Morgunblaðið - 27.01.2007, Side 49

MORGUNBLAÐIÐ LAUGARDAGUR 27. JANÚAR 2007 49
KIRKJUSTARF
Hjóna- og sambúð-
armessur
HJÓNA- og sambúðarmessur eru
kvöldmessur sem hafa mælst vel
fyrir í Garðaprestakalli og eru
haldnar síðasta sunnudagskvöld í
mánuði. Hjónabandið er ein mik-
ilvægasta stofnun samfélagsins og
því brýnt að hlúa vel að því. Á vor-
önn verður messunum seinkað um
hálftíma, og hefjast þær því kl.
20.30. Það er gert til að koma til
móts við barnafólk sem þarf að fá
rýmri tíma til að ganga frá eftir
kvöldmatinn og koma börnunum í
ró. Messurnar eru hafðar í Bessa-
staða- og Garðakirkju til skiptis, en
það eru afar vinsælar kirkjur fyrir
hjónavígslur.
Garðakirkja 28. janúar kl. 20.30:
„Leiðir til að vinna sig út úr skiln-
aði.“ Sr. Anna Sigríður Pálsdóttir.
Tónlist: Gunnar Gunnarsson á
hljómborð, Tómas R. Einarsson á
bassa og Þorvaldur Þorvaldsson
söngur.
Bessastaðakirkja 25. febrúar kl.
20.30: „Áhrif stjúptengsla á hjóna-
bönd.“ Valgerður Halldórsdóttir fé-
lagsráðgjafi. Tónlist: Gunnar Gunn-
arsson á hljómborð, Tómas R.
Einarsson á bassa og Kristjana
Stefánsdóttir söngur.
Garðakirkja 25. mars kl. 20.30:
„Hvað er gott kynlíf?“ Jóna Ingi-
björg Jónsdóttir kynfræðingur.
Tónlist: Aðalheiður Þorsteinsdóttir
á hljómborð, Tómas R. Einarsson á
bassa og Anna Sigga Helgadóttir
söngur.
Bessastaðakirkja 29. apríl kl.
20.30: „Er líf eftir makamissi?“ Sr.
Guðný Hallgrímsdóttir prestur fatl-
aðra. Tónlist: Gunnar Gunnarsson á
hljómborð, Tómas R. Einarsson á
bassa og Kristjana Stefánsdóttir
söngur.
Tómasarmessa
í Breiðholtskirkju
ÁHUGAHÓPUR um svokallaðar
Tómasarmessur efnir til fyrstu
messunnar á þessu ári í Breiðholts-
kirkju í Mjódd sunnudagskvöldið
28. janúar kl. 20.
Tómasarmessan hefur unnið sér
fastan sess í kirkjulífi borgarinnar,
en slík messa hefur verið haldin í
Breiðholtskirkju í Mjódd síðasta
sunnudag í mánuði, frá hausti til
vors, síðustu níu árin. Fram-
kvæmdaaðilar að þessu messuhaldi
eru Breiðholtskirkja, Kristilega
skólahreyfingin, Félag guð-
fræðinema og hópur presta og
djákna.
Tómasarmessan einkennist af
fjölbreytilegum söng og tónlist,
mikil áhersla er lögð á fyrirbæn-
arþjónustu og sömuleiðis á virka
þátttöku leikmanna. Stór hópur
fólks tekur jafnan þátt í undirbún-
ingi og framkvæmd Tómasarmess-
unnar, bæði leikmenn, djáknar og
prestar.
Helgihald í Kolaportinu
Sunnudaginn 28. janúar verður
helgihald í Kolaportinu í „Kaffi
Porti“. Frá kl. 13.30 syngur og spil-
ar Þorvaldur Halldórsson ýmis
þekkt lög, bæði eigin og annarra.
Hann annast einnig tónlistina í
helgihaldinu. Ragnheiður Sverr-
isdóttir djákni prédikar og sr. Þor-
valdur Víðisson leiðir samveruna.
Að venju er boðið upp á að koma
með fyrirbænarefni og munu Mar-
grét Scheving, Ragnheiður og sr.
Þorvaldur biðja með og fyrir fólki.
