Morgunblaðið - 15.12.2006, Blaðsíða 54
|föstudagur|15. 12. 2006| mbl.is
staðurstund
Íslenskur framúrstefnudjass er
athyglisverður þótt hann eigi
ekki greiða leið í útvarp og selj-
ist ekki í bílförmum. » 56
tónlist
Gagnrýnandinn Þóra Þóris-
dóttir heimsótti Gallerí 101 til
að sjá sýningu Jóns Óskars,
DAQITOTOU #39. » 56
myndlist
Plata með flutningi Megasar á
eigin lögum við Passíusálmana
er fimm stjörnu virði að mati
gagnrýnanda. » 58
plötudómur
Heiða Jónsdóttir segir nálgun
myndarinnar Bandaríkin gegn
John Lennon athyglisverða.
» 59
kvikmyndir
Tilkynnt hefur verið um tilnefn-
ingar til Golden Globe-verð-
launanna sem verða afhent í
janúar á næsta ári. » 67
fólk
Mikill fjöldi tónleika verður umhelgina víða um borgina og úti álandi. Þar kennir ýmissa grasa ogverður hér stiklað á því helsta.
Föstudagur
Jólatónleikar Vox academica verða í Grafar-
vogskirkju. Flutt verður Magnificat eftir Bach
og þættir úr Messíasi eftir Händel. Lilja Egg-
ertsdóttir, Hallveig Rúnarsdóttir, Sesselja
Kristjánsdóttir, Þorbjörn Rúnarsson og Ágúst
Ólafsson eru í einsöngshlutverkum. Jón Leifs
Camerata leikur. Hákon Leifsson stjórnar.
Tónleikarnir hefjast kl. 20.
Jólasöngvar Langholtskirkju er yfirskriftin
á tónleikum í Langholtskirkju kl. 23. Eivör
Pálsdóttir, Bragi Bergþórsson, Ólöf Kolbrún
Harðardóttir og Gradualekórinn syngja með
Kór Langholtskirkju og hljóðfæraleikurum.
Frumflutt verður nýtt jólalag eftir Eivöru. Jón
Stefánsson stjórnar. Aðrir tónleikar verða
haldnir á laugardag og sunnudag.
Útgáfutónleikar Betu Eyþórs verða í Iðnó
kl. 20 í tilefni af útkomu geisladisksins Þriðju
leiðarinnar. Þriðja leiðin er samstarfsverkefni
Barkar Hrafns Birgissonar gítarleikara, El-
ísabetar Eyþórsdóttur söngkonu og Einars
Más Guðmundssonar rithöfundar. Lögin á
diskinum eru öll eftir Börk. Auk Elísabetar og
Barkar koma fram á tónleikunum Ellen Krist-
jánsdóttir, Eyþór Gunnarsson, Þorgrímur
Jónsson bassi, Scott McLemore trommur, Sig-
urður Flosason saxófónn, Kjartan Hákonarson
trompet og Ómar Guðjónsson gítar.
Aðrir útgáfutónleikar verða í Tjarnarbíói kl.
21. Þar verður á ferðinni Benni Hemm Hemm
en hljómsveitin ætlar að fagna útkomu annarr-
ar breiðskífu sinnar. Hljómsveitin er að koma
frá tónleikahaldi í Japan og Englandi. Ásamt
Benna Hemm Hemm koma fram hljómsveit-
irnar Skakkamanage, Retro Stefson og
Hjaltalín.
Laugardagur
Pétur Ben. ásamt hljómsveit heldur tónleika
í Tjarnarbíói. Tónleikarnir hefjast kl. 22. Pétur
hlaut nýlega þrjár tilnefningar til Íslensku
tónlistarverðlaunanna. Vinir Dóra verða með
blústónleika á Domo í Þingholtsstræti kl. 21.
Gestir hljómsveitarinnar verða Andrea Gylfa-
dóttir söngkona, Björgvin Gíslason gítarleikari
og Davíð Þór Jónsson Hammondleikari. Vini
Dóra skipa Halldór Bragason gítar, Guðmund-
ur Pétursson gítar, Ásgeir Óskarsson tromm-
ur og Jón Ólafsson bassi.
