Morgunblaðið - 13.02.2007, Side 20

20 ÞRIÐJUDAGUR 13. FEBRÚAR 2007 MORGUNBLAÐIÐ
AKUREYRI
LANDIÐ
Djúpivogur | Sveitarstjórn Djúpa-
vogshrepps býst nú til að grípa til
mótvægisaðgerða vegna erfiðs
reksturs sveitarfélagsins. Hagræða
á í rekstri, beita niðurskurði og
ganga hart eftir því að íbúar sem
sannanlega hafa atvinnu, starfsstöð
og/eða aðsetur á Djúpavogi hafi
lögheimili sitt þar. Á það m.a. við
um sóknarprest Djúpavogsmanna
sem hefur haft lögheimili og aðset-
ur í Heydölum í Breiðdal sl. 16 ár.
Í nýlegri fundargerð sveitar-
stjórnar Djúpavogshrepps segir
m.a. „… taldi hann ekki lengur hjá
því komist að þrýsta á um að þessu
opinbera embætti yrði sinnt af
presti með búsetu og lögheimili
hér. Aðrir sveitarstjórnarmenn
tóku undir málið og styðja frum-
kvæði oddvita, enda snýst það ekki
um hver gegnir embættinu, heldur
á hvern hátt búsetu viðkomandi er
varið.“
Í framhaldi var sr. Sjöfn Jóhann-
esdóttur, sóknarpresti Djúpavogs-
prestakalls, sent formlegt erindi
um búsetumál, þjónustu við íbúa
Djúpavogs og umhirðu prestsset-
ursins í þorpinu. Djúpavogshrepp-
ur hefur ekki fengið formlegt svar
til baka en þó að borist afrit bréfs
frá 16. janúar sl. til skrifstofustjóra
Þjóðskrár, þar sem sr. Sjöfn óskar
eftir að lögheimili hennar verði flutt
að prestssetrinu á Djúpavogi og
vísað til laga um starfshætti kirkj-
unnar um skyldu til að hafa lög-
heimili í prestakalli því sem prestur
þjónar.
Undir Djúpavogsprestakall
heyra Berufjarðarsókn, Berunes-
sókn, Djúpavogssókn og Hofssókn
og þjónar sr. Sjöfn þessu svæði.
Hún er gift sóknarpresti Heydala-
prestakalls, sr. Gunnlaugi S. Stef-
ánssyni. Sambúðarlög kveða á um
að hjón skuli hafa sama lögheimili
og skarast því í þessu tilfelli við lög
kirkjunnar um að prestur skuli
hafa lögheimili og aðsetur í presta-
kalli sínu. Sr. Sjöfn kaus að tjá sig
ekki opinberlega um málið en skv.
heimildum Morgunblaðsins mun
hún ekki fráhverf því að flytja á
Djúpavog fáist fram breyting á lög-
heimili hennar hjá Þjóðskrá, en
slíks munu þó fá ef nokkur dæmi.
Í samtali við oddvita Djúpavogs-
hrepps, Andrés Skúlason, kom
fram að sóknarprestur greiði ekki
skatta og skyldur af embættinu til
Djúpavogshrepps þrátt fyrir að í
lögum um starfshætti þjóðkirkj-
unnar og í lögum um prestssetur
segi að presti sé lögboðið að hafa
aðsetur og lögheimili á staðnum.
Hafi sveitarfélagið orðið af tekjum
sem nemi á bilinu 10 til 12 millj-
ónum króna vegna þessa síðan
presturinn tók við sókninni og
sveitarfélagið verið hlunnfarið af
ríkisvaldinu vegna þjónustu sókn-
arprests á Djúpavogi.
