Morgunblaðið - 13.02.2007, Blaðsíða 43

MORGUNBLAÐIÐ ÞRIÐJUDAGUR 13. FEBRÚAR 2007 43
menning
Vissir þú að Ricky Gervaisvar einu sinni umboðs-maður hljómsveitarinnar
Suede? Vissir þú einnig að Gerv-
ais var annar liðsmanna hljóm-
sveitarinnar Seona Dancing sem
sló í gegn á Filippseyjum árið
1985?
  
Ricky Gervais fæddist í Bret-landi árið 1961. Hann lærði
líffræði á háskólastigi í London
en útskrifaðist með gráðu í sál-
fræði. Tónlistin átti samt hug
hans allan á þessum árum og
hann var sem fyrr segir liðs-
maður nýrómantísku sveitarinnar
Seona Dancing. Smáskífur sveit-
arinnar urðu tvær talsins, „Bitter
Heart“ og „More To Lose“, en
hvorug þeirra komst inn á topp
40 á smáskífulistanum í Bret-
landi. Sú síðarnefnda átti reynd-
ar talsverðu fylgi að fagna á Fil-
ippseyjum árið 1985, ári eftir að
hljómsveitin lagði upp laupana,
svo ekkert varð af tónleikaferð
austur á bóginn til að fylgja vin-
sældunum eftir.
  
Á leið sinni að því að verðaeinn virtasti og vinsælasti
gamanleikari Breta vann Gervais
ýmis störf. Hann sá meðal annars
um umboðsstörf fyrir hljómsveit-
ina Suede í skamman tíma áður
en hann var ráðinn á útvarps-
stöðina X-FM í London. Þar
kynntist hann Steve Merchant,
sem átti síðar eftir að verða hans
helsti samstarfmaður.
  
Gervais hóf feril sinn í sjón-varpi árið 1998 þegar hann
var einn handritshöfunda Jim
Tarvaré Show. Tarvaré sjálfur
var svo ánægður með Gervais að
hann bauð honum hlutverk í
hverjum einasta þætti þáttarað-
arinnar. Þar vakti Gervais at-
hygli í hlutverki sínu sem hrein-
skilni pabbinn; faðir sem syngur
óhugnanlega hreinskilnislegar
vögguvísur fyrir son sinn á
kvöldin.
  
Hinn brjóstumkennanlegi enfullkomlega óþolandi skrif-
stofustjóri David Brent leit svo
dagsins ljós árið 2001 þegar
fyrsti þáttur The Office var sýnd-
ur í Bretlandi. Þættirnir eru hug-
arfóstur þeirra Gervais og
Merchants og svo vinsæll varð
Brent að kostulegur dans hans í
einum þáttanna var af þúsundum
manna valinn eftirminnilegasta
atriði sjónvarpssögunnar, og
skákaði þar tunglgöngunni og
falli Berlínarmúrsins.
Í kjölfarið fylgdu svo Extras,
þar sem Gervais bregður sér í
hlutverk aukaleikara í harki fyrir
hið stóra hlutverk. Fjölmargir
þekktir leikarar og tónlistarmenn
leika sjálfa sig í þáttunum og
gera stólpagrín að sér og kvik-
myndabransanum. Að öðrum
ólöstuðum er Merchant þó stjarna
þáttanna sem hinn vita gagns-
lausi umboðsmaður. Sjónvarpið
hóf í vikunni að sýna nýjustu
þáttaröðina af Extras.
  
Gervais hefur verið iðinn viðað afþakka boð um að leika í
stórmyndum frá Hollywood.
Hann segir ástæðuna meðal ann-
ars þá að hann langi miklu frekar
til að skrifa og leikstýra.
„Mig langaði ekkert til að
hanga inni á hótelherbergi í Los
Angeles í níu vikur til að leika í
atriði sem tekur tvær mínútur að
sýna,“ sagði Gervais meðal ann-
ars spurður hvers vegna hann
hefði afþakkað hlutverk í Pirates
of the Caribbean.
Í viðtali við BBC fyrir hálfu
öðru ári má lesa mikinn metnað
Gervais fyrir starfi sínu. Hann
langar ekki að „koma fyrir sem
fyndni brytinn í tíu bíómyndum“
á kostnað þess að skapa eitthvað
sjálfur, eitthvað sem hann getur
verið stoltur af og skilið eftir sem
arfleifð sína.
Gervais hefur þó ekki látið
Bandaríkjamarkað alveg eiga sig.
Hann er meðal annars eini gesta-
leikarinn í The Simpsons sem
einnig hefur skrifað þann þátt
sem hann leikur í. Hann er einnig
fyrsti Bretinn sem skrifar handrit
að Simpson-þætti.
  
