Morgunblaðið - 19.05.2007, Síða 22

22 LAUGARDAGUR 19. MAÍ 2007 MORGUNBLAÐIÐ
SUÐURNES
Eftir Helga Bjarnason
helgi@ mbl.is
Keflavíkurflugvöllur | Keilir mun
hafa milligöngu um útleigu á íbúð-
um fyrir nemendur háskóla á höf-
uðborgarsvæðinu. Í ágúst gefst
stúdentum kostur á stórum íbúðum
á þessu svæði, við lægra verði en al-
mennt þekkist. Stefnt er að leigu
300 íbúða í haust þannig að á gamla
varnarliðssvæðinu verði 500 íbúar
næsta vetur. Íbúðirnar og önnur að-
staða á nýja háskólasvæðinu verður
kynnt á morgun, sunnudag.
Keilir, nýstofnuð miðstöð vísinda,
fræða og atvinnulífs, er að byggja
upp alþjóðlegt háskólanám í gömlu
herstöðinni á Keflavíkurflugvelli.
Byrjað verður með frumgreinadeild
og flugakademíu í haust og verið að
undirbúa meira háskólanám, ekki
síst alþjóðlegt, á næstu árum. Fé-
lagið fær til afnota húsnæði hjá Þró-
unarfélagi Keflavíkurflugvallar.
Fyrsta veturinn verður Kapella
ljóssins notuð fyrir starfsemina en
síðan fær félagið meira kennsluhús-
næði.
1.500 manna hverfi
Samkomulag hefur orðið um að
Keilir annist útleigu á hluta af þeim
íbúðum sem staðið hafa ónotaðar frá
því varnarliðið fór en eignirnar eru í
umsjá Þróunarfélags Keflavíkur-
flugvallar. Þær verða leigðar nem-
endum og starfsfólki Keilis og há-
skólanemum af höfuðborgar-
svæðinu. Runólfur Ágústsson,
framkvæmdastjóri Keilis, gerir sér
vonir um að hægt verði að leigja út
300 íbúðir í haust og þar verði þá
um 500 íbúar næsta vetur. Hann
segir þó að þetta ráðist af eftir-
spurninni. Á háskólasvæðinu eru
alls 1000 íbúðir og þegar þær verða
allar komnar í notkun sem ætti að
gerast á næstu 3 til 5 árum verður
þarna orðið til um 1500 manna
íbúðahverfi.
„Við erum að byggja upp alþjóð-
legan háskóla. Til þess að það sé
hægt þurfum við á næstu árum að
búa til ákveðið háskólasamfélag með
nauðsynlegri þjónustu við íbúana.
Með því að leigja íbúðirnar háskóla-
nemendum af höfuðborgarsvæðinu
erum við að flýta þessari uppbygg-
ingu. Það skapast fyrr grundvöllur
fyrir þeirri þjónustu sem þarf að
vera í svona háskólasamfélagi,“ seg-
ir Runólfur þegar hann er spurður
um ástæður þess að Keilir tekur að
sér það verkefni að leigja íbúðirnar
nemendum annarra skóla.
Hann segir einnig að góður
grundvöllur ætti að vera fyrir þess-
ari starfsemi vegna skorts á stúd-
entaíbúðum á höfuðborgarsvæðinu.
Íbúðirnar eru stórar og vel búnar og
verða, að sögn Runólfs, boðnar í
upphafi á lægra verði en hjá Fé-
lagsstofnun stúdenta og innifalið í
leigunni eru endurgjaldslausar
strætisvagnaferðir á milli Keflavík-
urflugvallar og háskólanna í
Reykjavík og netaðgangur. Sem
dæmi má nefna að 3 herbergja, 94
fermetra íbúð, kostar tæplega 49
þúsund á mánuði og stúdíóíbúð lið-
lega 30 þúsund.
Bjóða háskólanemum
íbúðir á vallarsvæðinu
Morgunblaðið/Sverrir
Minjar Bandaríkjaher skildi eftir
aðstöðu fyrir heilt háskólaþorp.
Í HNOTSKURN
»Keilir, Þróunarfélag Kefla-víkurflugvallar og Reykja-
nesbær standa fyrir opnu húsi á
Keflavíkurflugvelli á morgun,
sunnudag, kl. 14 til 17. Er þetta
í fyrsta skipti sem almenningi
gefst kostur á að heimsækja
varnarsvæðið.
»Gestir geta skoðað íbúðir ogaðra aðstöðu, svo sem
íþróttahús, sundlaug, leikvelli
og skólahúsnæði.
»Kynnt verður nám á vegumKeilis, frumgreinadeild og
flugakademía, og tekið við um-
sóknum um nám og leiguíbúðir.
Þá verða veittar upplýsingar
um þjónustu Reykjanesbæjar,
meðal annars skóla og tóm-
stundastarf.