„Þá er þjónusta prestsins við
sóknarbörnin fjarri því að vera með
eðlilegum hætti þar sem fjarvera
prestsins er of mikil frá staðnum til
að hægt sé að mynda eðlileg tengsl
milli íbúa og sóknarprests,“ segir
Andrés og bætir við að viðhaldi
prestsbústaðsins á Djúpavogi hafi
ekki verið sinnt með eðlilegum
hætti þar sem sóknarprestur haldi
lögheimili sitt í öðru sveitarfélagi.
„Sr. Sjöfn hefur frest til 1. mars
til að ganga frá lögheimils- og að-
setursskiptum og verði þeirri kröfu
ekki mætt áskilur sveitarfélagið sér
rétt til að leita frekari réttar síns í
málinu,“ segir Andrés.
Spurt hvort sóknarpresti beri að fara að sambúðar- eða kirkjulögum
Vilja sóknarprest sinn úr
Heydölum yfir á Djúpavog
Morgunblaðið/Andrés Skúlason
Búseta Djúpavogsbúar vilja að sóknarprestur þeirra hafi lögheimili og
aðsetur að Steinum 1; prestssetrinu á Djúpavogi fyrir miðri mynd.
Í HNOTSKURN
» Sveitarstjórn Djúpavogs-hrepps krefst þess að sókn-
arprestur Djúpavogs-
prestakalls flytji lögheimili sitt
fyrir 1. mars nk. til prestsset-
ursins á Djúpavogi og greiði
þar skatta og skyldur.
» Umræddur sóknarpresturhefur haft lögheimili og að-
setur í Heydölum í Breiðdal sl.
16 ár, enda giftur sóknarpresti
Heydalaprestakalls.
» Sambúðarlög segja að hjónskuli hafa sama lögheimili
en lög kirkjunnar að sókn-
arprestur hafi lögheimili og að-
setur í prestakalli sínu. Skarast
lögin því í þessu tilfelli.
Fjarðabyggð | Hafnarstjórn Fjarðabyggð-
ar hefur samþykkt að ráða Kristófer
Ragnarsson sem framkvæmdastjóra
Fjarðabyggðarhafna. Kristófer hefur und-
anfarið starfað sem skrifstofustjóri hjá
Malarvinnslunni á Egilsstöðum og áður
sem rekstrarstjóri Vöruhúsa Samskipa hf.
og ráðgjafi hjá Þróunarstofu Austurlands.
Kristófer mun hefja störf í marsmánuði.
Jafnframt samþykkti hafnarstjórn að
ráða Rúnar Jónsson sem hafnsögumann
með starfsstöð í Eskifjarðarhöfn og Þórð
Sveinsson skipstjóra og Óskar Sverrisson
vélstjóra á dráttarbát sem gera á út frá
Reyðarfjarðarhöfn. Mikil aukning hefur
orðið á hafnastarfsemi með vaxandi um-
svifum í Mjóeyrarhöfn á Reyðarfirði.
Hafnastjóri ráðinn
í Fjarðabyggð
Kárahnjúkar | Vinnueft-
irliti ríkisins hefur ver-
ið sent erindi þar sem
yfirtrúnaðarmaðurinn
við Kárahnjúkavirkjun,
Oddur Friðriksson, tel-
ur að rútubílstjórar á
vegum fyrirtækisins GT
verktaka vinni lengri
vinnutíma en launað sé
fyrir. Bílstjórarnir eru
15 talsins og munu ein-
hverjir þeirra vinna töluvert lengri vinnu-
dag en borgað er fyrir, þ.e. að verkefni
eins bílstjóra geta dreifst á vel á annan tug
klukkustunda þó að biðtímar milli þeirra
nemi talsverðum hluta tímans.
Kvartanir bárust til yfirtrúnaðarmanns-
ins í fyrra og í kjölfarið ákvað hann að fá
úr málinu skorið hjá Vinnueftirlitinu sem
taldi þá málin í lagi. Áfram hafa borist
kvartanir og á nú aftur að grennslast fyrir
um hvort vinnutímatúlkun GT verktaka
standist.
