Morgunblaðið - 15.12.2006, Blaðsíða 22
22 FÖSTUDAGUR 15. DESEMBER 2006 MORGUNBLAÐIÐ
HÖFUÐBORGARSVÆÐIÐ
Til að minnka sykurlöngunina
Króm
SENDUM Í PÓSTKRÖFU
www.simnet.is/heilsuhorn
Glerártorgi, Akureyri, sími 462 1889,
fæst m.a. í
Lífsins Lind í Hagkaupum,
Maður Lifandi Borgartúni 24,
Maður Lifandi Hæðarsmára 6,
Lyfja, heilsuvörudeild, Selfossi,
Yggdrasil Skólavörðustíg 16 og Fjarðarkaupum,
Lyfjaval Hæðasmára og Þönglabakka,
Krónan Mosfellsbæ
Nóatún Hafnarfirði
„HVERNIG er hægt að deila um
það hvort fyrirbæri eins og helför-
in, þar sem sex milljón gyðingum
var útrýmt, hafi átt sér stað?“ er
spurt í frétt frá Háskólanum á Ak-
ureyri í tilefni fyrirlestrar sem þar
verður haldinn í dag. Dr. Markús
Meckl, lektor við félagsvísinda- og
lagadeild Háskólans á Akureyri,
er alþjóðlega viðurkenndur sér-
fræðingur í helförinni og mun
hann fjalla um þá ótrúlegu stöðu
sem nú er uppi, en í vikunni hafa
verið haldnar tvær alþjóðlegar
ráðstefnur, þar af önnur þar sem
fjöldi manna heldur því fram að
helförin sé hugarórar. Fyrirlest-
urinn verður í stofu Þ14 í húsi HA
við Þingvallastræti og hefst kl. 14.
Sparisjóður Norðlendinga býður
viðskiptavinum sínum á jóla-
tónleika í Glerárkirkju í kvöld.
Þeir hefjast kl. 20 en reyndar hef-
ur öðrum verið bætt við kl. 22
vegna mikillar eftirspurnar. Fram
koma Stúlknakór Akureyrarkirkju,
Karlakór Eyjafjarðar og Regína
Ósk. Miðar fást í afgreiðslu Spari-
sjóðsins.
Lögreglan á Akureyri hefur upp-
lýst íkveikju í fjölbýlishúsi við
Drekagil 18. nóvember sl. þegar
talsverðar skemmdir urðu af eldi
og reyk. Þrír drengir á aldrinum
12–14 voru grunaðir um verkn-
aðinn og hefur einn af þeim við-
urkennt að hafa kveikt í blaða-
bunka í sameign fjölbýlishússins.
Lögreglan vill brýna fyrir fólki að
skilja ekki blaðabunka eftir í sam-
eignum eða láta þá safnast saman
á þeim stöðum þar sem mikil
hætta getur skapast ef kviknar í
þeim.
Síðustu sýningar á leikritinu
Herra Kolbert hjá LA verða um
helgina, í kvöld og á morgun.
Þrátt fyrir góða aðsókn lýkur sýn-
ingum nú um helgina, enda þarf
að rýma til fyrir næstu frumsýn-
ingu.
Helförin
sem hitamál
Morgunblaðið/Skapti Hallgrímsson
Kolbert Leikarar í verkinu ásamt
höfundinum David Gieselmann.
AKUREYRI
JÓHANNES G. Bjarnason, bæjar-
fulltrúi Framsóknarflokksins, vill
berjast fyrir því að Akureyrarvöllur
verði byggður upp þar sem hann er
nú, með löglegri frjálsíþróttaaðstöðu,
fyrir Landsmót UMFÍ 2009, og hætt
verði við að byggja upp keppnisvelli
með áhorfendastæðum á svæðum KA
og Þórs.
Framsóknarmenn höfðu það á
stefnuskránni lengst allra í aðdrag-
anda síðustu bæjarstjórnarkosninga
að íþróttaleikvangur bæjarins yrði
byggður upp til framtíðar með frjáls-
íþróttaaðstöðu, þar sem aðalleikvang-
ur bæjarins er nú. Skömmu fyrir
kosningar tilkynntu svo þáverandi
meirihlutaflokkar, Sjálfstæðis- og
Framsóknarflokkur, að opnað yrði
fyrir möguleika á því að húsnæði fyrir
verslun og þjónustu yrði reist á nú-
verandi vallarsvæði og lagt yrði til að
aðalskipulagi yrði breytt með þeim
hætti. Oddviti þeirra, Jakob Björns-
son, sagði það hefði haft áhrif á þá
ákvörðun, hve fáar athugasemdir
bárust bæjaryfirvöldum í þá veru að
Akureyrarvöllur yrði áfram á sama
stað. „Ég held að heiðarlegast sé að
segja að menn hafi ofmetið áhuga
fólks á að halda vellinum þarna á
svæðinu,“ sagði Jakob í vor.