Í gegnum tíðina hefur skapast
andrúmsloft tilbeiðslu í þessu helgi-
haldi. Þó margt sé um að vera í
Kolaportinu eru ávallt margir þátt-
takendur sem gjarnan fá sér kaffi-
sopa, syngja, biðja og hlusta. Í lok
stundarinnar er gengið um með ol-
íu og krossmark gert í lófa þeirra
sem vilja. Um leið eru flutt bless-
unarorðin: „Drottinn blessi þig og
varðveiti þig“.
Allir eru velkomnir,
Miðborgarstarfið.
Alfa-námskeið í
Grindavíkurkirkju
ALFA-námskeið verður í Grinda-
víkurkirkju mánudagskvöldið 29.
janúar kl. 19 til 21.30. Alfa er 10
vikna námskeið (á mánudags-
kvöldum) og koma þátttakendur
saman einu sinni í viku og hefja
hverja samveru með málsverði.
Fjallað er um grundvallaratriði
kristinnar trúar á auðskilinn og að-
gengilegan hátt.
Spurninga sem við veltum fyrir
okkur eru t.d.: Hefur lífið tilgang?
Er Guð til?
Námskeiðið er öllum opið, hvar
sem þeir standa í trúarefnum.
Leiðbeinandi er sr. Elínborg
Gísladóttir. Nánari upplýsingar í
síma 696 3684 og 426 8675.
Opnir 12 spora-fundir í
Laugarneskirkju
ÞRIÐJUDAGSKVÖLD eru mann-
ræktarkvöld í Laugarneskirkju,
þar sem mannlífstorg kirkjunnar
iðar af lífi ólíkra einstaklinga sem
koma saman til að eiga samfélag
við Jesú Krist og hvert við annað.
Að loknum kvöldsöng í Laug-
arneskirkju kl. 20 þriðjudagana 30.
janúar og 6. febrúar verða opnir 12
spora-fundir í kirkjunni þar sem
fólki gefst kostur á að kynna sér
uppbyggingu 12 spora-vinnunnar.
12 spora-vinnan er andlegt ferða-
lag til uppbyggingar og sjálfs-
hjálpar, til að rækta trúna og kær-
leikann hið innra og í samfélagi
með öðrum. Verkefnisstjóri er Guð-
rún K. Þórsdóttir djákni. Allir vel-
komnir.
Kvöldsöngur er í Laugarnes-
kirkju öll þriðjudagskvöld kl. 20.
Það eru Þorvaldur Halldórsson og
Gunnar Gunnarsson sem leika á
hljóðfæri og leiða sönginn. Sig-
urbjörn Þorkelsson framkvæmda-
stjóri og meðhjálpari kirkjunnar
segir nokkur og leiðir bæn.
Nk. þriðjudagskvöld, 30. janúar,
kl. 20.30 að loknum kvöldsöngnum
mun Sigurbjörn hafa stutt erindi
um bænina og bjóða til spjalls á
jafningjagrunni. Hvers vegna að
biðja? Er bænin meira en inn-
kaupalisti eða sjálfsali? Allir vel-
komnir án frekari skuldbindinga.
Athygli eldri borgara er vakin á
því að fimmtudaginn 1. febrúar kl.
14 verður Ragnhildur Ásgeirsdóttir
djákni gestur á samveru eldri borg-
ara í Laugarneskirkju og sér um
efni samverunnar. Sigurbjörn Þor-
kelsson framkvæmdastjóri, Gunn-
hildur Einarsdóttir kirkjuvörður
og þjónustuhópur kirkjunnar held-
ur utan um samverurnar. Boðið
upp á kaffi og kökur. Allir eldri
borgarar velkomnir.
Davíð Þór prédikar
í Neskirkju
PRÉDIKARI í Neskirkju sunnudag-
inn 28. janúar er kunnur af ýmsum
hlutverkum. En það verður þó ekki
Radíusbróðirinn, uppistandarinn,
þýðandinn, spurningahöfundur eða
ljóðskáldið, sem stígur í stólinn
heldur kirkjumaðurinn Davíð Þór
Jónsson.