Kristjana Skúladóttir og hljómsveit halda
útgáfutónleika í Tjarnarsal Ráðhúss Reykja-
víkur kl. 16. Kynntur verður geisladiskurinn
OBBOSÍ, sem hefur að geyma frumsamda
tónlist fyrir yngstu hlustendurna. Ásamt
Kristjönu koma fram Agnar Már Magnússon
píanó og harmonikka, Ásgeir Ásgeirsson gítar,
Gunnar Hrafnsson kontrabassi, Einar Schev-
ing trommur og krakkakór.
Fimm söngvarar og tónlistarmenn, þau Gísli
Magnason, Þorvaldur Þorvaldsson, Hera
Björk Þórhallsdóttir, Kristjana Stefánsdóttir
og Aðalheiður Þorsteinsdóttir, koma fram í
Fríkirkjunni kl. 20 og flytja jólatónlist við
undirleik Eyþórs Gunnarssonar, Gunnars
Hrafnssonar og Scott McLemores.
Jólagrauturinn 2006 á Nasa er heiti á tón-
leikum sem haldnir verða á samefndum stað
og hefjast kl. 23. Fram koma hljómsveitirnar
Trabant, Helmus & Dalli, FM Belfast og Steed
Lord. Miðaverð er 1.000 kr.
80 manna Kór Flensborgarskólans heldur
hátíðartónleika sína í sal Flensborgarskólans
kl. 16. Gestir verða Páll Óskar Hjálmtýsson
söngvari og hörpuleikarinn Monika Abend-
roth. Flutt verða ný og gömul jóla- og aðventu-
lög.
Óperukórinn í Reykjavík heldur jólatónleika
sína, Dagamunur í desember, í Aðventkirkj-
unni í Reykjavík kl. 16. Dagskráin hefst með
söng undir berum himni fyrir gangandi veg-
farendur á horni Bankastrætis og Skólavörðu-
stígs. Einsöngvarar koma úr röðum kórfélaga
og stjórnandi kórs og fjöldasöngs er Garðar
Cortes.
Nýstárlegur jólasöngur verður í Seltjarnar-
neskirkju þegar tvöfaldur söngkvartett Tre-
tyakov-listasafnsins í Moskvu flytur rússneska
kirkjutónlist og jólasöngva eftir Bortnjansky,
Tsjaíkovskí og Rakhmaninov undir stjórn
Alexeis Puzakovs. Tónleikarnir hefjast kl. 16
og eru haldnir á vegum Listvinafélags Sel-
tjarnarneskirkju.
Jólatónleikar Sinfóníuhljómsveitar Íslands
verða haldnir kl. 14 og 17. Á efnisskránni er
Jólaforleikur eftir Leroy Anderson, Polonaise
brillante op. 4 eftir Henryk Wieniawski, Jóla-
syrpa eftir Hrafnkel Orra Egilsson, sex þættir
úr Hnotubrjótnum eftir Pjotr Tsajkovskíj, Það
á að gefa börnum brauð eftir Jórunni Viðar og
Heims um ból eftir Franz Xaver Gruber.
Hljómsveitarstjóri er Bernharður Wilkinsson
og einleikari Hulda Jónsdóttir.
Árlegir aðventutónleikar Karlakórs Reykja-
víkur fara fram kl. 16 og 22 og ennfremur
verða einir tónleikar á sunnudag kl. 20. Ein-
söngvari verður Gissur Páll Gissurarson.
Lenka Matéóva leikur á orgel og trompetleik-
arnir Ásgeir Steingrímsson og Eiríkur Örn
Pálsson koma fram með kórnum. Stjórnandi
kórsins er Friðrik S. Kristinsson.
Sunnudagur
Þórunn Guðmundsdóttir söngkona flytur
eigin jólalög í Norræna húsinu kl. 15.15. Með
henni verða Þröstur Þorbjörnsson gítarleikari,
Hjörleifur Valsson fiðluleikari og Gunnar
Hrafnsson bassaleikari. Félagar úr leikfélag-
inu Hugleik koma fram og flytja leikþáttinn
Ein lítil jólasaga og jólasöngleikinn Mikið fyrir
börn, en Þórunn er einmitt höfundur þeirra.
Djasstrommarinn Erik Qvick og Jazzsendi-
boðarnir flytja tónlist eftir goðsögnina Art
Blakey á Café Rosenberg kl. 22. Auk Eriks
koma fram Snorri Sigurðarson trompet, Ólaf-
ur Jónsson tenórsaxófónn, Agnar Már
Magnússon píanó og Þorgrímur Jónsson bassi.