Í haust var svo samþykkt í bæj-
arstjórn nýtt aðalskipulag þar sem
ákveðið var að á vallarsvæðinu í mið-
bænum yrði verslunarhúsnæði og
blönduð byggð auk útivistarsvæðis.
„Mín skoðun hefur alltaf verið sú
að það væri vitleysa að hverfa frá því
að byggja upp Akureyrarvöll. Við átt-
um bara ekkert bakland í vor eftir að
stjórnir knattspyrnudeilda beggja fé-
laganna lýstu því yfir að þær vildu fá
keppnisvelli út í hverfin. Þess vegna
lögðum við niður vopn en ég held að
hver maður sjái það í hendi sér hve
röng hugmynd það er að byggja upp
keppnisvelli á tveimur stöðum í bæn-
um, annan með frjálsíþróttasvæði, og
byggja svo einhverjar verslanir og
blandaða íbúðabyggð á vallarsvæð-
inu,“ sagði Jóhannes í samtali við
Morgunblaðið.
Hann segir að þetta mál hafi verið
rætt ítarlega í hópi framsóknar-
manna undanfarið og þeir komist að
þeirri niðurstöðu að ekki sé of seint að
breyta áætlunum. „Það er einhugur
um það í okkar hópi að marka þá
stefnu að hverfa frá þeim áætlunum
um að leggja völlinn niður.“
Jóhannes segir áhorfendastúkuna
við aðalleikvanginn orðna gamla og
lélega og jafnvel verði best að rífa
hana og byggja nýja og samfara því
verði hægt að færa vallarstæðið til.
„Það er tæknilega ekki flókið en snýst
miklu meira um pólitískan vilja,“
sagði Jóhannes Bjarnason.
Framsókn vill byggja
upp Akureyrarvöll
Akureyrarvöllur Samkvæmt nýju deiliskipulagi verður blönduð byggð og
verslunarhúsnæði á vallarsvæðinu. Framsóknarmenn eru mótfallnir því.
„Ekki flókið en snýst
um pólitískan vilja,“
segir oddvitinn
Í HNOTSKURN
»Framsóknarmenn hafaákveðið að berjast fyrir
því á nýjan leik að íþrótta-
leikvangur bæjarins verði
áfram á sama stað.
»„Ég held að hver maðursjái það í hendi sér hve
röng hugmynd það er að
byggja upp keppnisvelli á
tveimur stöðum í bænum …“
Eftir Steinþór Guðbjartsson
steinthor@mbl.is
Kópavogur | Samkvæmt nýsamþykktri fjár-
hagsáætlun Kópavogsbæjar fyrir árið 2007 er
gert ráð fyrir miklum rekstrarafgangi þrátt
fyrir að framundan sé mesta framkvæmdaár í
sögu Kópavogs, að sögn Gunnars I. Birg-
issonar bæjarstjóra. Íbúum Kópavogs hefur
fjölgað um nær 1.200 manns á líðandi ári og
eru þeir nú tæplega 28.000. Gert er ráð fyrir
að íbúum fjölgi um 4% á næsta ári og verði
hátt í 29.000 í árslok 2007.
Bæjarstjórn Kópavogs samþykkti á fundi
sínum 12. desember sl. fjárhagsáætlun Kópa-
vogsbæjar fyrir árið 2007. Gert er ráð fyrir
að rekstrarafgangur ársins verði rúmir tveir
milljarðar króna eða 19% af skatttekjum bæj-
arins sem eru áætlaðar 10,4 milljarðar en
veltufé af rekstri er 15%. Heildartekjur
Kópavogsbæjar 2007 eru áætlaðar rúmir 14
milljarðar króna og er gert ráð fyrir að álagn-
ing útsvars og fasteignaskatts haldist óbreytt
milli ára. Laun og launatengd gjöld eru 52,3%
af heildargjöldum. Áætlað er að útgjöld til
rekstrar málaflokka A-hluta verði um 11,2
milljarðar króna sem er um 9% hækkun.
Mest hækkun á sér stað á sviði fræðslu- og
uppeldismála, eða alls um 700 milljónir króna.
Heildarskuldir án lífeyrisskuldbindinga í
árslok 2007 eru áætlaðar 11,1 milljarður
króna, endurskoðun 2006 gerir ráð fyrir 10,7
milljörðum og heildarskuldir 2005 á árs-
lokaverðlagi 2006 (nv 266,1) eru 10,6 millj-
arðar króna.
