Morgunblaðið - 02.09.2007, Síða 24
24 SUNNUDAGUR 2. SEPTEMBER 2007 MORGUNBLAÐIÐ
Eftir Ingu Rún Sigurðardóttur
ingarun@mbl.is
Leikkonan Danica McKellarkom nýverið mörgum áóvart með því að senda frásér bók um stærðfræði
sem ætluð er stelpum á grunnskóla-
aldri. McKellar hlaut frægð fyrir
hlutverk sitt í bandarísku fjölskyldu-
þáttunum The Wonder Years, sem
sýndir voru vestra á árunum 1988-
1993. Hún lék Winnie Cooper, æsku-
ást Kevins Arnold (Fred Savage).
McKellar, sem er 32 ára, hefur tekist
ágætlega upp með ferilinn síðan og
er enn að leika. Hún kom t.d. fram í
einni þáttaröð Vesturálmunnar í
hlutverki Elsie Snuffin. Til viðbótar
fór hún í háskólanám í stærðfræði við
UCLA, útskrifaðist með láði, og hef-
ur fengið birtar ritgerðir í faginu.
Mikil þörf fyrir svona bók
Í kjölfar námsins ákvað hún að
skrifa bókina Math Doesn’t Suck:
How to Survive Middle-School Math
Without Losing Your Mind or Break-
ing a Nail. Hún hefur lýst því í við-
tölum að henni hafi fundist vera mikil
þörf fyrir bók sem þessa. „Ég hafði
tekið eftir því að það var ekki sérlega
félagslega viðtekið að vera kyn-
þokkafull og glæsileg stelpa, sem líka
er klár. Mig langaði til að brjóta nið-
ur ímyndina um stærðfræðinördinn,“
sagði hún í viðtali við Und-
erGroundOnline.
McKellar ákvað að einbeita sér að
stelpum á aldrinum 9-12 ára. Hún
segir aldurinn mikilvægan og þarna
sé sjálfsmyndin í mótun. „Það er
mjög mikilvægt að ná til þeirra og
sýna þeim að það er vel hægt að
reikna, stærðfræði getur verið bæði
aðgengileg og gagnleg. Stærðfræði
er æfing fyrir heilann. Hún gerir þig
bæði sterkari og klárari.“
Vísindi og tíska
Þrátt fyrir að leikkonan hafi lengi
svarað stærðfræðispurningum les-
enda á heimasíðu sinni kom hug-
myndin að bókinni frá útgefandanum
fyrir um tveimur árum. Reyndar
fleiri en einum á sama tíma, svo
McKellar gat valið úr útgáfum. Á
þeim tíma komst McKellar í blöðin
fyrir tvennt, hún var fyrirsæta í bað-
fatamyndaseríu í Stuff Magazine á
sama tíma og vísindahluti New York
Times var með grein um ritgerð
McKellar um stærðfræðikenningu,
sem hún vonaðist til að geta sannað.
Bókin kom út í síðasta mánuði
og er McKellar oft spurð að því
hvort tímasetningin hafi verið
ákveðin í ljósi slæmrar
hegðunar smástjarna í
Hollywood. Átti bókin að
vera ákveðið andsvar við
ábyrgðarlausri hegðun, eit-
urlyfjaneyslu og akstri undir
áhrifum áfengis hjá Lindsay Loh-
an, Paris Hilton og Nicole Richie?
Hún segir það ekki vera svo, en út-
gáfudagurinn var ákveðinn fyrir einu
og hálfu ári, enda ágúst heppilegur
útgáfumánuður fyrir námstengda
bók.
Ábyrgar ákvarðanir
Hún telur þó óæskilegt að
slík hegðun fari að þykja eðli-
leg meðal unglingsstelpna.
„Ég vil vissulega leggja
mitt af mörkum til að
sýna stelpum að eftir því
sem þær þróa vits-
muni sína meira, því
betur eru þær í stakk
búnar að takast á við mik-
ilvægar ákvarðanir í lífinu. Og
vonandi taka þær betri ákvarð-
anir fyrir vikið og hugsa ekki
með sér að það sé nauðsynlegt
að vera kærulaus og óábyrgur
til þess að vera heillandi.“
Henni mislíkar að skila-
boðin sem ungar stelpur fái
séu: Það er flott að vera
heimskur. „Sjáðu bara
Jessicu Simpson. Hún er
fræg fyrir að vera
heimsk. Ég hugsa
að þetta hafi allt
byrjað með Mari-
lyn Monroe, hún
var ekkert heimsk en þannig var litið
á hana,“ sagði hún í viðtali við Wired.
