Morgunblaðið - 15.12.2006, Blaðsíða 57
MORGUNBLAÐIÐ FÖSTUDAGUR 15. DESEMBER 2006 57
Stórkostleg blanda af Skafís
Tiramisu með súkkulaðihjúp
og súkkulaðihnetufyllingu
– dásamlegur eftirréttur
að hætti Ítala.
Ís í fullum blóma
fullkominn ísréttur
Ísblómmmm ... mmm
Cappuccino
Tiramisu
Hinn fullkomni unaður.
Blanda af Skafís Cappuccino
með súkkulaðihjúp
og súkkulaðispænum
– ís sem bræðir hvern sem er.
A
RG
U
S
06
-0
68
9
„FÁAR söngkonur í veröldinni
skarta slíkri rödd,“ var haft eftir
hljómsveitarstjóranum Zubin Meta
um Inessu Galante, sem hélt tón-
leika í Salnum í Kópavogi á föstu-
dagskvöldið. Nú er í sjálfu sér ekk-
ert óalgengt að viðhöfð séu stór orð
um erlent tónlistarfólk sem kemur
hingað til lands; maður sér það
nánast í hverri viku í tónleikaskrám
Sinfóníuhljómsveitar Íslands. Þar
eiga allir einleikarar og einsöngv-
arar, svo ekki sé minnst á hljóm-
sveitarstjórana, að vera upphafnir
snillingar sem hafa vakið gríðar-
lega athygli á erlendri grund. Var
þetta því kannski bara auglýsinga-
skrum?
Nei, aldeilis ekki. Strax í upphafi
dagskrárinnar náði Galante þvílíku
tangarhaldi á mér að ég man varla
eftir öðru eins. Rödd hennar var
ótrúlega fögur; mjúk, hljómmikil en
líka skær, jafnvel ögn stelpuleg –
sem gerði að verkum að hún virkaði
óvanalega einlæg í túlkun sinni; það
var eitthvað barnslegt við sönginn.
Fullkomin tæknin gerði Galante
kleift að fara alla leið í hverju ein-
asta lagi sem hún söng; alls konar
fínleg blæbrigði voru meistaralega
útfærð, frá ofurveikum köflum upp
í kraftmikla hápunkta. Ég held að
ég hafi aldrei heyrt sungið veikt
eins fallega og á þessum tónleikum;
oft var söngurinn á mörkum þess
heyranlega. Slíka breidd í styrk-
leikabrigðum er sjaldgæft að upp-
lifa á söngtónleikum hér á landi.
Óþarfi er að telja upp einstök at-
riði dagskrárinnar, en þó verður
ekki komist hjá því að nefna Ave
Maríu eftir Caccini, sem var svo
falleg í meðförum söngkonunnar að
það er ógleymanlegt. Casta Diva úr
Normu Bellinis, Vissi D’arte úr
Toscu Puccinis, Caro mio ben eftir
Giordani og margt fleira var líka
gætt sjaldheyrðum þokka og feg-
urð. Vissulega er þetta tónlist sem
ég hef heyrt óteljandi sinnum en
samt var einhver ferskleiki yfir
túlkun Galante sem hafði þær af-
leiðingar að það var eins og maður
væri að heyra músíkina í fyrsta
sinn. Ekki er ofsögum sagt að
frammistaða söngkonunnar var
nokkrum hæðum fyrir ofan það
besta sem tíðkast hér á landi.
Með Galante spilaði Jónas Ingi-
mundarson á píanó. Hann gerði það
prýðilega, nema í Vorleysingum
Rachmaninoffs sem hann réð ekk-
ert við. Lag Rachmaninoffs er eins
og píanókonsert og gerir mun meiri
kröfur til píanóleikarans en söng-
konunnar; betra hefði verið ef lag-
inu hefði verið sleppt. Að öðru leyti
var túlkun Jónasar listræn og sann-
færandi og rann oftast ágætlega
saman við sönginn.
Fyrir ofan það besta
Morgunblaðið/Árni Sæberg
Alla leið „Fullkomin tæknin gerði Galante kleift að fara alla leið í hverju
einasta lagi sem hún söng,“ segir gagnrýnandi meðal annars í dóminum.
TÓNLIST
Salurinn í Kópavogi
Tónlist eftir Giordani, Händel, Puccini,
Rachmaninoff, Gounod, Cilea, Bellini og
fleiri. Föstudagur 8. desember.
Söngtónleikar
Jónas Sen
Fáðu úrslitin
send í símann þinn
Bandarískmóðir, sem
hefur barist fyrir
því að bækurnar
um galdrastrák-
inn geðþekka
Harry Potter
verði bannaðar á
bókasafni skólans
sem börnin henn-
ar ganga í, íhugar að höfða mál til
þess að reyna á hvort slíkt bann fá-
ist. Segir móðirin, sem býr í úthverfi
Atlanta, að bækurnar kyndi undir
áhuga á göldrum.
Menntamálaráð Georgíuríkis
ákvað á fundi sínum í gær að bæk-
urnar um Harry Potter verði ekki
teknar úr hillum bókasafns skólans.
Voru allir fulltrúar í menntamála-
ráði sammála fyrri ákvörðun skóla-
ráðs Gwinnett-skólans um að hafna
beiðni móðurinnar.
Móðirin hefur barist fyrir því í
rúmt ár að bækurnar verði bannaðar
við skólann þar sem þær leiði unga
lesendur inn á svið galdra. Í þeim sé
að finna ofbeldi, morð og græðgi.
Hún telur að ef foreldrar vilji leyfa
börnum sínum að lesa þær þá geti
þeir nálgast þær í bókabúðum.
Skólaráðið segir að bækurnar um
Potter séu góðar og hvetji börn til að
lesa og auki ímyndunarafl þeirra og
sköpunargáfu. Ef banna eigi bæk-
urnar um galdrastrákinn þá eigi al-
veg eins að banna bækur eins og
Makbeð og Öskubusku.
Fólk folk@mbl.is