Morgunblaðið - 16.12.2006, Blaðsíða 39

MORGUNBLAÐIÐ LAUGARDAGUR 16. DESEMBER 2006 39
ljúki um
að fram-
júki fyrri
nars gert
fermetra
nsínstöð,
úverandi
Hafnar-
fjarðarvegurinn og segir Gunnar
Einarsson að bærinn hafi gert
kröfu um að hann yrði lagður í
stokk með aðreinum í bæinn.
Húsið sem hýsir Hagkaup, Spari-
sjóð Hafnarfjarðar og Betrunar-
húsið við Garðatorg verður rifið og í
staðinn byggt þriggja hæða hús
með risi. Það kemur til með að
mynda hring umhverfis Garðatorg
með bílastæðum, verslunum, veit-
ingastöðum og þjónustu á jarðhæð
og íbúðum á efri hæðum en auk
þess verður bílakjallari undir torg-
inu. Við torgið verður byggt hús-
næði fyrir Hönnunarsafn Íslands
og efnt verður til hönnunarsam-
keppni um það á næsta ári.
Líflegt umhverfi
Gunnar Einarsson segir að á
Garðatorgi sé hugmyndin að skapa
skjól, ákveðinn hlýleika og menn-
ingarlegt og listrænt yfirbragð í líf-
legu umhverfi. „Hluti af hug-
myndafræðinni er að láta miðbæinn
lifa auk þess sem nauðsynlegt er
fyrir miðbæ að hafa ákveðinn hluta
íbúða til að skapa stöðugt líf,“ segir
hann. „Núna höfum við einstakt
tækifæri til að skapa miðbæ frá a til
ö og þetta eru ekki plástralausnir
eins og gjarnan vill verða á Ís-
landi.“
Gert er ráð fyrir að kostnaður
Garðabæjar verði um 350 milljónir
króna en hann felst eingöngu í því
að eiga og sjá um bílakjallarann.
Klasi greiðir annan kostnað og
kemur til með að eiga verslunar- og
þjónustuhúsnæðið. „Okkar sýn með
þessu skipulagi er að Garðabær
verði í hópi snyrtilegustu og um-
hverfisvænstu bæja á Íslandi,“ seg-
ir Gunnar Einarsson.
nstöðin sem tengja má Garðatorgi.
stærsta
bæjar
ring um-
ðir á
ýmsar
ýleika
ð/Sverrir
Garða-
KOSTNAÐUR Klasa hf. vegna
uppbyggingarinnar í Garðabæ
nemur um 7 til 8 milljörðum.
„Þetta er stærsta verkefni sem
Klasi hefur ráðist í,“ segir Þorgils
Óttar Mathiesen, eigandi Klasa.
Klasi stendur straum af öllum
kostnaði vegna framkvæmdanna
fyrir utan bílakjallarann á Garða-
torgi og kemur til með að leigja
þjónustu- og verslunarrýmið, en
ætlar að selja íbúðirnar.
Kostnaður
Klasa um 8
milljarðar
Jóhannes nam verkfræði viðtækniháskólana í Münchenog Berlín. Hann varð m.a.fyrir því að tilraunatæki
hans á rannsóknastofu við
Tækniháskólann í München, þar
sem hann vann að doktorsverkefni
sínu, skemmdust þrívegis í
sprengjuárásum. Í síðustu árásinni
í janúar 1945 gjöreyðilagðist rann-
sóknarstofan og segir Jóhannes að
þar hafi lokið tilraun sinni til dokt-
orsprófs.
Margt minnisvert dreif á daga
Jóhannesar meðan á Þýskalands-
dvölinni stóð. Hann rifjar m.a. upp
eftirminnilegan málsverð á pálma-
sunnudag 1939. Félagi hans Baldur
Steingrímsson [Matthíassonar
læknis] stakk upp á því að þeir fé-
lagar fengju sér eitthvað gott að
borða í tilefni af prófunum.
Vinkona og aðdáandi Hitlers
Þeir fóru á veitingahúsið Osteria
Bavaria, sem var einna besta veit-
ingahúsið í háskólahverfi þeirra
Schwabing. Svo lýsir Jóhannes því
sem gerðist á veitingahúsinu:
„Ekki líður á löngu áður en lítill
hópur einkennisklæddra nasista
marsérar inn í veitingasalinn og
sest við borð skammt frá okkur.