Vinnueftirlitið
skeri úr um
vinnutíma hjá GT
Fólksflutningar á
Kárahnjúkum.
ÞRÍR starfsmenn verða brátt ráðnir til þess að
mynda dagblöðin Tímann, Þjóðviljann og Al-
þýðublaðið frá upphafi til enda, og Dag að auki,
en blaðið, sem gefið var út á Akureyri, var
lengst af vikublað en dagblað síðustu árin sem
það kom út. Ný vinnslulína verður sett í Amts-
bókasafninu vegna þessa, safnið útvegar mynd-
efnið og húsnæði en Landsbókasafn Íslands –
Háskólabókasafn greiðir launin.
Sigrún Björk Jakobsdóttir, bæjarstjóri á Ak-
ureyri, og Sigrún Klara Hannesdóttir lands-
bókavörður undirrituðu í gær samstarfssamn-
ing vegna verkefnisins og er stefnt að því að öll
nefnd blöð verði aðgengileg á stafrænu formi á
Netinu innan þriggja ára. Vinna hefst við það
verkefni í byrjun næsta mánaðar.
Stafrænt þjóðbókasafn
Undanfarin ár hefur Landsbókasafn Íslands
– Háskólabókasafn unnið að því að setja Morg-
unblaðið á stafrænt form og nú geta allir lands-
menn lesið það á Netinu, allt frá stofnun blaðs-
ins 1913. Búið er að mynda
Lögberg-Heimskringlu svo og öll íslensk tíma-
rit og dagblöð sem gefin voru út fram til 1920
og er síðufjöldi stafrænna gagna sem eru að-
gengileg á Netinu kominn talsvert á aðra millj-
ón.
Tilgangurinn með samningnum sem undir-
ritaður var í gær er að flýta þróun stafræns
þjóðbókasafns með því að setja upp nýja
vinnslulínu til stafrænnar endurgerðar og auka
með því vinnsluhraðann við yfirfærslu á prent-
uðu efni í stafrænt form og færslu þess á Netið.
„Með þessu verkefni færist Ísland nær því að
verða ein fyrsta þjóð í heimi til að gera mest-
allan sinn prentaða menningararf aðgengileg-
an um Netið – og það er menningarlegt metn-
aðarmál að svo verði, til að þess að fólk geti
skoðað allt þetta efni og lesið,“ sagði Sigrún
Klara við Morgunblaðið í gær. Hún telur í
gamla prentaða efninu ómetanlegan fjársjóð
sem nú verður opnaður fyrir almenningi, allri
þjóðinni að kostnaðarlausu.
Fjárveiting fékkst frá Alþingi til þriggja ára
til að vinna verkið og sagði Sigrún Klara í gær
að Akureyri hefði verið talin ákjósanlegur stað-
ur til þess að setja upp nýja vinnslulínu þar sem
Amtsbókasafnið á Akureyri ætti öll umrædd
blöð í prentuðu formi. Morgunblaðið er allt
komið á Netið, sem fyrr segir, og fyrirtækið 365
hefur nú samið við Landsbókasafnið um að
dagblöð fyrirtækisins verði sett á Netið; þar er
átt við Fréttablaðið en auk þess gamla DV,
Dagblaðið og Vísi.
„Þegar búið var að semja við 365 fannst okk-
ur greið leið til þess að tala við alþingismenn
um að við yrðum að koma hinum blöðunum á
Netið líka og fengum þriggja ára fjárveitingu
til þess að ráðast í verkið. Þessi blöð eru öll
hætt að koma út en í þeim var mjög merkileg
pólitísk umræða alla 20. öldina, sem auðvitað er
engin hemja að sé ekki til á Netinu. Það er mjög
dýrmætt að geta fylgst með þjóðfélagsþróun-
inni og dagblöðin eru okkar helsti miðill og upp-
lýsingabrunnur fyrir pólitíska umræðu alla síð-
ustu öld. Svo má ekki gleyma því, sem mér var
bent á nýlega, að það er mikilvægt gagnvart
rannsóknum á íslensku máli að hafa aðgang að
dagblöðunum. Málfræðingar hugsa sér gott til
glóðarinnar að geta borið saman umræðuna í
mismunandi blöðum um sömu málin; hvers
konar orðanotkun var í gangi!