Þá er ótalið uppistand Gervais:Politics, Animals og nú síðast
Fame, sem Gervais sýnir nú í
heimalandinu fyrir fullu húsi.
Tvennt það fyrrnefnda er mjög
vel heppnað og bráðfyndið grín
um stjórnmálasöguna og dýrarík-
ið. Einnig liggja eftir Gervais
tvær barnabækur um Flanimals,
hóp ófrýnilegra vera.
  
Um framtíðarverkefni sagðiGervais í viðtali við Marie
Claire á dögunum:
„Við Steve höfum gengið með
hugmynd að þáttum í maganum í
um fjögur ár. Þeir segja frá hópi
fólks á þrítugsaldri árið 1970.
Þau búa í smábæ sem kynlífsbylt-
ingin hefur enn ekki náð til og
fyrirbærið „ungmenni“ er ekki
til.“
Eftirminnilegasti dansari sjónvarpssögunnar
Fyndinn Ricky Gervais hefur verið í fylkingarbrjósti hinnar „nýju“ bresku
fyndni sem farið hefur sigurför um heiminn á undanförnum misserum.
AF LISTUM
Birta Björnsdóttir
» Þar vakti Gervais at-hygli í hlutverki sínu
sem hreinskilni pabb-
inn; faðir sem syngur
óhugnanlega hreinskiln-
islegar vögguvísur fyrir
son sinn á kvöldin.
birta@mbl.is
10.02.2007
2 18 26 29 35
0 4 2 0 4
4 8 1 1 6
8
07.02.2007
1 14 30 35 38 40
215 36
ÞAÐ GENGUR á með verð-
launahátíðum í kvikmyndageiranum
þessar vikurnar og á sunnudags-
kvöldið voru bresku kvikmyndaverð-
launin, BAFTA, afhent í London.
Það kom trúlega fáum á óvart að
þau Forrest Whitaker og Helen Mir-
ren voru verðlaunuð fyrir bestan leik
í aðalhlutverki fyrir leik sinn í mynd-
unum Last King of Scotland og The
Queen. Bættu þau þar með BAFTA-
styttunni í sístækkandi safn verð-
launagripa og eftir góða vertíð þykir
ekki ólíklegt að Óskarsverðlaunin
verði einnig þeirra í lok mánaðarins.
Svo sigurstrangleg var Mirren tal-
in fyrir afhendinguna á sunnudag að
keppinautar hennar veðjuðu á að
verðlaunin yrðu hennar.
„Það er enginn möguleiki á því að
ég fari heim með verðlaunin í kvöld,“
sagði Dame Judi Dance, sem einnig
var tilnefnd sem besta leikkona í að-
alhlutverki.
„Ég er mikið fyrir veðmál og ég
myndi veðja háum upphæðum á
Mirren í kvöld.“
Besta myndin var valin The Queen
en besta breska myndin þótti The
Last King of Scotland. Það vakti hins
vegar athygli að myndirnar voru
báðar tilnefndar í báðum flokkum.
Alan Arkin var valinn besti leikari
í aukahlutverki fyrir hlutverk sitt
sem afinn í Little Miss Sunshine og
Jennifer Hudson var valin besta leik-
kona í aukahlutverki fyrir Dreamg-
irls.
Leikstjórinn Paul Greengrass
þótti svo fremstur meðal jafningja í
flokknum leikstjóri ársins en verð-
launin hlaut hann fyrir mynd sína
United 93.
Eva Green fékk svo sérstök verð-
laun sem veitt eru ár hvert ungum og
upprennandi leikara. Green lék með-
al annars í nýjustu Bond-myndinni,
Casino Royale.
Þetta var í 60. sinn sem BAFTA-
verðlaunin voru afhent en hátíðinni
hefur vaxið fiskur um hrygg und-
anfarin ár. Þau hafa verið veitt rétt á
undan Óskarsverðlaununum frá
árinu 2001.
Drottningin og
konungurinn héldu
uppteknum hætti
Helen Mirren og Forrest Whitaker
verðlaunuð fyrir leik á BAFTA-hátíðinni
Reuters
Vinir Leikstjórinn Pedro Almodov-
ar og eftirlætis leikkonan hans,
Penelope Cruz, mættu saman.
Efnileg Eva Green þykir upprenn-
andi stjarna og fékk verðlaunagrip.
Fengsæll Forrest Whitaker var valinn besti leikari í aðalhlutverki.
James Bond Daniel Graig lét sig
ekki vanta en mynd hans Casino
Royale var tilnefnd til níu verð-
launa að þessu sinni.
Leikkonan Helen Mirren bregður á
leik með BAFTA-grímuna sína.
Töff Leikstjórinn Stephen Frears
skartaði eldrauðum strigaskóm á
rauða dreglinum.