Meðal þeirra er enginn annar en
Foringinn sjálfur, Adolf Hitler. Hit-
ler borðaði oft í þessu veitingahúsi
þegar hann var í München. Í hópn-
um var ung kona. Eftir nokkra
stund stendur konan upp, gengur
yfir að borðinu til okkar og heilsar
upp á Baldur. Hann tekur henni
kunnuglega og kynnir mig fyrir
henni. Hún sest hjá okkur og talar
við okkur stundarkorn, auðvitað
mest við Baldur þar sem þau voru
kunnug frá fyrri skólaárum hans.
Eftir nokkra stund kveður hún okk-
ur og fer aftur að borði Foringjans.
Þegar hún hafði kvatt okkur spurði
ég Baldur hver þessi kona væri.
Hann tók upp úr vasa sínum nýlega
úrklippu úr norsku blaði og sýndi
mér. Þetta var þá lafði Unity Mit-
ford, hin þekkta enska vinkona og
aðdáandi Hitlers. Systir hennar
Diana var gift nasistaforingjanum í
Bretlandi, Oswald Mosley. Það er
frá henni að segja að seinna þetta
sama ár, þegar stríðið braust út og
Bretar sögðu Þjóðverjum stríð á
hendur, þá labbaði lafði Mitford út í
Enska garðinn í München og skaut
sig í höfuðið. Hún dó þó ekki og Hit-
ler lét færa hana á besta sjúkra-
húsið í München þar sem reynt var
að fjarlægja byssukúluna úr höfði
hennar. Hún var svo send til Sviss
og þaðan til Bretlands. Hún var
alltaf heilsuveil eftir þetta og dó
skömmu eftir stríð.“
Í endurminningum sínum greinir
Jóhannes Zoëga frá uppvaxtarár-
unum á Norðfirði, skólagöngu hér á
landi og háskólaárunum í Þýska-
landi. Einnig starfsferli sínum hjá
Landssmiðjunni og Hitaveitu
Reykjavíkur, sem hann byggði upp
öðrum fremur. Þá segir hann frá fé-
lagsmálastarfi sínu, fjölskyldu sinni
og ferðalögum um heiminn.
Útgáfufélagið Heimur gefur bók-
ina út.
Á veitingahúsi með
Adolf Hitler og félögum
Jóhannes Zoëga hita-
veitustjóri segir í end-
urminningum sínum frá
dvöl sinni í Þýskalandi í
aðdraganda seinni
heimsstyrjaldarinnar og
síðan öll stríðsárin.
Guðni Einarsson leit í
bókina og las m.a. að Jó-
hannes hefði átt við-
burðaríka daga í Þýska-
landi.
Endurminningar Jóhannes Zoëga, fyrrverandi hitaveitustjóri.
Vinir Ein mynda úr bók Jóhann-
esar af Adolf Hitler og hinni
bresku lafði Unity Mitford. gudni@mbl.is
Framsóknarflokkurinn hef-ur jafnan verið forystuaflalhliða þjóðlegrar umbóta-stefnu sem byggð er á
hugsjónum samvinnu, samhjálpar,
frumkvæðis og fram-
taks. Þannig voru
Framsóknarmenn í
fylkingarbrjósti við
mótun velferðarsam-
félagsins, í baráttunni
gegn afleiðingum
heimskreppunnar fyr-
ir almenning, við upp-
byggingu atvinnulífs-
ins um landið, við
rafvæðingu og vega-
gerð, almannatrygg-
ingar, skólakerfi og
fræðslumál, húsnæðis-
mál og á öðrum svið-
um. Framsóknarmenn hafa haft for-
ystu um byggðastefnu og átt mikinn
þátt í margháttuðum framfara-
málum á öllum sviðum hagkerfis og
þjóðlífs.
Í sögu Framsóknarflokksins ber
einna hæst sjálfstæði þjóðarinnar og
landhelgismálið. Í öllum þessum
mikilvægu baráttumálum áttu
Framsóknarmenn virkan þátt og
frumkvæði.