Messan hefst kl. 11 árdegis og er,
eins og allar messur kirkjunnar,
öllum opnar.
Ensk messa í
Hallgrímskirkju
Á morgun, sunnudag, 28. janúar kl.
14, verður haldin ensk messa í Hall-
grímskirkju. David Hamid, biskup í
Evrópubiskupsdæmi Ensku bisk-
upakirkjunnar, prédikar og þjónar
fyrir altari ásamt biskupi Íslands,
hr. Karli Sigurbjörnssyni. Sr. Jón
Dalbú Hróbjartsson, prófastur í
Reykjavíkurprófastsdæmi vestra
tekur þátt í athöfninni ásamt sr.
Bjarna Þór Bjarnasyni, sem settur
verður inn í embætti af David Ha-
mid sem prestur Ensku bisk-
upakirkjunnar á Íslandi. Organisti
verður Hörður Áskelsson. Guðrún
Finnbjarnardóttir mun leiða al-
mennan safnaðarsöng.
Sjötta árið í röð er boðið upp á
enskar messur í Hallgrímskirkju
síðasta sunnudag hvers mánaðar.
Messukaffi.
Service in English
SERVICE in English at the Church
of Hallgrímur (Hallgrímskirkja)
28th of January, at 2 pm. Holy
Communion. The Fourth Sunday
after the Epiphany. Celebrant and
Preacher: The Right Revd. David
Hamid, Suffragan Bishop of the
Diocese in Europe. The Right Revd.
Karl Sigurbjörnsson, the Bishop of
Iceland, the Very Revd. Jón Dalbú
Hróbjartsson, The Area Dean of
Reykjavík West Deanery and The
Revd. Bjarni Thor Bjarnason, take
part in the Service. The Revd.
Bjarni Thor will be given a per-
mission by Bishop David to officiate
within the Anglican Diocese in Eu-
rope, particularly in Iceland. Org-
anist: Hörður Áskelsson. Leading
singer: Guðrún Finnbjarnardóttir.
Refreshments after the Service.
Kristur og konurnar
Námskeið á vegum Leikmannskóla
Þjóðkirkjunnar hefst mánudaginn
29. janúar um Krist og konurnar.
Kennari á námskeiðinu er dr. Arn-
fríður Guðmundsdóttir dósent við
HÍ.
Á námskeiðinu verður fjallað um
konurnar í Nýja testamentinu og
samskipti þeirra við Krist, viðhorf
þeirra til Krists og viðhorf Krists til
þeirra en þau voru mjög sérstök og
frábrugðin viðhorfum annarra í
samfélaginu til kvenna á þessum
tíma. Þetta voru konur eins og
María móðir Jesú, María Magda-
lena og systurnar Marta og María.
Síðan voru líka konur sem hafa
ekki nöfn í guðspjöllunum, s.s. dótt-
ir Jaírusar, kanverska konan, sam-
verska konan og hórseka konan,
svo einhverjar séu nefndar.
Námskeiðið er í Grensáskirkju
og hefst kl. 18, 29. janúar. Kennt er
í fjögur skipti, tvo tíma í senn.
Hægt er að skrá sig í síma 535 1500
eða á vef Leikmannaskólans,
www.kirkjan.is/leikmannaskoli
Fullorðinsfræðsla
Hafnarfjarðarkirkju
Á aðalsafnaðarfundi Hafnarfjarð-
arkirkju árið 2003 var samþykkt að
stofna Fullorðinsfræðslu Hafn-
arfjarðarkirkju til að halda utan
um og efla það mikla fræðslustarf
sem unnið er á vegum kirkjunnar.
Undanfarin ár hefur starf Full-
orðinsfræðslunnar farið vaxandi. Á
námskeiðum á hennar vegum er
tekið á fjölmörgum spurningum er
snerta trú og samfélag en einnig er
leitast við að bjóða upp á námskeið
er styðja við einstaklinginn og fjöl-
skylduna í samtímanum. Hjóna-
námskeið Fullorðinsfræðslu Hafn-
arfjarðarkirkju eru þannig vel
þekkt, en yfir 7.500 manns hafa sótt
þau.