STARFSMENN Keilis verða fyrstu
íbúarnir sem flytja í íbúðir á fyrrver-
andi varnarsvæði á Keflavík-
urflugvelli, eftir að varnarliðsfólk
fór til síns heima. Á næstu vikum fer
smá líf að færast í draugaþorpið og
stefnt er að því að í haust verði þar
fimm hundruð íbúar í stúd-
entaíbúðum og iðandi mannlíf.
„Mér líst vel á þetta. Það er vel
tekið á móti okkur hér í Reykja-
nesbæ. Þeir eru glaðir að fá fólk í
sveitarfélagið og allir eru boðnir og
búnir að láta þetta ganga vel,“ segir
Hrafnhildur Valdimarsdóttir, starfs-
maður Keilis, miðstöðvar vísinda,
fræða og atvinnulífs, sem er að flytja
inn í íbúð á Keflavíkurflugvelli.
Vinnufélagi hennar, Steinunn Eva
Björnsdóttir, er einnig að flytja inn
en báðar koma þær frá Bifröst.
Hrafnhildur og Steinunn Eva eru
báðar með fjölskyldu, börn á leik-
skóla- og grunnskólaaldri. Steinunn
segir að það hafi komið þeim á óvart
hvað Reykjanesbær sé fjöl-
skylduvænn bær, mikil áhersla lögð
á málefni fjölskyldunnar. Hrafnhild-
ur segir að íþróttir og aðrar tóm-
stundir barnanna séu skipulagðar á
daginn, eftir skóla, þannig að for-
eldrarnir geti verið með börnunum
eftir vinnu. Steinunn bætir því við að
þetta sé mikill kostur fyrir vænt-
anlega íbúa í háskólahverfinu.
Steinunn og Hrafnhildur telja að
nóg verði um að vera fyrir börnin
þeirra í sumar, þótt fáir leikfélagar
verði fyrstu vikurnar. Þarna sé
ágætis leikaðstaða og svo sé stutt til
Keflavíkur.
Þær eru ánægðar með íbúðirnar
sem Keilir fær til endurleigu til stúd-
enta. Segja að þær séu rúmgóðar og
vel búnar tækjum. Þannig séu eld-
húsin stór og ekki spilli fyrir að fá
aðgang að breiðum amerískum ís-
skáp. „Þetta verður mikill munur
fyrir námsfólk sem oft býr þröngt að
fá þetta rými. Svo er líka gott að vita
af börnunum í nágrenninu og fyrir
börnin að geta gengið að foreldr-
unum vísum á staðnum,“ segir Stein-
unn Eva.
Morgunblaðið/Helgi Bjarnason
Innflytjendur Steinunn Eva Björnsdóttir og Hrafnhildur Valdimarsdóttir
eru ánægðar með leikaðstöðu fyrir börn í nýja háskólaþorpinu.
Fyrstu íbúarnir í
nýju háskólahverfi
AKUREYRI
KEA úthlutaði í gær styrkjum í tveimur flokkum Menn-
ingar- og viðurkenningarsjóðs félagsins. Úthlutað var
tæpum 4 milljónum kr. samtals, til 22 einstaklinga og fé-
laga.
Annars vegar er um að ræða styrki sem veittir eru
ungu afreksfólki á sviði mennta, lista og íþrótta. Styrk-
irnir komu í hlut fjórtán einstaklinga, 225 þúsund eða
125 þúsund á mann.
Hins vegar er um að ræða íþróttastyrki. Var þeim út-
hlutað til átta einstaklinga og félaga. Hæsti styrkurinn,
500 þúsund kr., kom í hlut Nökkva, félags siglingamanna
á Akureyri, til kaupa á seglbátum og til að bæta aðstöðu.
Alls sóttu 29 um íþróttastyrkina og 49 um styrki í
flokki ungs afreksfólks.
Halldór Jóhannsson, framkvæmdastjóri KEA, afhenti
styrkina við athöfn í gær.
Ljósmynd/Kristján
Stuðningur Styrkþegar ásamt Halldóri Jóhannssyni framkvæmdastjóra og Hannesi Karlssyni stjórnarformanni.
KEA styrkir ungt afreksfólk
BLÓÐBANKANUM í Reykjavík hef-
ur verið falið að hafa umsjón með
blóðbankastarfsemi á Fjórðungs-
sjúkrahúsinu á Akureyri og tekur
breytingin í gildi í þessum mánuði.
Af því tilefni verður blóðsöfnun í
blóðbankabíl Blóðbankans á Norð-
urlandi næstu daga.