Sú spurning vaknar hvort fyrr-
nefndar undirfatamyndir, en þær
snúast eins og gefur að skilja mikið
um útlitið, séu í andstöðu við þau
skilaboð sem hún er að senda frá sér
núna með stærðfræðibókinni. „Ég
skrifaði stærðfræðibókina í anda
unglingatímarita. Skilaboðin eru
ekki: Hættu að hugsa um útlitið!
Mér finnst í lagi að
vera stelpulegur
og leika sér með
förðun og
tísku. Það er
ekkert að
því svo
framarlega
sem stelpur
halda ekki að þetta sé það mik-
ilvægasta í lífinu.“
Það var hennar hugmynd en ekki
útgefanda að láta bókina líkjast ung-
lingatímariti. „Það er stjörnuspá í
henni og persónuleikapróf. Þetta er
það sem stelpurnar hafa áhuga á.“
Dæmi úr daglegu lífi
Í bandarísku stærðfræðinámsefni
eru dæmin sem notuð eru úr daglegu
lífi gjarnan tekin úr hafnabolta, sem
virðist höfða meira til stráka. Í Math
Doesn’t Suck eru dæmin tekin úr
barnagæslu, bakstri og verslunar-
ferðum. McKellar hefur verið gagn-
rýnd fyrir að ýta undir dæmigerðar
kynjamyndir með þessu en hún tekur
gagnrýninni létt. „Hvað finnst þér?
Ef mér tekst að kenna stelpum, sem
hafa gaman af því að baka og elska
tísku, að þær geti notfært sér stærð-
fræði, er ég með því að segja að stelp-
urnar eigi bara heima í eldhúsinu eða
í verslunarmiðstöðvum? Eða er ég að
sýna þeim hvernig stærðfræði er
hluti af lífi þeirra, jafnvel því sem
þær héldu að tengdist
stærðfræði alls ekki
neitt?“ sagði hún líka í
viðtalinu við Wired.
Hún hvetur stelp-
urnar til að sjá sjálfa
sig fyrir sér gangandi
niður Wall Street í
háum hælum með
flotta handtösku. „Þær þurfa að vera
í góðri vinnu til að geta leyft sér að
kaupa dýr föt og fylgihluti.“
Hún segir að með þessu móti geti
þær bæði stækkað og minnkað köku-
uppskriftir og verið í góðu starfi hjá
verðbréfamiðlun, stærðfræðikunn-
áttan geri þetta tvennt kleift.
McKellar hefur sjálf kennt stærð-
fræði og hélt árið 2000 ræðu fyrir al-
þingi í Washington um mikilvægi
kvenna í stærðfræði. „Þá var áhugi
þingmanna mikill á að fá fleiri styrki
til háskólanáms kvenna í stærðfræði.
Ég sagði þeim að ég teldi það inngrip
of seint. Tölfræðin sýnir að stelpur
missa áhugann á faginu miklu fyrr og
einkunnirnar byrja að lækka í mið-
skóla. Það verður að setja fjármuni í
uppbyggingarstarf fyrir þennan ald-
urshóp.“
Kynþokkafull og klár
Leikkonan og stærðfræðingurinn Danica McKellar vill breyta ímynd stærðfræðinnar Hún segir
ungum stúlkum að stærðfræðingar séu ekki nördar og hvetur þær áfram í leit sinni að þekkingu
Í HNOTSKURN
»Danica McKellar kom íheiminn 3. janúar 1975 í
La Jolla í Kaliforníu en fjöl-
skyldan flutti til Los Angeles
árið 1982. Hún byrjaði ung í
leiklist og hóf ferilinn í sjón-
varpsauglýsingum. Hún var
ennfremur gestaleikari í The
Twilight Zone á unga aldri en
varð á táningsaldri fræg fyrir
The Wonder Years.