Einnig hefur verið boðið upp á
Alfa-námskeið og fræðslukvöld um
kristna trú og kristnar lífsskoðanir.
Leiðbeinendur koma úr ýmsum átt-
um og vinna námskeiðin í samvinnu
við presta kirkjunnar.
Vorönnin að þessu sinni byrjar
með námskeiði sem kallast „Kór-
aninn og Biblían“. Þar verða þessi
áhrifamiklu trúarrit borin saman,
saga þeirra og tilurð skoðuð og
reynt að komast að því hvað er líkt
með þeim og hvað ólíkt.
Þá tekur við námskeið er ber yf-
irskriftina „Leyndardómar Da
Vinci lykilsins“. Á því námskeiði
eru raktar kenningar metsölubók-
arinnar Da Vinci lykillinn. Þetta
námskeið sóttu um 1.000 manns á
liðnu ári. Í kjölfar Da Vinci lykilsins
hafa sprottið upp fjölmargar sam-
særiskenningar er snerta kristna
trú. Einnig verður litið yfir það svið
allt og leitað svara við áleitnum
spurningum um trúverðugleika
kirkjunnar og kristinnar trúar.
Síðasta námskeið fyrir páska
fjallar um Dauðann og eilífðina og
kenningar Biblíunnar um lífið eftir
dauðann.
Eftir páska lýkur starfinu með
námskeiði um Opinberunarbók Jó-
hannesar og spádóma hennar um
heimsendi. Opinberunarbókin er
ákaflega litskrúðugt og magnað rit
og hefur hún haft mikil áhrif á bók-
menntasögu, listsköpun og heim-
spekikenningar Vesturlanda. Frá-
sagnir hennar endurspeglast í
kvikmyndum eins og The Matrix og
Lord of the Rings. Á námskeiðinu
verða þessar kvikmyndir meðal
annars skoðaðar í þessu ljósi. Allir
eru velkomnir á námskeið Fullorð-
insfræðslu Hafnarfjarðarkirkju
óháð trúfélagsaðild.
Þórhallur Heimisson.
Ellen Kristjánsdóttir
og Eyþór Gunnarsson í
Léttmessu í Árbæj-
arkirkju
HJÓNIN Ellen Kristjánsdóttir og
Eyþór Gunnarsson koma í Létt-
messu í Árbæjarkirkju sunnudags-
kvöldið 28. janúar kl. 20 og sjá um
tónlistina. Þetta er fyrsta Létt-
messa ársins 2007, en þær eru orðn-
ar fastur liður í Árbæjarkirkju.
Þau munu flytja sálma og önnur
lög ásamt því að leiða söng. Sr. Sig-
rún Óskarsdóttir prestur í Árbæj-
arkirkju og Erna Björk Harð-
ardóttir starfsmaður kirkjunnar
munu leiða stundina ásamt því að
flytja hugvekju.
Eftir messuna verður boðið upp á
léttar veitingar og gott samfélag í
safnaðarheimilinu.
Dómkirkjan – Messa
og fræðslufundur ferm-
ingarbarna og foreldra
NÚ líður senn á veturinn og ferm-
ingarfræðsluna, en aðeins eru um
tveir mánuðir til ferminganna.
Fræðslufundirnir hefjast nú aftur á
sunnudaginn.
Fermingarbörn vorsins eru
ásamt fjölskyldum sínum boðin til
messu sunnudaginn 28. janúar kl.
11.
Eftir stutt matarhlé á kirkjuloft-
inu tekur við fyrirlestur: „Sam-
skipti unglinga og foreldra.“ Einar
Gylfi Jónsson sálfræðingur fjallar
um breytingarnar sem fylgja ung-
lingsárunum og þau áhrif sem þær
hafa á fjölskyldumynstrið. Einar
Gylfi mun síðan svara spurningum
þátttakenda.
Nú er mikilvægt að enginn sker-
ist úr leik. Allir velkomnir, ferm-
ingarbörn og foreldrar.
Dómkirkjan.