Í dag, 16. desember 2006, fyllir
Framsóknarflokkurinn 90 ár en
stofndagur hans er talinn 16. desem-
ber árið 1916. Þetta er hár aldur ein-
staklings en hreyfing endurnýjar sig
stöðugt og fyllist jafnóðum nýju lífi
nýrra tíma og nýrra kynslóða. Þess
vegna er Framsóknarflokkurinn
jafnan ungur og í fylkingarbrjósti.
Á afmælisdegi vilj-
um við horfa um öxl en
ekki síður viljum við
líta fram á veginn,
meta stöðu og horfur
og sjá nýjar leiðir
framundan. Við höfum
einmitt upp á síðkastið
verið að endurmeta og
skerpa á nýjum og
gömlum áherslum og
rifja upp sígildar hug-
sjónir Framsókn-
armanna.
Alls staðar hafa
Framsóknarmenn
beitt sér fyrir félagslegum, þjóð-
legum og mannúðlegum gildum.
Framsóknarmenn hafa lagt áherslu
og leggja enn áherslu á vinnu, vöxt
og velferð í öllum byggðum landsins.
Og sérstaklega leggja þeir áherslu á
atvinnu og atvinnuöryggi og af-
komuöryggi fyrir alla landsmenn.
Framsóknarmenn leggja áherslu á
þjóðlega samfylgd og að jöfnuður og
réttlæti ríki í samfélaginu.
Á þessum degi viljum við minnast
fyrri forystumanna Framsókn-
arflokksins. Jónas Jónsson og
Tryggvi Þórhallsson brugðu upp
leiftri hugsjóna og framkvæmda.
Hermann Jónasson og Eysteinn
Jónsson gegndu mikilvægum for-
ystuhlutverkum á úrslitatímum.
Ólafur Jóhannesson, Steingrímur
Hermannsson og Halldór Ásgríms-
son héldu kyndlunum hátt á loft.
Og við viljum horfa fram á veginn.
Framsóknarmenn ætla að þétta rað-
irnar, standa þétt saman í þeirri bar-
áttu sem framundan er. Við viljum
vinna að alhliða framförum, jafn-
vægi og stöðugleika, og við viljum
skila arði hagvaxtar og umbreytinga
í viðskiptalífi til allrar þjóðarinnar,
til allra byggðanna í landinu og sér-
staklega til þeirra sem mest eru
þurfandi.
Við viljum halda áfram þeim
áföngum sem ríkisstjórnin hefur náð
og er að ná á sviði velferðarmála,
heilbrigðis-, trygginga-, félagsmála
og menntamála.
Í dag lítum við Framsóknarmenn
fram á veginn. Við þurfum að
styrkja okkur og ná vel til alls al-
mennings því að við erum að vinna
fyrir fólkið í landinu. Við leggjum
áherslu á atvinnulífið, á þekking-
arsamfélagið, á menntun og fram-
farir um land allt. Markmið Fram-
sóknarmanna er uppbygging og
þróun þekkingarsamfélags með
menntun og tækni í þágu þjóð-
arinnar. Við viljum heildaráætlun
um auðlindanýtingu og nátt-
úruvernd í þjóðarþágu. Við viljum
auka og bæta lífstækifæri fólksins
og uppvaxandi kynslóða.
Framsóknarmenn vilja kappkosta
að efla íslenska þjóðmenningu og
standa af varúð og myndarlega að
opnun samfélagsins og móttöku
nýrra landsmanna sem hingað flytj-
ast. Við viljum stuðla að þeim þjóð-
armetnaði að Íslendingar verði jafn-
an í fremstu röð um menningu,
lífskjör, umhverfi og lífstækifæri
fólksins.
Þetta er erindi okkar eins og jafn-
an fyrr á þeirri löngu leið sem er að
baki. Og þetta verður erindið við
þjóðina á komandi tíma.
Framsóknarflokkurinn eflist með
nýrri endurnýjun og með hverri
kynslóð. Þess vegna erum við ein-
beitt og öflug til átaka. Til hamingju
með daginn
Framsókn í 90 ár
Eftir Jón Sigurðsson
Jón Sigurðsson
» Alls staðar hafa
Framsóknarmenn
beitt sér fyrir félagsleg-
um, þjóðlegum og
mannúðlegum gildum.
Höfundur er formaður
Framsóknarflokksins.