Morgunblaðið - 22.12.2006, Blaðsíða 21

MORGUNBLAÐIÐ FÖSTUDAGUR 22. DESEMBER 2006 21
Mogadishu. AP, AFP. | Leiðtogi hreyf-
ingar íslamista í Sómalíu, Hassan
Dahir Aweys, sagði í gær að stríð
væri hafið við herlið Eþíópíumanna í
landinu.
„Allir Sómalar ættu að taka þátt í
stríðinu gegn Eþíópíumönnum,“
sagði Aways.
Íslamska hreyfingin hefur náð
höfuðborginni, Mogadishu, og
stórum svæðum í sunnanverðri Sóm-
alíu á sitt vald. Harðir bardagar
geisuðu enn í gær í grennd við Baid-
oa, eina bæinn sem er á valdi bráða-
birgðastjórnar Sómalíu.
Samþykktu friðarviðræður
Aweys og bráðabirgðaforseti
landsins, Abdullah Yusuf, sam-
þykktu á fundi með sendimanni Evr-
ópusambandsins í fyrradag að koma
á vopnahléi og hefja friðarviðræður
að nýju í Súdan á vegum Araba-
bandalagsins.
Eþíópíustjórn sagði að leiðtogar
íslamistanna væru stríðsæsinga-
menn og hefðu engan áhuga á friði.
Talsmaður bráðabirgðastjórnarinn-
ar sagði að her hennar hefði fellt
hundruð liðsmanna íslömsku hreyf-
ingarinnar í átökum í gær. Íslamist-
arnir sögðust hafa fellt a.m.k. 70 her-
menn bráðabirgðastjórnarinnar.
Hundruð skelfingu lostinna íbúa
svæðisins flúðu þaðan.
Sjónarvottar sögðu að margir eþí-
ópískir hermenn hefðu tekið þátt í
bardögunum í grennd við Baidoa í
gær. Óttast er að Eþíópíumenn og
Erítreumenn, sem styðja íslömsku
hreyfinguna, dragist inn í átökin.
Íslamska hreyfingin hefur verið
sökuð um tengsl við hryðjuverkanet-
ið al-Qaeda en hún neitar því.
Engin ríkisstjórn hefur náð yfir-
ráðum yfir Sómalíu frá árinu 1991
þegar Mohamed Siad Barre einræð-
isherra var steypt af stóli.
Segir að stríð sé
hafið í Sómalíu
Reuters
Friðarviðræður Leiðtogi íslamista í Sómalíu, Hassan Dahir Aweys (t.h.)
með sendimanni Evrópusambandsins, Louis Michel, á fundi í Mogadishu.
Tókýó. AP. | Japaninn Mitsutaka
Uchikoshi, sem er 35 ára, lifði á
undraverðan hátt af kulda og vos-
búð án vatns og matar í 24 sólar-
hringa með því að „leggjast í híði“,
að því er læknir hans fullyrðir. Sér-
fræðingar segja þetta einsdæmi en
talið er að efnaskipti í líkama hans
hafi því sem næst stöðvast á meðan
hann lá meðvitundarlaus eftir fall í
hlíðum Rokko-fjalls 7. október sl.
Þegar hann fannst svo 24 dögum
síðar hafði hann mjög lítinn púls,
líffærin höfðu nær hætt starfsemi
og líkamshitinn var aðeins um 22
gráður.
Uchikoshi var í grillveislu með
vinnufélögum við tind fjallsins þeg-
ar hann ákvað að ganga niður hlíð-
ar þess, í stað þess að fara niður í
kláfi. Hann hrasaði á leiðinni niður
og missti meðvitund á öðrum degi.
Að sögn læknisins Shinichi Sato
lagðist Uchikoshi í vetrardvala,
ekki ósvipað og þegar bjarndýr
leggjast í híði á vetrum, þegar hann
missti meðvitund. Heilinn hafi því
ekki orðið fyrir skemmdum á öllum
þessum tíma, en hitinn var um 10
gráður þar sem Uchikoshi lá án
meðvitundar.
Algengt er að læknar kæli lík-
amshita fólks niður í um 20 gráður
við hjartaaðgerðir og þá aðeins í
nokkra klukkutíma í senn.
Er því talið að reynslusaga Uchi-
koshis kunni að varpa ljósi á hvern-
ig líkaminn lifir af við svo lágan
hita í svo langan tíma. Gæti sú
þekking nýst við meðhöndlun
ýmissa sjúkdóma og við meðhöndl-
un þrálátra blæðinga.
Lifði af 24
daga „í híði“
♦♦♦
Havana. AFP. |
Raul Castro, sem
gegnt hefur emb-
ætti forseta Kúbu
síðustu fimm
mánuði vegna
veikinda bróður
síns, segist ætla
að dreifa ábyrgð-
inni meira en Fi-
del Castro hafi
gert og flytja færri ræður.
Raul tjáði 800 leiðtogum háskóla-
nemenda að þeir ættu óhræddir að
taka þátt í opinskárri umræðu. Hann
sagðist ekki ætla að reyna að líkja
eftir bróður sínum.
„Enginn getur skipað sess Fid-
els,“ sagði Raul Castro. „Ég ætti að
vita það. Ég hef þekkt hann síðan ég
fór að geta hugsað. Samskipti okkar
hafa ekki alltaf verið eins og best
verður á kosið vegna þess að, eins og
hann orðar það, ég er það sem ég
er.“
Hann bætti við að allir yrðu að
sameinast um verkefnið, þá væri
hægt að fylla þann sess sem Fidel
hefði skipað. En byltingarkynslóðin
yrði nú að víkja fyrir yngra fólki
„hvort sem við viljum það eða ekki“.
Breytingar
á Kúbu?
Raul Castro