Hjónanámskeið í
Safnaðarheimili
Lágafellssóknar
FÖSTUDAGANA 2. og 9. febrúar
verður haldið hjónanámskeið á veg-
um Lágafellssóknar í safn-
aðarheimilinu Þverholti 3. Leið-
beinandi verður sr. Þórhallur
Heimisson, prestur í Hafnarfjarð-
arkirkju. Þegar hafa 7.500 manns
sótt námskeið hans sem hann hefur
haldið víða frá árinu 1996 . Fyrir jól
kom út bókin ,,Hjónaband og sam-
búð“ sem byggist einmitt á hjóna-
námskeiðum hans.
Hjónanámskeiðin eru ætluð öll-
um þeim sem eru í hjónabandi eða
sambúð og vilja efla og styrkja sam-
band sitt. Námskeiðið er tvö kvöld
frá kl. 20 til kl. 22. Nánari upplýs-
ingar og innritun fer fram á skrif-
stofu Lágafellssóknar í síma
566 7113 á milli kl. 10 og 13.
Lágafellssókn.
Sorgarvinnuhópur
ungs fólks
STOFNAÐUR hefur verið sorg-
arvinnuhópur ungs fólks. Samver-
urnar verða haldnar síðasta mið-
vikudag í mánuði kl. 19.30 í
safnaðarheimili Vídalínskirkju.
Þessi hópur er ekki aðeins opinn
ungu fólki í Garðaprestakalli, því
er hægt að hafa samband við Ár-
mann Hákon Gunnarsson æskulýðs-
fulltrúa í Vídalínskirkju í síma
565 6380 eða á netfangið armann-
@gardasokn.is til að óska eftir
þátttöku í starfinu, óháð búsetu.
Þátttaka er unga fólkinu að kostn-
aðarlausu.
Auk Ármanns Hákons halda utan
um starfið Sigríður Tryggvadóttir
guðfræðingur og Andri Bjarnason
BA í sálarfræði. Vigfús Albertsson
sjúkrahúsprestur og Jóna Hrönn
Bolladóttir sóknarprestur í Garða-
prestakalli eru einnig til ráðgjafar.
Næsta samvera er miðvikudaginn
31. janúar kl. 19.30 í safnaðarheim-
ili Vídalínskirkju.
Innsetning prests
Ensku biskupakirkj-
unnar á Íslandi
SR. Bjarni Þór Bjarnason verður
settur inn í embætti sem prestur
Ensku biskupakirkjunnar á Íslandi
við enska messu í Hallgrímskirkju
sunnudaginn 28. janúar. Messan
hefst kl. 14 og þar mun David Ha-
mid, biskup í Evrópubiskupsdæmi
Ensku biskupakirkjunnar setja sr.
Bjarna í embætti.
Sr. Bjarni Þór Bjarnason hefur
undanfarin fimm ár haft umsjón
með messum á ensku í Hallgríms-
kirkju og fylgt helgisiðum Ensku
biskupakirkjunnar.
Við innsetninguna tengjast ensku
messurnar formlega Ensku bisk-
upakirkjunni. Innsetning sr. Bjarna
Þórs er gerð á grundvelli sérstaks
sáttmála, Porvoo sáttmálans, sem
undirritaður var fyrir 10 árum,
milli biskupakirkna á Bretlands-
eyjum og flestra lútherskra kirkna
á Norðurlöndum og í Eystrasalts-
ríkjum. Samkvæmt honum geta
prestar þessara kirkna starfað í
öðrum Porvoo kirkjum. Sr. Bjarni
Þór Bjarnason starfaði meðal ann-
ars í þrjú ár í Ensku biskupakirkj-
unni í Englandi eftir að Porvoo
sáttmálinn tók gildi.
Við messuna á sunnudag mun
David Hamid biskup predika og
þjóna fyrir altari ásamt Karli Sig-
urbjörnssyni, biskupi Íslands. Sr.
Jón Dalbú Hróbjartsson, prófastur í
Reykjavíkurprófastsdæmi vestra,
tekur einnig þátt í athöfninni. Org-
anisti verður Hörður Áskelsson og
Guðrún Finnbjarnardóttir leiðir al-
mennan messusöng.
Boðið verður upp á veitingar að
messu lokinni.
Morgunblaðið/Ómar
Bessastaðir