Aragrúi tónleika um helgina
Blúsað Söngkonan Andrea Gylfadóttir verð-
ur gestur á tónleikum Vina Dóra.
Eftir Bergþóru Jónsdóttur
begga@mbl.is
H
vernig leit hún út, íslenska
skáldaklíkan árið 1939, eða
1882? Ég hef ekki hugmynd…
Mikill léttir er það nú fyrir
komandi kynslóðir að geta um
aldur og ævi svalað hnýsnifýsn sinni um
skáldaklíku Íslands árið 2006. Það er Björn
M. Sigurjónsson sem hefur séð til þess. En
áður en vitnisburðurinn um skáldakynslóð-
ina 2006 verður settur á Disneyskt frost í
opinberum skjalaskápum fáum við í núinu
líka að sjá.
Með öðrum orðum: Í dag kl. 17 verður
opnuð sýning í Borgarbókarsafninu, Gróf-
inni, á ljósmyndum Björns M. Sigurjónssar
af skáldunum í Nýhil, en sýninguna kallar
Björn: Skrásetningu kynslóðar.
„Ég var í Þjóðleikhúskjallaranum að
hlusta á upplestur, þekkti þessa krakka ekki
neitt og vissi ekkert hver þau voru. Þá varð
mér allt í einu ljóst að það var heil kynslóð í
þessum félagsskap, Nýhil. Þetta er samleitur
hópur, öll á svipuðum aldri, þótt hvert
þeirra hafi sín einkenni, standa saman í
þessu og öll á svipuðum slóðum í sinni list.
Þetta er kynslóð skálda,“ segir skrásetjarinn
um fæðingu hugmyndarinnar og nafn sýn-
ingarinnar, og bætir við að honum hafi þótt
þessi kynslóðaruppgötvun afar merkileg. En
hvernig fór skrásetningin fram? Hæð,
þyngd, litur, tennur, skóstærð, lífsviðhorf?
„Ég fór heim til þeirra með eina myndavél
og nokkrar filmur, þrífót og ljós og smellti
af. Kannski ekki alveg svona einfalt, en í
grundvallaratriðum er þetta það sem ég
gerði,“ segir Björn. „Svo reyndi ég að smíða
eitthvað úr því sem ég sá, þannig að hver
mynd yrði þekkileg. Þetta er þó tiltölulega
óuppstillt. Þetta eru þau, eins og þau eru.“
Og Nýhil-kynslóðin þarf ekki að óttast að
verða föl og pólaroid-græn þegar framtíð-
arkynslóðirnar vilja skoða gömlu skáldin.
„Ég tók myndirnar á svarthvíta filmu sem
endist von úr viti, prentaði þær á fíberpapp-
ír, þær eru seleníum-tónaðar, þannig að öll
umgjörð og stemmning í vinnslunni sjálfri
miðast að því að myndirnar endist vel og lifi
lengi. Svo er það auðvitað Borgarbókasafnið
sem setur þær upp – og þar er ákveðin
skjalavarsla í gangi og skráning, og bóka-
safn hefur auðvitað tengsl við ljóðlistina
líka.“
Þannig fellur verk Björns allt að þeirri
hugmynd að skrásetja kynslóð listamanna
sem er að ryðja sér til rúms. En hvað svo?
„Þegar við erum búin að horfa núna, þá fara
myndirnar væntanlega í geymslu, og eftir
fimmtíu ár getum við skoðað þær aftur og
hlegið að því hvað þetta fólk er fyndið og
sniðugt. Þetta er eins og hlerunarmálið. Ég
fór og hleraði þau með myndavél og verks-
ins bíður að verða sett í skúffu þar til næst,“
segir Björn. Hann segir að þægilegt hafi
verið að vinna með hópnum. Þetta séu lista-
menn vanir því að annað fólk geti þurft að
vera hráefni í þeirra eigin listsköpun og því
hafi þau vel skilið bón hans um að verða
hráefni í hans listsköpun. „Þess vegna
brugðust þau vel við og voru hin blíðustu.
Þau komu til dyranna eins og þau voru
klædd.“
Þetta eru þau, eins og þau eru
Skrásetjarinn „… eftir fimmtíu ár getum við skoðað þær aftur og hlegið …“