Morgunblaðið - 27.01.2007, Blaðsíða 4

4 LAUGARDAGUR 27. JANÚAR 2007 MORGUNBLAÐIÐ
FRÉTTIR
FJÁRMÁLARÁÐHERRA fyrir hönd ríkisins
er sakaður um að hafa farið langt út fyrir umboð
það sem þjóðlendulög veita honum með kröfu-
gerð sinni varðandi þjóðlendur á austanverðu
Norðurlandi. Segir í kröfulýsingu Ragnars Að-
alsteinssonar hæstaréttarlögmanns, en hann
gætir hagsmuna eigenda nokkurra jarða á
svæðinu, að framganga ríkisins kunni að varða
við almenn hegningarlög.
Fjármálaráðherra afhenti óbyggðanefnd
kröfur sínar um þjóðlendur á austanverðu
Norðurlandi í fyrrahaust.
Ragnar Aðalsteinsson og Ólafur Björnsson,
hrl., sem gætir hagsmuna jarðeigenda að
Reykjahlíð, Vogum, Grímsstöðum og Skútu-
stöðum í Mývatnssveit krefjast þess hins vegar
báðir, fyrir hönd umbjóðenda sinna, að kröfum
ríkisins verði vísað frá óbyggðanefnd. Til vara
krefjast þeir þess að óbyggðanefnd leggi fyrir
íslenska ríkið að leggja fyrir nefndina og þar
með fyrir varnaraðila sönnunargögn sem upp-
fylli sönnunarreglur íslensks réttar á þessu
sviði og greinargerð um þær réttarheimildir,
sem íslenska ríkið byggir rétt sinn á yfir því
landi, sem er þegar samkvæmt opinberum
skrám eign annarra.
Í kröfulýsingu Ragnars Aðalsteinssonar seg-
ir að ekki sé farið að íslenskum lögum í kröfu-
gerð íslenska ríkisins. Ríkið færi ekki fram nein
sönnunargögn fyrir kröfum sínum, færi ekki
fram gögn um betri rétt yfir landareignum
þinglesinna eigenda né heldur sýni það fram á
að lög hafi breyst með þeim hætti að landar-
eignir sem hafi verið í einkaeign um áratugi og
aldir skuli nú verða ríkiseign.
Ragnar segist byggja kröfuna um frávísun
m.a. á því að fjármálaráðherra fyrir hönd ís-
lenska ríkisins hafi farið langt út fyrir umboð
sitt skv. þjóðlendulögum. „Þarf vart að minna á
annað en þær þjóðlendukröfur sem ná niður að
sjó og sópa fjölmörgum jörðum í einkaeign í
heild sinni til ríkisins, ef fallist yrði á kröfurnar.
Hér er m.a. átt við jarðir sem íslenska ríkinu er
kunnugt að eru í einkaeign og virðist ríkið gera
tilraunir til að ná slíku landi undir sig og vonast
til að eigendur hafi ekki uppi varnir og glati þar
með eignarrétti sínum. Kann þetta að varða við
1. mgr. 257. gr. almennra hegningarlaga nr. 19/
1940 og krefst sérstakrar rannsóknar.“
Varðar kröfugerð ríkisins
við almenn hegningarlög?
Landeigendur vilja að
kröfum vegna þjóðlendna
á austanverðu Norður-
landi verði vísað frá
Morgunblaðið/G. Rúnar
Óánægja Á stofnfundi samtaka landeigenda
var Guðný Sverrisdóttir kosin formaður. Sam-
tökin er afar óánægð með kröfugerð ríkisins.
BÖRNIN á leikskólanum Sólstöfum í Þingholtunum í
Reykjavík voru að fylgjast með rigningunni þegar
ljósmyndari Morgunblaðsins átti leið framhjá í gær.
Búið er að vera blautt undanfarna daga og Veð-
urstofan spáir áframhaldandi vætu fram í miðja
næstu viku.