„Rekstur bæjarins er afar traustur,“ segir
Gunnar Birgisson og bendir á að bærinn hafi
ekki safnað skuldum. „Við skilum tveggja
milljarða rekstrarafgangi þrátt fyrir það að
við hækkum ekki nein þjónustugjöld þannig
að um er að ræða raunlækkun á þjón-
ustugjöldum á milli ára um 7%.“ Hann bætir
við að ef handbært fé væri tekið frá rekstri
tæki fjögur ár að greiða upp skuldirnar.
Miklar framkvæmdir og fjárfestingar
Mikill vöxtur hefur einkennt Kópavog und-
anfarin ár. Ný hverfi hafa sprottið upp í
Vatnsenda og eru frekari landakaup þar fyr-
irhuguð til að tryggja framtíðarbygging-
arland bæjarins og áframhaldandi vöxt. Ný
hverfi rísa einnig í Fossvogsdal og á Kársnesi
auk þess sem gert er ráð fyrir framkvæmdum
og aukinni þjónustu við eldri hverfi bæjarins.
Á næsta ári eru ráðgerðar framkvæmdir og
fjárfestingar í byggingarlöndum fyrir samtals
um 6,8 milljarða króna og er það meira en
nokkru sinni fyrr á einu ári. Áhersla verður á
framkvæmdir vegna íþróttamála, grunnskóla
og leikskóla og gatnaframkvæmdir.
„Við erum að fara í mesta framkvæmdaár í
sögu bæjarins á næsta ári,“ segir Gunnar
Birgisson. „Við erum með framkvæmdirnar á
undan innflutningnum þannig að þetta ár
verður okkur mjög þungt en 2008 verður mun
léttara.“
Til framkvæmda í íþróttamálum verður
varið um 1,7 milljörðum króna. Stærsta verk-
efnið er bygging fjölnota íþróttahúss í Þing-
unum en milljarður fer í það. Stúka við Kópa-
vogsvöll kostar um 300 til 400 milljónir. 1,2
milljarðar fara í framkvæmdir við nýjar og
gamlar götur. Tæpur milljarður fer í fram-
kvæmdir við leik- og grunnskóla og 1,5 millj-
arðar í kaup á nýbyggingarlandi. Fram-
kvæmdir á vegum vatnsveitunnar verða fyrir
um 600 milljónir og þar af um 400 milljónir í
nýframkvæmdir á vatnsveitunni sem verður
tekin í notkun í ágúst en þá verður hætt að
kaupa vatn frá Reykjavík.
Ráðdeild og aðhaldssemi
Þrátt fyrir mikinn vöxt sveitarfélagsins og
auknar kröfur um meiri þjónustu við íbúa
hefur rekstur Kópavogsbæjar gengið vel und-
anfarin ár. Gunnar Birgisson segir að skuldir
aukist ekki á næsta ári og eigið fé hafi aukist
ár frá ári sem þýði að framkvæmt hafi verið
út úr rekstrinum. Reiknað sé með að eig-
infjárhlutfallið verði komið upp í 50% á næsta
ári.
Gunnar Birgisson segir að traust staða
Kópavogsbæjar sé vegna ráðdeildar og að-
haldssemi í rekstrinum. Mikil breyting hafi
orðið á tekjum bæjarins. 1990 hafi skatttekj-
urnar verið lágar miðað við önnur sveit-
arfélög en nú hafi staðan breyst og Kópa-
vogsbær sé í hópi sveitarfélaga með hæstu
skatttekjurnar. Fjöldi fyrirtækja hafi flutt í
bæinn og þau hafi dregið fólk með sér auk
þess sem byggingar þeirra hafi skapað tekjur
fyrir bæinn. „Frábært starfsfólk og ráðdeild
okkar og aðhald í rekstrinum hefur skapað
þetta svigrúm.“
Mesta framkvæmdaár Kópavogs
Morgunblaðið/RAX
Vöxtur Ný íbúðahverfi hafa sprottið upp í Vatnsenda í Kópavogi og eru frekari landakaup þar
fyrirhuguð til að tryggja framtíðarbyggingarland bæjarins og áframhaldandi vöxt.
Í HNOTSKURN
» Á næsta ári eru ráðgerðar fram-kvæmdir og fjárfestingar í bygging-
arlöndum Kópavogs fyrir samtals um
6,8 milljarða króna.
» Gert er ráð fyrir að rekstrar-afgangur ársins verði rúmir tveir
milljarðar króna.
» Í ágúst á næsta ári hættir Kópavog-ur að kaupa vatn frá Reykjavík.
Traustur rekstur sveitarfé-
lagsins og mikill rekstrar-
afgangur áætlaður 2007