»Bók hennar Math Doesn’tSuck fæst á Amazon.com á
ríflega 14 bandaríkjadali.
»Heimasíða hennar erwww.danicamckellar.com.
NÁM»
»Henni mislíkarað skilaboðin
sem ungar stelpur
fái séu: Það er flott
að vera heimskur.
Stjarna og stærðfræðingur Da-
nica McKellar segir stærðfræðinga
ekki þurfa vera nörda og hvetur
stelpur til að kynna sér fagið.
AP
» Þetta er lítið og náið sam-félag og það sýnir hvað and-
inn er góður að við viljum ekki
aðeins búa saman í Grímsey
heldur einnig fara saman í gleði-
ferðir til útlanda.
Helga Mattína Björnsdóttir , kennari og
kvenfélagskona í Grímsey sem ásamt
flestum eyjarskeggjum hélt til Costa del
Sol í vikunni.
» Best væri ef við gætum lokiðobbanum af okkar samn-
ingum fyrir jól.
Vilhjálmur Egilsson , framkvæmdastjóri
Samtaka atvinnulífsins.
» Ég var ekki alveg með á nót-unum í fyrstu skákinni, en
þetta skánaði.
Friðrik Ólafsson stórmeistari eftir að
hann tók þátt í minningarmóti um Max
Euwe í Hollandi.
» Þegar maður stendur á móti30 metra eldhafi skilur mað-
ur hvað maður er lítill í raun og
veru.
Jóhannes Lyberopoulos , sonur íslenska
ræðismannsins í Grikklandi, en þar í landi
hafa geisað einir mestu skógareldar í
heiminum síðastliðin 150 ár.
» Niðurrif í elstu hlutum borg-arinnar á auðvitað ekki að
eiga sér stað.
Margrét Hallgrímsdóttir þjóðminjavörð-
ur vegna ítrekaðra fregna af niðurrifi
gamalla húsa í Reykjavík.
» Fram til þessa hefur Íslandverið meira og minna þiggj-
andi í varnarsamstarfi vest-
rænna ríkja.
Ingibjörg Sólrún Gísladóttir utanrík-
isráðherra á málþinginu „Kapphlaupið um
norðurpólinn“, sem haldið var í tengslum
við NATO – og friðarsamstarfsæfinguna
Northern Challenge 2007.
» Þetta er nú orðið vanalegt áhaustin, þegar áætl-
unarflugferðum fer fækkandi og
vetrarskjálftinn kemur yfir.
Jóhannes Bjarni Guðmundsson , formaður
FÍA, eftir að Icelandair upplýsti að 25
flugmönnum og 39 flugfreyjum og -þjón-
um yrði sagt upp frá og með 1. desember
nk.
» Hláturinn er svo mikið með-al. Læknar ættu að gefa út
lyfseðla á miða í leikhúsið.
Steinunn Knútsdóttir , leikstjóri farsans
Líks í óskilum, sem frumsýndur var í
Borgarleikhúsinu í gær.
Ummæli
vikunnar
Afturför í húsfriðun? Heimild hef-
ur verið veitt til niðurrifs húsanna
við Laugaveg 4 og 6.
Morgunblaðið/Ásdís
Þátttökugjald kr. 1.500 með morgunverði
Allir velkomnir – skráning á www.sa.is
L O F T S L A G S S A M N I N G A R
O G A T V I N N U L Í F
A T V I N N U L Í F
O G U M H V E R F I
F U N D A R Ö Ð S A M T A K A A T V I N N U L Í F S I N S 2 0 0 7
Mánudaginn 3. september kl. 8:30-10:00
Á Grand Hótel Reykjavík – Gullteig
Morgunverður hefst kl. 8:00
Halldór Þorgeirsson
forstöðumaður hjá Loftslagsstofnun Sameinuðu
þjóðanna ræðir um stöðuna í loftslagsmálum
og áhrif alþjóðaskuldbindinga á atvinnulíf.
Hvert stefnir? Hvernig má nýta verkefni
í þróunarríkjum til að draga úr útstreymi
heima fyrir? Hvernig starfa alþjóðlegir
kolefnissjóðir? Hver verða áhrif á
orkunýtingu og orkuvinnslu Íslendinga?
Umræður og fyrirspurnir
-