Morgunblaðið - 15.12.2006, Blaðsíða 4
4 FÖSTUDAGUR 15. DESEMBER 2006 MORGUNBLAÐIÐ
FRÉTTIR
Bílabúð Benna - Vagnhöfða 23
s. 590 2000 - www.benni.is
Verð kr. 8.450.000,-
Nýskráður 3.2003
Sjálfskiptur, loftkæling, leðuráklæði, leiðsögukerfi, innbyggður sími, loftpúðafjöðrun,
dökkar rúður, hraðastillir, rafdrifin sæti, nálgunarvörn,
20” álfelgur, sóllúga, dráttarbeisli o.m.fl.
Cayenne Turbo - 450 hö.
www.porsche.is/notadir
Öryggi starfsmanna við
Kárahnjúka gagnrýnt
Yfirmaður hjá Mott MacDonald óttast að ekki sé farið eftir öryggisreglum
Eftir Andra Karl
andri@mbl.is
ÍTALSKA verktakafyrirtækið
Impregilo hefur verið gagnrýnt af
yfirmanni hjá Mott MacDonald fyrir
að bregðast öryggishlutverki sínu
við Kárahnjúkavirkjun. Haft er eftir
yfirmanninum á vefsvæði New Civil
Engineer að hann íhugi að senda
Impregilo erindi þar sem lýst verður
yfir áhyggjum af heilsu og öryggi
starfsmanna á framkvæmdarsvæð-
inu.
Þrítugur starfsmaður Impregilo
er lamaður fyrir neðan mitti eftir al-
varlegt vinnuslys sl. sunnudag og
starfsmaður um fertugt liggur þungt
haldinn í öndunarvél á gjörgæslu
Landspítala – háskólasjúkrahúss
eftir að hafa runnið um fimmtíu
metra niður stífluvegginn í lok nóv-
ember.
Eftirlit með efra svæðinu, s.s. stífl-
unni og aðrennslisgöngum, er í hönd-
um samsteypu sjö fyrirtækja sem
nefnist VIJV framkvæmdaeftirlit.
Óttast að starfsmenn fari
ekki eftir öryggisreglum
Breska fyrirtækið Mott Macdon-
ald er í forystu fyrir samsteypunni
og Keith Howell, einn yfirmanna fyr-
irtækisins, lét nýverið hafa eftir sér
að hann óttaðist að þrátt fyrir
strangar öryggisreglur Impregilo
færu starfsmenn ekki eftir þeim.
Einnig er vitnað í Andy Hughes,
varaforseta alþjóðasamtaka um stór-
ar stíflur (ICOLD), sem segist hafa
unnið við stíflugerð um víða veröld
og ekki hafi hafi einn látist á við þær
framkvæmdir. Hann fjölda slíkra at-
vika við Kárahnjúka undarlegan.
„Við höfum auðvitað áhyggjur af
því að það hafa orðið slys að und-
anförnu og við erum að fara yfir
það,“ segir Sigurður Arnalds, upp-
lýsingafulltrúi Kárahnjúkavirkjun-
ar, og bætir því við að verið sé að
skoða hvort herða þurfi örygg-
igæslu, ekki síst þannig að starfs-
menn gæti betur að sér.
Varðandi yfirlýsingar Andy Hug-
hes segir Sigurður ekki vita hvaða
forsendur hann hafi fyrir því að
koma með slíkar yfirlýsingar. Hann
tekur fram að ekki séu fleiri slys við
Kárahnjúkavirkjun en aðrar virkj-
anaframkvæmdir og af framkvæmd-
um Impregilo víða um heim sé slysa-
tíðni við Kárahnjúka um 30% minni
en að meðaltali.
Í HNOTSKURN
»Frá því að framkvæmdirvið Kárahnjúkavirkjun
norðan Vatnajökuls hófust ár-
ið 2003 hafa þrjú banaslys orð-
ið. Öll voru þau hjá íslenskum
verktakafyrirtækjum.
»Nýverið lést svo króat-ískur starfsmaður Lands-
nets þegar unnið var við
færslu byggðarlínu.
»Tvö alvarleg vinnuslyssem orðið hafa að und-
anförnu hafa kallað á meiri
umræðu hjá verktökum um
aukið öryggi. Í öðru tilvikinu
lamaðist starsfmaður neðan
mittis.
FULLTRÚA verðlagseftirlits ASÍ
var í gær meinað að gera verðlags-
könnun í verslun Bónuss á Ísafirði. Í
samtali við Guðmund Marteinsson,
framkvæmdastjóra Bónuss, sagði
hann atvikið haldast í hendur við
óánægju fyrirtækisins með verðlags-
könnun ASÍ á bókum sem gerð var sl.
miðvikudag.
„ASÍ gefur út ákveðnar verklags-
reglur í sambandi við verðkannanir
og þar kemur skýrt fram að sé vara
ekki verðmerkt þá sé hún ekki tekin
með í verðkönnun,“ segir Guðmundur
og bætir við: „ASÍ braut gegn eigin
verklagsreglum sl. miðvikudag þegar
fulltrúi verðlagseftirlits ASÍ tók við
útprentuðum verðlista af starfsmanni
Office 1 og tók það verð gilt þrátt fyrir
að engin bókanna í versluninni væri
verðmerkt og ekki væru neinir verð-
listar uppivið,“ segir Guðmundur og
tekur fram að fulltrúi Bónuss hafi
orðið vitni að þessum samskiptum og
m.a. náð af þeim myndum. Að sögn
Guðmundar sendi hann í kjölfarið at-
hugasemd til forsvarsmanna ASÍ og
bað um skýringar á atvikinu, en segist
ekki hafa fengið nein svör þar að lút-
andi. „Ég tók því þá ákvörðun að leyfa
ekki fleiri verðlagskannanir ASÍ í
búðum okkar fyrr en skýringar hafa
verið gefnar,“ segir Guðmundur.
