Morgunblaðið - 15.12.2006, Blaðsíða 26
26 FÖSTUDAGUR 15. DESEMBER 2006 MORGUNBLAÐIÐ
aðventan
Grafarvogskirkja er marg-föld þessa dagana, sjöföldnánar tiltekið, því aukfrumgerðarinnar gefur nú
að líta í anddyri kirkjunnar sex eft-
irmyndir hennar í piparkökuformi.
Vaskir unglingar úr Grafarvog-
inum eiga heiðurinn af piparköku-
kirkjunum en þær eru afurðir sam-
keppni sem Grafarvogskirkja efndi
til í aðdraganda aðventunnar milli
grunnskólanna í Grafarvogi. Hver
skóli skilaði einni eftirlíkingu að eigin
vali af kirkjunni inn í samkeppnina
og verða þrjú bestu módelin kunn-
gjörð 17. desember næstkomandi.
Verðlaunin eru ekki af verri end-
anum, 75 þúsund krónur sem sigur-
liðið afhendir líknarsamtökum að eig-
in vali.
Í Víkurskóla var vaskur hópur
unglingabakara úr 8. bekk að setja
saman kirkjuna sína á dögunum þeg-
ar ljósmyndara og blaðamann bar að.
Meðal þeirra voru Anna Katrín Þórð-
ardóttir og Elma Dögg Birgisdóttir
sem ásamt nokkrum bekkjarsystrum
sínum buðu sig fram í kirkjugerðina.
„Það er búið að vera mjög gaman að
baka húsið og setja það saman,“ segir
Elma og Anna tekur undir það.
„Þetta er líka svolítið flókið því það
þarf að sjá til þess að allir hlutar
kirkjunnar séu passlega stórir þegar
maður bakar þá. Eins hallast á henni
þakið og út úr hliðunum á henni
koma vængir sem þurfa að passa
saman.“
Nokkuð hörð samkeppni
Kirkjuna, sniðin og steinda
gluggann í öðrum gaflinum hannaði
við vinnum muni verðlaunin renna til
langveikra barna,“ segja þær og
bæta við að reyndar sé samkeppnin
nokkuð hörð ef marka má framlag
hinna skólanna sem þær hafa séð.
Piparkökukirkjurnar sex verða
hafðar til sýnis í Grafarvogskirkju til
6. janúar næstkomandi.
Morgunblaðið/G. Rúnar
Reisulegar Sex glæsilegar og splunkunýjar piparköku-Grafarvogskirkjur gerðar af byggingameisturum úr (f.v.) Víkurskóla, Engjaskóla, Foldaskóla, Korpuskóla, Húsaskóla og Borgaskóla.
Gómsæt Grafarvogskirkja
Á sunnudaginn verður
skorið úr því hvaða skóli
sigrar í piparkökukirkju-
keppni Grafarvogskirkju.
Bergþóra Njála
Guðmundsdóttir fylgdist
með bakarameisturum í
Víkurskóla.
Funheitt Fríða leiðbeinir stúlkunum um samsetningu kirkjunnar. Anna Katrín og Elma Dögg eru lengst til hægri.
Vanda sig Ýmsa fylgihluti, s.s.
engla og stjörnur, þarf að skreyta.
Glerlist Steindi glugginn kominn í
annan gafl piparkökukirkjunnar.
… það þarf að sjá til þess
að allir hlutar kirkjunnar
séu passlega stórir þegar
maður bakar þá.
Tilbúin Útkoman var glæsileg Grafarvogskirkja þeirra Víkurskólastúlkna.
hópurinn í tímum hjá Önnu Ragn-
heiði Jónsdóttur myndlistarkennara
en baksturinn fór fram undir umsjón
Fríðu S. Böðvarsdóttur heimilis-
fræðikennara. „Við höfum gert þetta
að mestu á skólatíma,“ segja þær
stöllur. „Stundum höfum við notað
myndlistar- og heimilisfræðitímana
en stundum í öðrum tímum.“
Hvorugar hafa þær gert pipar-
kökuhús áður þótt smáköku- og pip-
arkökubakstur heyri til jólaundir-
búningsins heima við. En hvernig
hyggst hópurinn verja verðlaununum
ef þau falla honum í skaut? „Við erum
búnar að ræða þetta og ákveða að ef
Skrautlegir Englar og hempu-
klæddir prestar úr kirkjunni.
Eftir Steingrím Sigurgeirsson
sts@mbl.is
Jæja, þá eru jólin aðnálgast og því ástæðatil að huga sérstaklega
að nýjum vínum í búðunum
sem eiga vel við á slíkum
stundum. Það er vín í betri
kantinum (en ekki endilega
dýrari kantinum) sem falla
vel að vönduðum og góðum
mat. Ef við tökum hvítvínin
fyrst þá vil ég byrja á að
nefna norður-ítalska hvítvín-
ið Tenuta Sant Antonio
Monte Ceriani Soave 2004
sem er annað af tveimur
hvítvínum sem Castagneda-
fjölskyldan, sem hefur aðset-
ur skammt austur af Verona,
framleiðir. Alveg hreint ynd-
islegt með björtum og aðlað-
andi ávexti, sætum vínberj-
um og framandi ávöxtum á
borð við papaja. Skarpt og
vel uppbyggt. Frábær kaup
á 1.490 krónur. 19/20
Vínin frá þorpinu Chablis í
norðurhluta Bourgogne í
Frakklandi eru líka með
öruggustu kaupunum sem
hægt er að gera í góðu hvít-
víni. Chanson Chablis 2004
er sígildur og vel gerður
Chablis, óeikaður með
áherslu á sítrusmikinn og
þurran ávöxt, vín sem fellur
fullkomlega að sjávarfangi
og skelfiski á borð við hum-
ar. 1.750 krónur. 17/20
Chanson Chablis 1er Cru
Montmains 2005 er síðan
skrefið þar fyrir ofan í gæð-
um, þurr míneralískur, sýru-
mikill Chablis með límónu en
einnig vott af hunangi og
góðri fyllingu í munni. Ungt
og yndislegt og mun þrosk-
ast vel við geymslu. 2.490
krónur. 18/20
Baron de Ley Reserva
2001 er nútímalegt og pott-
þétt Rioja-vín frá Spáni.
Rauður berjaávöxtur, þrosk-
aður og jaðrar við að fara út
í sultu, kjötmikið með vindla-
reyk og nokkurri vanillu og
þykkri og feitri eik. Ynd-
islegt með rauðu nautakjöti.
1.490 krónur. 18/20
Tenuta Sant Antonio La
Bandina 2001 er hins vegar
ítalskt vín sem mætti flokka
sem „ofur“-valpolicella-vín.
Þetta er vín úr smiðju Cast-
agneda-fjölskyldunnar líkt
og Monte Ceriani og eina
Valpolicella-vínið sem fékk
þrjú glös hjá ítölsku vín-
biblíunni Gambero Rosso á
þessu ári. Dökkt og öflugt
með þungri angan af þurrk-
uðum berjum, sveskjum og
rúsínum ásamt leðri og reyk.
Gælir við Amarone-einkenni
(við erum að tala um 14,5%)
en heldur þó léttleika í
munni og hreinum ávexti,
greina má vindlakassa –
sedrusvið – og nokkurn
kryddkeim í lokin. Fantagott
vín og mun batna enn meir
ef það fær að hvíla í kjall-
aranum í 3–5 ár. 2.190 krón-
ur. 19/20
Vín í betri
kantinum …
vín
Morgunblaðið/Golli