Morgunblaðið - 02.09.2007, Blaðsíða 4

4 SUNNUDAGUR 2. SEPTEMBER 2007 MORGUNBLAÐIÐ
FRÉTTIR
Eftir Unu Sighvatsdóttur
unas@mbl.is
SNYRTIVÖRUFYRIRTÆKIÐ
Avon er eitt það stærsta í Banda-
ríkjunum og veltir allt að 8 millj-
örðum á ári. Það er jafnframt öfl-
ugur bakhjarl kvenna um allan
heim og er m.a. einn stærsti veit-
andi örlána til kvenna, auk þess að
standa fyrir herferðum gegn heim-
ilisofbeldi, brjóstakrabbameini o.fl.
Edwina Sorkins, sölustjóri hjá
Avon, heimsótti Ísland nú fyrir
helgi og kannaði hér m.a. aðstæður
til hvataferðar fyrir duglegt starfs-
fólk.
„Við erum mjög stolt af þessu
starfi okkar og það er líka ástæða
til. Við reynum að axla félagslega
ábyrgð sem stórfyrirtæki og höfum
raunar safnað um 500 milljónum
Bandaríkjadala til ýmissa mála-
flokka.“ Avon styrkir reglulega
hjálparstarf á alþjóðavettvangi
vegna neyðartilfella, s.s. flóðbylgj-
unnar í Taílandi. Fyrst og fremst
einbeitir fyrirtækið sér þó að mála-
flokkum kvenna og hefur það að
sögn Edwinu verið stefna Avon allt
frá stofnun þess, árið 1886.
Konur starfi á eigin vegum
Sölukerfi Avon hefur orðið fyr-
irmynd margra annarra fyrirtækja,
en það byggist á persónulegu sam-
bandi milli kaupenda og sölu-
manna, sem eru yfir 5 milljón að
tölu í 120 löndum. Fyrirtækið
styrkir konur með örlánum til að
gerast sölufulltrúar, oftar en ekki
með heimasölu, og verða þar með
fjárhagslega sjálfstæðar þar sem
heimilishald og barnauppeldi væru
annars fyrirstaða. „Ég held að það
sé þetta persónulega kerfi sem hef-
ur stuðlað að velgengni okkar, og á
sama tíma gefum við konum tæki-
færi til að byggja upp sína eigin at-
vinnustarfsemi og verða sjálf-
stæðar. Við heyrum sögur alls
staðar að frá konum sem gátu
menntað börnin sín með hjálp
Avon, konum sem gátu keypt sér
hús eða bíl og svo framvegis, og
um það snýst þetta allt saman.“
Örlánastarfsemi ýmissa samtaka
beinist nú í auknum mæli til
kvenna og þykir það sýnt að þann-
ig komi lánin sér oft betur fyrir
fjölskyldur í örbirgð auk þess að
styrkja félagslega stöðu kvenna.
„Avon er einstakt að því leyti
hve mikið kvennafyrirtæki það
er. Við vinnum með og fyrir kon-
ur og þannig viljum við hafa það,
við erum með heilan her af kon-
um sem selja vörurnar okkar og
það gefur okkur brodd og sér-
stöðu.“
Í mars síðastliðnum fór Avon
svo af stað með nýjan styrkt-
arsjóð sem gengur undir nafninu
„Hello Tomorrow“ eða „Halló
morgundagur“ með það að leið-
arljósi að gefa konum von um
betri framtíð. Í hverri viku eru
veittir 5.000 dollarar úr sjóðnum
til karla og kvenna sem standa
fyrir hvers konar starfsemi eða
samfélagsþjónustu í þágu
kvenna. Meðal verkefna sem
hlotið hafa styrkinn má nefna
ókeypis tannviðgerðir fyrir fórn-
arlömb heimilisofbeldis, verkefni
til að styrkja konur úr minni-
hlutahópum til náms í stærð-
fræði og vísindum og stuðnings-
hóp sem aðstoðar kvenfanga við
að fóta sig í samfélaginu á ný.
