Morgunblaðið - 27.01.2007, Blaðsíða 11

MORGUNBLAÐIÐ LAUGARDAGUR 27. JANÚAR 2007 11
FRÉTTIR
Eftir Önnu Pálu Sverrisdóttur
aps@mbl.is
„ÉG ræddi þetta séríslenska fyrir-
brigði sem atvinnuþátttakan er,“
segir Berglind Ásgeirsdóttir sendi-
herra en hún var einn fyrirlesara á
málþingi um málefni innflytjenda í
gær. Alþjóðasamfélagið, nýtt félag
meistaranema í alþjóðasamskiptum
við HÍ, og Alþjóðamálastofnun skól-
ans buðu til þingsins.
„Í innflytjendamálum skerum við
okkur algjörlega úr OECD-ríkjum af
því að hjá okkur er minnst atvinnu-
leysi og útlendingar með enn minna
atvinnuleysi en Íslendingar. Á með-
an glíma mjög mörg OECD-ríki við
hátt hlutfall þess og atvinnuleysi út-
lendinga er tvöfalt meira en innlent,“
segir Berglind og bendir á að þar
sem innflutningurinn hingað komi til
vegna vinnu borgi fólk skatta hér en
fá börn og aldraðir fylgi. „Meginat-
riðið er að fólk er að leggja sitt af
mörkum og við höfum fulla þörf fyrir
það.“ Þá vill hún benda á, í ljósi um-
ræðu um höft á straum innflytjenda,
að með EES-samningnum hafi Ís-
lendingar öðlast rétt til atvinnu er-
lendis en um leið hvíli á okkur gagn-
kvæmnisskyldur sem ekki sé hægt
að skirrast við að uppfylla. Um það
bil 31.000 Íslendingar séu erlendis á
móti um 16.000 erlendum ríkisborg-
urum á vinnumarkaði hér.
45% fá ríkisborgararétt
Hún segir afar brýnt að huga að
þeim stuðningi sem innflytjendur á
vinnualdri þurfi. „Það er mjög skyn-
samlegt að leggja til markvissan
stuðning sem gerir innflytjendum
kleift t.d. að fá langskólamenntun
eða starfsmenntun viðurkennda. Í
þeim efnum þyrftum við að hafa bet-
ur í huga jafnréttisvinkilinn. Í lönd-
um sem við horfum til hefur konum
gengið mjög illa að fá próf viður-
kennd og að fóta sig á vinnumarkaði,
verr en körlum.“
Berglind segir að mörg mál á borð
við þetta séum við ekki byrjuð að
ræða hérlendis. „Við vitum heldur
ekki hvað mun gerast, hvort fjöl-
skyldur og börn fara að koma hing-
að. Og eftir því sem við hjálpum fólki
að fóta sig betur og því meiri færni
sem það hefur öðlast, því meiri líkur
eru á að fjölskyldan öll fóti sig vel.“
Þá talaði hún um mikilvægi skóla-
kerfisins. „Í öðrum löndum hefur
verið skoðað hvernig svokölluð
PISA-rannsókn hefur komið út hjá
börnum innflytjenda. Alls staðar
nema í Kanada og Ástralíu standa
börn innflytjenda verr. Við verðum
að beina kröftunum að því að þetta
gerist ekki hjá okkur.“ Berglind seg-
ir einnig að gott samstarf stjórn-
valda og atvinnulífsins sé nauðsyn-
legt. „Það eru sameiginlegir
hagsmunir að fólk nái að aðlagast.
Staðreyndin er að um 45% þeirra er-
lendu ríkisborgara, sem hingað flytj-
ast, eru komnir með ríkisborgararétt
sjö árum seinna.“
Lokaorð Berglindar voru á þá leið
að við gætum lært bæði af því besta
annars staðar og mistökum. En þró-
unin í innflytjendamálum væri al-
gjörlega undir okkur sjálfum komin.
Þyrftum að skoða
jafnréttisvinkilinn
Berglind Ásgeirsdóttir ræddi stöðu innflytjenda hérlendis
og reynsluna í öðrum löndum á fjölsóttu málþingi
Fyrirlesarar F.v. Ahn-Dao Tran, Salman Tamimi, Unnur Dís Skaptadóttir,
Guðmundur Hálfdanarson, Berglind Ásgeirsdóttir og Björg Kjartansdóttir.
Eftir Örlyg Stein Sigurjónsson
orsi@mbl.is
STÓRAUKIN þjónustu við ferða-
fólk á hálendinu, miklar fram-
kvæmdir og endurbætur á skálum
Ferðafélags Íslands ásamt fjöl-
breyttu ferðaúrvali er meðal þess
sem FÍ býður upp á á þessu ári sem
markar stór tímamót í sögu félagsins
en félagið er 80 ára á þessu ári.
