Morgunblaðið - 15.12.2006, Blaðsíða 23
MORGUNBLAÐIÐ FÖSTUDAGUR 15. DESEMBER 2006 23
AUSTURLAND
SUÐURNES
Reykjanesbær | „Ég fæ aldrei leið á
þessu,“ segir Grétar Ólason en hús
fjölskyldunnar á Týsvöllum 1 í
Keflavík var valið Ljósahús Reykja-
nesbæjar, enn einu sinni. Húsið hef-
ur nokkrum sinnum unnið til þess-
arar viðurkenningar og oftast verið í
einu af þremur efstu sætunum.
Björk Guðjónsdóttir, forseti bæj-
arstjórnar, lagði áherslu á að val á
ljósahúsi Reykjanesbæjar, væri
mest til gamans gert þegar hún setti
samkomuna þar sem útnefningarnar
voru tilkynntar. Hún sagði að íbú-
arnir væru mikil jólabörn en jafn-
framt miklir keppnismenn eins og
kæmi fram í skreytingunum. Hún
sagði að þótt þetta væri leikur vekti
hann jákvæða athygli á bænum og
ljósin lýstu upp skammdegið.
Grétar Ólason segist hafa bætt
töluvert við jólaskrautið frá síðasta
ári, fært til og breytt. Í ár eru um 22
þúsund ljósaperur á húsi hans. Hann
segir að það sé um það bil viku vinna
að koma skrautinu upp.
Hópar skoða Ljósahúsin
Borgarvegur 25 í Njarðvík varð í
öðru sæti í keppninni um Ljósahúsið
og Bragavellir 3 í Keflavík í þriðja
sæti. Hraunsvegur 7 í Njarðvík er
Jólahús barnanna og Austurbraut 2
og Efstaleiti 44 í Keflavík fengu við-
urkenningar fyrir nýstárlegar og
hlýlegar skreytingar. Þá fengu rað-
húsið Norðurvellir 12–22 og gatan
Bragavellir viðurkenningar sem og
verslunin Cabo fyrir gluggaskraut.
Húsin sem tilnefnd voru hafa verið
sett inn á kort af bænum þannig að
fólk geti skoðað húsin og jólaljósin
enda er mikið um að hópar og ein-
staklingar fari í skoðunarferð um
Reykjanesbæ á aðventunni. Kortið
má nálgast á bensínstöðvum og vef
bæjarins, www.rnb.is.
Tekur heila vinnuviku
að skreyta húsið
Morgunblaðið/Helgi Bjarnason
Ljósahús Reykjanesbæjar Húsið Týsvellir 1 í Keflavík er ávallt mikið
skreytt fyrir jólin enda kemur fólk víða að til að skoða ljósin.
Vandræði Júlíus Jónsson afhenti Grétari Ólasyni innlegg á rafmagnsreikn-
inginn hjá Hitaveitu Suðurnesja en fleiri plögg fylgdu óvart með sem þurfti
að endurheimta. Steinþór Jónsson, formaður ljósanefndar, fylgdist með.
Lögregluvakt Íbúar á Fljótsdalshéraði segja þjónustu lögreglu versnandi.
Eftir Steinunni Ásmundsdóttur
steinunn@mbl.is
Egilsstaðir | Talsvert er um það
rætt á Héraði að þjónusta lögreglu
við borgarana hafi sjaldan verið
minni og seinvirkari. Í lögregluliðinu
þar eru nú átta menn auk yfirlög-
regluþjóns, þar af sex sem ganga
vaktir á Egilsstöðum og Seyðisfirði
og einn á Vopnafirði. Vaktir hætta
yfirleitt kl. 20 á virkum dögum, nema
á fimmtudögum þegar vakt er til 22,
aðfaranótt laugardags til kl. 03 og
sunnudagsnótt til kl. 04, en þá má
gera ráð fyrir að t.d. drukknir öku-
menn séu á ferð í kjölfar lokunar
veitingahúsa. Á virkum dögum er
lögreglunni ekki unnt að hafa eftirlit
t.d. með útivistartíma barna og ung-
linga þar sem hún er hætt að vinna
fyrir þann tíma.