Morgunblaðið/G. Rúnar
Horfa saman á rigninguna
NIÐURSTÖÐUR nýrrar lands-
rannsóknar á tannheilsu íslenskra
barna og ungmenna á aldrinum 6,
12 og 15 ára sýna að tannheilsu-
vandi er mikill í þessum hópi og
glerungseyðing vaxandi, því hún
mælist nú í einhverri tönn hjá 30%
15 ára unglinga.
Lýðheilsustöð stendur fyrir ár-
legri tannverndarviku dagana 29.
janúar til 2. febrúar. „Drekkum
vatn“ er þema vikunnar að þessu
sinni og minnir á að vatn er besti
svaladrykkurinn.
Ein aðalorsök glerungseyðingar
er mikil og tíð neysla gosdrykkja –
með eða án sykurs – en neysla
slíkra drykkja er mjög mikil hér á
landi. Vatn, ferskt og kolsýrt, veld-
ur ekki glerungseyðingu.
Lýðheilsustöð hefur því látið út-
búa veggskilti sem hvetur til vatns-
drykkju og sent hefur verið til ým-
issa stofnana um allt land. Að auki
mun það birtast sem auglýsing aft-
an á strætisvögnum.
Vaxandi
glerungs-
eyðing
Lýðheilsustöð hvet-
ur til vatnsdrykkju
NÁHVAL rak á land fyrir botni Lóna-
fjarðar í Þistilfirði á dögunum og fann
Guðjón Gamalíelsson frá Þórshöfn
hvalinn hinn 20. janúar síðastliðinn.
Hafrannsóknastofnun er ekki kunnugt
um að náhval hafi rekið á fjörur Ís-
lands síðan 1976, að því er fram kemur
á heimasíðu stofnunarinnar. Árið 1976
rak tvö dýr af þessari tegund á land í
Geldinganesi í Reykjavík.
Náhvalur sást aldrei í víðtækum
hvalatalningum Hafrannsóknastofn-
unarinnar á tímabilinu 1987 til 2001.
Svo virðist sem náhvalsrekar hafi verið
algengari á árum áður. Bjarni Sæ-
mundsson náttúrufræðingur nefnir í
bók sinni um spendýrin níu dæmi um
náhvalsreka á tímabilinu 1800 til 1924.
Öll þau dæmi voru frá Norðurlandi og
Vestfjörðum og flest að vorlagi.
Náhvalur er önnur tveggja tegunda
af ætt hvíthvala. Gríðarstór framtönn,
eða spjót, skagar allt að 2,7 metra fram
úr höfði fullvaxinna náhvalstarfa. Tönn-
in vex vinstra megin fram úr efri góm,
gegnum kjálkann og snýst í spíral til
vinstri. Tennur náhvala hafa löngum
þótt konungsgersemar og verið mjög
eftirsóttar. Náhvalstennur frá Íslandi
munu þannig hafa borist til Mikla-
garðskeisara á 12. öld og eins færði
Guðbrandur biskup Þorláksson Krist-
jáni 4. Danakonungi náhvalstönn árið
1621.
Náhvalur er hánorræn tegund og út-
breiðsla hennar að mestu bundin við
Hudsonsund í Norður-Kanada, um
Diskóflóa á Vestur-Grænlandi, með-
fram austurströnd Grænlands og aust-
ur að Svalbarða. Nafn náhvalsins á ís-
lensku er dregið af því að dröfnótt húð
hans þykir líkjast sjóreknu líki.
Fyrsta dæmið um náhvalsreka í rúm 30 ár
Sjaldgæfur hvalreki fyrir
botni Lónafjarðar í Þistilfirði
Ljósmynd/Guðjón Gamalíelsson
UNGUR ökumaður var um hálffimmleytið
í gær tekinn af lögreglunni á Keflavík-
urflugvelli fyrir vítaverðan akstur. Hann
mældist á hvorki meira né minna en 199
km hraða á klukkustund.