Félagið var stofnað 27. nóvember
árið 1927 og var Jón Þorláksson kos-
inn fyrsti forseti félagsins. Aðeins
þremur árum síðar var fyrsta sælu-
hús FÍ reist við Hvítárnes og hefur
það verið í notkun allar götur síðan.
Á afmælisárinu verður staðið fyrir
gagngerum endurbótum á húsinu
með sérstökum stuðningi frá Alþingi
til að friða húsið. „Húsið er í upp-
runalegri mynd frá byggingarárinu
1930 og er af mörgum talið eins-
konar vörumerki Ferðafélagsins,“
segir Ólafur Örn Haraldsson, forseti
FÍ.
„Þetta er þó aðeins hluti af fyr-
irhuguðum framkvæmdum á vegum
félagsins, því við stefnum einnig að
því að byggja smáhýsi fyrir ferðafólk
í Þórsmörk og í Landmannalaugum
verður þjónustan aukin verulega frá
því sem nú er. Frá 10. febrúar verð-
ur gæsla og hiti hafður á í skálanum í
Landmannalaugum og rennandi
vatn fyrir sturtuaðstöðu og salernin.
Þarna verður því allt önnur og
manneskjulegri aðstaða í vetur.
Jafnframt verður bætt salernis-
aðstaðan í Emstrum, við Hagavatn,
Hlöðuvelli og víðar. Til viðbótar
þessu verður staðið að gagngerum
endurbótum í skála FÍ í Nýjadal í
samvinnu við Ferðaklúbbinn 4x4.
Þetta eru mestu framkvæmdir á
vegum FÍ í langan tíma og rótin að
þeim eru vaxandi kröfur ferðafólks
um þægindi í vinsælustu skálunum
þótt ekki sé á neinn hátt verið að
hrófla við upplifunum þeirra sem
kjósa ögn frumstæðari skilyrði í öðr-
um fjallaskálum.“
Fornbílaferð og sigling á Hvítá
Ferðir FÍ á afmælisárinu eru fjöl-
breyttar og finna má hefðbundnar
Ferðafélagsferðir á Hornstrandir,
Laugaveginn, Fimmvörðuháls og
fleiri rótgrónar ferðir. „Á þessu ári
munum við einnig efna til fræðslu-
og dagsferða með sérfræðingum þar
sem heimsótt verða svæði sem eru
mjög í brennidepli um þessar mund-
ir. Þessar ferðir eru m.a. í Brenni-
steinsfjöll, Langasjó, Þjórsárver og
Ölkelduháls.
Meðal annarra nýjunga má síðan
nefna ferð þann 16. júní í samstarfi
við Fornbílaklúbb Íslands, í tilefni af
því að 100 ár verða liðin frá komu
Friðriks VII Danakonungs 1907, leið
hans um Kóngsveginn svonefnda um
Þingvelli, Gjábakka og Tungur.
Hægt verður að kaupa sér far með
fornbílunum og á leiðinni verður
stansað á Þingvöllum og Laug-
arvatni og minjar Kóngsvegarins
skoðaðar. Þá erum við að skipu-
leggja siglingu niður Hvítá, sem
verður rólegheitasigling með traust-
um flúðabát, og ekki er gerð krafa
um að þátttakendur þurfi að róa eins
og í hefðbundinni ævintýrasiglingu.
Siglt verður frá Brúará til móts við
Skálholt og lýkur ferðinni með grill-
veislu í Þrastarskógi.“
Að sögn Ólafs Arnar hefur fé-
lögum í FÍ fjölgað mikið undanfarin
misseri og eru nú um 7 þúsund
manns félagar. „Það er því mikið líf í
félaginu og það er mikið fagnaðar-
efni. Síðast en ekki síst skal nefnt að
Árbók Ferðafélagsins kemur út á
næstunni og höfundur hennar að
þessu sinni er Jón Torfason sem
fjallar um A-Húnavatnssýslu.“
Ný heimasíða FÍ hefur verið tekin
í notkun og má finna ítarlega ferða-
dagskrá á vefnum félagsins á slóð-
inni www.fi.is.
Miklar framkvæmdir og
bætt þjónusta á afmælisári
Ljósmynd/FÍ
80 ár Sæluhús Ferðafélags Íslands í
Hvítárnesi. Húsið var reist árið
1930 og er elsta sæluhús FÍ.
Ferðafélag Íslands fagnar 80 ára afmæli félagsins