„Þetta [verðkönnun ASÍ á bókum]
var framkvæmt eins og til var ætl-
ast,“ sagði Grétar Þorsteinsson, for-
seti ASÍ, þegar leitað var viðbragða
hjá honum við orðum Guðmundar.
Spurður hvort rétt væri að vinnu-
regla ASÍ væri sú að sé vara ekki
verðmerkt þá eigi ekki að taka hana
með í könnuninni sagðist Grétar ekki
vilja fara nánar út í framkvæmd
verðkannana en tók fram að hann
bæri fullt traust til þeirra einstak-
linga sem gera verðlagskannanir á
vegum sambandsins. „Verklagsregl-
ur hjá okkur varðandi þessi viðfangs-
efni eru alveg klárar. Ég sé ekki til-
efni til að vera að rökræða það
frekar.“
Aðspurður segir Grétar fulltrúa
ASÍ og Bónuss munu ræðast við á
næstu dögum í því skyni að komast að
niðurstöðu í málinu. Bendir Grétar á
að það komi reglulega upp atvik í
tengslum við verðlagskannanir þar
sem menn hafi mismunandi skoðanir
og séu ekki á eitt sáttir um fram-
kvæmdina.
Segja ASÍ hafa brotið eigin
vinnureglur í verðkönnun
Grétar
Þorsteinsson
Guðmundur
Marteinsson
HÉRAÐSDÓMUR Austurlands hef-
ur dæmt tvo rúmenska ríkisborg-
ara til 30 daga fangelsisvistar fyrir
skjalafals. Var þeim að auki gert að
greiða rúmar 43 þúsund krónur
hvor í málsvarnarlaun. Rúmenarnir
komu hingað til lands sl. miðviku-
dag með farþegaferjunni Norrænu
frá Björgvin í Noregi. Við landa-
mæraeftirlit framvísuðu þau bæði
fölskum ítölskum persónuskilríkj-
um, samdægurs voru ákærðu flutt
fyrir dómara og málið flutt.
Ákærðu játuðu bæði sök og við
ákvörðun refsingar var litið til
þess, auk þess sem ekki liggur fyrir
hvort þau hafi áður gerst sek um
refsiverða háttsemi. Ekki þótti til-
efni til að skilorðsbinda refsinguna.
Dómstjórinn, Ragnheiður Braga-
dóttir, kvað upp dóminn. Lára Huld
Guðjónsdóttir sýslumannsfulltrúi
flutti málið af hálfu ákæruvaldsins
og Jón Jónsson hdl. varði ákærðu.
Framvísuðu
fölsuðum
skilríkjum
HÆSTIRÉTTUR dæmdi í gær
Glitni banka hf. til að greiða Jökl-
um verðbréfum hf. rúmar 26 millj-
ónir króna vegna vangoldinna
vaxta. Glitnir banki hf. hafði áður
verið sýknaður í héraðsdómi
Reykjavíkur 6. mars sl.
Með samkomulagi frá árinu 2003
fól lífeyrissjóðurinn Framsýn bank-
anum innheimtu allra skuldabréfa í
eigu sjóðsins auk þess sem samið
var um vaxtakjör sjóðsins hjá bank-
anum. Deildu aðilar um hvernig
skilja bæri tiltekið ákvæði í samn-
ingnum þar sem fram kom að um-
samin vaxtakjör skyldu einnig gilda
fyrir reikninga tengdra félaga við
lífeyrissjóðinn, m.a. Jökla verð-
bréfa. Ágreiningurinn sneri að því
hvort samkomulagið tæki eingöngu
til reikninga sem Jöklar verðbréf
stofnuðu í eigin nafni eða einnig til
fjárvörslureikninga sem fyrirtækið
stofnaði vegna annarra en hafði eitt
ráðstöfunarrétt yfir.
Að mati Hæstaréttar máttu Jökl-
ar verðbréf gera ráð fyrir að fjár-
vörslureikningur sem fyrirtækið
stofnaði hjá Glitni banka myndi
njóta hinna umsömdu kjara, á sama
hátt og aðrir reikningar á hans
vegum.
Málið dæmdu hæstaréttardóm-
ararnir Ingibjörg Benediktsdóttir,
Hjördís Hákonardóttir og Jón
Steinar Gunnlaugsson.
Hróbjartur Jónatansson sótti
málið af hálfu Jökla verðbréfa hf.
og Jóhannes Rúnar Jóhannesson
hrl. varði Glitni banka hf.
Glitnir greiðir
26 milljónir kr.
MEIRI snjó, meiri snjó, meiri snjó! Þetta sönglar
ábyggilega margt skíðaáhugafólk fyrir munni
sér þessa dagana, enda bíða ófáir spenntir eftir
að hægt verði að opna skíðasvæðin sunnan
heiða. Enn hefur bæst við snjóinn í Bláfjöllum og
skv. upplýsingum staðarhaldara vantar ekki
mikið upp á til að hægt sé að huga að opnun.
Þess ber þó að geta að spáð er rigningu sunnan-
og vestanlands frá og með næsta sunnudegi.
Morgunblaðið/RAX
Troða snjóinn í Bláfjöllum