Morgunblaðið - 24.12.2006, Side 1

STOFNAÐ 1913 350. TBL. 94. ÁRG. SUNNUDAGUR 24. DESEMBER 2006 PRENTSMIÐJA MORGUNBLAÐSINS mbl.is
FÁNAR FEÐRANNA
ÍSLENSKIR AUKALEIKARAR SEGJA FRÁ ÞVÍ
HVERNIG VAR AÐ TAKA ÞÁTT Í MYNDINNI >> 28
Gleðileg
jól
ÍSFIRÐINGURINN Herdís Alberts-
dóttir lét sig ekki muna um að slá
upp skötuveislu fyrir fjölskyldu sína
þrátt fyrir að vera orðin 98 ára
gömul en Herdís hefur alla tíð eldað
skötu á Þorláksmessu og boðið af-
komendum sínum.
Hún brá ekki út af vananum í gær
en alls voru tólf gestir í mat hjá Her-
dísi og fjórir ættliðir samankomnir í
húsinu til að smakka á lostætinu.
Kristjana Sigurðardóttir, barna-
barn Herdísar, sagði að skatan
smakkaðist afar vel en að þessu
sinni útvegaði Kiwanisklúbburinn
Básar skötuna. Herdís sér um elda-
mennskuna sjálf en fær aðstoð frá
fjölskyldunni. Hún hefur búið alla
sína tíð í sama húsinu við Sund-
stræti á Ísafirði, sem stundum er
nefnt Albertshús. Hún er elst þeirra
Ísfirðinga sem eru fæddir í bænum
en elsti íbúi bæjarins er 102 ára. Sú
fæddist hins vegar á Ströndum.
Herdís hefur haldið heilsu sinni
vel, þótt sjónin sé farin að versna.
Hún gaf sér ekki tíma til viðtals
þegar Morgunblaðið hringdi, enda
nóg að gera að sinna eldamennsk-
unni.
Skötuveisla
Morgunblaðið/Halldór Sveinbjörnsson
Einbeiting Herdís Albertsdóttir, 98 ára, lítur til með skötunni.
Morgunblaðið/ÞÖK
Gleðileg jól
London. AFP. | Stjórnvöld
í Bandaríkjunum og
Bretlandi hafa stefnt lífi
þúsunda kristinna íbúa
Mið-Austurlanda í hættu
með „skammsýnni“ og
„fávíslegri“ stefnu sinni í
málefnum Íraks, að sögn
Rowans Williams, erki-
biskups af Kantaraborg
og leiðtoga ensku bisk-
upakirkjunnar.
Erkibiskupinn segir þetta í grein sem
birt var í breska dagblaðinu The Times í
gær. Hann er þar óvenju harðorður í garð
breskra og bandarískra stjórnvalda og var-
ar við því að kristnir íbúar Mið-Austurlanda
kunni að verða hraktir þaðan vegna innrás-
arinnar í Írak. Hún hafi valdið mikilli óvild í
garð þeirra á meðal annarra Mið-Austur-
landabúa sem líti á þá sem stuðningsmenn
„vestrænna krossfara“.
Erkibiskupinn er í Betlehem og segir að
kristnum íbúum borgarinnar hafi fækkað
um þrjá fjórðu. „Fyrstu kristnu mennirnir
voru Mið-Austurlandabúar,“ segir Willi-
ams. „Það er nöturlegt að hugsa til þess að
við lifum það ef til vill að sjá síðustu kristnu
heimamennina í þessum heimshluta.“
Segir kristið
fólk gjalda
stríðsins í Írak
Rowan Williams
Eftir Rúnar Pálmason
runarp@mbl.is
BANDARÍSKA fyrirtækið Plexus Consulting
Group fær greidda um eina milljón íslenskra
króna á mánuði fyrir að sinna almennri hags-
munagæslu og til að kynna sjónarmið Íslands
um sjálfbæra nýtingu hafsins í Bandaríkjunum.
Frá árinu 2000 hafa greiðslur til fyrirtækisins
numið samtals um 87 milljónum króna.