Allt frá árinu 1992 hefur Avon
staðið fyrir herferð gegn brjósta-
krabbameini. Sjálf segist Edwina
sérstaklega áhugasöm um þann
málaflokk, ekki síst eftir að eldri
dóttir hennar greindist með
brjóstakrabbamein. Avon styrkir
félög um brjóstakrabbamein í
um 50 löndum, en stendur líka
árlega fyrir maraþongöngu í
helstu stórborgum Bandaríkj-
anna þar sem safnað er áheitum
til styrktar rannsóknum á
brjóstakrabbameini. „Ég ætla
sjálf að fara í maraþongönguna í
New York í október. Það er
mjög ánægjuleg leið til að taka
afstöðu og safna pening um leið.“
Krabbameinsfélagið
til fyrirmyndar
Meðal þess sem Edwina gerði
í heimsókn sinni á Íslandi var að
heimsækja Krabbameinsfélagið
og kynna sér starf þess. „Það
var óvænt ánægja og ég verð að
segja að ég var mjög hrifin af
því hvernig þar er staðið að mál-
um. Þau eru mjög vel skipulögð
og ég held það mætti nota
Krabbameinsfélagið hér sem fyr-
irmynd annars staðar.“
Hún hefur þó ekki tíma til að
staldra hér lengi við því næst
liggur leiðin til Sádi-Arabíu, þar
sem Avon hefur fjölmargar sölu-
konur á sínum snærum, á áhuga-
verðum en afar erfiðum markaði
að sögn Edwinu.
Hún stefnir þó á að snúa aftur
til Íslands í febrúar 2008, og þá
með hóp duglegra dreifingaraðila
með sér. „Þetta er hluti af þeirri
stefnu okkar að vera besti stað-
urinn til að vinna á. Við viljum
verðlauna dreifingaraðilana okk-
ar fyrir frábært ár með hvata-
ferð til Íslands. Í fyrra fórum við
með þau til Höfðaborgar, og ég
hugsaði sem svo að nú yrði Ís-
land algjör andstæða.“ Edwina
segist stolt af starfinu sínu og
segist aldrei verða þreytt á
vinnunni. „Þetta er gefandi og
skemmtilegt starf. Þetta er fyr-
irtæki með langa sögu og hefur
stutt konur frá því áður en þær
fengu kosningarétt. Ég hef unnið
þarna frá því ég var 25 ára göm-
ul, en ég verð ennþá áköf og
ástríðufull þegar ég tala um
það.“
„Við reynum að axla
félagslega ábyrgð“
Morgunblaðið/Sverrir
Herferð Edwina Sorkins sölustjóri og snyrtivörufyrirtækið Avon hef-
ur í 15 ár staðið fyrir herferð gegn brjóstakrabbameini.
Vinnur í þágu kvenna jafnt með snyrtivörum sem hjálparstarfi
HIÐ íslenska biblíufélag hefur haft veg og
vanda af byggingu biblíuhúss í Konsó-héraði
í Eþíópíu, en húsið var vígt á dögunum. For-
saga málsins er sú að harðduglegir Konsó-
búar, sem unnið hafa hörðum höndum að
þýðingu Gamla testamentisins, hafa und-
anfarin ár búið við þröngan kost; hafst við í
litlu herbergi í húsi fjölskyldufólks með til-
heyrandi þrengslum og ónæði.
Félögum í Biblíufélaginu fannst aðstöðu-
leysi þeirra ótækt og efndu þeir til söfnunar
í því skyni að veita þýðendunum viðunandi
athvarf. Söfnunin tókst með afbrigðum vel.
Gáfu íslensk hjón stærstan hluta hússins en
því sem eftir stóð af söfnunarfénu var varið
til kaupa á húsgögnum og nauðsynlegum
búnaði. Þegar í stað var hafist handa við
smíði hússins sem nú hefur verið vígt og
tekið til notkunar.
Er það von Biblíufélagsins að ráðstöfunin
flýti fyrir því að Biblían öll komi út á máli
Konsómanna, en Nýja testamentið kom út á
tungumálinu árið 2002 og lagði sú þýðing í
raun grunninn að ritmáli Konsó, sem fram
að því hafði aðeins verið talað.