Lögregluþjónar sjálfir ósáttir
Lögregluþjónar eru sjálfir margir
ósáttir við tímarammann, einkum
um helgar, en er uppálagt að fara
ekki út fyrir hann. Þeir sem ganga
helgarvaktir geta þannig ekki
ákvarðað sjálfir hvort ástæða sé til
að standa vakt lengur en ramminn
segir til um. Þeir neita að tjá sig op-
inberlega um stöðu mála.
Dæmi eru um að erfitt sé að ná í
lögreglu símleiðis þótt bein númer
séu fyrir hendi.
Umdæmið er mjög víðfeðmt, en
það nær langleiðina til Þórshafnar,
Seyðisfjarðar, þjóðvegar 1 á Bisk-
upshálsi og inn að Vatnajökli. Kára-
hnjúkavirkjun, innanlands- og milli-
landaflugvöllur um Egilsstaði og
ferjusvæði Norrönu eru m.a. innan
þess.
Óskar Bjartmarz, yfirlögreglu-
þjónn á Seyðisfirði, segir fjölda lög-
reglumanna gera að verkum að ekki
sé hægt að vera með nema tvær
vaktir. Það þýði eina vakt á sólar-
hringnum. Vorið 2005 var vakttíma
breytt af ýmsum ástæðum. „Kjörað-
stæður væru að geta verið með tvær
vaktir á sólarhringnum, t.d. 8–16 og
16–24,“ segir Óskar. „Þá gætu menn
verið lengur inn í nóttina um helgar.
En komi útkall sinna menn því hve-
nær sólarhrings sem er. Á bakvakt
nær fólk sambandi við lögreglu ef á
þarf að halda í gegnum 112.“ Óskar
segir sýnileika lögreglu á svæðinu
hafa aukist, t.d. með umferðareftir-
liti fimm daga vikunnar 5–7 klst í
senn frá síðasta vori og forvarna-
starf í skólum var eflt í fyrravetur.
Óánægja með vinnutíma
og sýnileika lögreglu
Í HNOTSKURN
»Lögregluþjónar við emb-ætti lögreglustjórans á
Seyðisfirði hafa mjög þröngan
tímaramma varðandi vaktir.
» Íbúar telja þjónustu lög-reglu hafa versnað og hún
sjáist lítt.
»Yfirlögregluþjónn segirlögreglu hafa í nógu að
snúast og megi sem dæmi
nefna mál varðandi Norrönu
og Kárahnjúkavirkjun, t.d. af-
hendingu dvalarleyfa.
»Lögregluþjónn bætist ávaktir 1. janúar nk. og eru
þá þrjár lögreglukonur á
svæðinu.
Morgunblaðið/Steinunn Ásmundsdóttir
Kárahnjúkavirkjun | Hafdís Gunn-
arsdóttir frá Höfn í Hornafirði hef-
ur síðustu þrjú árin starfað í vinnu-
búðum hjá aðgöngum 3 við Axará á
Fljótsdalsheiði. Þegar Morgun-
blaðið tók hana tali var hún á drif-
hvítum kokteiljakka 12 km inni í
aðrennslisgöngum virkjunarinnar
að uppvarta veislumat og drykk of-
an í tugi manna vegna áfanga í
virkjunarframkvæmdinni. „Mér lík-
ar þetta vel og þykir starfið
skemmtilegt,“ segir Hafdís og er
vön að vinna fjarri heimili sínu, hef-
ur gert það allt sitt líf. Hún vinnur
samfleytt í 4 vikur og fær þá viku-
frí. „Ég rek búðirnar við Axará,
byrjaði þar sem kokkur og var svo
sett í að sjá um reksturinn, innkaup
og starfsmannahald.“ Hafdís ver
jólum og áramótum við Axará að
vanda og skipuleggur hátíð fyrir
200 manns. Hún segir fólk verða í
öllum búðum yfir hátíðar, en um
300 manns fari t.d. heim í jólafrí úr
aðalbúðunum við Kárahnjúka.
Morgunblaðið/Steinunn Ásmundsdóttir
Keik Hafdís Gunnarsdóttir, búðastjóri á Adit 2, fer létt með að slá upp
veislu í iðrum jarðar ásamt aðstoðarfólki sínu úr búðunum.
Á hvítum kokteil-
jakka í heiðinni