Ökumaðurinn ók bifreið sinni vestur
Reykjanesbraut á Strandarheiði þar sem
leyfilegur hámarkshraði er 90 km, sinnti
ekki stöðvunarmerkjum og reyndi að
komast undan lögreglu, meðal annars með
því að aka ítrekað á ofsahraða öfugum
megin fram úr bifreiðum. Hann var hand-
tekinn skömmu síðar þegar lögreglumenn
fundu hann við akstur í Vogum. Ökumað-
urinn, sem er karlmaður fæddur árið
1987, var sviptur ökuréttindum til bráða-
birgða að lokinni skýrslutöku. Hann hefur
níu sinnum áður verið kærður fyrir of
hraðan akstur. Tveir aðrir voru í gær
teknir fyrir hraðakstur á Reykjanesbraut.
Á 199 á Reykja-
nesbrautinni
HÉRAÐSDÓMUR Reykjavíkur fram-
lengdi í gær gæsluvarðhald til 9. febr-
úar yfir karlmanni, sem grunaður er
um að hafa reynt að lokka stúlkubörn
upp í bíl sinn fyrr í þessum mánuði.
Lögreglan á höfuðborgarsvæðinu hafði
óskað eftir því að gæsluvarðhaldið yrði
framlengt fram í miðjan marsmánuð en
héraðsdómur féllst ekki á svo langt
varðhald.
Maðurinn er grunaður um að hafa
reynt að lokka stúlkur inn í bifreið sína
í Vogahverfi og hefur neitað sök. Hann
var upphaflega úrskurðaður í vikulangt
gæsluvarðhald í þágu rannsóknar máls-
ins.
Situr áfram í
gæsluvarðhaldi
BJÖRN Bjarnason,
dómsmálaráðherra,
hefur sett Rúnar Guð-
jónsson, sýslumann í
Reykjavík, í embætti
ríkislögreglustjóra til
að fara með rannsókn á
meintum skattalaga-
brotum fimm manna
tengdum Baugi Group.
Hæstiréttur kvað upp
þann dóm í vikunni, að
Haraldur Johannessen, ríkislögreglu-
stjóri, bæri að víkja sæti við rannsókn
málsins.
Settur ríkis-
lögreglustjóri
Rúnar Guðjónsson
MORGUNBLAÐIÐ hefur ákveðið að birta
daglega leiðara og Staksteina dagsins á
blog.is þar sem mögulegt verður að setja
fram athugasemdir við það sem þar kemur
fram í þar til gerðum athugasemdadálki.
Slóðin er morgunbladid.blog.is. Þar verða
leiðarar og Staksteinar dagsins sýnilegir,
auk Reykjavíkurbréfs á sunnudögum. All-
ir skráðir notendur á blog.is geta farið inn
og skrifað athugasemdir, en allir notendur
vefjarins skoðað þær. Skráðir notendur á
blog.is eru nú um 6.800 talsins.
Athugasemdir við
leiðara á blog.is
MORGUNBLAÐIÐ býður í dag, í sam-
starfi við Heimsferðir, áskrifendum sínum
tilboð á ferð til Kúbu, en tilboðið er aug-
lýst á miða sem festur er á forsíðu blaðs-
ins. Ferðin verður farin 22. febrúar næst-
komandi en í boði er gisting á vinsælum
gististöðum á Varaderoströndinni eða í
Havanaborg.
Að sögn Finns Orra Thorlacius, áskrift-
arstjóra Morgunblaðsins, stendur til að
fjölga tilboðum til áskrifenda Morgun-
blaðsins í framtíðinni. „Við ætlum að
gleðja áskrifendur með frábærum til-
boðum,“ segir Finnur Orri. Þau verði
gjarnan birt á miðum á forsíðu blaðsins en
um verði að ræða tilboð af ýmsu tagi. „Við
höfum verið að bjóða tveir fyrir einn í bíó
en þetta mun aukast mjög. Við vonumst til
að þetta falli áskrifendum mjög vel í geð,
en þeir mega eiga von á góðum tilboðum
út árið,“ segir hann.
Tilboðum til
áskrifenda fjölgað