›,
í sósur og íd‡fur.
Hrókur
Ljúffengur hvítmygluostur
með gati í miðjunni.
Nýtt