Jón Pálsson, framkvæmdastjóri Hins ís-
lenska biblíufélags, segir að framkvæmd-
irnar hafi ekki kostað háar fjárhæðir í aug-
um Íslendinga, sem nú til dags líti á allt í
milljónum. Upprunalega hafi verið áætlað að
kostnaðurinn yrði 550 þúsund krónur, en
lokatalan varð rúmlega helmingi hærri þar
sem ákveðið var að stækka húsið talsvert og
bæta aðstöðuna. „Þessi fjárveiting er engu
að síður mjög mikilvæg á þeirra mæli-
kvarða. Það þarf svo lítið til að hjálpa þeim
að verða sjálfbjarga og bjargálna,“ segir
Jón. Hann kveður þýðingu Gamla testa-
mentisins gríðarlega umfangsmikið verk,
sem ekki muni sjá fyrir endann á fyrr en
eftir sjö til átta ár.
Skjólshúsi
skotið yfir
biblíu-
þýðendur
Ljósmynd/Jónas Þórisson
Reifur Þýðendurnir fjórir geta nú unnið að
þýðingu Gamla testamentsins yfir á Konsó-
mál án þess að búa við mikil þrengsli.
EIRÍKUR Björgvin
Eiríksson fæddist í
Dagverðargerði í
Tunguhreppi, N-Múla-
sýslu, 16. desember
1928. Hann lést á elli-
heimilinu Grund 25.
ágúst sl.
Hann var yngstur í
hópi fjögurra systkina
en tvö komust til full-
orðinsára. Foreldrar
Eiríks voru Anna Gunn-
arsdóttir húsfreyja og
Eiríkur Sigfússon bóndi
í Dagverðargerði.
Eiríkur stundaði nám
í Eiðaskóla í tvo vetur en gerðist síð-
an fyrirvinna heimilisins og annaðist
búskapinn fram til 1967. Sinnti hann
ýmsum tilfallandi verkamanns- og
ritstörfum eftir að heilsa hans leyfði
ekki frekara búsýsl. Haustið 1975
hélt Eiríkur svo til Reykjavíkur og
gerðist bókavörður hjá Alþingi. Þeim
starfa hélt hann fram til ársins 1995
er hann hætti fyrir aldurs sakir. Ei-
ríkur var fræðimaður
af Guðs náð og sinnti
ýmsum ritstörfum og
menningarsýsli. Hann
var nafntogaður hag-
yrðingur og vel að sér
um sagnfræði og bók-
menntir; gat sér m.a.
gott orð fyrir frammi-
stöðu í spurninga-
keppni í sjónvarpi árið
1972. Þá ritaði hann
ábúendatal og sveitar-
lýsingar í ritið „Sveitir
og jarðir í Múlaþingi“,
tók saman hinar ítar-
legu nafnaskrár og
skýringar við seinni útgáfu Þjóð-
sagna Sigfúsar Sigfússonar er út
kom 1980–1985 og er höfundur að
mörgum tímaritsgreinum og út-
varpsþáttum um austfirskan fróðleik
af ýmsu tagi.
Eiríkur var ókvæntur og barnlaus.
Útför Eiríks Björgvins fer fram
frá Fossvogskapellu mánudaginn 3.
september og hefst athöfnin kl. 11.
Andlát
Eiríkur B. Eiríksson
SKEMMTANAHALD fór víðast
hvar vel fram á föstudagskvöld og
aðfaranótt laugardags og virðist sem
veðrið hafi sett þó nokkurt strik í
reikninginn þrátt fyrir útborgunar-
dag hjá flestum – sem tengt hefur
verið við mikinn eril.
Hjá lögreglunni á höfuðborgar-
svæðinu fengust þær upplýsingar að
venju samkvæmt hefði verið nokkuð
af fólki í miðborg Reykjavíkur en
engin stórmál hefðu komið upp. Til
að mynda var aðeins einn ökumaður
stöðvaður vegna gruns um ölvun við
akstur. Það telst afar lítið en að með-
altali eru á 6-9 ökumenn teknir
hverja nótt um helgi.
Lögreglan á Suðurnesjum átti þá
fremur náðuga nótt þrátt fyrir að
þar færi fram Ljósanótt. Margt fólk
tók þátt í hátíðarhöldunum sem fóru
vel fram, að sögn lögreglu. Þar var
jafnframt einn ökumaður tekinn ölv-
aður undir stýri.
Að endingu má nefna, að upp
komu fá sem engin mál á Akureyri
og Selfossi.
Afar rólegt
víðast hvar