Byrjað verður á Dalvík þriðjudag-
inn 22. maí, kl. 11.30 til 17, og síðan
verður bíllinn á Glerártorgi á Ak-
ureyri á miðvikudag og fimmtudag,
kl. 11 til 17. Í næstu viku verður
blóði safnað á Sauðárkróki og
Blönduósi. Bíllinn verður á Sauð-
árkróki á þriðjudag og fram á mið-
vikudag og á Blönduósi á miðviku-
dag.
Vorsýning
Myndlistar-
skólans
ÞRÍTUGASTA og þriðja starfsári
Myndlistaskólans á Akureyri lýkur
með sýningu á verkum nemenda um
helgina. Sýningin verður í húsnæði
skólans að Kaupvangsstræti 16.
Sýnd verða verk nemenda for-
námsdeildar, listhönnunar- og fag-
urlistadeildar. Þar gefur að líta sýn-
ishorn af því helsta sem nemendur
hafa verið að fást við í myndlist og
hönnun á þessu skólaári.
Ellefu nemendur útskrifast úr sér-
námsdeildum skólans, Aðalbjörg
Kristjánsdóttir, Ása Ólafsdóttir,
Charlotta Þorgils, Sigurlín Margrét
Grétarsdóttir, Steinn Kristjánsson,
Steinunn Ásta Eiríksdóttir, Svein-
björg Ásgeirsdóttir, Berglind Gunn-
arsdóttir, Hjalti Jónsson, María Haf-
steinsdóttir og Petra Sæunn
Heimisdóttir.
Einnig verða sýnd verk eftir nem-
endur sem voru á barna- og ung-
linganámskeiðum á vorönn. Sýn-
ingin verður opin á milli kl. 14 og 18
á laugardag og sunnudag.
Sagt frá
áherslum
Amnesty
ÍSLANDSDEILD Amnesty Internat-
ional efnir til námskeiðs á Akureyri í
dag, í húsnæði Símenntunarmið-
stöðvar Eyjafjarðar við Þórsstíg 4.
Námskeiðið stendur frá kl. 13 til 17.
Fjallað verður um sögu, uppbygg-
ingu og mannréttindaáherslur Am-
nesty International. Einnig verður
greint frá þeim herferðum og að-
gerðakostum sem í boði eru innan
Íslandsdeildarinnar.
Seinni vorsýn-
ing nemenda
Arnar Inga
SEINNI vorsýning Myndlistarskóla
Arnar Inga verður um helgina að
Óseyri 6 á Akureyri.
Fantasía er þema sýningarinnar
og er það fyrsta sýning skólans af
því tagi. Sýningunni verður fylgt eft-
ir með innsetningum og gjörningum
og ýmsu óvæntu, að sögn Arnar
Inga.
Þrjátíu nemendur sýna auk nokk-
urra gesta. Sýningin verður opin í
dag og á morgun, báða dagana frá k.
14 til 18.
Blóðbankabíll
á Norðurlandi
HJÚKRUNARFRÆÐINGAR við
Fjórðungssjúkrahúsið á Akureyri
eru ónægðir með að vera með lægri
laun en hjúkrunarfræðingar við
Landspítala – háskólasjúkrahús í
Reykjavík. Verið er að safna undir-
skriftum þeirra undir mótmælalista
sem afhentur verður framkvæmda-
stjóra sjúkrahússins næstkomandi
mánudag. Hjúkrunarfræðingar
hyggjast fjölmenna á þá athöfn.
Þóra Ester Bragadóttir, trúnað-
armaður hjúkrunarfræðinga, segir
að gefið hafi verið út að laun hjá
FSA ættu að vera þau sömu fyrir
sömu störf og laun á Landspítalan-
um. Könnun sem gerð hafi verið sýni
að laun séu lægri á FSA. Sem dæmi
um þetta nefnir hún að nýútskrif-
uðum hjúkrunarfræðingum séu boð-
in lægri laun á Akureyri.
Þóra segir að hjúkrunarfræðingar
vilji þrýsta á um leiðréttingu með
því að afhenda framkvæmdastjóran-
um kröfu um það. Hún segir að mjög
góð þátttaka sé í þessum aðgerðum.
Óútskýrður munur
Halldór Jónsson, framkvæmda-
stjóri Fjórðungssjúkrahússins á Ak-
ureyri, segir að ýmis gögn bendi til
þess að óskýrður munur sé á launum
hjúkrunarfræðinga á FSA og Land-
spítalanum, þótt það sé einnig óum-
deild að FSA hafi nýtt til hins ýtr-
asta heimildir sínar samkvæmt
kjarasamningum.
Segir hann eigi að síður nauðsyn-
legt að reyna að fá fullnaðarskýr-
ingar á þessum mun. Hafi verið unn-
ið að öflun upplýsinga til
undirbúnings því. Vonast hann til að
stjórnvöld líti þær upplýsingar rétt-
um augum þegar niðurstöðurnar
liggi klárar fyrir.
Mótmæla lægri launum