Ég held því, hvernig sem á það er litið, að það
sé afskaplega skemmtilegt og merkilegt verk-
efni að koma þessum hluta menningararfsins á
Netið.“
Grænland og Færeyar
Starfsmenn Landsbókasafn Íslands – Há-
skólabókasafns vinna um þessar mundir við að
koma grænlenskum og færeyskum dagblöðum
á stafrænt form til þess að koma þeim á Netið,
að sögn Sigrúnar Klöru. „Við erum að þróa
stafrænt þjóðbókasafn bæði fyrir Færeyinga
og Grænlendinga,“ sagði hún og segir það sér-
staklega ánægjuleg verkefni. Hún segir því
næg verkefni framundan á þessu sviði, og þeg-
ar sé búið að forgangsraða. „Þegar við verðum
búin að ganga frá öllum blöðum 365 og höfum
lokið við grænlenska verkefnið og það fær-
eyska ætlum við okkar að fara í handritin. Við
höfum augastað á sérstöku handritasafni þar
sem er mikið myndefni, sem við ætlum að setja
á Netið, en þar verður reyndar r ekki hægt að
bjóða upp á textaleit því þar er um handskrifað
efni að ræða. Síðan ætlum við að fara í bækur
sem gefnar voru út frá 1534 til 1844. Og ef við
höldum áfram að mynda um það bil 30 þúsund
síður á mánuði fyrir sunnan og annað eins verð-
ur gert hér þá saxast hratt á efnið. Allur arf-
urinn skal komast á Netið, þótt það taki nokkur
ár!“ sagði Sigrún Klara.
Hólmkell Hreinsson, amtsbókavörður á Ak-
ureyri, er ánægður með verkefnið. „Þetta
skiptir miklu máli; það að fá þrjú ný störf, líka
upp á slit á blöðunum og vegna aðgengis – nú
verða þessi blöð aðgengileg öllum, alls staðar.“
Hólmkell sagði að líklega yrði byrjað á því að
mynda Dag og ef vel gengi yrði hann aðgengi-
legur á Netinu, frá fyrsta útgáfudegi til hins
síðasta, eftir um það bil þrjá mánuði.
Gömlu dagblöðin öll á Netið
Morgunblaðið/Skapti Hallgrímsson
Eftir Skapta Hallgrímsson
skapti@mbl.is
SEGJA má að Sigrún Björk Jakobsdóttir, nú-
verandi bæjarstjóri á Akureyri og bæj-
arfulltrúi Sjálfstæðisflokksins, hafi snemma
tengst sveitarstjórnarmálum, þótt með óbein-
um hætti hafi verið í fyrstu. Hún fæddist 23.
maí 1966 og þegar möppu með dagblaðinu
Tímanum var í gamni flett á Amtsbókasafninu
á Akureyri í gær kom í ljós að Sigrún fæddist
á mánudegi. Blaðið kom því ekki út þann dag
en daginn eftir var risastór fyrirsögn á tveim-
ur hæðum yfir þvera forsíðuna: „Stórfelld
fylgisaukning Framsóknarflokksins“ en kosið
hafði verið til sveitarstjórna hér á landi á
sunnudeginum, daginn áður en Sigrún fædd-
ist. „Þetta vissi ég ekki, örlögin hafa kannski
ráðist strax á fyrsta degi,“ sagði hún og brosti
í gær þegar þær nöfnur, hún og Sigrún Klara
Hannesdóttir landsbókavörður, skoðuðu
þessa gömlu möppu.
Sigrún tengdist
snemma sveitar-
stjórnarmálum!