Einar K. Guðfinnsson sjávarútvegsráðherra
telur Plexus vinna gott og nauðsynlegt starf og
álítur að alþjóðleg hagsmunagæsla verði í fram-
tíðinni ríkari þáttur í starfi ráðuneytisins.
Plexus er svokallaður hagsmunavörður (e.
lobbyist). Einar sagði að erfitt væri að meta
starf Plexus til króna og aura en almennt væri
það svo að fulltrúar sjávarútvegsráðuneytisins
hefðu átt góðan aðgang að stjórnmálamönnum
og hagsmunasamtökum í Bandaríkjunum. „Við
teljum að einn þátturinn í því sé að við höfum
getað ræktað sambandið við þessa aðila í gegn-
um þennan hagsmunavörð.“
Einar tók fram að starf Plexus einskorðaðist
ekki við að koma sjónarmiðum íslenskra stjórn-
valda um hvalveiðar á framfæri heldur um hvað-
eina sem lyti að íslenskum sjávarútvegi og hags-
munamálum hans. Þá tæki fyrirtækið saman
upplýsingar um hvaðeina sem ritað væri um Ís-
land í fjölmiðlum í Bandaríkjunum og víðar.
Hann benti á að undanfarið hefði mikið verið
rætt um botnvörpuveiðar og í því máli væri afar
mikilvægt að Íslandi tækist að koma sjónarmið-
um sínum á framfæri. Umræða um hvers kyns
atriði sem sneru að sjálfbærri nýtingu auðlinda
væri vaxandi í heiminum og því teldi hann að
þessi þáttur í starfi sjávarútvegsráðuneytisins
myndi aukast á næstu árum.
Einar sagði starfsemi „lobbýista“ einfaldlega
hluta af þeirri hagsmunagæslu sem fram færi í
Bandaríkjunum. „Þegar ég kom í ráðuneytið
hugleiddi ég hvort þetta væri kostnaðarliður
sem komast mætti af án. En ég hef ekki talið
verjandi að hverfa frá þessu. Fyrirkomulagið er
í sífelldri endurskoðun og vel getur komið til
greina að sinna hagsmunagæslunni með öðrum
hætti ef það er talið fullnægjandi og hagkvæm-
ara.“
Fá milljón á mánuði
fyrir hagsmunagæslu Washington. AP. | Yfirgnæfandi meirihluti
Bandaríkjamanna trúir á engla ef marka
má nýja viðhorfskönnun.
Trúin á engla er mest meðal hvítra og
kristinna Bandaríkjamanna. Könnunin
bendir til þess að 97% þeirra trúi á engla.
Rúmur helmingur þeirra, sem sögðust
ekki vera trúaðir, kvaðst trúa því að engl-
ar væru til, þótt þeir væru ef til vill ekki
með vængi og geislabaug.
Trúin á engla er ívið minni meðal há-
skólamenntaðra Bandaríkjamanna en
þeirra sem eru með minni skólamenntun.
73% háskólamenntaðra sögðust trúa á
engla. Alls trúir 81% Bandaríkjamanna á
engla samkvæmt könnuninni.
Englatrúin
sterk vestra
♦♦♦
♦♦♦
POLISARIO, sjálfstæðishreyfing Vestur-
Saharamanna, vonar enn að þeim verði leyft
að ákveða framtíð sína í þjóðaratkvæða-
greiðslu þrátt fyrir andstöðu Marokkó-
manna. Frönsk stjórnvöld hafa stutt Mar-
okkómenn í málinu en forystumenn
Polisario vona að afstaða Frakka breytist
þegar nýr forseti tekur við á næsta ári, að
því er fram kemur í grein í Morgunblaðinu í
dag eftir Kristján Jónsson blaðamann sem
dvaldi í viku í flóttamannabúðum Vestur-
Saharamanna í Alsír.
Polisario-menn segja að ástæðan fyrir
stuðningi Frakka við Marokkó í málinu sé
sú að á sínum tíma hafi Hassan, þáverandi
konungur Marokkó, lagt fé í kosningasjóð
Jacques Chiracs Frakklandsforseta. Chirac
hafi lofað konungnum því á dánarbeði hans
að „annast“ afkomendur hans. | 48–49
Vonast enn
eftir sjálfstæði